ᱡᱷᱟᱲᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱮ ᱴᱷᱟᱹᱣᱠᱟᱹ ᱜᱚᱴᱟᱭᱮᱱᱟ NDAᱼᱟᱜ ᱥᱤᱴ ᱥᱮᱭᱟᱨᱤᱝ, BJP 68, AJSU 10, JDU 2 ᱟᱨ LJP ᱢᱤᱫᱴᱟᱝ ᱥᱤᱴ ᱨᱮᱭ ᱞᱟᱹᱲᱦᱟᱹᱭᱟ

Last updated: October 18, 2024 2:20 pm

Ladam Murmu 1 month ago

ᱮᱱᱹᱰᱤᱹᱮ ᱟᱜ ᱥᱤᱴ ᱥᱮᱭᱟᱨᱤᱝ ᱦᱩᱭᱮᱱᱟ ᱡᱷᱟᱲᱠᱷᱚᱸᱰ ᱨᱮ

(PAPUL MURMU) JHARKHAND ELECTION 2024 : ᱤᱞᱮᱹᱠᱥᱚᱱ ᱠᱚᱢᱤᱥᱚᱱ ᱯᱟᱥᱴᱟ ᱠᱷᱚᱱ ᱩᱪᱷᱟᱹᱱ ᱟᱠᱟᱱᱟ ᱡᱷᱟᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮᱭᱟᱜ ᱱᱮᱰᱟ ᱢᱟᱦᱟ ᱾ ᱵᱟᱨ ᱛᱷᱚᱠ ᱨᱮ ᱦᱩᱭᱩᱜᱼᱟ ᱡᱷᱟᱲᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱵᱟᱪᱷᱱᱟᱣ, ᱯᱩᱭᱞᱩ ᱛᱷᱚᱠ ᱑᱓ ᱱᱚᱵᱷᱮᱢᱵᱚᱨ ᱟᱨ ᱫᱚᱥᱟᱨ ᱛᱷᱚᱠ ᱒᱐ ᱱᱚᱵᱷᱮᱢᱵᱚᱨ ᱨᱮ ᱢᱮᱱᱟᱜ ᱟᱠᱟᱫᱟ ᱵᱟᱪᱷᱱᱟᱣ ᱾ ᱡᱷᱟᱲᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮᱭᱟᱜ ᱱᱮᱰᱟ ᱢᱟᱦᱟ ᱩᱪᱷᱟᱹᱱ ᱥᱟᱶᱛᱮ ᱥᱟᱱᱟᱢ ᱨᱟᱡᱽᱼᱟᱹᱨᱤ ᱯᱟᱨᱴᱤ ᱜᱮ ᱵᱟᱪᱷᱱᱟᱣ ᱨᱮ ᱯᱷᱮᱰᱚᱜ ᱞᱟᱹᱜᱤᱫ ᱟᱯᱱᱟᱨ ᱞᱮᱠᱟᱛᱮ ᱠᱩᱨᱩᱢᱩᱴᱩ ᱨᱮ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾ ᱢᱮᱱᱠᱷᱟᱱ ᱥᱟᱱᱟᱢ ᱯᱟᱨᱴᱤ ᱜᱮ ᱜᱟᱴᱵᱚᱱᱫᱷᱚᱱ ᱨᱮ ᱛᱟᱦᱮᱱ ᱠᱷᱟᱹᱛᱤᱨ ᱚᱠᱚᱭ ᱛᱤᱱᱟᱹᱜ ᱥᱤᱴ ᱨᱮᱠᱚ ᱞᱟᱹᱲᱦᱟᱹᱭᱟ ᱚᱱᱟ ᱴᱷᱟᱹᱣᱠᱟᱹ ᱜᱚᱴᱟᱭᱮᱱᱟ NDA ᱯᱟᱥᱴᱟ ᱠᱷᱚᱱ ᱾ ᱡᱷᱟᱲᱠᱷᱚᱸᱰ ᱨᱮ ᱵᱤ ᱡᱮ ᱯᱤ, ᱮᱱ ᱰᱤ ᱮ ᱨᱮᱱ ᱢᱟᱨᱟᱝ ᱫᱚᱞ ᱞᱮᱠᱟᱛᱮ ᱛᱟᱦᱮᱱ ᱠᱷᱟᱹᱛᱤᱨ ᱯᱚᱱᱚᱛ ᱨᱮᱭᱟᱜ ᱖᱘ ᱜᱚᱴᱟᱝ ᱥᱤᱴ ᱨᱮ ᱵᱟᱪᱷᱱᱟᱣ ᱨᱮ ᱫᱟᱣᱮ ᱦᱟᱛᱟᱣ ᱮᱫᱟ ᱾ ᱟᱨ ᱮᱱ ᱰᱤ ᱮ ᱨᱮᱱ ᱥᱚᱦᱚᱡᱳᱜᱤ ᱫᱚᱞ ᱞᱮᱠᱟᱛᱮ ᱟᱡᱽᱥᱩ ᱑᱐, ᱡᱮ ᱰᱤ ᱤᱭᱩ ᱐᱒ ᱟᱨ ᱮᱞ ᱡᱮ ᱯᱤ ᱑ ᱴᱟᱝ ᱥᱤᱴ ᱨᱮ ᱵᱟᱪᱷᱱᱟᱣ ᱨᱮ ᱫᱟᱣᱮ ᱦᱟᱛᱟᱣᱟ᱾ ᱮᱱ ᱰᱤ ᱮ ᱨᱮᱱ ᱥᱟᱱᱟᱢ ᱥᱚᱦᱚᱡᱳᱜᱤ ᱫᱚᱞ ᱟᱛᱮ ᱡᱷᱟᱲᱠᱷᱚᱸᱰ ᱵᱤ ᱡᱮ ᱯᱤ ᱨᱮᱱ ᱚᱵᱽᱡᱟᱨᱵᱷᱟᱨ ᱟᱨᱵᱟᱝ ᱟᱥᱟᱢ ᱨᱮᱱ ᱥᱤᱨᱟᱹᱢᱚᱱᱛᱨᱤ ᱦᱤᱢᱟᱱᱛᱚ ᱵᱤᱥᱥᱚᱥᱚᱨᱢᱟ ᱟᱨ ᱠᱮᱱᱫᱨᱤᱭᱚ ᱢᱚᱱᱛᱨᱤ ᱥᱤᱵᱽᱨᱟᱡᱽ ᱥᱤᱝ ᱪᱷᱣᱦᱟᱱ ᱛᱟᱹᱠᱤᱱᱟᱜ ᱥᱟᱹᱦᱤᱡᱩᱦᱤᱛᱮ ᱥᱤᱴ ᱥᱮᱭᱟᱨᱤᱝ ᱨᱮᱭᱟᱜ ᱠᱟᱛᱷᱟ ᱫᱚ ᱜᱚᱴᱟᱭᱮᱱᱟ ᱾