(PAPUL MURMU) JAMMU KASHMIR 4 Independent MLAs support NC : ᱡᱚᱢᱢᱩ ᱠᱟᱥᱢᱤᱨ ᱨᱮ ᱚᱨᱡᱚ ᱩᱪᱷᱟᱹᱱ ᱛᱟᱭᱚᱢ ᱟᱨᱦᱚᱸ ᱥᱚᱠᱛᱤᱥᱟᱞᱤᱭᱮᱱᱟᱭ ᱯᱷᱟᱨᱩᱠ ᱟᱵᱽᱫᱩᱞᱞᱟᱣᱟᱜ ᱫᱚᱞ ᱱᱮᱥᱱᱟᱞ ᱠᱚᱱᱯᱷᱟᱨᱮᱱᱥᱟᱜ ᱾ ᱡᱚᱢᱢᱩ ᱠᱟᱥᱢᱤᱨ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱟᱠᱟᱱ ᱯᱚᱱᱭᱟ ᱱᱤᱨᱫᱚᱞ ᱵᱤᱫᱷᱟᱭᱚᱠ ᱦᱚᱸ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱱᱮᱥᱱᱟᱞ ᱠᱚᱱᱯᱷᱟᱨᱮᱱᱥ ᱪᱮᱛᱟᱱ ᱜᱮ ᱥᱚᱢᱚᱨᱛᱷᱚᱱ ᱠᱚ ᱮᱢ ᱠᱮᱫᱟ ᱾ ᱟᱨ ᱚᱱᱟᱛᱮ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱮᱠᱚᱠ ᱥᱚᱝᱠᱷᱟ ᱜᱚᱨᱤᱥᱴᱷᱚᱛᱟᱭ ᱧᱟᱢ ᱠᱮᱫᱟ ᱮᱱ ᱥᱤ (NC) ᱾ ᱢᱮᱱᱠᱷᱟᱱ ᱡᱳᱴ ᱥᱚᱝᱜᱤ ᱠᱚᱝᱜᱨᱮᱹᱥ ᱯᱟᱥᱴᱟ ᱠᱷᱚᱱ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱱᱤᱛ ᱦᱚᱸ ᱪᱤᱴᱷᱤ ᱛᱟᱞᱟ ᱛᱮ ᱥᱚᱢᱚᱨᱛᱷᱚᱱ ᱵᱟᱝᱠᱚ ᱮᱢ ᱟᱠᱟᱫ ᱛᱮ ᱡᱚᱢᱢᱩ ᱠᱟᱥᱢᱤᱨ ᱨᱮ ᱤᱱᱰᱤᱭᱟ ᱡᱳᱴ ᱤᱫᱤ ᱠᱟᱛᱮᱫ ᱠᱩᱠᱞᱤ ᱨᱟᱠᱟᱵᱚᱜ ᱠᱟᱱᱟ ᱵᱤ ᱡᱮ ᱯᱤ ᱯᱟᱥᱴᱟ ᱠᱷᱚᱱ ᱾
ᱥᱤᱹᱯᱤᱹᱟᱭᱹᱮᱢ ᱮᱢ ᱮᱞ ᱮ
᱙᱐ ᱟᱥᱚᱱ ᱨᱮᱭᱟᱜ ᱡᱚᱢᱢᱩ ᱠᱟᱥᱢᱤᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱔᱒ ᱜᱚᱴᱟᱝ ᱥᱤᱴ ᱨᱮ ᱡᱤᱛᱠᱟᱹᱨ ᱠᱟᱛᱮᱫ ᱡᱚᱛᱚ ᱠᱷᱚᱱ ᱞᱟᱹᱴᱩ ᱫᱚᱞ ᱞᱮᱠᱟᱛᱮᱭ ᱵᱟᱪᱱᱟᱣ ᱮᱱᱟ ᱱᱮᱥᱱᱟᱱᱞ ᱠᱚᱱᱯᱷᱟᱨᱮᱱᱥ ᱾ ᱠᱚᱝᱜᱨᱮᱹᱥᱮ ᱡᱤᱛᱠᱟᱹᱨ ᱟᱠᱟᱱᱟ ᱖ ᱜᱚᱴᱟᱝ ᱥᱤᱴ ᱨᱮ, ᱡᱟᱦᱟᱸ ᱫᱚ ᱵᱟᱱᱟᱨ ᱫᱚᱞ ᱢᱮᱥᱟ ᱠᱟᱛᱮᱫ ᱔᱘ ᱜᱚᱴᱟᱝ ᱥᱤᱴ ᱦᱩᱭᱩᱜ ᱠᱟᱱᱟ ᱡᱟᱦᱟᱸ ᱫᱚ ᱢᱮᱡᱚᱨᱤᱴᱤ ᱯᱷᱤᱜᱟᱨ ᱠᱷᱚᱱ ᱵᱟᱨᱭᱟ ᱥᱤᱴ ᱵᱟᱹᱲᱛᱤ ᱾ ᱠᱩᱞᱜᱟᱢ ᱟᱥᱚᱱ ᱠᱷᱚᱱ ᱡᱤᱛᱠᱟᱹᱨ ᱟᱠᱟᱱᱟᱭ ᱥᱤ ᱯᱤ ᱟᱭ ᱮᱢ ᱨᱮᱱ ᱢᱚᱦᱚᱢᱢᱚᱫᱽ ᱤᱭᱩᱥᱩᱠ ᱛᱟᱨᱤᱜᱟᱢᱤ ᱾ ᱚᱱᱟ ᱥᱟᱶᱛᱮ ᱟᱨᱦᱚᱸ ᱯᱩᱱᱭᱟ ᱱᱤᱨᱫᱚᱞ ᱵᱤᱫᱷᱟᱭᱚᱠ ᱦᱚᱸ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱮᱱ ᱥᱤ ᱜᱮ ᱥᱚᱢᱚᱨᱛᱷᱚᱱᱟᱭ ᱠᱟᱱᱟᱭ ᱾ ᱡᱟᱦᱟᱸ ᱠᱷᱟᱹᱛᱷᱤᱨ ᱮᱠᱞᱟ ᱛᱮᱜᱮ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱚᱠᱟ ᱮᱴᱠᱮᱴᱚᱬᱮ ᱨᱮ ᱵᱟᱝᱼᱮ ᱯᱟᱲᱟᱣ ᱯᱷᱟᱨᱩᱠ ᱟᱵᱽᱫᱩᱞᱞᱟᱣᱟᱜ ᱱᱮᱥᱱᱟᱞ ᱠᱚᱱᱯᱷᱟᱨᱮᱱᱥ ᱾
ᱢᱮᱱᱠᱷᱟᱱ ᱡᱚᱢᱢᱩ ᱠᱟᱥᱢᱤᱨ State reorganization ᱟᱹᱨᱤ ᱞᱮᱠᱟᱛᱮ ᱩᱯᱚᱨᱟᱡᱽᱡᱚᱯᱟᱞ ᱢᱚᱬᱮ ᱜᱚᱴᱟᱝ ᱮᱢ ᱮᱞ ᱚ (MLA) ᱵᱟᱪᱷᱱᱟᱣ ᱫᱟᱲᱮᱭᱟᱠᱚᱣᱟ, ᱡᱟᱦᱟᱸ ᱠᱷᱟᱹᱛᱤᱨ ᱡᱚᱢᱢᱩ ᱠᱟᱥᱢᱤᱨ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱤᱫᱷᱟᱭᱚᱠ ᱠᱚᱣᱟᱜ ᱜᱩᱴ ᱞᱮᱠᱷᱟ ᱦᱩᱭᱩᱜᱼᱟ ᱙᱕ ᱾ ᱟᱨ ᱩᱱ ᱚᱠᱛᱚ ᱜᱮ ᱥᱚᱨᱠᱟᱨ ᱜᱚᱴᱷᱚᱱ ᱞᱟᱹᱜᱤᱫ ᱞᱟᱹᱠᱛᱤ ᱛᱟᱦᱮᱱᱟ ᱔᱘ ᱡᱚᱱ ᱵᱤᱫᱷᱟᱭᱚᱠ ᱠᱚᱣᱟᱜ ᱥᱚᱢᱚᱨᱛᱷᱚᱱ, ᱩᱱ ᱚᱠᱛᱚ ᱜᱮ ᱠᱚᱝᱜᱨᱮᱹᱥ ᱫᱚᱞᱟᱜ ᱜᱚᱲᱚ ᱞᱟᱹᱠᱛᱤ ᱛᱟᱦᱮᱱᱟ ᱩᱢᱚᱨ ᱟᱵᱽᱫᱩᱞᱞᱟ ᱞᱟᱹᱜᱤᱫ ᱾
