TEJASHWI HOLDS MEETING WITH RAHUL KHARGE : ᱵᱤᱦᱟᱨ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱷᱳᱴ ᱤᱫᱤ ᱠᱟᱛᱮᱡ ᱵᱤ ᱡᱮ ᱯᱤ ᱵᱚᱨᱚᱫᱷᱤ INDIA ᱡᱳᱴ ᱵᱷᱳᱴ ᱨᱮᱭᱟᱜ ᱠᱟᱹᱢᱤ ᱦᱚᱨᱟ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱵᱟᱞᱮ ᱵᱟᱦᱟ ᱦᱤᱞᱟᱹᱜ ᱨᱟᱡᱫᱷᱟᱱᱤ ᱫᱮᱞᱞᱤ ᱨᱮ ᱵᱤᱦᱟᱨ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱥᱤᱴ ᱥᱮᱭᱟᱨᱤᱝ ᱤᱫᱤ ᱠᱟᱛᱮᱡ ᱠᱚᱱᱜᱨᱮᱥ ᱥᱚᱵᱷᱟᱯᱚᱛᱤ ᱢᱟᱞᱤᱠᱟᱨᱡᱩᱱ ᱠᱷᱟᱲᱜᱮ ᱣᱟᱜ ᱚᱨᱟᱲ ᱨᱮ ᱟᱨ ᱡᱮ ᱰᱤ ᱱᱮᱛᱟ ᱛᱮᱡᱚᱥᱣᱤ ᱡᱟᱫᱟᱵᱽ (TEJASHWI YADAV) ᱥᱟᱶᱛᱮ ᱢᱤᱫ ᱫᱩᱯᱨᱩᱵ ᱦᱩᱭ ᱥᱟᱫ ᱮᱱᱟ᱾
ᱛᱮᱡᱚᱥᱣᱤ ᱡᱟᱫᱟᱵᱽ (TEJASHWI YADAV) ᱟᱨ ᱢᱟᱞᱞᱤᱠᱟᱨᱡᱩᱱ ᱠᱷᱟᱲᱜᱮ (MALLIKARJUN KHARGE) ᱥᱟᱶᱛᱮ ᱚᱱᱟ ᱵᱚᱭᱛᱷᱚᱠ ᱨᱮ ᱥᱮᱞᱮᱫᱼᱮ ᱛᱟᱦᱮᱸ ᱠᱟᱱᱟᱭ ᱠᱚᱱᱜᱨᱮᱥ ᱱᱮᱛᱟ ᱟᱨ ᱵᱟᱝ ᱞᱚᱠᱥᱚᱵᱷᱟ ᱨᱮᱱ ᱞᱤᱰᱟᱨ ᱚᱯ ᱚᱯᱚᱡᱤᱥᱚᱱ ᱨᱟᱦᱩᱞ ᱜᱟᱱᱫᱷᱤ (RAHUL GANDH)|
ᱱᱚᱣᱟ ᱥᱮᱨᱢᱟ ᱨᱮᱭᱟᱜ ᱚᱠᱴᱚᱵᱚᱨᱼ ᱱᱚᱵᱷᱮᱢᱵᱚᱨ ᱥᱮᱫ ᱜᱮ ᱦᱩᱭ ᱫᱟᱲᱮᱼᱟᱜ ᱵᱤᱦᱟᱨ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ᱾ ᱟᱨ ᱵᱤᱦᱟᱨ ᱨᱮᱭᱟᱜ ᱚᱱᱟ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱢᱩᱞ ᱞᱟᱲᱦᱟᱣ ᱦᱩᱭᱩᱜᱼᱟ BJP,JDU LJP ᱟᱨ HAM ᱯᱟᱨᱴᱤ ᱠᱚᱣᱟᱜ ᱡᱳᱴ NDA ᱥᱟᱶᱛᱮ RJD-CONGRESS ᱟᱨ LEFT ᱯᱟᱨᱴᱤ ᱠᱚᱣᱟᱜ ᱢᱚᱦᱟᱜᱟᱴᱵᱚᱱᱫᱷᱚᱱ᱾
ᱟᱨ ᱡᱮ ᱰᱤ ᱣᱟᱜ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱡᱮ ᱥᱤᱴ ᱥᱮᱭᱟᱨᱤᱝ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱤᱱᱰᱤᱭᱟ ᱢᱚᱦᱟᱜᱟᱴᱵᱚᱱᱫᱷᱚᱱ ᱯᱟᱦᱟᱴᱟ ᱠᱷᱚᱱ ᱚᱠᱚᱭ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱚᱠᱚᱭᱼᱟᱜ ᱧᱩᱛᱩᱢ ᱩᱪᱟᱹᱱ ᱦᱩᱭᱩᱜᱼᱟ ᱚᱱᱟ ᱨᱮᱭᱟᱜ ᱜᱟᱯᱟᱞ ᱢᱟᱨᱟᱳ ᱞᱟᱹᱜᱤᱛ ᱜᱮ ᱫᱤᱞᱞᱤ ᱨᱮ ᱨᱟᱦᱩᱞᱼᱠᱷᱟᱲᱜᱮ ᱥᱟᱶᱛᱮ ᱵᱚᱭᱴᱷᱚᱠ ᱠᱮᱫᱟ ᱛᱮᱡᱚᱥᱣᱤ ᱡᱟᱫᱟᱵᱽ (TEJASHWI YADAV)᱾
᱒᱐᱒᱐ ᱥᱟᱞ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱒᱔᱓ ᱜᱚᱴᱟᱝ ᱥᱤᱴ ᱢᱩᱫ ᱨᱮ ᱗᱐ ᱜᱚᱴᱟᱝ ᱥᱤᱴ ᱨᱮᱭ ᱠᱚᱱᱴᱮᱥᱴ ᱞᱮᱫᱟ ᱪᱚᱱᱜᱨᱮᱥ, ᱡᱤᱛᱠᱟᱹᱨ ᱞᱮᱱᱟᱭ ᱢᱚᱴᱷᱮ ᱑᱙ ᱜᱚᱴᱟᱝ ᱥᱤᱴ ᱨᱮ᱾ ᱠᱚᱱᱜᱨᱮᱥ ᱣᱟᱜ ᱵᱟᱨᱤᱡ ᱥᱴᱟᱠ ᱨᱮᱴ ᱠᱷᱟᱹᱛᱤᱨ ᱜᱮ ᱵᱤ ᱡᱮ ᱯᱤ ᱣᱟᱜ ᱡᱤᱛᱠᱟᱹᱨ ᱨᱮᱭᱟᱜ ᱰᱟᱦᱟᱨ ᱫᱚ ᱥᱚᱦᱚᱡ ᱦᱩᱭ ᱞᱮᱱ ᱛᱟᱠᱩᱣᱟ᱾ ᱢᱮᱱᱠᱷᱟᱱ ᱠᱚᱱᱜᱨᱮᱥ ᱦᱚᱸ ᱟᱠᱚᱣᱟᱜ ᱡᱩᱠᱛᱤ ᱞᱮᱠᱟᱛᱮ ᱠᱚ ᱞᱟᱹᱭ ᱞᱮᱫᱟ ᱡᱟᱦᱟ ᱠᱚ ᱥᱤᱴ ᱨᱮ ᱓᱐ ᱥᱮᱨᱢᱟ ᱠᱷᱚᱱ ᱵᱟᱲᱛᱤ ᱚᱠᱛᱚ ᱦᱟᱵᱤᱛ ᱠᱷᱚᱢᱚᱛᱟ ᱨᱮ ᱢᱮᱱᱟᱜ ᱠᱚᱣᱟ ᱚᱱᱟ ᱠᱚ ᱥᱤᱴ ᱨᱮ ᱵᱟᱝ ᱠᱚ ᱡᱤᱛᱠᱟᱹ ᱫᱟᱲᱮ ᱟᱠᱟᱶ ᱫᱟᱜᱼᱟ᱾ ᱟᱨ ᱟᱨ ᱡᱮ ᱰᱤ ᱑᱔᱔ ᱜᱚᱴᱟᱝ ᱡᱤᱴ ᱨᱮ ᱞᱟᱲᱦᱟᱣ ᱠᱟᱛᱮᱡ ᱗᱕ ᱜᱚᱴᱟᱝ ᱥᱤᱴ ᱨᱮᱠᱚ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱱᱟ, ᱟᱨ ᱵᱟᱢ ᱫᱚᱞ ᱒᱙ ᱴᱤ ᱠᱚᱱᱴᱮᱥᱴ ᱠᱟᱛᱮᱡ ᱑᱖ ᱴᱤ ᱨᱮᱠᱚ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱱᱟ᱾
ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ, ᱱᱤᱣᱟᱹ ᱫᱟᱶ ᱨᱮᱭᱟᱜ ᱵᱟᱪᱷᱱᱟᱣ ᱨᱮ ᱠᱚᱱᱜᱨᱮᱥ ᱕᱐ ᱴᱤ ᱵᱟᱲᱛᱤ ᱥᱤᱴ ᱵᱟᱝ ᱟᱲᱟᱜ ᱮ ᱨᱟᱡᱤ ᱠᱟᱱᱟ ᱟᱨ ᱡᱮ ᱰᱤ᱾ ᱢᱮᱱᱠᱷᱟᱱ ᱥᱩᱪᱤᱱ ᱯᱟᱭᱞᱚᱴ ᱥᱟᱶᱛᱮ ᱵᱮᱥ ᱠᱤᱪᱷᱩ ᱠᱮᱱᱫᱨᱤᱭᱚ ᱥᱛᱷᱚᱨ ᱨᱮᱱ ᱱᱮᱛᱟ ᱠᱚᱣᱟᱜ ᱞᱟᱹᱭ ᱥᱤᱨᱟᱹ ᱢᱚᱱᱛᱨᱤ ᱥᱚᱢᱚᱨᱛᱷᱚᱱ ᱨᱮᱭᱟᱜ ᱵᱷᱟᱵᱱᱟᱼᱪᱤᱱᱛᱟ ᱫᱚ ᱵᱟᱪᱷᱱᱟᱣ ᱛᱟᱭᱚᱢ ᱜᱮ ᱦᱩᱭᱩᱜᱼᱟ᱾
ᱢᱮᱱᱠᱷᱟᱱ ᱞᱟᱞᱩ ᱣᱟᱜ ᱫᱚᱞ ᱠᱚ ᱠᱷᱚᱡ ᱠᱟᱱᱟ ᱛᱮᱡᱚᱥᱣᱤ ᱡᱟᱫᱟᱵᱽ ᱜᱮ ᱥᱤᱨᱟᱹ ᱢᱚᱱᱛᱨᱤ ᱯᱨᱟᱨᱛᱷᱤ ᱜᱷᱚᱥᱚᱱᱟ ᱠᱟᱛᱮᱡ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱵᱟᱪᱱᱟᱣ ᱠᱚ ᱞᱟᱹᱲᱦᱟᱭ ᱢᱟ ᱢᱚᱦᱟᱜᱟᱴᱵᱟᱱᱫᱷᱟᱱ᱾
