(PAPUL MURMU) TRUMP TAKES OATH : ᱟᱢᱮᱨᱤᱠᱟ ᱨᱮ ᱮᱛᱚᱦᱚᱵ ᱮᱱᱟ ᱥᱚᱱᱟᱞᱤ ᱡᱩᱜ ᱨᱮᱭᱟᱜ, ᱨᱟᱥᱴᱨᱟᱯᱟᱛᱤ ᱦᱩᱫᱟᱹ ᱨᱮ ᱠᱤᱨᱭᱟᱹ ᱦᱟᱛᱟᱣ ᱛᱟᱭᱚᱱ ᱜᱮ ᱫᱟᱹᱵᱤ ᱠᱮᱫᱟᱭ ᱴᱨᱟᱢᱯ ᱨᱟᱥᱴᱨᱟᱯᱟᱛᱤ ᱞᱮᱠᱟᱛᱮ ᱠᱤᱨᱭᱟᱹ ᱦᱟᱛᱟᱣ ᱛᱟᱭᱚᱢ ᱜᱮ ᱵᱟᱝ ᱢᱟ ᱟᱢᱮᱨᱤᱠᱟ ᱨᱮ ᱮᱛᱚᱦᱚᱵ ᱮᱱᱟ ᱥᱚᱱᱟᱞᱤ ᱡᱩᱜ, ᱫᱟᱹᱵᱤ ᱠᱮᱫᱟᱭ ᱟᱢᱮᱨᱤᱠᱟ ᱨᱮᱱ ᱱᱟᱣᱟ ᱨᱟᱥᱴᱨᱟᱯᱟᱛᱤ ᱰᱚᱱᱟᱞ ᱴᱨᱟᱢᱯ(DONALD TRUMP)ᱹ ᱫᱤᱥᱚᱢ ᱨᱮᱱ ᱦᱚᱲ ᱠᱚᱣᱟᱜ ᱥᱟᱨᱛᱷ ᱵᱟᱸᱪᱟᱣ ᱜᱮ ᱦᱩᱭᱩᱜ ᱟᱦ ᱴᱨᱟᱢᱯ ᱟᱜ ᱯᱩᱭᱞᱩ ᱠᱟᱹᱢᱤ᱾ ᱚᱛᱮ ᱢᱟᱦᱟ ᱦᱤᱞᱟᱜ ᱟᱢᱮᱨᱤᱠᱟ ᱨᱮᱱ ᱔᱗ ᱟᱱᱟᱝ ᱨᱟᱥᱴᱨᱟᱯᱟᱛᱤ ᱞᱮᱠᱟᱛᱮ ᱠᱤᱨᱭᱟᱹ ᱦᱟᱛᱟᱣ ᱛᱟᱭᱚᱢ ᱜᱮ ᱚᱱᱟ ᱠᱟᱛᱷᱟᱭ ᱞᱟᱹᱭ ᱠᱮᱫᱟᱭ ᱰᱚᱱᱟᱞᱰ ᱴᱨᱟᱢᱯ(DONALD TRUMP)᱾ ᱫᱤᱥᱚᱢ ᱨᱮᱱ ᱦᱚᱲ ᱠᱚᱣᱟᱜ ᱥᱟᱨᱛᱷᱚ ᱵᱟᱸᱪᱟᱣ ᱥᱟᱣᱛᱮ ᱫᱤᱥᱚᱢ ᱨᱮ ᱠᱟᱳᱰᱤᱼᱟᱹᱨᱤ ᱠᱮᱴᱮᱡ ᱢᱟᱨᱟᱝ ᱞᱚᱠᱠᱷᱚ ᱛᱟᱦᱮᱱ ᱛᱟᱣᱟ ᱢᱮᱱᱛᱮᱭ ᱞᱟᱹᱭ ᱠᱮᱫᱟ ᱱᱟᱣᱟ ᱨᱟᱥᱴᱨᱟᱯᱟᱛᱤ᱾
ᱟᱢᱮᱨᱤᱠᱟ ᱨᱮᱱ ᱨᱟᱥᱴᱨᱟᱯᱟᱛᱤ ᱞᱮᱠᱟᱛᱮ ᱠᱤᱨᱭᱟᱹ ᱦᱟᱛᱟᱣ ᱛᱟᱭᱚᱢ ᱟᱹᱨᱤ ᱞᱮᱠᱟᱛᱮ ᱟᱢᱮᱨᱤᱠᱟ ᱨᱮᱱ ᱢᱟᱨᱮ ᱨᱟᱥᱴᱨᱟᱯᱟᱛᱤ ᱵᱤᱞ ᱠᱞᱤᱱᱴᱚᱱ(BILL CLINTON), ᱵᱟᱨᱟᱠ ᱚᱵᱟᱢᱟ(BARACK OBAMA) ᱟᱨ (JOE BIDEN) ᱛᱟᱹᱠᱩ ᱥᱟᱨᱦᱟᱣ ᱪᱟᱞ ᱠᱟᱛᱮᱡ ᱠᱟᱯᱤᱴᱟᱞ ᱦᱤᱞ ᱨᱮᱭᱟᱜ ᱨᱚᱴᱟᱱᱰᱟ ᱨᱮ ᱚᱛᱮ ᱢᱟᱦᱟ ᱦᱤᱞᱟᱹᱜ ᱧᱤᱱᱫᱟᱹ ᱵᱮᱲᱟ ᱨᱟᱥᱴᱨᱟᱯᱟᱛᱤ ᱞᱮᱠᱟᱛᱮ ᱯᱩᱭᱞᱩ ᱵᱷᱟᱥᱚᱱ ᱮ ᱮᱢ ᱠᱮᱫᱟ ᱴᱨᱟᱢᱯ᱾ ᱟᱨ ᱚᱱᱟ ᱯᱩᱭᱞᱩ ᱵᱷᱟᱥᱚᱱ ᱨᱮᱜᱤ ᱴᱨᱟᱢᱯ ᱮ ᱞᱟᱹᱭ ᱠᱮᱫᱟ ᱟᱢᱮᱨᱤᱠᱟ ᱨᱮ ᱮᱛᱚᱦᱚᱵ ᱮᱱᱟ ᱥᱚᱱᱟᱞᱤ ᱡᱩᱜ ᱨᱮᱭᱟᱜ᱾ ᱟᱨ ᱱᱚᱣᱟ ᱯᱠᱛᱚ ᱨᱮᱜᱤ “ᱟᱢᱮᱨᱤᱠᱟ ᱯᱷᱟᱥᱴ” ᱮ ᱪᱟᱹᱞᱩᱭᱟ ᱢᱮᱱᱛᱮ ᱞᱟᱹᱭ ᱠᱮᱫᱟ᱾ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱵᱷᱚᱴ ᱵᱟᱪᱷᱱᱟᱣ ᱚᱠᱛᱚ ᱯᱨᱚᱪᱟᱨ ᱥᱚᱢᱚᱭ ᱜᱮ “ᱟᱢᱮᱨᱤᱠᱟ ᱯᱷᱟᱥᱴ” ᱨᱮᱭᱟᱜ ᱠᱟᱛᱷᱟ ᱞᱟᱹᱭ ᱠᱟᱛᱮᱡ ᱦᱚᱲ ᱠᱚᱣᱟᱜ ᱢᱚᱱᱮ ᱨᱮ ᱡᱟᱭᱜᱟᱭ ᱵᱮᱱᱟᱣ ᱞᱮᱫᱟ ᱴᱨᱟᱢᱯ᱾ ᱯᱨᱚᱪᱟᱨ ᱚᱠᱛᱚ ᱴᱨᱟᱢᱯ ᱟᱜ ᱞᱟᱹᱭ, ᱩᱱᱟᱹᱜ ᱫᱤᱱ ᱠᱷᱚᱱ ᱟᱢᱮᱨᱤᱠᱟ ᱞᱟᱹᱜᱤᱫ ᱡᱟᱦᱟ ᱛᱤᱱᱟᱹᱜ ᱜᱮ ᱵᱷᱟᱹᱞᱟᱹᱭ ᱦᱩᱭ ᱟᱠᱟᱱ ᱚᱱᱟ ᱨᱮᱭᱟᱜ ᱞᱟᱵᱷ ᱠᱚ ᱦᱟᱛᱟᱣ ᱟᱠᱟᱫᱟ ᱠᱷᱚᱢᱚᱛᱟ ᱫᱷᱟᱹᱨᱤ ᱠᱤᱪᱩ ᱦᱚᱲ ᱜᱮ, ᱟᱡ ᱡᱩᱫᱤ ᱠᱷᱚᱢᱚᱛᱟ ᱨᱮᱭ ᱦᱮᱡ ᱞᱮᱱ ᱠᱷᱟᱡ ᱚᱱᱟ ᱫᱤᱱ ᱠᱷᱚᱱ ᱪᱟᱞᱟᱜ ᱠᱟᱱ ᱪᱤᱛᱟᱹᱨ ᱜᱮ ᱯᱟᱞᱴᱟᱣᱼᱟ ᱢᱮᱱᱛᱮᱭ ᱞᱟᱹᱭ ᱟᱭ ᱢᱮᱱᱛᱮᱭ ᱞᱟᱹᱭ ᱞᱮᱫ ᱛᱟᱦᱮᱱᱟ᱾ ᱮᱴᱟᱜ ᱫᱤᱥᱚᱢ ᱠᱷᱚᱱ ᱦᱮᱡ ᱟᱠᱟᱱ ᱱᱟᱜᱚᱨᱤᱠ ᱠᱚᱫᱚ ᱵᱟᱝ, ᱵᱟᱹᱲᱛᱤ ᱜᱩᱨᱩᱛᱛᱚᱭ ᱮᱢᱼᱟ ᱟᱢᱮᱨᱤᱠᱟ ᱨᱮᱱ ᱱᱟᱜᱚᱨᱤᱠ ᱠᱚᱣᱟᱜ ᱥᱟᱨᱛᱷᱚ ᱨᱚᱠᱷᱟ ᱞᱟᱹᱜᱤᱫ ᱛᱮ᱾ ᱩᱱᱤᱣᱟᱜ ᱚᱱᱟ ᱠᱟᱛᱷᱟ ᱜᱮ ᱟᱢᱮᱨᱤᱠᱟ ᱨᱮᱭᱟᱜ ᱵᱟᱪᱷᱱᱟᱣ ᱚᱠᱛᱚ ᱨᱮ ᱟᱹᱰᱤ ᱡᱚᱱᱚᱯᱨᱤᱭᱚᱛᱟᱭ ᱧᱟᱢ ᱞᱮᱫ ᱛᱟᱦᱮᱱᱟ᱾
ᱨᱟᱥᱴᱨᱟᱯᱟᱛᱤ ᱞᱮᱠᱟᱴᱮ ᱠᱤᱨᱭᱟᱹ ᱦᱟᱛᱟᱣ ᱞᱟᱦᱟ ᱨᱮᱜᱤ ᱴᱨᱟᱢᱯ ᱞᱟᱹᱭ ᱞᱮᱫᱟᱭ ᱯᱩᱭᱞᱩ ᱫᱤᱱ ᱨᱮᱜᱤ ᱑᱐᱐ ᱟᱫᱮᱥ ᱨᱮᱭ ᱥᱩᱦᱤ ᱞᱮᱫ ᱛᱟᱦᱮᱱᱟ᱾ ᱟᱨ ᱴᱨᱟᱢᱯ ᱟᱜ ᱚᱱᱟ ᱥᱩᱦᱤ ᱞᱮᱠᱟᱛᱮ ᱵᱟᱛᱤᱞ ᱰᱟᱲᱮᱼᱟ ᱵᱟᱭᱰᱮᱱ ᱯᱨᱚᱥᱟᱥᱚᱱᱟᱜ ᱟᱹᱰᱤ ᱜᱟᱱ ᱠᱟᱹᱢᱤ ᱦᱚᱨᱟ ᱜᱮ᱾ ᱴᱨᱟᱢᱯ ᱟᱜ ᱚᱱᱟ ᱛᱟᱞᱤᱠᱟ ᱨᱮ ᱢᱮᱱᱟᱜᱼᱟ “ᱵᱮ ᱟᱭᱱᱤ ᱞᱮᱠᱟᱛᱮ ᱦᱮᱡ ᱠᱟᱛᱮᱡ ᱜᱤᱨᱟᱹᱵᱟᱹᱥᱤ ᱟᱠᱟᱱ ᱦᱚᱲᱠᱚ ᱞᱟᱜᱟ” ᱾ ᱴᱨᱟᱢᱯ ᱒ᱹ᱐ ᱨᱮᱭᱟᱜ ᱯᱩᱭᱞᱩ ᱵᱷᱟᱥᱚᱱ ᱨᱮᱜᱤ ᱚᱱᱩᱯᱨᱚᱵᱮᱥ ᱟᱴᱠᱟᱣ ᱞᱟᱹᱜᱤᱫ ᱫᱤᱥᱚᱢ ᱨᱮᱭᱟᱜ ᱫᱟᱠᱷᱤᱱ ᱯᱟᱥᱴᱟ ᱨᱮ ᱮᱢᱟᱡᱮᱱᱥᱤ ᱦᱚᱭ ᱜᱷᱚᱥᱚᱱᱟᱭ ᱟᱦ ᱢᱮᱱᱛᱮ ᱦᱚᱭ ᱞᱟᱹᱭ ᱟᱠᱟᱫᱟ ᱴᱨᱟᱢᱯ᱾
ᱛᱚᱵᱮ ᱯᱩᱭᱞᱩ ᱫᱷᱟᱣ ᱨᱟᱥᱴᱨᱟᱯᱟᱛᱤ ᱛᱟᱦᱮᱱ ᱚᱠᱛᱚ ᱟᱢᱮᱨᱤᱠᱟ ᱨᱮ ᱚᱱᱩᱯᱨᱚᱵᱮᱥ ᱟᱴᱠᱟᱣ ᱞᱟᱹᱜᱤᱫ ᱢᱤᱥᱠᱤᱠᱳ ᱥᱤᱢᱟᱹ ᱨᱮ ᱛᱟᱨᱠᱟᱸᱴᱟ ᱵᱮᱱᱣ ᱨᱮᱭᱟᱜ ᱠᱟᱹᱢᱤ ᱮᱛᱚᱦᱚᱵ ᱠᱟᱛᱮᱡ ᱵᱤᱛᱚᱨᱠᱚ ᱮᱛᱚᱦᱚᱵ ᱞᱮᱱ ᱛᱟᱦᱮᱱᱟ᱾ ᱨᱟᱥᱴᱨᱟᱯᱟᱛᱤ ᱴᱨᱟᱢᱯ ᱵᱟᱪᱷᱱᱟᱣ ᱚᱠᱛᱚ ᱯᱨᱚᱪᱟᱨ ᱥᱚᱢᱚᱭ ᱨᱟᱥᱤᱭᱟᱼᱩᱠᱨᱮᱱ ᱞᱟᱹᱲᱦᱟᱭ ᱟᱨ ᱯᱟᱹᱪᱷᱤᱢ ᱮᱥᱤᱭᱟ ᱨᱮ ᱪᱟᱞᱟᱜ ᱠᱟᱱ ᱚᱷᱥᱟᱱᱛᱤ ᱨᱩᱠᱷᱟᱹᱣ ᱨᱮᱭᱟᱜ ᱯᱨᱚᱛᱤᱥᱨᱚᱛᱤ ᱮᱢ ᱞᱮᱫᱟ ᱴᱨᱟᱢᱯ᱾ ᱵᱟᱭᱰᱮᱱ ᱡᱟᱢᱟᱱᱟ ᱨᱮ ᱜᱟᱡᱟ ᱨᱮ ᱤᱥᱨᱟᱭᱞᱼᱦᱟᱢᱟᱥ ᱞᱟᱹᱲᱦᱟᱹᱭ ᱨᱩᱠᱷᱟᱣ ᱞᱟᱹᱜᱤᱫ ᱪᱩᱠᱛᱤ ᱦᱩᱭ ᱞᱮᱱ ᱮᱦᱚᱸ, ᱩᱠᱨᱮᱱ ᱨᱮ ᱱᱤᱛ ᱦᱚᱸ ᱢᱟᱭᱟᱢ ᱞᱮᱸᱜᱤ ᱠᱟᱱᱟ᱾ ᱥᱟᱹᱛᱤ ᱟᱨ ᱨᱩᱭᱟᱹᱨ ᱜᱮ ᱞᱚᱠᱠᱷᱚ ᱦᱩᱭᱩᱼᱟ ᱢᱮᱱᱛᱮᱭ ᱞᱟᱹᱭ ᱠᱟᱫᱟ ᱴᱨᱟᱢᱯ᱾
TRUMP TAKES OATH : ᱟᱢᱮᱨᱤᱠᱟ ᱨᱮ ᱮᱛᱚᱦᱚᱵ ᱮᱱᱟ ᱥᱚᱱᱟᱞᱤ ᱡᱩᱜ ᱨᱮᱭᱟᱜ, ᱨᱟᱥᱴᱨᱟᱯᱟᱛᱤ ᱦᱩᱫᱟᱹ ᱨᱮ ᱠᱤᱨᱭᱟᱹ ᱦᱟᱛᱟᱣ ᱛᱟᱭᱚᱱ ᱜᱮ ᱫᱟᱹᱵᱤ ᱠᱮᱫᱟᱭ ᱴᱨᱟᱢᱯ
Leave a comment
Follow US
Find US on Social Medias
