ᱴᱨᱟᱭᱤᱵᱽ ᱴᱤᱹᱵᱷᱤ ᱥᱟᱱᱛᱟᱲᱤ ᱰᱤᱡᱤᱴᱟᱞᱺ ᱯᱩᱛᱷᱤ ᱢᱮᱞᱟ, ᱞᱩᱜᱽᱲᱤᱡ ᱢᱮᱞᱟ ᱥᱮ ᱠᱷᱟᱫᱽᱫᱚ ᱢᱮᱞᱟ ᱫᱚ ᱵᱟᱝ! ᱱᱟᱱᱟᱦᱩᱱᱟᱹᱨ ᱯᱟᱹᱨᱥᱤ ᱨᱮᱱᱟᱜ ᱫᱟᱲᱮᱹ ᱵᱟᱹᱲᱛᱤ ᱟᱨ ᱢᱟᱹᱱ ᱮᱢ ᱵᱟᱵᱚᱫᱽ ᱱᱤᱭᱩ ᱴᱟᱣᱩᱱ ᱨᱚᱵᱤᱱᱫᱨᱚ ᱛᱤᱨᱛᱷᱚ ᱚᱰᱤᱴᱳᱨᱤᱭᱟᱢ ᱨᱮ ᱱᱤᱭᱟᱹ ᱥᱮᱨᱢᱟ ᱦᱚᱸ ᱥᱟᱹᱦᱤᱡᱩᱦᱤᱭᱮᱱᱟ ᱯᱟᱹᱨᱥᱤ ᱢᱮᱞᱟ, ᱒᱐᱒᱔ (Bhasha Mela) ᱾ ᱢᱟᱱᱣᱟ ᱡᱤᱭᱚᱱ ᱨᱮ ᱯᱟᱹᱨᱥᱤ ᱨᱮᱱᱟᱜ ᱚᱥᱟᱢᱵᱷᱮᱹᱲ ᱮᱱᱮᱢ ᱢᱮᱱᱟᱜᱼᱟ ᱾ ᱱᱟᱱᱟᱦᱩᱱᱟᱹᱨ ᱯᱟᱹᱨᱥᱤ ᱨᱮᱱᱟᱜ ᱫᱟᱲᱮᱹ ᱵᱟᱹᱲᱛᱤ ᱟᱨ ᱢᱟᱹᱱ ᱮᱢ ᱵᱟᱵᱚᱫᱽ ᱦᱩᱭ ᱮᱱᱟ ᱯᱟᱹᱨᱥᱤ ᱢᱮᱞᱟ, ᱒᱐᱒᱔ ᱾
ᱱᱤᱭᱩᱴᱟᱣᱩᱱ ᱨᱚᱵᱤᱱᱫᱨᱚ ᱛᱤᱨᱛᱷᱚ ᱨᱮ ᱯᱟᱹᱨᱥᱤ ᱢᱮᱞᱟ (Bhasha Mela)
ᱥᱟᱹᱨᱫᱤ ᱢᱟᱦᱟ ᱱᱤᱭᱩᱴᱟᱣᱩᱱ ᱨᱚᱵᱤᱱᱫᱨᱚ ᱛᱤᱨᱛᱷᱚ ᱨᱮ ᱮᱴᱚᱦᱚᱵ ᱟᱠᱟᱱᱟ ᱯᱟᱹᱨᱥᱤ ᱢᱮᱞᱟ (Bhasha Mela) ᱾ ᱯᱟᱪᱷᱮ ᱵᱟᱝᱞᱟ ᱥᱚᱨᱠᱟᱨᱟᱜ ᱞᱟᱯᱷᱟᱝ ᱥᱮᱪᱮᱫ ᱛᱟᱞᱢᱟ ᱤᱱᱥᱴᱤᱴᱤᱭᱩᱴ ᱚᱯᱷ ᱞᱮᱝᱜᱩᱭᱮᱹᱡᱽ ᱥᱴᱟᱰᱤᱡᱽ ᱮᱱᱰ ᱨᱤᱥᱟᱨᱪᱟᱜ ᱜᱚᱲᱚᱥᱚᱯᱚᱦᱚᱫ ᱛᱮ ᱥᱟᱹᱦᱤᱡᱩᱦᱤᱭᱮᱱᱟ ᱱᱚᱣᱟ ᱯᱟᱹᱨᱥᱤ ᱢᱮᱞᱟ ᱾ ᱵᱟᱨ ᱢᱟᱦᱟᱨᱤ ᱱᱚᱣᱟ ᱯᱟᱹᱨᱥᱤ ᱢᱟᱦᱟ ᱨᱮᱱᱟᱜ ᱮᱴᱚᱦᱚᱵ ᱦᱩᱭ ᱞᱮᱱᱟ ᱥᱟᱹᱨᱫᱤ ᱢᱟᱦᱟ ᱾ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱟᱭᱢᱟ ᱢᱟᱹᱱᱟᱹᱱ ᱦᱚᱲ ᱾ ᱥᱮᱴᱮᱨᱮ ᱛᱟᱦᱮᱸ ᱠᱟᱱᱟ ᱥᱮᱪᱮᱫ ᱢᱚᱱᱛᱨᱤ ᱵᱨᱟᱛᱛᱚ ᱵᱚᱥᱩ ᱾
ᱱᱟᱱᱟᱦᱩᱱᱟᱹᱨ ᱜᱟᱛᱟᱠ ᱨᱮᱱᱟᱜ ᱯᱟᱹᱨᱥᱤ ᱨᱮᱭᱟᱜ ᱢᱟᱹᱱ
ᱱᱚᱣᱟ ᱯᱟᱹᱨᱥᱤ ᱢᱮᱞᱟ ᱥᱟᱱᱟᱢ ᱠᱚ ᱞᱟᱹᱜᱤᱫ ᱾ ᱵᱟᱝᱞᱟ ᱯᱟᱹᱨᱥᱤ ᱥᱟᱶᱼᱥᱟᱶᱛᱮ ᱮᱴᱟᱜ ᱯᱟᱹᱨᱥᱤ ᱠᱚᱦᱚᱸ ᱡᱟᱛᱮ ᱡᱚᱛᱷᱟᱛ ᱢᱟᱹᱱᱮ ᱧᱟᱢ ᱢᱟ ᱚᱱᱟ ᱞᱟᱹᱜᱤᱫ ᱛᱮᱜᱮ ᱱᱚᱣᱟ ᱯᱟᱹᱨᱥᱤ ᱢᱮᱞᱟ ᱾ ᱯᱟᱹᱨᱥᱤ ᱜᱟᱹᱠᱷᱩᱲᱟᱱ, ᱠᱷᱚᱸᱫᱽᱨᱚᱱᱤᱭᱟᱹ, ᱥᱤᱞᱯᱤ, ᱥᱚᱝᱥᱠᱨᱤᱛᱤ ᱠᱟᱹᱢᱤᱭᱟᱹ ᱥᱟᱶᱛᱮ ᱟᱭᱢᱟ ᱦᱚᱲ ᱱᱚᱣᱟ ᱢᱮᱞᱟ ᱨᱮᱠᱚ ᱥᱮᱞᱮᱫ ᱞᱮᱱᱟ ᱾ ᱯᱚᱱᱚᱛ ᱨᱮᱱᱟᱜᱟᱭᱢᱟ ᱜᱟᱛᱟᱠ ᱨᱮᱱ ᱦᱚᱲᱟᱜ ᱯᱟᱹᱨᱥᱤ ᱵᱟᱵᱚᱫᱽ ᱥᱯᱮᱹᱥᱟᱞ ᱥᱮᱹᱢᱤᱱᱟᱨ ᱟᱨ ᱥᱟᱝᱥᱠᱨᱤᱛᱤᱠ ᱠᱟᱹᱢᱤᱦᱚᱨᱟ ᱛᱟᱞᱟᱛᱮ ᱱᱚᱣᱟ ᱯᱟᱹᱨᱥᱤ ᱢᱮᱞᱟ ᱦᱩᱭ ᱥᱟᱹᱛ ᱮᱱᱟ ᱾ ᱥᱟᱱᱛᱟᱲᱤ, ᱵᱷᱩᱢᱤᱡᱽ, ᱨᱟᱡᱽᱵᱚᱝᱥᱤ, ᱢᱮᱪᱚ, ᱛᱟᱢᱟᱝ ᱥᱟᱶᱛᱮ ᱟᱭᱢᱟ ᱯᱟᱹᱨᱥᱤ ᱨᱮᱱ ᱢᱟᱹᱱᱢᱤ ᱠᱚ ᱮᱱᱮᱡᱼᱥᱮᱨᱮᱧ ᱩᱫᱩᱜ ᱥᱚᱫᱚᱨᱟᱠᱟᱱᱟ ᱾
ᱯᱟᱹᱨᱥᱤ ᱨᱮᱱᱟᱜ ᱞᱟᱹᱠᱛᱤ
ᱢᱤᱫ ᱦᱚᱲ ᱟᱨᱢᱤᱫ ᱦᱚᱲᱟᱜ ᱯᱟᱹᱨᱥᱤ ᱥᱟᱞᱟᱜ ᱡᱳᱜᱟᱡᱳᱜᱽ ᱛᱮᱭᱟᱨ ᱦᱩᱭᱩᱜ ᱠᱟᱱᱟ ᱡᱚᱛᱚᱠᱷᱚᱱ ᱢᱟᱨᱟᱝ ᱥᱚᱨᱛᱚ ᱾ ᱯᱟᱹᱨᱥᱤ ᱛᱟᱞᱟ ᱛᱮᱜᱮ ᱢᱟᱹᱱᱢᱤ ᱦᱚᱯᱚᱱ ᱢᱤᱫ ᱦᱚᱲ ᱥᱟᱞᱟᱜ ᱟᱨᱢᱤᱫ ᱦᱚᱲ ᱥᱟᱹᱜᱟᱹᱭ ᱠᱚ ᱫᱚᱦᱚᱭᱟ ᱾ ᱮᱨᱤᱥᱴᱚᱴᱚᱞ ᱞᱮᱠᱟᱱ ᱢᱟᱨᱟᱝ ᱨᱟᱥᱴᱨᱚ ᱵᱤᱜᱽᱜᱟᱱᱤ ᱟᱨ ᱥᱟᱬᱮᱥᱤᱭᱟᱹ ᱴᱷᱟᱹᱣᱠᱟᱹ ᱥᱟᱺᱦᱤᱡ ᱦᱩᱰᱤᱧ ᱢᱟᱪᱷᱟᱛᱮ ᱞᱟᱹᱭ ᱞᱮᱫᱟᱭ, ᱢᱟᱹᱱᱢᱤ ᱥᱚᱢᱟᱡᱽᱵᱚᱫᱽᱫᱷᱚ ᱡᱤᱵᱽ ᱾ ᱱᱤᱡᱮ ᱴᱮᱠᱟᱣ ᱛᱟᱦᱮᱱ ᱞᱟᱹᱜᱤᱫ ᱛᱮ ᱮᱴᱟᱜ ᱠᱚᱣᱟᱜ ᱜᱚᱲᱚ ᱞᱟᱹᱠᱛᱤ ᱾ ᱚᱱᱟ ᱞᱟᱹᱜᱤᱫ ᱛᱮ ᱯᱟᱹᱨᱥᱤ ᱜᱮ ᱡᱚᱛᱚᱠᱷᱚᱱ ᱢᱟᱨᱟᱝ ᱦᱟᱹᱛᱭᱟᱹᱨ ᱾ ᱥᱚᱢᱟᱡᱽ ᱡᱚᱠᱷᱚᱱ ᱵᱮᱱᱟᱣ ᱞᱮᱱᱟ ᱩᱱ ᱩᱯᱚᱡᱟᱛᱤ ᱟᱨ ᱜᱳᱥᱴᱷᱤ ᱠᱚ ᱡᱩᱢᱤᱫ ᱞᱮᱱᱟ ᱾ ᱡᱚᱠᱷᱚᱱ ᱟᱭᱢᱟ ᱩᱯᱚᱡᱟᱛᱤ ᱢᱤᱫ ᱯᱟᱹᱨᱥᱤ ᱛᱮᱠᱚ ᱨᱚᱲᱟ ᱥᱮ ᱢᱤᱫ ᱫᱷᱚᱨᱚᱢ ᱨᱮᱱᱟᱜ ᱠᱟᱛᱷᱟ ᱠᱚ ᱢᱮᱱᱟ, ᱩᱱ ᱩᱱᱠᱩ ᱫᱚ ᱢᱤᱫ ᱫᱚᱞ ᱨᱮᱠᱚ ᱦᱤᱡᱩᱜᱼᱟ ᱾ ᱚᱱᱟᱛᱮ ᱯᱟᱹᱨᱥᱤ ᱢᱟᱱᱣᱟ ᱥᱚᱢᱚᱡᱽ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱦᱟᱹᱛᱭᱟᱹᱨ ᱛᱮᱭᱟᱨ ᱟᱠᱟᱱᱟ ᱟᱨ ᱥᱟᱱᱟᱢ ᱚᱠᱛᱚ ᱥᱟᱢᱟᱡᱤᱠ ᱡᱳᱜᱟᱡᱳᱜᱽ ᱛᱮᱭᱟᱨ ᱨᱮ ᱞᱟᱹᱠᱛᱤᱭᱟᱱ ᱮᱱᱮᱢ ᱢᱮᱱᱟᱜ ᱟᱠᱟᱫ ᱛᱟᱭᱟ ᱾
ᱯᱟᱹᱨᱥᱤ ᱢᱮᱞᱟ ᱨᱮᱱᱟᱜ ᱡᱚᱥ
ᱯᱟᱹᱨᱥᱤ ᱢᱮᱞᱟ ᱨᱮᱱᱟᱜ ᱢᱩᱲᱦᱩᱫ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱱᱟᱣᱟ ᱯᱟᱹᱨᱥᱤ ᱥᱮᱲᱟ, ᱯᱟᱹᱨᱥᱤ ᱛᱟᱞᱟᱛᱮ ᱟᱹᱨᱤᱪᱟᱹᱞᱤ ᱨᱮᱱᱟᱜ ᱡᱚᱯᱚᱲᱟᱣ, ᱯᱟᱹᱨᱥᱤ ᱛᱟᱞᱟᱛᱮ ᱟᱹᱨᱤᱪᱟᱹᱞᱤᱭᱟᱱᱟᱜ ᱡᱳᱜᱟᱡᱳᱜᱽ ᱾ ᱯᱟᱹᱨᱥᱤ ᱢᱤᱫᱴᱮᱱ ᱦᱚᱨᱟ ᱠᱟᱱᱟ ᱡᱟᱦᱟᱸ ᱛᱟᱞᱟ ᱛᱮ ᱟᱵᱚ ᱟᱵᱚᱣᱟᱜ ᱢᱚᱱᱮ ᱨᱮᱱᱟᱜ ᱟᱹᱭᱠᱟᱹᱣ ᱵᱚᱱ ᱥᱚᱫᱚᱨ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱦᱩᱭ ᱫᱟᱲᱮᱭᱟᱜᱼᱟ ᱟᱭᱢᱟ ᱞᱮᱠᱟᱱ ᱾ ᱢᱚᱪᱟᱛᱮ ᱵᱟᱝ ᱨᱚᱲ ᱠᱟᱛᱮ ᱤᱥᱟᱨᱟ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱥᱟᱱᱟᱢᱟᱜ ᱜᱮᱭ ᱯᱷᱟᱨᱪᱟᱼᱯᱷᱟᱹᱨᱪᱤᱭᱟ ᱱᱚᱣᱟ ᱯᱟᱹᱨᱥᱤ ᱢᱮᱞᱟ ᱾ ᱫᱤᱥᱚᱢ ᱟᱨ ᱡᱟᱹᱛᱤᱭᱟᱜ ᱩᱛᱱᱟᱹᱣ ᱞᱟᱹᱜᱤᱫ ᱛᱮ, ᱥᱟᱱᱟᱢᱟᱜ ᱥᱮ ᱥᱟᱱᱟᱢ ᱠᱚ ᱢᱤᱫ ᱛᱮ ᱞᱟᱦᱟ ᱤᱫᱤ ᱞᱟᱹᱜᱤᱫ ᱛᱮ ᱟᱭᱳ ᱟᱲᱟᱝ ᱨᱮᱱᱟᱜ ᱞᱟᱹᱠᱛᱤ ᱚᱥᱟᱢᱵᱷᱮᱹᱲ ᱾ ᱢᱤᱫᱴᱟᱝ ᱡᱟᱹᱛᱤᱭᱟᱜ ᱠᱟᱹᱣᱰᱤᱼᱟᱹᱨᱤ, ᱥᱟᱶᱛᱟ ᱥᱮ ᱱᱟᱜᱟᱢᱟᱱᱟᱜ ᱪᱤᱛᱟᱹᱨ ᱡᱷᱟᱞᱠᱟᱣᱚᱜᱼᱟ ᱟᱯᱱᱟᱨᱟᱜ ᱟᱭᱳ ᱟᱲᱟᱝ ᱛᱟᱞᱟ ᱛᱮ ᱾ ᱟᱵᱚᱨᱮᱱ ᱱᱟᱣᱟ ᱯᱤᱲᱦᱤ ᱠᱚᱦᱚᱸ ᱟᱯᱱᱟᱨᱟᱜ ᱟᱭᱳ ᱟᱲᱟᱝ ᱵᱟᱵᱚᱫᱽ ᱜᱮᱭᱟᱱ ᱛᱟᱦᱮᱸ ᱞᱟᱹᱠᱛᱤ ᱠᱟᱱ ᱛᱟᱠᱚᱣᱟ ᱾ ᱟᱭᱳ ᱟᱲᱟᱝ ᱛᱮ ᱜᱮᱭᱟᱱ ᱛᱟᱦᱮᱸᱞᱮᱱᱠᱷᱟᱱ ᱜᱮ ᱟᱯᱱᱟᱨᱟᱜ ᱥᱮᱨᱣᱟ, ᱟᱹᱨᱤᱪᱟᱹᱞᱤ ᱵᱟᱵᱚᱫᱽ ᱴᱷᱟᱹᱣᱠᱟᱹ ᱥᱟᱺᱦᱤᱡ ᱢᱩᱞᱞᱟᱭᱚᱱ ᱠᱚᱨᱟᱣ ᱜᱟᱱᱚᱜᱼᱟ ᱾
