ᱥᱠᱩᱞ ᱵᱟᱥ ᱦᱮᱡᱼᱥᱮᱱ ᱨᱮ ᱮᱴᱠᱮᱴᱚᱬᱮ, ᱰᱟᱦᱟᱨ ᱡᱟᱸᱜᱮ ᱨᱮ ᱤᱛᱩᱱ ᱟᱥᱲᱟ ᱨᱮᱱ ᱯᱟᱹᱴᱷᱩᱣᱟᱹ

ᱜᱳᱰᱰᱟᱺ ᱤᱹᱥᱤᱹᱮᱞ ᱢᱮᱱᱮᱡᱽᱢᱮᱱᱴᱟᱜ ᱵᱷᱩᱛᱟᱹᱦᱟ ᱠᱟᱹᱢᱤ ᱠᱷᱟᱹᱛᱤᱨ ᱟᱱᱟᱴ ᱨᱮ ᱯᱟᱹᱴᱷᱩᱣᱟᱹ ᱠᱚ ᱾ ᱰᱟᱦᱟᱨ ᱡᱟᱸᱜᱮ ᱴᱮᱠᱚ ᱵᱚᱲᱦᱮᱭᱮᱱᱟ ᱤᱛᱩᱱ ᱟᱥᱲᱟ ᱨᱮᱱ ᱯᱟᱹᱴᱷᱩᱣᱟᱹ ᱠᱚ ᱾ ᱟᱯᱱᱟᱨᱟᱜ ᱫᱟᱹᱵᱤ ᱵᱮᱱᱟᱨ ᱨᱮ ᱚᱞ ᱠᱟᱛᱮᱫ ᱰᱟᱦᱟᱨ ᱠᱚ ᱡᱟᱸᱜᱮ ᱠᱮᱫᱟ ᱥᱠᱩᱞ ᱯᱟᱹᱴᱷᱩᱣᱟᱹ ᱾ ᱩᱱᱠᱩᱣᱟᱜ ᱫᱟᱹᱵᱤ ᱰᱟᱦᱟᱨ ᱵᱟᱹᱲᱤᱡ ᱠᱷᱟᱹᱛᱤᱨ ᱞᱳᱦᱟᱱᱰᱤᱭᱟ ᱵᱟᱭᱯᱟᱥ ᱦᱟᱹᱵᱤᱡ ᱜᱮ ᱵᱟᱥ ᱪᱟᱞᱟᱜᱼᱟ, ᱢᱮᱱᱠᱷᱟᱱ ᱩᱱᱠᱩ ᱞᱳᱦᱟᱱᱰᱤᱭᱟ ᱨᱤᱦᱟᱵᱽ ᱦᱟᱹᱵᱤᱡ ᱛᱟᱲᱟᱢ ᱛᱮ ᱥᱮᱱᱚᱜ ᱞᱟᱜᱟᱣ ᱠᱚᱣᱟ ᱾ ᱰᱟᱦᱟᱨ ᱵᱟᱹᱲᱤᱡ ᱠᱷᱟᱹᱛᱤᱨ ᱠᱳᱸᱰᱮᱞ ᱧᱩᱨᱩᱜ ᱨᱮᱱᱟᱜ ᱵᱚᱛᱚᱨ ᱥᱟᱨᱟ ᱜᱷᱟᱹᱲᱤᱡᱼᱮ ᱥᱟᱛᱟᱣ ᱠᱚᱣᱟ ᱾

ᱤᱹᱥᱤᱹᱮᱞ ᱢᱮᱱᱮᱡᱽᱢᱮᱱᱴᱟᱜ ᱚᱱᱦᱮᱲᱟ

ᱡᱷᱟᱲᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱜᱳᱰᱰᱟᱞᱟᱞᱢᱟᱴᱤᱭᱟ ᱨᱮ ᱤᱹᱥᱤᱹᱮᱞ ᱢᱮᱱᱮᱡᱽᱢᱮᱱᱴᱟᱜ ᱚᱱᱦᱮᱲᱟ ᱛᱮ ᱵᱟᱹᱲᱤᱡ ᱟᱠᱟᱱᱟ ᱰᱟᱦᱟᱨ ᱾ ᱡᱟᱦᱟᱸᱨᱮ ᱡᱷᱟᱲᱠᱷᱚᱸᱰ ᱥᱚᱨᱠᱟᱨ ᱩᱛᱱᱟᱹᱣ ᱨᱮᱱᱟᱜᱼᱮ ᱫᱟᱹᱵᱤᱭᱮᱫᱟ, ᱚᱱᱟ ᱴᱷᱟᱶ ᱨᱮᱜᱮ ᱧᱮᱞᱧᱟᱢᱮᱱᱟ ᱠᱷᱟᱱᱟᱼᱰᱷᱚᱸᱰᱟ ᱰᱟᱦᱟᱨ ᱾ ᱚᱱᱟ ᱦᱚᱨᱛᱮ ᱦᱤᱡᱩᱜ ᱥᱮᱱᱚᱜ ᱥᱟᱱᱟᱢ ᱦᱚᱲᱟᱜ ᱜᱮ ᱟᱹᱰᱤ ᱮᱴᱠᱮᱴᱚᱬᱮ ᱦᱩᱭᱩᱜ ᱠᱟᱱᱟ ᱾ ᱤᱛᱩᱱ ᱟᱥᱲᱟ ᱨᱮᱱ ᱯᱟᱹᱴᱷᱩᱣᱟᱹ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱫ ᱥᱟᱱᱟᱢ ᱦᱚᱲᱟᱜ ᱾ ᱨᱩᱣᱟᱹᱼᱦᱟᱹᱥᱩ ᱨᱮᱦᱚᱸ ᱚᱱᱟ ᱠᱷᱟᱲᱟᱝᱼᱠᱷᱚᱪᱟᱝ ᱰᱟᱦᱟᱨ ᱛᱮᱜᱮ ᱥᱮᱱᱚᱜ ᱞᱟᱜᱟᱣ ᱠᱚᱣᱟ ᱦᱟᱥᱯᱟᱛᱟᱞ ᱾ ᱢᱮᱱᱠᱷᱟᱱ ᱱᱤᱛ ᱧᱮᱞ ᱨᱮᱱᱟᱜ ᱤᱹᱥᱤᱹᱮᱞ ᱢᱮᱫ ᱛᱮ ᱧᱮᱧᱮᱞᱟᱭ ᱥᱮ ᱵᱟᱝ ᱾