ᱛᱮᱞ ᱠᱩᱯᱤ ᱵᱟᱹᱨᱱᱤ ᱜᱷᱟᱴ ᱺ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱟᱜ ᱥᱟᱯᱨᱟᱣ ᱛᱮ ᱦᱩᱭ ᱥᱟᱹᱫ ᱮᱱᱟ ᱛᱮᱞ ᱠᱩᱯᱤ ᱵᱟᱹᱨᱱᱤ ᱜᱷᱟᱴ ᱨᱮ ᱡᱟᱝᱵᱟᱦᱟ ᱵᱚᱦᱮᱞ ᱠᱟᱹᱢᱤ ᱦᱚᱨᱟ

(PAPUL MURMU) TRIBE TV DIGITAL JANG BAHA BOHEL : ᱟᱹᱫᱤᱵᱟᱹᱥᱤ ᱥᱟᱱᱛᱟᱞ ᱥᱟᱶᱛᱟ ᱟᱹᱨᱤ ᱢᱮᱱᱟᱜ ᱟᱠᱟᱫᱟ ᱡᱟᱝ ᱵᱟᱦᱟ ᱵᱚᱦᱮᱞ ᱨᱮᱭᱟᱜ ᱾ ᱟᱨ ᱚᱱᱟ ᱛᱮ ᱡᱟᱣ ᱥᱮᱨᱢᱟ ᱞᱮᱠᱟ ᱱᱮᱥ ᱦᱚᱸ ᱟᱹᱫᱤᱵᱟᱹᱥᱤ ᱥᱟᱢᱟᱡᱤᱠ ᱜᱚᱱᱚᱴᱚᱱ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱟᱜ ᱥᱟᱯᱨᱟᱣ ᱛᱮ ᱯᱩᱨᱵᱚ ᱵᱚᱨᱫᱷᱚᱢᱟᱱ ᱨᱮᱭᱟᱜ ᱛᱮᱞᱠᱩᱯᱤ ᱵᱟᱹᱨᱱᱤ ᱜᱷᱟᱴ ᱨᱮ ᱡᱟᱝ ᱵᱟᱦᱟ ᱵᱚᱦᱮᱞ ᱠᱟᱹᱢᱤ ᱦᱚᱨᱟ ᱠᱚ ᱥᱟᱯᱨᱟᱣ ᱞᱮᱫ ᱛᱟᱦᱮᱱᱟ᱾ ᱛᱮᱞ ᱠᱩᱯᱤ ᱵᱟᱹᱨᱱᱤ ᱜᱷᱟᱴ (ᱛᱮᱞ ᱠᱩᱯᱤ ᱵᱟᱹᱨᱱᱤ ᱜᱷᱟᱴ)ᱨᱮ ᱡᱟᱝ ᱵᱟᱦᱟ ᱵᱚᱦᱮᱞ ᱞᱟᱹᱜᱤᱫ ᱵᱮᱝᱜᱚᱞ ᱯᱚᱱᱚᱛ ᱨᱮᱭᱟᱜ ᱟᱭᱢᱟ ᱡᱮᱞᱞᱟ ᱵᱟᱫ ᱠᱟᱛᱮᱡ ᱦᱚᱸ ᱵᱮᱝᱜᱚᱞ ᱡᱟᱯᱟᱜ ᱵᱤᱦᱟᱨ, ᱡᱷᱟᱲᱠᱷᱚᱸᱰ ᱠᱷᱚᱡ ᱦᱚᱸ ᱟᱹᱰᱤ ᱜᱟᱱ ᱦᱚᱲ ᱡᱟᱝ ᱵᱟᱦᱟ ᱵᱚᱦᱮᱞ ᱞᱟᱹᱜᱤᱫ ᱠᱚ ᱥᱮᱴᱮᱨ ᱞᱮᱱ ᱛᱟᱦᱮᱱᱟ᱾

ᱡᱟᱝ ᱵᱟᱦᱟ ᱵᱚᱦᱮᱞ ᱠᱟᱹᱢᱤ ᱦᱚᱨᱟ ᱨᱮ ᱛᱮᱞ ᱠᱩᱯᱤ ᱵᱟᱹᱨᱱᱤ ᱜᱷᱟᱴ (ᱛᱮᱞ ᱠᱩᱯᱤ ᱵᱟᱹᱨᱱᱤ ᱜᱷᱟᱴ) ᱨᱮ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱡᱟᱢᱟᱞᱯᱩᱨ ᱯᱚᱱᱪᱟᱭᱮᱫ ᱥᱩᱢᱤᱛᱤ ᱨᱮᱱ ᱥᱚᱵᱷᱟᱯᱚᱛᱤ ᱯᱩᱨᱱᱤᱢᱟ ᱢᱟᱞᱤᱠ,BDO ᱯᱟᱨᱛᱷᱚ ᱥᱟᱨᱚᱛᱷᱤ ᱫᱮ, ᱟᱨ ᱯᱚᱱᱪᱟᱭᱮᱫ ᱥᱩᱢᱤᱴᱤ ᱨᱮᱱ ᱯᱩᱨᱛᱩ ᱠᱚᱨᱢᱟ ᱫᱷᱚᱠᱠᱚ ᱢᱮᱦᱮᱢᱩᱫ ᱠᱷᱟᱱ᱾ ᱡᱮᱞᱞᱟ ᱯᱚᱨᱤ ᱥᱚᱫ ᱨᱮᱱ ᱢᱮᱱᱴᱚᱨ ᱢᱚᱦᱚᱢᱢᱚᱫ ᱤᱥᱢᱟᱤᱞ, ᱫᱮᱵᱩ ᱴᱩᱰᱩ, ᱥᱟᱳᱛᱮ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱟᱭᱢᱟ ᱴᱚᱴᱷᱟ ᱠᱷᱚᱱ ᱥᱮᱴᱮᱨ ᱟᱠᱟᱱ ᱢᱟᱹᱡᱷᱤ ᱵᱟᱵᱟ ᱠᱚ᱾ ᱴᱤ ᱮᱢ ᱥᱤ ST ᱥᱮᱞ ᱨᱮᱱ ᱨᱟᱡᱡᱚ ᱥᱚᱵᱷᱟᱯᱚᱛᱤ ᱫᱮᱵᱩ ᱴᱩᱰᱩ ᱩᱢ ᱠᱟᱛᱮᱡ ᱟᱹᱠᱩ ᱜᱟᱨᱚᱡ ᱨᱮᱱ ᱵᱚᱸᱜᱟ ᱛᱟᱞᱟ ᱟᱠᱟᱱ ᱦᱚᱲ ᱠᱚ ᱧᱩᱛᱩᱢ ᱛᱮ ᱡᱟᱝ ᱵᱟᱦᱟ ᱮ ᱵᱚᱦᱮᱞ ᱠᱮᱫᱟ᱾

ᱡᱟᱝ ᱵᱟᱦᱟ ᱵᱚᱦᱮᱞ ᱚᱠᱛᱚ ᱛᱩᱯᱩᱱᱟᱹᱭ ᱜᱷᱟᱴ ᱨᱮ ᱡᱟᱦᱟᱱ ᱮᱴᱠᱮᱴᱚᱬᱮ ᱥᱮ ᱵᱟᱹᱲᱤᱡ ᱜᱷᱚᱴᱚᱱ ᱵᱟᱝ ᱦᱩᱭᱩᱜ ᱞᱟᱹᱜᱤᱫ ᱯᱩᱞᱤᱥ ᱦᱚᱸ ᱱᱟᱯᱟᱭ ᱵᱚᱱᱫᱮᱡ ᱠᱚ ᱦᱟᱛᱟᱶ ᱞᱮᱫ ᱛᱟᱦᱮᱱᱟ᱾