ᱩᱪᱷᱟᱹᱱ ᱥᱚᱫᱚᱨᱮᱱᱟ ᱟᱞᱤᱭᱟ ᱵᱷᱟᱴᱟᱜ ᱮᱠᱥᱮᱱ ᱥᱤᱱᱮᱹᱢᱟ ‘ᱡᱤᱜᱽᱨᱟ’ ᱾ ᱵᱚᱭᱦᱟᱼᱵᱩᱦᱤᱱᱟᱜ ᱱᱚᱣᱟ ᱠᱟᱹᱦᱱᱤ ᱵᱷᱟᱜᱮ ᱜᱮᱠᱚ ᱠᱩᱥᱤᱣᱟᱠᱟᱫᱟ ᱢᱟᱹᱱᱢᱤ ᱾ ᱢᱮᱱᱠᱷᱟᱱ ᱩᱪᱷᱟᱹᱱ ᱥᱟᱶᱛᱮ ᱵᱚᱠᱥ ᱚᱯᱷᱤᱥ ᱨᱮ ᱨᱟᱡᱽᱠᱩᱢᱟᱨ ᱨᱟᱣ ᱟᱨ ᱛᱨᱤᱯᱛᱤ ᱫᱤᱢᱨᱤᱭᱟᱜ ᱵᱷᱤᱠᱤ ᱵᱤᱫᱽᱫᱟ ᱠᱟ ᱣᱳ ᱣᱟᱞᱟ ᱵᱷᱤᱰᱤᱭᱳ ᱯᱟᱨᱚᱢ ᱯᱟᱨᱚᱢᱛᱮ ᱵᱟᱭ ᱯᱟᱨᱚᱢ ᱫᱟᱲᱮᱭᱟᱫᱟ ᱟᱞᱤᱭᱟᱣᱟᱜ ᱥᱤᱱᱮᱹᱢᱟ ᱾ ᱛᱤᱱᱟᱹᱜᱼᱮ ᱨᱚᱡᱽᱜᱟᱨ ᱠᱮᱫᱟ ?
ᱡᱤᱜᱽᱨᱟ ᱥᱤᱱᱮᱹᱢᱟ ᱨᱮᱱᱟᱜ ᱵᱚᱠᱥ ᱚᱯᱷᱤᱥ ᱠᱟᱞᱮᱹᱠᱥᱚᱱ
ᱡᱟᱹᱨᱩᱢ ᱢᱟᱦᱟ ᱑᱑ ᱚᱠᱴᱳᱵᱚᱨ ᱨᱤᱞᱤᱡᱽ ᱟᱠᱟᱱᱟ ᱡᱤᱜᱽᱨᱟ ᱾ ᱯᱳᱭᱞᱳ ᱢᱟᱦᱟ ᱟᱹᱰᱤ ᱡᱟᱹᱥᱛᱤ ᱵᱟᱝ ᱨᱮᱦᱚᱸ, ᱵᱮᱥ ᱵᱷᱟᱜᱮ ᱜᱮ ᱦᱚᱲ ᱠᱚ ᱠᱩᱥᱭᱟᱠᱟᱫᱟ ᱾ ᱵᱷᱟᱨᱚᱛᱤᱭᱚ ᱵᱚᱠᱥ ᱚᱯᱷᱤᱥ ᱨᱮ ᱯᱳᱭᱞᱳ ᱫᱤᱱ ᱔ ᱠᱳᱴᱤ ᱒᱕ ᱞᱟᱠᱷ ᱴᱟᱠᱟᱭ ᱟᱨᱡᱟᱣ ᱟᱠᱟᱫᱟ ᱾ ᱱᱚᱝᱠᱟᱜᱮ ᱵᱟᱰᱟᱭ ᱦᱚᱪᱚᱣᱟᱠᱟᱫᱟ ᱥᱚᱪᱤᱱᱥᱤᱞᱠᱟᱜ ᱨᱤᱯᱳᱨᱴ ᱨᱮ ᱾ ᱵᱷᱟᱨᱚᱛ ᱨᱮᱱᱟᱜ ᱥᱮᱨᱟ ᱯᱮᱭᱟ ᱱᱮᱥᱱᱟᱞ ᱪᱮᱱ ᱨᱮ ᱑᱘᱐᱐᱐ ᱴᱤᱠᱤᱴ ᱟᱹᱠᱷᱨᱤᱧ ᱟᱠᱟᱱᱟ ᱾ ᱵᱟᱰᱟᱭ ᱧᱟᱢᱟᱠᱟᱱᱟ ᱒᱒᱐᱐ ᱠᱷᱚᱱ ᱒᱕᱐᱐ ᱥᱠᱨᱤᱱ ᱨᱮ ᱱᱚᱣᱟ ᱥᱤᱱᱮᱹᱢᱟ ᱦᱮᱡ ᱟᱠᱟᱱᱟ ᱾ ᱯᱳᱭᱞᱳ ᱨᱮ ᱟᱭᱼᱩᱢᱟᱹᱱ ᱦᱩᱭ ᱞᱮᱱᱟ ᱵᱚᱠᱥ ᱚᱯᱷᱤᱥ ᱨᱮ ᱱᱚᱣᱟ ᱥᱤᱱᱮᱹᱢᱟ ᱥᱟᱲᱮ ᱔ ᱠᱳᱴᱤ ᱠᱷᱚᱱ ᱕ ᱠᱳᱴᱤ ᱴᱟᱠᱟᱭ ᱟᱨᱡᱟᱣ ᱫᱟᱲᱮᱭᱟᱜᱼᱟ ᱾ ᱥᱟᱹᱨᱤᱭᱟᱹᱛ ᱨᱮ ᱟᱭᱼᱩᱢᱟᱹᱱ ᱠᱷᱚᱱ ᱱᱟᱥᱮ ᱠᱚᱢ ᱜᱮᱭ ᱟᱨᱡᱟᱣᱟᱠᱟᱫᱟ ᱾
ᱚᱱᱟ ᱢᱤᱫ ᱢᱟᱦᱟ ᱨᱮᱜᱮ ᱨᱤᱞᱤᱡᱽ ᱟᱠᱟᱱᱟ ᱨᱟᱡᱽᱠᱩᱢᱟᱨ ᱨᱟᱣ ᱟᱨ ᱛᱨᱤᱯᱛᱤ ᱫᱤᱢᱨᱤᱭᱟᱜ ᱵᱷᱤᱠᱤ ᱵᱤᱫᱽᱫᱟ ᱠᱟ ᱣᱳ ᱣᱟᱞᱟ ᱵᱷᱤᱰᱤᱭᱳ ᱾ ᱚᱱᱟ ᱥᱤᱱᱮᱹᱢᱟ ᱱᱟᱥᱮ ᱨᱮᱦᱚᱸ ᱞᱟᱦᱟ ᱢᱮᱱᱟᱜᱼᱟ ᱡᱤᱜᱽᱨᱟ ᱥᱤᱱᱮᱹᱢᱟ ᱠᱷᱚᱱ ᱾ ᱵᱚᱠᱥ ᱚᱯᱷᱤᱥ ᱨᱮ ᱱᱚᱣᱟ ᱥᱤᱱᱮᱹᱢᱟ ᱕ ᱠᱳᱴᱤ ᱴᱟᱠᱟᱭ ᱟᱨᱡᱟᱣᱟᱠᱟᱫᱟ ᱾
ᱡᱤᱜᱽᱨᱟ ᱥᱤᱱᱮᱹᱢᱟ ᱵᱟᱵᱚᱫᱽ
ᱡᱤᱜᱽᱨᱟ ᱥᱤᱱᱮᱹᱢᱟ ᱨᱮ ᱢᱩᱲᱦᱩᱫ ᱪᱩᱨᱤᱛ ᱨᱮ ᱢᱮᱱᱟᱜ ᱠᱤᱱᱟᱹ ᱟᱞᱤᱭᱟ ᱵᱷᱟᱴ ᱟᱨ ᱵᱮᱫᱟᱝᱜᱚ ᱨᱟᱭᱱᱟ ᱾ ᱱᱚᱣᱟ ᱥᱤᱱᱮᱹᱢᱟ ᱨᱮ ᱰᱤᱨᱮᱹᱠᱴ ᱟᱠᱟᱫᱟᱭ ᱵᱷᱟᱥᱟᱱ ᱵᱟᱞᱟ ᱾ ᱯᱨᱳᱰᱟᱠᱥᱮᱱ ᱨᱮᱱᱟᱜ ᱫᱟᱭᱵᱷᱟᱨ ᱨᱮ ᱢᱮᱱᱟᱜ ᱟᱠᱟᱫᱮᱭᱟ ᱠᱚᱨᱚᱱ ᱡᱳᱦᱚᱨᱟᱜ ᱫᱷᱚᱨᱢᱟ ᱯᱨᱳᱰᱟᱠᱥᱮᱱ ᱾
