ᱵᱚᱞᱤᱭᱩᱰ ᱯᱷᱤᱞᱢ ᱮᱠᱴᱟᱨᱥ “ᱡᱚᱣᱟᱱ” ᱦᱤᱴ ᱛᱟᱭᱚᱢ ᱠᱷᱚᱱ ᱢᱤᱫ ᱞᱮᱛᱟᱲ ᱥᱟᱣᱩᱛᱷ ᱯᱷᱤᱞᱢ ᱰᱤᱨᱮᱠᱴᱚᱨ ᱥᱟᱶ ᱠᱟᱹᱢᱤ ᱞᱟᱹᱜᱤᱫ ᱠᱚ ᱪᱷᱟᱴᱯᱟᱴᱟᱜ ᱠᱟᱱᱟ ᱾ ᱤᱱᱰᱟᱥᱴᱨᱤ ᱠᱷᱚᱱ ᱧᱟᱢᱚᱜ ᱠᱟᱱ ᱠᱷᱚᱵᱚᱨ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱵᱚᱞᱤᱭᱩᱰ ᱮᱠᱴᱚᱨ ᱞᱮᱛᱟᱲ ᱜᱮ ᱥᱟᱣᱩᱛᱷ ᱰᱤᱨᱮᱠᱴᱚᱨ ᱠᱚ ᱥᱟᱶ ᱪᱟᱨᱪᱟ ᱨᱮ ᱢᱮᱱᱟᱜ ᱠᱚᱣᱟ ᱾ ᱟᱨ ᱞᱚᱜᱚᱱ ᱜᱮ ᱟᱭᱢᱟ ᱢᱟᱨᱟᱝᱼᱢᱟᱨᱟᱝ ᱯᱨᱳᱡᱮᱹᱠᱴ ᱠᱚ ᱩᱪᱷᱟᱹᱱ ᱫᱟᱲᱮᱭᱟᱜᱼᱟ ᱾ ᱯᱤᱯᱤᱝᱜᱽᱢᱩᱱᱟᱜ ᱨᱤᱯᱳᱨᱴ ᱞᱮᱠᱟᱛᱮ ᱰᱤᱨᱮᱠᱴᱚᱨ ᱯᱟ ᱨᱚᱧᱡᱤᱛ ᱥᱟᱞᱟᱜ ᱠᱟᱹᱢᱤᱭ ᱨᱮᱱᱟᱜᱼᱮ ᱜᱚᱴᱟᱣᱟᱠᱟᱫᱟ ᱨᱚᱱᱵᱤᱨ ᱥᱤᱝ ᱾ ᱞᱚᱜᱚᱱ ᱜᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱱ ᱵᱤᱨᱵᱟᱱᱴᱟ ᱦᱩᱞᱜᱟᱹᱨᱤᱭᱟᱹ ᱵᱤᱨᱥᱟ ᱢᱩᱱᱰᱟᱣᱟᱜ ᱵᱟᱭᱳᱯᱤᱠ ᱵᱮᱱᱟᱣ ᱨᱮᱱᱟᱜᱼᱮ ᱵᱷᱟᱵᱽᱱᱟᱜ ᱠᱟᱱᱟ ᱾ ᱯᱟ ᱨᱚᱧᱡᱤᱛ ᱟᱭᱟᱜ ᱢᱩᱵᱷᱤ ᱨᱮ ᱱᱚᱝᱠᱟᱱ ᱪᱤᱛᱟᱹᱨ ᱠᱚᱭ ᱥᱟᱵ ᱨᱟᱠᱟᱵ ᱟᱠᱟᱫᱟ ᱡᱟᱦᱟᱸᱭ ᱠᱚᱫᱚ ᱚᱱᱦᱮᱲᱟ ᱨᱮᱜᱮ ᱠᱚ ᱛᱟᱦᱮᱸᱭᱟᱠᱟᱱᱟ ᱾ ᱯᱟᱨᱚᱢᱟᱠᱟᱱ ᱒ ᱥᱮᱨᱢᱟ ᱵᱤᱨᱥᱟ ᱢᱩᱱᱰᱟ ᱵᱟᱭᱳᱯᱤᱠ ᱵᱟᱵᱚᱫᱮ ᱠᱟᱹᱢᱤ ᱠᱟᱱᱟ ᱯᱟ ᱨᱚᱧᱡᱤᱛ ᱾ ᱰᱤᱨᱮᱠᱴᱚᱨ ᱯᱟ ᱨᱚᱧᱡᱤᱛ ᱯᱟᱨᱚᱢᱟᱠᱟᱱ ᱒ ᱥᱮᱨᱢᱟ ᱠᱷᱚᱱ ᱵᱤᱨᱥᱟ ᱢᱩᱱᱰᱟᱣᱟᱜ ᱵᱟᱭᱳᱯᱤᱠ ᱪᱮᱛᱟᱱ ᱨᱮᱜᱮᱭ ᱠᱟᱹᱢᱤ ᱠᱟᱱᱟ ᱾ ᱵᱤᱨᱥᱟ ᱢᱩᱱᱰᱟ ᱩᱱᱤ ᱦᱩᱞᱜᱟᱹᱨᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱤᱝᱨᱮᱡᱽ ᱠᱷᱚᱱ ᱯᱷᱩᱨᱜᱟᱹᱞᱚᱜ ᱨᱮᱱᱟᱜ ᱢᱚᱱᱮᱭ ᱜᱚᱴᱟ ᱞᱮᱫᱟ, ᱥᱮ ᱯᱷᱩᱨᱜᱟᱹᱞᱚᱜ ᱨᱮᱱᱟᱜ ᱤᱛᱟᱹᱭ ᱯᱟᱥᱱᱟᱣ ᱞᱮᱫᱟ ᱾ ᱵᱤᱨᱥᱟ ᱢᱩᱱᱰᱟ ᱟᱯᱱᱟᱨ ᱥᱚᱢᱟᱡᱽ ᱨᱮᱱ ᱦᱚᱲ ᱛᱚᱠᱚ ᱩᱨᱩᱢᱮ ᱜᱮᱭᱟ ᱢᱮᱱᱠᱷᱟᱱ ᱫᱤᱥᱚᱢ ᱦᱚᱲ ᱠᱚ ᱦᱤᱲᱤᱧ ᱟᱠᱟᱫᱟ ᱩᱱᱤᱭᱟᱜ ᱮᱱᱮᱢ ᱾ ᱨᱚᱱᱵᱤᱨ ᱥᱤᱝᱼᱟᱜ ᱱᱚᱣᱟ ᱢᱩᱵᱷᱤ ᱛᱟᱞᱟ ᱛᱮ ᱢᱟᱹᱱᱢᱤᱭᱟᱜ ᱩᱭᱦᱟᱹᱨᱼᱵᱷᱟᱵᱽᱱᱟ ᱨᱮ ᱫᱚᱦᱲᱟ ᱜᱟᱨᱛᱮᱭ ᱡᱮᱣᱮᱫ ᱨᱩᱣᱟᱹᱲᱚᱜᱼᱟ ᱵᱤᱨᱥᱟ ᱢᱩᱱᱰᱟ, ᱟᱨ ᱡᱟᱦᱟᱸ ᱢᱟᱹᱱ ᱠᱷᱚᱱ ᱱᱤᱛ ᱦᱚᱸ ᱪᱷᱩᱰᱟᱹᱨ ᱨᱮ ᱢᱮᱱᱟᱭᱟ ᱚᱱᱟᱦᱚᱸᱭ ᱧᱟᱢᱟ ᱾
ᱥᱟᱣᱩᱛᱷ ᱰᱤᱨᱮᱠᱴᱚᱨ ᱥᱚᱝᱠᱚᱨ ᱥᱟᱶᱦᱚᱸ ᱠᱟᱹᱢᱤᱭᱮᱫᱟᱭ ᱨᱚᱱᱵᱤᱨ ᱥᱤᱝ
ᱮᱠᱴᱚᱨ ᱨᱚᱱᱵᱤᱨ ᱥᱤᱝ ᱠᱷᱟᱹᱞᱤ ᱯᱟ ᱨᱚᱧᱡᱤᱛ ᱫᱚ ᱵᱟᱝ, ᱚᱱᱟ ᱥᱟᱶᱛᱮ ᱥᱟᱣᱩᱛᱷ ᱰᱤᱨᱮᱠᱴᱚᱨ ᱥᱚᱝᱠᱚᱨ ᱥᱟᱶ ᱦᱚᱸᱭ ᱠᱟᱹᱢᱤ ᱠᱟᱱᱟ ᱾ ᱥᱚᱝᱠᱚᱨ ᱟᱨ ᱨᱚᱱᱵᱤᱨ ᱥᱤᱝ ᱞᱟᱦᱟ ᱨᱮᱜᱮ ᱠᱤᱱ ᱩᱪᱷᱟᱹᱱ ᱞᱮᱫᱟ ᱱᱩᱠᱤᱱ ᱵᱟᱱᱟ ᱦᱚᱲ ᱢᱟᱨᱟᱝ ᱵᱟᱡᱮᱹᱴ ᱢᱩᱵᱷᱤ ᱞᱟᱹᱜᱤᱫ ᱛᱮᱠᱤᱱ ᱢᱤᱫᱚᱜᱼᱟ, ᱡᱟᱦᱟᱸᱛᱮ ᱜᱚᱴᱟ ᱫᱤᱥᱚᱢ ᱦᱚᱲᱠᱚ ᱨᱟᱹᱥᱠᱟᱹᱭᱟ ᱾
