ᱵᱷᱟᱨᱚᱛ ᱫᱤᱥᱚᱢ ᱨᱮᱦᱚᱸ ᱧᱟᱢᱮᱱᱟ ᱦᱤᱭᱩᱢᱮᱱ ᱢᱮᱴᱟᱱᱤᱭᱩᱢᱳ ᱵᱷᱟᱭᱨᱟᱥ ᱾ ᱵᱷᱟᱭᱨᱟᱥ ᱛᱮᱠᱚ ᱡᱟᱹᱵᱩᱱ ᱟᱠᱟᱱᱟ ᱯᱩᱱᱭᱟ ᱜᱤᱫᱽᱨᱟᱹ ᱾ ᱱᱚᱣᱟ ᱵᱷᱟᱭᱨᱟᱥ ᱛᱮ ᱠᱳᱞᱠᱟᱛᱟ ᱨᱮᱦᱚᱸ ᱡᱟᱹᱵᱩᱱ ᱟᱠᱟᱱᱟᱭ ᱛᱩᱨᱩᱭ ᱪᱟᱸᱫᱳ ᱨᱮᱱ ᱢᱤᱫ ᱦᱩᱰᱤᱧ ᱜᱤᱫᱽᱨᱟᱹ ᱾ ᱵᱟᱰᱟᱭ ᱧᱟᱢ ᱟᱠᱟᱱᱟ ᱵᱟᱭᱯᱟᱥ ᱫᱷᱟᱨᱮ ᱢᱤᱫ ᱵᱮᱹᱥᱚᱨᱠᱟᱨᱤ ᱦᱟᱥᱯᱟᱛᱟᱞ ᱨᱮ ᱛᱤᱠᱪᱷᱟᱹ ᱛᱟᱭᱚᱢ ᱱᱤᱛ ᱱᱟᱯᱟᱭᱜᱮ ᱢᱮᱱᱟᱭᱟ ᱾ ᱚᱛᱮ ᱢᱟᱦᱟᱜᱮ ᱵᱟᱰᱟᱭ ᱧᱟᱢ ᱟᱠᱟᱱᱟ HMPV ᱵᱷᱟᱭᱨᱟᱥ ᱛᱮᱠᱤᱱ ᱡᱟᱹᱵᱩᱱ ᱟᱠᱟᱱᱟ ᱵᱮᱝᱜᱟᱞᱩᱨᱩ ᱨᱮᱱ ᱵᱟᱨᱭᱟ ᱦᱩᱰᱤᱧ ᱜᱤᱫᱽᱨᱟᱹ ᱾ ᱩᱱᱠᱤᱱᱟᱜ ᱩᱢᱮᱨ ᱓ ᱪᱟᱸᱫᱳ ᱟᱨ ᱘ ᱪᱟᱸᱫᱳ ᱾
ᱢᱮᱠᱷᱟᱱ ᱱᱟᱯᱟᱭ ᱠᱷᱚᱵᱚᱨ ᱩᱱᱤ ᱜᱤᱫᱟᱹᱨᱟᱜ ᱦᱚᱲᱢᱚ ᱨᱮᱱᱟᱜ ᱦᱟᱞᱚᱛ ᱱᱤᱛ ᱵᱷᱟᱜᱮ ᱜᱮᱭᱟ ᱾ ᱩᱱᱤ ᱜᱤᱫᱟᱹᱨ ᱟᱡ ᱟᱭᱳᱼᱵᱟᱵᱟ ᱥᱟᱶ ᱯᱟᱨᱚᱢᱮᱱ ᱱᱚᱵᱷᱮᱢᱵᱚᱨ ᱪᱟᱸᱫᱳ ᱥᱮᱫ ᱢᱩᱢᱵᱟᱭ ᱠᱷᱚᱱ ᱠᱳᱞᱠᱟᱛᱟᱭ ᱦᱮᱡ ᱟᱠᱟᱱᱟ ᱾ ᱠᱳᱞᱠᱟᱛᱟ ᱨᱮᱱᱟᱜ ᱡᱟᱫᱚᱵᱽᱯᱩᱨ ᱮᱞᱟᱠᱟ ᱨᱮ ᱩᱱᱤᱭᱟᱜ ᱚᱲᱟᱜ ᱾ ᱩᱱᱤ ᱜᱤᱫᱟᱹᱨ ᱨᱮᱱ ᱟᱭᱳᱼᱵᱟᱵᱟ ᱠᱟᱹᱢᱤ ᱠᱷᱟᱹᱛᱤᱨ ᱢᱩᱢᱵᱟᱭ ᱨᱮᱠᱤᱱ ᱛᱟᱦᱮᱱ ᱠᱟᱱ ᱠᱷᱟᱹᱛᱤᱨ ᱾ ᱵᱤᱢᱟᱱ ᱠᱷᱚᱱ ᱟᱲᱜᱳ ᱛᱟᱭᱚᱢ ᱜᱮ ᱩᱱᱤᱭᱟᱜ ᱦᱚᱲᱢᱚ ᱨᱮᱱᱟᱜ ᱦᱟᱞᱟᱛ ᱵᱟᱹᱲᱤᱡ ᱤᱫᱤᱭᱮᱱ ᱛᱟᱭᱟ ᱾ ᱰᱟᱠᱛᱟᱨ ᱠᱚ ᱞᱟᱹᱭ ᱟᱠᱟᱫᱟ ᱩᱱᱤ ᱜᱤᱫᱟᱹᱨᱟᱜ ᱨᱩᱣᱟᱹ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱥᱟᱶᱛᱮ ᱩᱞᱟᱹ, ᱞᱟᱡ ᱵᱟᱹᱲᱤᱡ ᱟᱨ ᱛᱟᱭᱚᱢ ᱛᱮ ᱥᱟᱸᱦᱮᱫ ᱦᱟᱛᱟᱣ ᱨᱮ ᱮᱴᱠᱮᱴᱚᱬᱮ ᱦᱩᱭᱩᱜ ᱠᱟᱱ ᱛᱟᱭ ᱛᱟᱦᱮᱸᱫ ᱾
ᱱᱚᱣᱟ ᱦᱟᱞᱚᱛ ᱨᱮ ᱩᱱᱤ ᱜᱤᱫᱟᱹᱨ ᱪᱟᱭᱤᱞᱰ ᱥᱯᱮᱹᱥᱟᱞᱤᱥᱴ ᱴᱷᱮᱱ ᱤᱫᱤ ᱦᱩᱭ ᱛᱟᱭᱚᱢ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤ ᱨᱮᱱᱟᱜ ᱯᱚᱨᱟᱢᱮᱥᱮ ᱮᱢ ᱟᱠᱟᱫ ᱠᱚᱣᱟ ᱾ ᱯᱳᱭᱞᱳ ᱨᱮ ᱩᱱᱤ ᱜᱤᱫᱟᱹᱨ ᱚᱵᱽᱡᱟᱨᱵᱷᱮᱥᱚᱱ ᱨᱮᱠᱚ ᱫᱚᱦᱚ ᱞᱮᱫᱮᱭᱟ ᱾ ᱪᱤᱠᱟᱹᱣᱟᱠᱟᱱᱟᱭ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱛᱮ ᱩᱞᱤ ᱫᱟᱜ ᱨᱮᱱᱟᱜ ᱯᱤᱹᱥᱤᱹᱟᱨ ᱪᱮᱱᱮᱞ ᱵᱤᱰᱟᱹᱣ ᱦᱚᱸ ᱦᱩᱭ ᱞᱮᱱᱟ ᱾ ᱟᱨ ᱚᱱᱟ ᱨᱮᱜᱮ ᱧᱮᱞᱮᱱᱟ ᱩᱱᱤ ᱜᱤᱫᱟᱹᱨ HMPV ᱯᱚᱡᱤᱴᱤᱵᱷ ᱾
