MURDER THREAT IN BOLLYWOOD : ᱵᱚᱞᱤᱭᱩᱰ ᱠᱷᱚᱱ ᱢᱤᱛ ᱦᱚᱸ ᱥᱟᱭᱯ ᱟᱞᱤ ᱠᱷᱟᱱ (SAIF ALI KHAN) ᱪᱮᱛᱟᱱ ᱦᱟᱢᱞᱟ ᱨᱮᱭᱟᱜ ᱵᱚᱛᱚᱨ ᱱᱤᱛ ᱦᱚᱸ ᱵᱟᱝ ᱪᱟᱵᱟ ᱟᱠᱟᱱᱟ᱾ ᱟᱨ ᱱᱚᱱᱠᱟᱱ ᱚᱠᱛᱚ ᱨᱮᱜᱤ ᱟᱨᱦᱤ ᱢᱤᱫ ᱰᱷᱟᱣ ᱵᱚᱛᱚᱨ ᱥᱤᱨᱡᱟᱹᱣ ᱮᱱᱟ ᱢᱩᱢᱵᱟᱭ ᱨᱮᱭᱟᱜ ᱴᱤᱱᱥᱮᱞ ᱴᱟᱭᱩᱱ ᱨᱮ ᱾ ᱛᱚᱵᱮ ᱱᱤᱭᱟᱹ ᱫᱷᱟᱣ ᱫᱚ ᱦᱩᱢᱠᱤ ᱠᱚ ᱧᱟᱢ ᱠᱮᱫᱟ ᱵᱚᱞᱤᱭᱩᱰ ᱨᱮᱱ ᱧᱩᱛᱩᱢᱟᱱ ᱠᱚᱢᱤᱰᱤᱭᱟᱱ ᱠᱚᱯᱤᱞ ᱥᱚᱨᱢᱟ(KAPIL SHARMA), ᱟᱨ ᱚᱱᱟ ᱦᱚᱸ ᱯᱟᱠᱤᱥᱛᱷᱟᱱ ᱠᱷᱚᱱ᱾ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ ᱯᱟᱠᱤᱥᱛᱷᱟᱱ ᱠᱷᱚᱱ ᱤᱢᱮᱞ ᱴᱟᱞᱟ ᱛᱮ ᱠᱷᱩᱱ ᱨᱮᱭᱟᱜ ᱦᱩᱢᱠᱤ ᱫᱚ ᱦᱮᱡ ᱟᱠᱟᱱᱟ᱾ ᱠᱷᱩᱱ ᱨᱮᱭᱟᱜ ᱦᱩᱢᱠᱤ ᱫᱚ ᱠᱚᱯᱤᱞ ᱥᱟᱢᱩᱝ ᱫᱚ ᱟᱠᱴᱟᱨ ᱠᱚᱢᱮᱰᱤᱭᱟᱱ ᱨᱟᱡᱯᱟᱞ ᱭᱟᱫᱟᱵᱷ(RAJPAL NAURANG YADAV), ᱯᱞᱮᱵᱮᱠ ᱥᱤᱝᱜᱟᱨ ᱥᱩᱜᱟᱱᱫᱷᱟ ᱢᱤᱥᱨᱟ(SUGANDHA MISHRA), ᱰᱟᱭᱨᱮᱠᱴᱟᱨ ᱨᱮᱢᱳ ᱰᱤᱥᱩᱡᱟ (REMO D’SOUZA) ᱴᱷᱮᱱ ᱦᱚ ᱤᱢᱮᱞ ᱛᱟᱞᱟ ᱛᱮᱜᱤ ᱦᱩᱢᱠᱤ ᱫᱚ ᱦᱮᱡ ᱟᱠᱟᱱᱟ᱾
ᱛᱚᱵᱮ ᱯᱩᱞᱤᱥ ᱚᱱᱟ ᱜᱷᱚᱴᱚᱱ ᱤᱫᱤ ᱠᱟᱛᱮᱡ ᱛᱩᱱᱠᱷᱤ ᱠᱟᱹᱢᱤ ᱦᱚᱨᱟ ᱠᱚ ᱮᱛᱚᱦᱚᱵ ᱟᱠᱟᱫᱟ, ᱟᱨ ᱢᱤᱫ ᱦᱚᱲ ᱵᱤᱨᱚᱫᱷ ᱨᱮ ᱢᱩᱢᱵᱟᱭ ᱨᱮᱭᱟᱜ ᱟᱵᱚᱞᱤ ᱛᱷᱟᱱᱟ ᱨᱮᱦᱚ FIR ᱠᱚ ᱫᱟᱭᱮᱨ ᱟᱠᱟᱫᱟ᱾ ᱤᱢᱮᱞ ᱛᱟᱞᱟ ᱛᱮ ᱯᱩᱞᱤᱥ ᱛᱷᱮᱱ ᱡᱟᱦᱟ ᱛᱚᱛᱷᱚ ᱦᱮᱡ ᱟᱠᱟᱱᱟ ᱚᱱᱟ ᱨᱮ ᱞᱟᱹᱭ ᱢᱮᱱᱟᱜ ᱟᱠᱟᱫᱟ ᱟᱯᱱᱟᱨᱣᱟᱜ ᱯᱨᱚᱪᱟᱨ ᱞᱟᱹᱜᱤᱫ ᱛᱮ ᱵᱟᱨᱛᱟ ᱫᱚ ᱵᱟᱝ ᱮᱢ ᱦᱩᱭ ᱟᱠᱟᱱᱟ᱾ ᱥᱟᱱᱟᱢ ᱦᱚᱲ ᱠᱚᱣᱟᱜ ᱡᱤᱵᱚᱱ ᱡᱟᱯᱚᱱ ᱪᱮᱛᱟᱱ ᱨᱮ ᱱᱚᱡᱚᱨ ᱮᱢ ᱦᱩᱭᱜ ᱠᱟᱱᱟ᱾ ᱚᱱᱟ ᱛᱮ ᱡᱟᱦᱟ ᱦᱩᱢᱠᱤ ᱦᱮᱡ ᱟᱠᱟᱱ ᱚᱱᱟ ᱦᱟᱞᱠᱟ ᱵᱷᱟᱵᱷ ᱛᱮ ᱢᱚᱱᱮ ᱞᱮᱠᱷᱟᱱ ᱯᱚᱨᱤᱥᱛᱤᱛᱤ ᱵᱟᱲᱤᱡ ᱰᱟᱨᱮᱣᱟᱼᱟ᱾
ᱞᱟᱦᱟ ᱦᱟᱯᱛᱟ ᱜᱮ ᱥᱟᱭᱯ ᱟᱞᱤ ᱠᱷᱟᱱ ᱪᱮᱛᱟᱱ ᱨᱮ ᱛᱟᱞᱟ ᱧᱤᱱᱫᱟᱹ ᱚᱠᱛᱚ ᱦᱟᱢᱞᱟ ᱦᱩᱭ ᱞᱮᱱ ᱛᱟᱦᱮᱱᱟ᱾ ᱟᱨ ᱚᱱᱟ ᱛᱟᱭᱚ ᱜᱮ ᱵᱚᱞᱤᱭᱩᱰ ᱨᱮ ᱡᱟᱦᱟ ᱵᱚᱛᱚᱨ ᱨᱮᱭᱟᱜ ᱡᱟᱦᱟ ᱢᱚᱦᱚᱞ ᱵᱮᱱᱟᱣ ᱟᱠᱟᱱᱟ ᱚᱱᱟ ᱜᱮ ᱵᱟᱝ ᱪᱟᱵᱟ ᱟᱠᱟᱱᱟ᱾ ᱠᱩᱢᱲᱩ ᱢᱚᱱᱮ ᱠᱟᱛᱮᱡ ᱜᱮ ᱥᱚᱨᱤᱯᱷᱩᱞ ᱧᱤᱛᱩᱢᱟᱱ ᱢᱤᱫ ᱵᱟᱝᱞᱟᱫᱮᱥᱤ ᱡᱩᱵᱚᱠ ᱥᱟᱭᱯ ᱟᱞᱤ ᱠᱷᱟᱱ ᱟᱜ ᱚᱨᱟᱲ ᱨᱮᱭ ᱵᱚᱞᱚ ᱞᱮᱱ ᱛᱟᱦᱮᱱᱟ, ᱟᱨ ᱚᱱᱟ ᱧᱤᱫᱟᱹ ᱨᱮᱜᱤ ᱪᱷᱩᱨᱤ ᱛᱮ ᱛᱩᱨᱩᱭ ᱫᱷᱟᱣ ᱟᱜᱷᱟᱛ ᱞᱤᱫᱤ ᱟᱭ᱾ ᱛᱚᱵᱮ ᱱᱤᱛ ᱟᱨᱦᱚ ᱱᱟᱣᱟ ᱛᱮ ᱵᱚᱞᱤᱭᱩᱰ ᱨᱮᱱ ᱟᱠᱴᱟᱨ ᱠᱚ ᱪᱮᱛᱟᱱ ᱨᱮ ᱯᱟᱠᱤᱥᱛᱷᱟᱱ ᱠᱷᱚᱱ ᱠᱷᱩᱱ ᱨᱮᱭᱟᱜ ᱦᱩᱢᱠᱤ ᱦᱮᱡ ᱟᱠᱟᱱ ᱛᱮ ᱢᱩᱢᱵᱟᱭ ᱯᱩᱞᱤᱥ ᱥᱚᱡᱟᱜ ᱨᱮ ᱢᱮᱱᱟᱜ ᱟᱠᱟᱫ ᱠᱚᱣᱟ᱾
