ᱯᱩᱡᱟᱹ ᱛᱟᱭᱚᱢ ᱥᱟᱹᱜᱩᱱ ᱢᱟᱦᱟ ᱨᱮ ᱱᱚᱵᱟᱱᱱᱚ ᱨᱮ ᱯᱩᱭᱞᱩ ᱢᱚᱱᱛᱨᱤᱥᱚᱵᱷᱟ ᱨᱮᱭᱟᱜ ᱵᱳᱹᱭᱴᱷᱚᱠ, ᱠᱚᱭᱮᱠᱴᱤ ᱫᱚᱯᱛᱚᱨ ᱨᱮᱱ ᱥᱚᱪᱤᱵᱽ ᱠᱚᱦᱚᱸ ᱛᱟᱦᱮᱱ ᱨᱮᱭᱟᱜ ᱱᱤᱨᱫᱮᱹᱥ ᱱᱚᱵᱟᱱᱱᱚ ᱠᱷᱚᱱ

(Papul murmur) Cabinet meeting at Nabanna on Thursday :  ᱯᱩᱡᱟᱹ ᱛᱟᱭᱚᱢ ᱵᱟᱞᱮ ᱢᱟᱦᱟ ᱨᱮ ᱠᱷᱩᱞᱟᱹᱜ ᱠᱟᱱᱟ ᱯᱚᱱᱚᱛ ᱨᱮᱭᱟᱜ ᱥᱚᱨᱠᱟᱨᱤ ᱫᱚᱯᱛᱚᱨ ᱠᱚ ᱾ ᱟᱨ ᱩᱱ ᱦᱤᱞᱳᱜ ᱥᱟᱹᱜᱩᱱ ᱢᱟᱦᱟ ᱨᱮ ᱢᱚᱱᱛᱨᱤᱥᱚᱵᱷᱟ ᱵᱳᱹᱭᱴᱦᱚᱠ ᱨᱮᱭᱟᱜ ᱠᱟᱛᱷᱟ ᱞᱟᱹᱭ ᱦᱩᱭ ᱮᱱᱟ ᱱᱚᱵᱟᱱᱱᱚ ᱯᱟᱥᱴᱟ ᱠᱷᱚᱱ ᱾ ᱥᱤᱨᱟᱹᱢᱚᱱᱛᱨᱤᱣᱟᱜ ᱟᱹᱭᱩᱨ ᱛᱮ ᱢᱚᱱᱛᱨᱤᱥᱚᱵᱷᱟ ᱨᱮᱭᱟᱜ ᱵᱚᱹᱭᱴᱷᱚᱠ ᱮᱢᱱᱤ ᱛᱮᱜᱮ ᱥᱮᱴᱮᱨ ᱠᱤᱱ ᱛᱟᱦᱮᱱᱟ ᱢᱩᱠᱠᱷᱚ ᱥᱚᱪᱤᱵᱽ ᱟᱨ ᱥᱚᱨᱟᱥᱴᱨᱚ ᱥᱚᱪᱤᱵᱽ ᱾ ᱛᱚᱵᱮ ᱫᱟᱨᱟᱭ ᱠᱟᱱ ᱥᱟᱹᱜᱩᱱ ᱢᱟᱦᱟ ᱨᱮᱭᱟᱜ ᱵᱳᱹᱭᱴᱷᱚᱠ ᱨᱮ ᱵᱮᱥ ᱠᱚᱭᱮᱠᱴᱤ ᱫᱚᱯᱛᱚᱨ ᱨᱮᱱ ᱟᱹᱢᱟᱹᱞᱤᱭᱟᱹ ᱠᱚᱦᱚᱸ ᱛᱟᱦᱮᱱ ᱨᱮᱭᱟᱜ ᱠᱟᱛᱷᱟ ᱞᱟᱹᱭ ᱦᱩᱭ ᱟᱠᱟᱱᱟ ᱾ ᱫᱟᱨᱟᱭ ᱠᱟᱱ ᱪᱟᱸᱫᱚ ᱨᱮ ᱯᱚᱱᱚᱛ ᱨᱮᱭᱟᱜ ᱛᱩᱨᱩᱭ ᱜᱚᱴᱟᱝ ᱥᱤᱴ ᱨᱮ ᱢᱮᱱᱟᱜᱼᱟ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ, ᱟᱨ ᱚᱱᱟ ᱞᱟᱦᱟ ᱨᱮ ᱢᱚᱱᱛᱨᱤᱥᱚᱵᱷᱟ ᱨᱮᱭᱟᱜ ᱱᱚᱣᱟ ᱵᱳᱹᱭᱴᱷᱚᱠ ᱵᱤᱥᱮᱹᱥ ᱛᱟᱛᱯᱚᱨᱡᱚᱯᱩᱨᱱᱚ ᱢᱮᱱᱟᱜ ᱟᱠᱟᱫᱟ ᱢᱮᱱᱛᱮ ᱨᱟᱡᱽᱼᱟᱹᱨᱤ ᱨᱮᱱ ᱜᱟᱹᱠᱷᱩᱲᱟᱱ ᱠᱚᱣᱟᱜ ᱞᱟᱹᱭ ᱾

ᱥᱟᱫᱷᱟᱨᱚᱱᱚᱛᱚ ᱯᱨᱚᱛᱤ ᱪᱟᱸᱫᱚ ᱨᱮᱜᱮ ᱢᱚᱱᱛᱨᱤᱥᱚᱵᱷᱟ ᱨᱮᱭᱟᱜ ᱵᱳᱹᱭᱴᱷᱚᱠ ᱫᱚ ᱦᱩᱭᱩᱜᱼᱟ, ᱢᱮᱱᱠᱷᱟᱱ ᱡᱟᱦᱟᱸ ᱚᱠᱛᱚ ᱯᱟᱲᱟᱣᱼᱟ ᱩᱱᱚᱠᱛᱚ ᱥᱟᱛ ᱫᱤᱱ ᱨᱮᱦᱚᱸ ᱵᱳᱹᱭᱴᱷᱚᱠ ᱦᱩᱭᱩᱜᱼᱟ ᱾ ᱯᱩᱡᱟᱹ ᱛᱟᱭᱚᱢ ᱥᱟᱹᱜᱩᱱ ᱢᱟᱦᱟ ᱦᱤᱞᱚᱜ ᱵᱳᱹᱭᱴᱷᱚᱠ ᱨᱮᱭ ᱥᱚᱵᱷᱟᱯᱚᱛᱤᱭᱟ ᱥᱤᱨᱟᱹᱢᱚᱱᱛᱨᱤ ᱢᱚᱢᱚᱛᱟ ᱵᱮᱱᱟᱨᱡᱤ ᱾ ᱯᱚᱱᱚᱛ ᱨᱮᱱ ᱢᱚᱱᱛᱨᱤ ᱯᱨᱚᱛᱤ ᱢᱚᱱᱛᱨᱤ ᱥᱟᱶᱛᱮ ᱵᱳᱹᱭᱴᱷᱚᱠ ᱨᱮ ᱥᱮᱴᱮᱨ ᱠᱤᱱ ᱛᱟᱦᱮᱱᱟ ᱢᱩᱠᱠᱷᱚ ᱥᱚᱪᱤᱵᱽ ᱟᱨ ᱥᱚᱨᱟᱥᱴᱨᱚ ᱥᱚᱪᱤᱵᱽ ᱾

ᱫᱟᱨᱟᱭ ᱠᱟᱱ ᱑᱓ ᱱᱚᱵᱷᱮᱢᱵᱚᱨ ᱨᱮ ᱢᱮᱱᱟᱜ ᱟᱠᱟᱫ ᱱᱳᱹᱭᱦᱟᱴᱤ, ᱦᱟᱲᱳᱣ ᱟ, ᱢᱮᱫᱽᱱᱤᱯᱩᱨ, ᱛᱟᱞᱰᱟᱝᱨᱟ, ᱥᱤᱛᱟᱭ ᱟᱨ ᱢᱟᱫᱟᱨᱤᱦᱟᱴ ᱵᱤᱫᱷᱟᱱᱥᱚᱵᱷᱟ ᱨᱮᱭᱟᱜ ᱫᱚᱲᱦᱟ ᱵᱟᱪᱷᱱᱟᱣ ᱤᱫᱤ ᱠᱟᱛᱮᱫ ᱦᱚᱸ ᱜᱟᱯᱟᱞᱢᱟᱨᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾