CONTROVERSIAL CAG REPORT IN DELHI ASSEMBLY : ᱟᱯᱜᱟᱨᱤ ᱫᱩᱨᱱᱤᱛᱤ ᱢᱟᱢᱞᱟ ᱤᱫᱤ ᱠᱟᱛᱮᱡ CAG (Comptroller and Auditor General of India)ᱨᱮᱯᱚᱨᱴ ᱩᱪᱟᱹᱱ ᱦᱩᱭ ᱮᱱᱟ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱨᱮ᱾ ᱟᱨ ᱚᱱᱟ ᱨᱮᱯᱚᱨᱴ ᱩᱪᱟᱹᱱ ᱥᱟᱣᱛᱮ ᱵᱤᱫᱷᱟᱱ ᱥᱚᱵᱷᱟ ᱨᱮ ᱦᱚᱴᱴᱚᱜᱚᱞ ᱠᱚ ᱮᱛᱚᱦᱚᱵ ᱠᱮᱫᱟ ᱟᱯ ᱨᱮᱱ ᱵᱤᱫᱷᱟᱭᱟᱠ ᱠᱚ᱾ ᱫᱤᱞᱞᱤ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱟᱨ ᱵᱟᱝ ᱱᱟᱦᱟᱜ ᱚᱠᱛᱚ ᱨᱮᱱ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱤᱨᱚᱫᱷᱤ ᱫᱚᱞᱚ ᱱᱮᱛᱟ ᱚᱛᱤᱥᱤ ᱢᱟᱨᱞᱮᱱᱟ ᱥᱚᱦᱚ ᱟᱯ ᱨᱮᱱ ᱑᱕ ᱜᱚᱴᱟᱝ ᱵᱤᱫᱷᱟᱭᱚᱠ ᱢᱤᱫ ᱢᱟᱦᱟ ᱨᱮᱭᱟᱜ ᱟᱫᱷᱤᱵᱮᱥᱚᱱ ᱠᱷᱚᱱ ᱥᱟᱥᱯᱮᱱᱰ ᱦᱩᱭ ᱮᱱᱟ᱾
ᱥᱯᱤᱠᱟᱨ ᱵᱤᱡᱮᱱᱫᱨᱚ ᱜᱩᱯᱛᱟ(VIJENDER GUPTA) ᱵᱟᱞᱮ ᱢᱟᱦᱟ ᱛᱤᱠᱤᱱ ᱦᱟᱵᱤᱛ ᱛᱮ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱟᱫᱷᱤᱵᱮᱥᱚᱱ ᱮ ᱛᱩᱠᱟᱹᱢ ᱞᱮᱫ ᱛᱟᱦᱮᱱᱟ᱾
ᱦᱟᱞᱮ ᱜᱮ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱵᱟᱪᱷᱱᱟᱣ ᱛᱟᱞᱟ ᱛᱮ ᱡᱤᱛᱠᱟᱹᱨ ᱠᱟᱛᱮᱡ ᱠᱷᱚᱢᱚᱛᱟ ᱨᱮᱠᱚ ᱦᱮᱡ ᱟᱠᱟᱱᱟ ᱵᱤ ᱡᱮ ᱯᱤ ᱾ ᱛᱚᱵᱮ ᱠᱷᱚᱢᱚᱛᱟ ᱨᱮ ᱦᱤᱡᱩᱜ ᱞᱟᱦᱟ ᱠᱷᱚᱱ ᱜᱮ ᱫᱤᱞᱞᱤ ᱨᱮ ᱛᱟᱦᱮ ᱠᱟᱱ ᱟᱯ ᱥᱚᱨᱠᱟᱨ ᱵᱤᱨᱚᱫᱽ ᱨᱮ ᱢᱤᱫ ᱠᱷᱚᱱ ᱢᱤᱫ ᱫᱩᱨᱱᱤᱛᱤ ᱨᱮᱭᱟᱜ ᱟᱵᱷᱤᱡᱚᱜ ᱠᱚ ᱨᱟᱠᱟᱵ ᱟᱠᱟᱫᱟ ᱫᱤᱞᱞᱤ ᱨᱮᱭᱟᱜ ᱨᱟᱡᱢᱟᱪᱤ ᱨᱮ ᱦᱮᱡ ᱟᱠᱟᱱ ᱵᱤ ᱡᱮ ᱯᱤ᱾ ᱟᱯ ᱥᱚᱨᱠᱟᱨ ᱟᱢᱚᱞ ᱨᱮ ᱨᱟᱠᱟᱵ ᱞᱮᱱ ᱟᱯᱜᱟᱨᱤ ᱫᱩᱨᱱᱤᱛᱤ ᱢᱟᱢᱞᱟ ᱨᱮᱭᱟᱜ CAG ᱨᱮᱯᱚᱨ ᱠᱚ ᱯᱮᱥ ᱠᱮᱫᱟ ᱠᱷᱚᱢᱚᱛᱟ ᱥᱤᱱ ᱫᱚᱞ ᱵᱤ ᱡᱮ ᱯᱤ᱾ ᱚᱱᱟ ᱟᱯᱜᱟᱨᱤ ᱫᱩᱨᱱᱤᱛᱤ ᱢᱟᱢᱞᱟ ᱠᱷᱟᱹᱛᱤᱨ ᱜᱮ ᱡᱮᱞ ᱪᱟᱞᱟᱣ ᱦᱩᱭ ᱞᱮᱱ ᱛᱟᱭᱟ ᱫᱤᱞᱞᱤ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱟᱨᱵᱤᱱᱫ ᱠᱮᱡᱨᱤᱣᱟᱞ(ARVIND KEJRIWAL), ᱢᱟᱨᱮ ᱰᱮᱯᱩᱴᱤ ᱥᱤ ᱮᱢ ᱢᱚᱱᱤᱥ ᱥᱤᱥᱚᱫᱤᱭᱟ(MANISH SISODIA) | ᱟᱨ ᱚᱱᱟ ᱫᱩᱨᱱᱤᱛᱤ ᱤᱫᱤ ᱠᱟᱛᱮᱡ ᱜᱮ ᱵᱟᱞᱮ ᱢᱟᱦᱟ ᱦᱤᱞᱟᱜ ᱵᱤᱫᱷᱟᱱ ᱥᱚᱵᱷᱟ ᱨᱮ ᱨᱮᱯᱚᱨᱴᱼᱮ ᱯᱮᱥ ᱠᱮᱫᱟ ᱫᱤᱞᱞᱤ ᱨᱮᱱ ᱱᱟᱣᱟ ᱥᱤᱨᱟᱹ ᱢᱚᱱᱛᱨᱤ ᱨᱮᱠᱷᱟ ᱜᱩᱯᱛᱟ᱾ ᱨᱮᱯᱚᱨᱴ ᱯᱮᱥ ᱛᱟᱭᱚᱢ ᱵᱤᱫᱷᱟᱱ ᱥᱚᱵᱷᱟ ᱨᱮ ᱩᱯᱨᱟᱡᱡᱚᱯᱟᱞ ᱣᱟᱜ ᱵᱚᱠᱛᱚᱵᱵᱚ ᱮᱛᱚᱦᱚᱵ ᱥᱟᱶᱛᱮ ᱛᱮᱜᱤ ᱦᱚᱭ ᱦᱚᱴᱴᱚᱜᱚᱞ ᱠᱚ ᱮᱛᱚᱦᱚᱵ ᱞᱮᱫᱟ ᱟᱯ ᱵᱤᱫᱷᱟᱭᱚᱠ ᱠᱚ᱾ ᱟᱯ ᱵᱤᱫᱷᱟᱭᱚᱠ ᱠᱚ ᱵᱤ ᱡᱮ ᱯᱤ ᱥᱚᱨᱠᱟᱨ ᱵᱤᱨᱚᱫᱷᱤ ᱥᱞᱚᱜᱟᱱ ᱠᱚ ᱨᱟᱠᱟᱵ ᱞᱮᱫ ᱛᱟᱦᱮᱱᱟ᱾ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱤᱨᱚᱫᱷᱤ ᱫᱚᱞᱚ ᱱᱮᱛᱟ ᱚᱛᱤᱥᱤ ᱣᱟᱜ ᱚᱵᱷᱤᱡᱚᱜ ᱡᱮ ᱫᱤᱞᱞᱤ ᱨᱮ ᱥᱤᱨᱟᱹ ᱢᱚᱱᱛᱨᱤ ᱣᱟᱜ ᱫᱚᱯᱛᱚᱨ ᱠᱷᱚᱱ ᱟᱢᱵᱮᱰᱠᱚᱨ ᱣᱟᱜ ᱪᱤᱛᱟᱹᱨ ᱚᱪᱚᱜ ᱤᱫᱤ ᱠᱟᱛᱮᱡ ᱦᱚᱸ ᱵᱤ ᱡᱮ ᱯᱤ ᱭᱟᱜ ᱱᱟᱣᱟ ᱥᱚᱨᱠᱟᱨ ᱪᱮᱛᱟᱱ ᱠᱟᱛᱷᱟᱭ ᱨᱟᱠᱟᱵ ᱟᱠᱟᱫᱟ᱾ ᱟᱢᱵᱮᱰᱠᱟᱨ ᱣᱟᱜ ᱪᱚᱵᱤ ᱥᱟᱵ ᱠᱟᱛᱮᱡ “ᱡᱚᱭ ᱵᱷᱤᱢ ᱥᱞᱚᱜᱟᱱ ᱦᱚᱠᱚ ᱮᱢ ᱠᱮᱫᱟ ᱞᱮᱫᱟ ᱟᱯ ᱵᱤᱫᱷᱟᱭᱚᱠ ᱠᱚ᱾
ᱟᱯ ᱣᱟᱜ ᱚᱵᱷᱤᱡᱚᱜ, ᱫᱤᱞᱞᱤ ᱨᱮᱱ ᱱᱟᱣᱟ ᱥᱤᱨᱟᱹ ᱢᱚᱱᱛᱨᱤ ᱨᱮᱠᱷᱟ ᱜᱩᱯᱴᱟ(REKHA GUPTA) ᱟᱡᱟᱜ ᱫᱚᱯᱛᱚᱨ ᱠᱷᱚᱱ ᱵᱟᱵ ᱥᱟᱦᱮᱵ ᱟᱢᱵᱮᱰᱠᱚᱨ ᱟᱨ ᱵᱚᱜᱚᱛ ᱥᱤᱝ ᱛᱟᱠᱤᱱᱟᱜ ᱪᱤᱛᱟᱹᱨ ᱚᱪᱚᱠ ᱠᱟᱛᱮᱡ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱟᱨ ᱟᱨ ᱨᱟᱥᱴᱨᱚᱯᱚᱛᱤ ᱫᱨᱚᱯᱚᱛᱤ ᱢᱩᱨᱢᱩ ( DROUPADI MURMU) ᱣᱟᱜ ᱪᱤᱛᱟᱹᱨ ᱫᱚᱦᱚ ᱦᱩᱭ ᱟᱠᱟᱱᱟ᱾ ᱵᱤᱨᱚᱫᱦᱤ ᱫᱚᱞᱚ ᱱᱮᱛᱟ ᱚᱛᱤᱥᱤ ᱢᱟᱨᱞᱮᱱᱟ (ATISHI MARLENA) ᱣᱟᱜ ᱞᱟᱹᱭ, ᱡᱟᱦᱟ ᱛᱤᱱ ᱦᱟᱵᱤᱛ ᱛᱮ ᱟᱢᱵᱮᱰᱠᱚᱨ ᱟᱨ ᱵᱚᱜᱚᱛ ᱥᱤᱝ ᱛᱟᱠᱤᱱᱟᱜ ᱪᱤᱛᱟᱹᱨ ᱫᱚᱨᱦᱟ ᱛᱮ ᱵᱟᱝ ᱞᱟᱜᱟᱣ ᱨᱩᱭᱟᱹᱨ ᱦᱩᱭᱩᱜ ᱠᱟᱱᱟ ᱚᱱ ᱦᱟᱵᱤᱛ ᱛᱮ ᱟᱯ ᱨᱮᱱ ᱵᱤᱫᱷᱟᱭᱚᱠ ᱠᱚᱣᱟᱜ ᱦᱩᱭᱥᱟᱣ ᱪᱟᱞᱟᱜ ᱛᱮᱜᱤ ᱛᱟᱦᱮᱱᱟ᱾
