(PAPUL MURMU) Maharashtra Elections 2024 : ᱥᱩᱨ ᱦᱤᱡᱩᱜ ᱠᱟᱱᱟ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ, ᱟᱨ ᱚᱱᱟ ᱞᱟᱦᱟ ᱧᱮᱞᱮᱱᱟ ᱤᱱᱰᱤᱭᱟ ᱡᱳᱴ ᱨᱮ ᱯᱷᱟᱴᱚᱞ ᱾ ᱢᱚᱦᱟᱨᱟᱥᱴᱨᱚ ᱨᱮ ᱮᱥ ᱯᱤ ᱨᱮᱱ ᱨᱟᱡᱽᱡᱚ ᱥᱚᱵᱷᱟᱯᱚᱛᱤ ᱟᱵᱩ ᱟᱡᱽᱢᱤᱣᱟᱜ ᱞᱟᱹᱭ, ᱢᱚᱦᱟᱨᱟᱥᱴᱨᱚ ᱨᱮ ᱢᱚᱦᱟᱵᱤᱠᱟᱥ ᱟᱜᱟᱲᱤ ᱴᱷᱮᱱ ᱢᱚᱬᱮ ᱜᱚᱴᱟᱝ ᱥᱤᱴ ᱠᱚ ᱫᱟᱹᱵᱤ ᱞᱮᱫᱟ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ, ᱢᱮᱱᱠᱷᱟᱱ ᱮᱢᱚᱜ ᱵᱟᱝ ᱠᱚ ᱨᱟᱡᱤ ᱞᱮᱱᱟ ᱢᱚᱦᱟᱵᱤᱠᱟᱥ ᱟᱜᱟᱲᱤ ᱾ ᱚᱱᱟᱛᱮ ᱮᱥ ᱯᱤ ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱮᱠᱞᱟ ᱠᱚ ᱞᱟᱹᱲᱦᱟᱹᱭᱟ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱾
ᱫᱷᱩᱞᱮ ᱟᱥᱚᱱ ᱨᱮ ᱥᱤᱵᱽᱥᱮᱱᱟ (UBT) ᱯᱟᱥᱴᱟ ᱠᱷᱚᱱ ᱯᱨᱟᱨᱛᱷᱤᱣᱟᱦ ᱧᱩᱛᱩᱢ ᱩᱪᱷᱟᱹᱱ ᱛᱟᱭᱚᱢ ᱟᱹᱲᱤᱥ ᱠᱚ ᱥᱚᱫᱚᱨ ᱠᱮᱫᱟ ᱢᱚᱦᱟᱨᱟᱥᱴᱨᱚ ᱮᱥ ᱯᱤ ᱯᱟᱨᱴᱤ ᱾ ᱠᱟᱨᱚᱱ ᱩᱱᱠᱩ ᱡᱟᱦᱟᱸ ᱢᱚᱬᱮ ᱜᱚᱴᱟᱝ ᱟᱥᱚᱱ ᱠᱚ ᱠᱷᱚᱡᱽ ᱠᱟᱱ ᱛᱟᱦᱮᱱᱟ ᱚᱱᱟ ᱢᱩᱫᱽ ᱨᱮ ᱫᱷᱩᱞᱮ ᱦᱚᱸ ᱢᱤᱫᱴᱟᱝ ᱾ ᱟᱡᱽᱢᱤᱣᱟᱜ ᱞᱟᱹᱭ ᱢᱚᱦᱟᱵᱤᱠᱟᱥ ᱟᱜᱟᱲᱤ ᱚᱠᱚᱭ ᱥᱟᱞᱟᱜ ᱵᱟᱝ ᱨᱚᱯᱚᱲ ᱠᱟᱛᱮᱫ ᱜᱮ ᱯᱨᱟᱨᱛᱷᱤ ᱠᱚᱭ ᱩᱪᱷᱟᱹᱱ ᱟᱠᱟᱫ ᱠᱚᱣᱟ ᱥᱤᱵᱽᱥᱮᱱᱟ (UBT) ᱾ ᱱᱤᱛ ᱚᱱᱟᱛᱮ ᱢᱚᱦᱟᱨᱟᱥᱴᱨᱚ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ‘ᱮᱠᱞᱟ ᱪᱟᱞᱟᱜ ᱨᱮᱭᱟᱜ’ ᱰᱟᱦᱟᱨ ᱠᱚ ᱟᱯᱱᱟᱨ ᱠᱮᱫᱟ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱟᱨ ᱒᱐ ᱴᱤ ᱥᱤᱴ ᱨᱮ ᱯᱨᱟᱨᱛᱷᱤ ᱦᱚᱸᱠᱚ ᱮᱢ ᱠᱚᱣᱟ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱾
ᱟᱡᱽᱢᱤ ᱟᱨᱦᱚᱸᱭ ᱞᱟᱹᱭ ᱟᱠᱟᱫᱟ ᱵᱟᱪᱷᱱᱟᱣ ᱨᱮ ᱫᱷᱚᱨᱚᱢ ᱤᱫᱤ ᱠᱟᱛᱮᱫ ᱵᱷᱳᱴ ᱦᱟᱹᱴᱤᱧ ᱞᱮᱱᱷᱟᱱ ᱚᱱᱟ ᱞᱟᱹᱜᱤᱫ ᱫᱟᱭᱤ ᱛᱟᱦᱮᱱᱟ ᱢᱚᱦᱟᱵᱤᱠᱟᱥ ᱟᱜᱟᱲᱤ ᱾ ᱢᱚᱦᱟᱨᱟᱥᱴᱨᱚ ᱵᱟᱪᱷᱱᱟᱣ ᱞᱟᱹᱜᱤᱫ ᱮᱥ ᱯᱤ ᱢᱚᱬᱮ ᱜᱚᱴᱟᱝ ᱥᱤᱴ ᱨᱮ ᱯᱨᱟᱨᱛᱷᱤ ᱠᱚᱣᱟᱜ ᱧᱩᱛᱩᱢᱮ ᱩᱪᱷᱟᱹᱱ ᱟᱠᱟᱫᱟ ᱟᱨ ᱫᱟᱨᱟᱭᱠᱟᱱ ᱚᱛᱮ ᱢᱟᱦᱟ ᱦᱤᱞᱚᱜ ᱱᱚᱢᱤᱱᱮᱥᱚᱱ ᱠᱚ ᱮᱢᱟ ᱮᱥ ᱯᱤ ᱯᱨᱟᱨᱛᱷᱤ ᱠᱚ ᱾
