ᱠᱟᱹᱣᱰᱤ ᱫᱩᱨᱱᱤᱛᱤ ᱢᱟᱢᱞᱟ ᱨᱮ ᱧᱩᱛᱩᱢ ᱡᱚᱯᱲᱟᱣᱮᱱᱟ ᱥᱟᱣᱩᱛᱷ ᱮᱠᱴᱨᱮᱹᱥ ᱛᱟᱢᱟᱱᱱᱟᱣᱟᱜ ᱾ ᱤᱰᱤᱣᱟᱜ ᱛᱚᱞᱚᱵᱽ ᱨᱮᱭ ᱥᱮᱴᱮᱨᱮᱱᱟ ᱛᱟᱢᱟᱱᱱᱟ

(PAPUL MURMU) Summon Tamanna ED! :   ᱟᱜᱚᱥᱴ ᱪᱟᱸᱫᱳ ᱨᱮ ᱢᱤᱫ ᱥᱟᱶᱛᱮ ᱵᱟᱨᱭᱟ ᱥᱤᱱᱮᱹᱢᱟ ᱨᱤᱞᱤᱡᱽ ᱞᱮᱱᱟ ᱛᱟᱢᱟᱱᱱᱟ ᱵᱷᱟᱴᱤᱭᱟᱣᱟᱜ ᱾ ᱢᱤᱫ ᱫᱚ ᱥᱛᱨᱤ ᱟᱨ ᱫᱚᱥᱟᱨ ᱫᱚ ᱵᱷᱮᱹᱫᱟ ᱾ ᱛᱚᱵᱮ ᱥᱛᱨᱤ ᱒ ᱨᱮᱭᱟᱜ ᱟᱭᱴᱮᱹᱢ ᱥᱚᱝ ‘ᱟᱡᱽ ᱠᱤ ᱨᱟᱛ’ ᱨᱮᱭᱟᱜ ᱥᱮᱨᱮᱧ ᱥᱟᱶᱛᱮ ᱮᱱᱮᱡ ᱧᱮᱞ ᱛᱮ ᱛᱟᱢᱟᱱᱱᱟ ᱨᱮ ᱥᱟᱱᱟᱢ ᱯᱷᱚᱞᱳᱣᱟᱨᱥ ᱠᱚ ᱟᱹᱰᱤ ᱠᱚ ᱥᱟᱨᱦᱟᱣ ᱞᱮᱫᱮᱭᱟ ᱾ ᱢᱤᱫ ᱠᱟᱛᱷᱟ ᱛᱮ ᱞᱟᱹᱭ ᱜᱟᱱᱚᱜᱼᱟ ᱚᱠᱛᱚ ᱱᱟᱯᱟᱭ ᱜᱮ ᱯᱟᱨᱚᱢᱚᱜ ᱠᱟᱱ ᱛᱟᱦᱮᱱᱟ ᱛᱟᱢᱟᱱᱱᱟᱣᱟᱜ ᱾ ᱢᱮᱱᱠᱷᱟᱱ ᱮᱱᱛᱮ ᱨᱮᱦᱚᱸ ᱮᱴᱠᱮᱴᱚᱬᱮ ᱦᱮᱡ ᱮᱱᱟ ᱛᱟᱢᱟᱱᱱᱟᱣᱟᱜ ᱡᱤᱭᱚᱱ ᱨᱮ ᱾ ᱟᱥᱟᱢ ᱨᱮᱭᱟᱜ ᱜᱳᱦᱟᱴᱤ ᱨᱮ ᱢᱟᱱᱤ ᱞᱚᱱᱰᱨᱤᱝ ᱢᱟᱢᱞᱟ ᱨᱮ ᱤᱰᱤᱣᱟᱜ ᱯᱩᱪᱷᱛᱟᱪᱷ ᱨᱮ ᱥᱮᱴᱮᱨ ᱦᱩᱭᱮᱱ ᱛᱟᱭᱟ ᱛᱟᱢᱱᱱᱟ ᱾

ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱢᱤᱫ ᱢᱳᱵᱟᱭᱤᱞ ᱮᱯ ᱤᱫᱤ ᱠᱟᱛᱮᱫ ᱛᱟᱢᱟᱱᱱᱟ ᱤᱫᱤ ᱠᱟᱛᱮᱫ ᱤᱱᱵᱷᱮᱥᱴᱤᱜᱮᱥᱚᱱ ᱫᱚ ᱮᱦᱚᱵ ᱟᱠᱟᱱᱟ ᱾ ᱢᱤᱫ ᱢᱟᱱᱤ ᱤᱱᱵᱷᱮᱹᱥᱴ ᱥᱚᱝᱥᱛᱷᱟ ᱚᱱᱟ ᱮᱯ ᱦᱚᱛᱮᱛᱮ ᱢᱟᱱᱤᱭ ᱤᱱᱵᱷᱮᱹᱥᱴᱟ ᱾ ᱟᱨ ᱚᱱᱟ ᱤᱱᱵᱷᱮᱹᱥᱴ ᱥᱚᱝᱥᱛᱷᱟᱣᱟᱜ ᱯᱨᱳᱜᱨᱟᱢ ᱨᱮ ᱥᱮᱹᱞᱤᱵᱨᱤᱴᱤ ᱞᱮᱠᱟᱛᱮᱭ ᱥᱮᱴᱮᱨ ᱞᱮᱱᱟ ᱛᱟᱢᱟᱱᱱᱟ ᱵᱷᱟᱴᱤᱭᱟ ᱾ ᱛᱟᱢᱟᱱᱱᱟ ᱚᱸᱰᱮ ᱥᱮᱴᱮᱨ ᱞᱟᱹᱜᱤᱫ ᱯᱟᱨᱤᱥᱨᱚᱢᱤᱠ ᱦᱚᱸᱭ ᱦᱟᱛᱟᱣ ᱞᱮᱫᱟ ᱾ ᱟᱨ ᱚᱱᱟ ᱠᱷᱟᱹᱛᱤᱨ ᱜᱮ ᱤ ᱰᱤ ᱠᱚ ᱛᱚᱞᱚᱵᱽ ᱞᱮᱫᱮᱭᱟ ᱛᱟᱢᱟᱱᱱᱟ ᱵᱷᱟᱴᱤᱭᱟ ᱾ ᱢᱟᱱᱤ ᱞᱚᱱᱰᱨᱤᱝ ᱨᱮᱭᱟᱜ ᱚᱱᱟ ᱢᱟᱢᱞᱟ ᱨᱮ ᱒᱙᱙ ᱜᱚᱴᱟᱝ ᱥᱚᱝᱥᱛᱷᱟ ᱡᱚᱯᱲᱟᱣ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾ ᱛᱚᱵᱮ ᱡᱚᱛᱚ ᱠᱷᱚᱱ ᱞᱟᱹᱴᱩ ᱠᱟᱛᱷᱟ ᱑᱐ ᱜᱚᱴᱟᱝ ᱪᱟᱭᱱᱟ ᱟᱫᱷᱤᱠᱟᱨᱤᱠ ᱥᱚᱨᱟᱥᱚᱨᱤ ᱡᱚᱯᱨᱟᱣ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾ ᱵᱮᱹᱟᱭᱤᱱᱤ ᱚᱱᱞᱟᱭᱤᱱ ᱜᱮᱹᱢᱤᱝ, ᱵᱮᱹᱴᱤᱝ ᱤᱱᱵᱷᱮᱹᱥᱴ, ᱟᱨ ᱚᱱᱟ ᱥᱟᱶᱛᱮ ᱵᱤᱴᱠᱚᱭᱮᱱ ᱨᱮᱭᱟᱜ ᱟᱫᱟᱱᱼᱯᱨᱚᱫᱟᱱ ᱦᱚᱛᱮᱛᱮ ᱡᱟᱞᱤᱭᱟᱛᱤ ᱦᱩᱭ ᱟᱠᱟᱱᱟ ᱢᱮᱱᱛᱮ ᱪᱟᱨᱡᱽᱥᱤᱴ ᱨᱮ ᱨᱟᱠᱟᱵ ᱦᱮᱡ ᱟᱠᱟᱱᱟ ᱾