(PAPUL MURMU) Uttar Pradesh By Election : ᱟᱹᱰᱤ ᱞᱚᱜᱚᱱ ᱜᱮ ᱩᱛᱛᱚᱨ ᱯᱨᱚᱫᱮᱹᱥ ᱥᱟᱶᱛᱮ ᱯᱚᱥᱪᱤᱢ ᱵᱟᱝᱞᱟ ᱨᱮᱦᱚᱸ ᱦᱩᱭᱩᱜ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱾ ᱡᱟᱦᱟᱸᱫᱚ INDIA ᱜᱟᱴᱵᱚᱱᱫᱷᱚᱱ ᱴᱷᱮᱱ ᱢᱤᱫ ᱢᱟᱨᱟᱝ ᱪᱮᱞᱮᱧᱡᱽ ᱠᱟᱱᱟ ᱾ ᱱᱚᱣᱟ ᱞᱟᱦᱟ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱤᱱᱰᱤᱭᱟ (INDIA) ᱡᱳᱴ ᱩᱛᱛᱚᱨ ᱯᱨᱚᱫᱮᱹᱥ ᱨᱮ ᱔᱐ ᱜᱚᱴᱟᱝ ᱠᱷᱚᱱ ᱦᱚᱸ ᱵᱟᱹᱲᱛᱤ ᱥᱤᱴ ᱨᱮᱭ ᱡᱤᱛᱠᱟᱹᱨ ᱟᱠᱟᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱵᱤᱹᱡᱮᱹᱯᱤ ᱯᱟᱨᱞᱟᱢᱮᱱᱴ ᱨᱮ ᱮᱠᱚᱠ ᱥᱚᱝᱠᱷᱟ ᱜᱚᱨᱤᱥᱴᱷᱚᱛᱷᱟ ᱵᱟᱝᱼᱮ ᱧᱟᱢ ᱟᱠᱟᱫᱟ, ᱟᱨ ᱱᱤᱛ ᱫᱚᱲᱦᱟ ᱵᱟᱪᱷᱱᱟᱣ ᱤᱫᱤ ᱠᱟᱛᱮᱫ ᱨᱟᱡᱽᱼᱟᱹᱨᱤ ᱨᱮᱭᱟᱜ ᱩᱛᱛᱟᱯ ᱵᱟᱹᱲᱛᱤ ᱪᱟᱞᱟᱜ ᱠᱟᱱᱟ ᱾
ᱛᱚᱵᱮ ᱫᱚᱲᱦᱟ ᱵᱟᱪᱷᱱᱟᱣ ᱥᱩᱨ ᱦᱤᱡᱩᱜ ᱠᱟᱱ ᱨᱮᱦᱚᱸ ᱩᱛᱛᱚᱨ ᱯᱨᱚᱫᱮᱹᱥ ᱨᱮ ᱠᱚᱝᱜᱨᱮᱹᱥ ᱟᱨ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱢᱩᱫᱽ ᱨᱮ ᱥᱤᱴ ᱦᱟᱹᱴᱤᱧ ᱤᱫᱤ ᱠᱟᱛᱮᱫ ᱱᱤᱛ ᱦᱚᱸ ᱥᱚᱢᱡᱚᱛᱟ ᱵᱟᱝ ᱦᱩᱭ ᱟᱠᱟᱱᱟ ᱾ ᱠᱚᱝᱜᱨᱮᱥᱹᱥ ᱜᱮᱞ (᱑᱐) ᱜᱚᱴᱟᱝ ᱥᱤᱴ ᱢᱩᱫᱽ ᱨᱮ ᱢᱚᱬᱮ (᱐᱕) ᱜᱚᱴᱟᱝ ᱥᱤᱴ ᱨᱮ ᱠᱚᱱᱴᱮᱹᱥᱴ ᱨᱮᱭᱟᱜ ᱫᱟᱹᱵᱤ ᱠᱚ ᱨᱟᱠᱟᱵ ᱟᱠᱟᱫᱟ, ᱢᱮᱱᱠᱷᱟᱱ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱵᱟᱝᱼᱮ ᱨᱮᱵᱮᱱ ᱠᱟᱱᱟ ᱠᱚᱝᱜᱨᱮᱹᱥᱟᱜ ᱚᱱᱟ ᱯᱨᱚᱥᱛᱟᱵᱽ ᱨᱮ ᱾ ᱛᱚᱵᱮ ᱵᱟᱱᱟᱨ ᱫᱚᱞᱟᱜ ᱢᱩᱞ ᱞᱚᱠᱠᱷᱚ ᱦᱩᱭᱩᱜ ᱠᱟᱱᱟ ᱵᱤᱹᱡᱮᱹᱯᱤ ᱚᱪᱚᱜ ᱾
ᱟᱨ ᱯᱚᱥᱪᱦᱤᱢ ᱵᱟᱝᱞᱟ ᱨᱮᱦᱚᱸ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱛᱟᱭᱚᱢ ᱯᱩᱱᱭᱟ ᱥᱤᱴ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱨᱮ ᱴᱤᱹᱮᱢᱹᱥᱤ ᱜᱮᱭ ᱡᱤᱛᱠᱟᱹᱨ ᱞᱮᱱᱟ ᱾ ᱟᱨ ᱱᱤᱛ ᱟᱨᱦᱚᱸ ᱯᱚᱥᱪᱤᱢ ᱵᱚᱝᱜᱚ ᱨᱮᱭᱟᱜ ᱥᱤᱛᱟᱭ, ᱢᱟᱫᱟᱨᱤᱦᱟᱴ, ᱢᱮᱫᱽᱱᱤᱯᱩᱨ, ᱱᱚᱭᱦᱟᱴᱤ, ᱛᱟᱞᱰᱟᱝᱨᱟ, ᱟᱨ ᱦᱟᱲᱣᱟ ᱨᱮ ᱢᱮᱱᱟᱜ ᱟᱠᱟᱫᱟ ᱫᱚᱲᱦᱟ ᱵᱟᱪᱷᱱᱟᱣ ᱾ ᱩᱛᱛᱚᱨ ᱯᱨᱚᱫᱮᱹᱥ ᱨᱮᱭᱟᱜ ᱑᱐ ᱜᱚᱴᱟᱝ ᱥᱤᱴ ᱢᱩᱫᱽ ᱨᱮ ᱙ ᱜᱚᱴᱟᱝ ᱥᱤᱴ ᱨᱮᱱ ᱠᱮᱱᱰᱤᱰᱮᱹᱴ ᱫᱚ ᱞᱳᱠᱥᱚᱵᱟᱷᱟ ᱵᱟᱪᱷᱱᱟᱣ ᱨᱮ ᱮᱢᱹᱯᱤ ᱠᱚ ᱵᱟᱪᱷᱱᱟᱣ ᱟᱠᱟᱱᱟ, ᱟᱨ ᱢᱤᱫᱴᱟᱝ ᱵᱤᱫᱷᱟᱭᱟᱠ ᱤᱨᱯᱷᱟᱱ ᱥᱳᱞᱟᱝᱠᱤ ᱵᱤᱫᱷᱟᱭᱟᱠ ᱯᱚᱫᱽ ᱵᱟᱹᱛᱤᱞ ᱠᱷᱟᱹᱛᱤᱨ ᱾ ᱩᱛᱛᱚᱨ ᱯᱨᱚᱫᱮᱹᱥ ᱨᱮ ᱡᱟᱦᱟᱸ ᱠᱚ ᱥᱤᱴ ᱨᱮ ᱫᱚᱲᱦᱟ ᱵᱟᱪᱷᱱᱟᱣ ᱦᱩᱭᱩᱜᱼᱟ ᱚᱱᱟ ᱠᱚᱫᱚ ᱜᱟᱡᱤᱭᱟᱵᱟᱫᱽ ᱨᱮᱭᱟᱜ ᱢᱚᱡᱳᱣᱟ (ᱢᱤᱨᱡᱟᱯᱩᱨ), ᱥᱤᱥᱟᱢᱟᱣ (ᱠᱟᱱᱯᱩᱨ), ᱠᱷᱮᱣᱳᱨ (ᱟᱞᱤᱜᱚᱲ), ᱠᱟᱴᱮᱦᱚᱨᱤ (ᱟᱢᱵᱮᱫᱽᱠᱚᱨ ᱱᱚᱜᱚᱨ), ᱠᱚᱨᱦᱚᱞ (ᱢᱮᱱᱯᱩᱨᱤ), ᱢᱤᱞᱠᱤᱯᱩᱨ (ᱚᱡᱳᱫᱽᱫᱷᱟ), ᱢᱤᱨᱟᱯᱩᱨ (ᱢᱩᱡᱟᱯᱯᱷᱚᱨ ᱱᱚᱜᱚᱨ), ᱯᱷᱩᱞᱯᱩᱨ (ᱯᱨᱚᱭᱟᱜᱽᱨᱟᱡᱽ) ᱟᱨ ᱠᱩᱱᱫᱚᱨᱠᱤ (ᱢᱩᱨᱟᱫᱟᱵᱟᱫᱽ) ᱥᱤᱴ ᱨᱮ ᱾
