TRIBE TV SANTALI DIGITAL : ᱵᱚᱞᱤᱣᱩᱰ ᱨᱮ ᱧᱩᱛᱩᱢᱟᱱ ᱮᱠᱴᱟᱨ ᱥᱟᱭᱯ ᱟᱞᱤ ᱠᱷᱟᱱ (SAIF ALI KHAN)ᱼ ᱟᱜ ᱚᱲᱟᱜ ᱨᱮ ᱠᱩᱢᱲᱩ ᱨᱮᱭᱟᱜ ᱪᱮᱥᱴᱟ, ᱛᱚᱵᱮ ᱠᱩᱢᱲᱩ ᱚᱠᱛᱚ ᱵᱟᱫᱷᱟᱭ ᱧᱟᱢ ᱠᱮᱫᱛᱮ ᱥᱟᱭᱯ ᱟᱞᱤ ᱠᱷᱟᱱ ᱪᱮᱛᱟᱱ ᱨᱮ ᱦᱟᱱᱞᱟᱭ ᱪᱟᱞᱟᱣ ᱠᱮᱫᱟ ᱠᱩᱢᱨᱩ᱾ ᱟᱨ ᱚᱱᱟ ᱠᱷᱟᱹᱛᱤᱨ ᱵᱚᱞᱤᱣᱩᱰ ᱢᱟ ᱦᱮᱸ ᱜᱮ ᱜᱚᱴᱟ ᱫᱤᱥᱚᱢ ᱜᱮ ᱩᱛᱛᱟᱞ ᱪᱟᱵᱟ ᱞᱮᱱ ᱛᱟᱦᱮᱱᱟ᱾ ᱢᱩᱢᱵᱟᱭ ᱞᱮᱠᱟᱱ ᱥᱚᱦᱚᱨ ᱨᱮᱭᱟᱜ ᱵᱟᱱᱫᱨᱟ ᱨᱮ ᱚᱱᱠᱟᱱ ᱜᱷᱚᱴᱚᱱ ᱦᱩᱭᱮᱱ ᱛᱮ ᱥᱟᱫᱷᱟᱨᱚᱱ ᱦᱚᱲ ᱠᱚᱣᱟᱜ ᱱᱤᱨᱟᱯᱚᱛᱛᱟ ᱤᱫᱤ ᱠᱟᱛᱮᱡ ᱦᱚᱸ ᱠᱩᱠᱞᱤ ᱨᱟᱠᱟᱵ ᱦᱟᱡᱩᱠ ᱠᱟᱱᱟ᱾ ᱪᱮᱫᱟᱜ ᱥᱟᱭᱯ ᱟᱞᱤ ᱠᱷᱟᱱ(SAIF ALI KHAN) ᱪᱮᱛᱟᱱ ᱨᱮ ᱦᱟᱢᱞᱟ ᱛᱟᱭᱚᱢ ᱦᱟᱢᱞᱟ ᱠᱟᱹᱨᱤ ᱣᱟᱜ ᱠᱷᱚᱡ ᱵᱟᱝ ᱧᱟᱢᱚᱠ ᱠᱟᱱ ᱛᱟᱦᱮᱱᱟ, ᱟᱨ ᱒᱔ ᱴᱟᱲᱟᱝ ᱚᱠᱛᱚ ᱯᱟᱨᱚᱢᱮᱱ ᱨᱮᱦᱚᱸ ᱯᱩᱞᱤᱥ ᱢᱩᱞ ᱚᱵᱷᱤᱡᱩᱠᱛᱚ ᱵᱟᱝ ᱠᱚ ᱥᱟᱵ ᱟᱠᱟᱫᱤ ᱛᱟᱦᱮᱱᱟ᱾
ᱛᱚᱵᱮ ᱥᱤᱸᱜᱮ.ᱢᱟᱦᱟ ᱥᱮᱛᱟᱜ ᱵᱮᱲᱟ ᱚᱠᱛᱚ ᱢᱩᱢᱵᱟᱭ ᱯᱩᱞᱤᱥ ᱠᱚ ᱫᱟᱵᱤ ᱟᱠᱟᱫᱟ ᱡᱮ ᱥᱟᱭᱯ ᱟᱞᱤ ᱠᱷᱟᱱ (SAIF ALI KHAN) ᱟᱜ ᱵᱟᱱᱫᱨᱟ ᱨᱮᱭᱟᱜ ᱚᱲᱟᱜ ᱠᱷᱚᱱ ᱓᱕ ᱠᱤᱢᱤ ᱥᱟᱹᱜᱤᱧ ᱨᱮ ᱢᱮᱱᱟᱜ ᱛᱷᱟᱱᱮ ᱡᱮᱞᱞᱟ ᱨᱮ ᱵᱟᱝᱢᱟ ᱢᱩᱞ ᱚᱵᱷᱤᱡᱩᱠᱛᱚᱣᱟᱠ ᱠᱷᱚᱡ ᱧᱟᱢ ᱟᱠᱟᱱᱟ᱾ ᱛᱚᱵᱮ ᱯᱩᱞᱤᱥ ᱟᱜ ᱞᱟᱹᱭ ᱡᱟᱦᱟᱭ ᱣᱟᱜ ᱠᱷᱚᱡ ᱧᱟᱢ ᱟᱠᱟᱱᱟ ᱩᱱᱤ ᱫᱚ ᱵᱟᱝᱢᱟ ᱰᱩᱠᱚᱢᱮᱱᱥ ᱵᱮᱜᱚᱨ ᱜᱮ ᱵᱷᱟᱨᱚᱛ ᱫᱤᱥᱚᱢ ᱫᱚᱭ ᱦᱮᱡ ᱟᱠᱟᱱᱟ᱾ ᱟᱨ ᱛᱩᱨᱩᱭ ᱪᱟᱸᱫᱩ ᱞᱟᱦᱟ ᱠᱷᱚᱱ ᱢᱩᱢᱵᱟᱭ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱠᱚᱨᱮ ᱠᱟᱹᱢᱤᱮᱫ ᱠᱟᱱ ᱛᱟᱦᱮᱱᱟ᱾
ᱛᱚᱵᱮ ᱠᱩᱠᱞᱤ ᱯᱩᱞᱤᱥ ᱵᱟᱝᱞᱟᱫᱮᱹᱥᱤ ᱥᱚᱨᱤᱯᱷᱩᱞ ᱤᱥᱞᱟᱢ(SHARIFUL ISLAM)ᱼᱟ ᱠᱷᱚᱡ ᱪᱮᱠᱟᱛᱮ ᱠᱚ ᱧᱟᱢ ᱠᱮᱫᱟ? ᱵᱟᱝᱢᱟ ᱥᱚᱨᱤᱯᱷᱩᱞ ᱤᱥᱞᱟᱢ ᱢᱩᱢᱵᱟᱭ ᱨᱮ ᱢᱮᱴᱨᱚ ᱨᱮᱞ ᱠᱟᱢᱤ ᱨᱮ ᱥᱚᱯᱨᱟᱣ ᱟᱠᱟᱱ ᱦᱚᱲ ᱠᱚᱣᱟᱜ ᱠᱚᱞᱚᱱᱤ ᱨᱮᱭ ᱛᱟᱦᱮᱱ ᱠᱟᱱ ᱛᱟᱦᱮᱱᱟ᱾ ᱢᱩᱢᱵᱟᱭ ᱯᱩᱞᱤᱥ ᱨᱮᱱ ᱠᱨᱟᱭᱢ ᱵᱨᱟᱱᱪ ᱟᱜ ᱜᱚᱲᱚ ᱛᱮᱜᱤ ᱩᱱᱤ ᱵᱟᱝᱞᱟᱫᱮᱹᱥᱤ ᱫᱚ ᱮᱨᱨᱮᱥᱴ ᱦᱩᱭ ᱞᱮᱱ ᱛᱟᱦᱮᱱᱟ᱾ ᱛᱚᱵᱮ ᱩᱱᱤ ᱚᱵᱷᱤᱡᱩᱠᱛᱚ ᱥᱚᱨᱤᱯᱷᱩᱞ ᱤᱥᱞᱟᱢ (SHARIFUL ISLAM) ᱥᱟᱵ ᱞᱟᱹᱜᱤᱫ ᱛᱮ ᱢᱩᱢᱵᱟᱭ ᱯᱩᱞᱤᱥ ᱑᱐᱐ ᱠᱷᱚᱱ ᱦᱚᱸ ᱵᱟᱲᱛᱤ ᱥᱤ ᱥᱤ ᱴᱤᱵᱷᱤ ᱯᱷᱩᱴᱮᱡᱽ ᱧᱮᱞ ᱦᱩᱭ ᱟᱠᱟᱱ ᱛᱟᱠᱩᱣᱟ᱾ ᱥᱤ ᱥᱤ ᱴᱤᱵᱷᱤ ᱯᱷᱩᱴᱮᱡᱽ ᱧᱮᱞ ᱠᱟᱛᱮᱡ ᱜᱮ ᱯᱩᱞᱤᱥ ᱴᱷᱟᱱᱮ ᱴᱚᱴᱷᱟ ᱠᱷᱚᱱ ᱥᱚᱨᱤᱯᱷᱩᱞ ᱤᱥᱞᱟᱢ (SHARIFUL ISLAM) ᱠᱚ ᱮᱨᱨᱮᱥᱴ ᱞᱮᱫᱤᱣᱟ ᱾ ᱯᱩᱞᱤᱥ ᱠᱚ ᱞᱟᱹᱭ ᱟᱠᱟᱫᱟ ᱴᱷᱟᱱᱮ ᱨᱮᱭᱟᱜ ᱡᱟᱦᱟ ᱵᱚᱥᱛᱤ ᱨᱮ ᱥᱚᱨᱤᱯᱷᱩᱞ ᱮ ᱛᱟᱦᱮᱱ ᱠᱟᱱ ᱛᱟᱦᱮᱛ ᱚᱱᱟ ᱜᱟᱡᱟᱨ ᱟᱲᱮ ᱨᱮ ᱢᱮᱱᱟᱜ ᱟᱠᱟᱫᱟ, ᱚᱱᱟ ᱛᱮ ᱯᱩᱞᱤᱥᱼᱟᱜ ᱚᱱᱩᱢᱟᱱ ᱩᱱᱤᱫᱚ ᱵᱟᱝ ᱜᱟᱡᱟᱲ ᱨᱮ ᱩᱠᱩᱜ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱮᱫ ᱠᱟᱱ ᱛᱟᱦᱮᱱᱟ᱾ ᱱᱚᱣᱟ ᱞᱟᱦᱟ ᱴᱷᱟᱱᱮ ᱨᱮᱭᱟᱜ ᱟᱹᱰᱤ ᱜᱟᱱ ᱦᱚᱴᱮᱞ ᱨᱮᱦᱚᱭ ᱠᱟᱹᱢᱤ ᱟᱠᱟᱫᱟ ᱢᱮᱱᱛᱮ ᱯᱩᱞᱤᱥ ᱠᱚ ᱫᱟᱵᱤ ᱟᱠᱟᱫᱟ᱾ ᱛᱚᱵᱮ ᱱᱚᱣᱟ ᱞᱟᱦᱟ ᱚᱠᱟ ᱵᱟᱹᱲᱤᱡ ᱠᱟ,ᱢᱤ ᱥᱮ ᱚᱯᱚᱟᱫ ᱨᱮᱭᱟᱜ ᱚᱠᱟ ᱨᱮᱠᱚᱨᱰ ᱵᱟᱝ ᱧᱟᱢ ᱟᱠᱟᱱ ᱛᱟᱣᱟ᱾
ᱯᱩᱞᱤᱥ ᱟᱜ INQUIRY ᱨᱮ ᱥᱚᱤᱯᱷᱩᱞ ᱢᱟᱱᱟᱣ ᱠᱮᱫᱟᱭ ᱡᱮ ᱟᱡ ᱴᱷᱮᱱ ᱠᱟᱹᱢᱤ ᱵᱟᱝᱛᱮ ᱠᱩᱢᱲᱩ ᱫᱚᱭ ᱪᱩᱴᱟᱹᱭ ᱞᱮᱱ ᱛᱟᱦᱮᱱᱟ᱾ ᱛᱚᱵᱮ ᱵᱟᱰᱟᱭ ᱵᱟᱝ ᱛᱟᱦᱮᱸ ᱠᱟᱱ ᱛᱟᱣᱟ ᱚᱠᱚᱭ ᱚᱲᱟᱜ ᱨᱮᱭ ᱠᱩᱢᱨᱩ ᱮᱫᱟ ᱢᱮᱱᱛᱮ ᱟᱨ ᱥᱚᱨᱤᱯᱷᱩᱞᱮ ᱫᱟᱵᱤ ᱟᱠᱟᱫᱟ ᱡᱮ ᱚᱱ ᱦᱤᱞᱟᱹᱜ ᱜᱮ ᱯᱩᱭᱞᱩ ᱫᱟᱣ ᱚᱱᱟ ᱚᱲᱟᱜ ᱫᱚᱭ ᱵᱚᱞᱚ ᱞᱮᱱ ᱛᱟᱦᱮᱱᱟ᱾
