- ‘ᱡᱚᱱ ᱥᱚᱨᱟᱡᱽ’ ᱡᱟᱛᱨᱟ ᱠᱷᱚᱱ ‘ᱡᱚᱱ ᱥᱚᱨᱟᱡᱽ’ ᱯᱟᱨᱴᱤ
- ‘ᱡᱚᱱ ᱥᱚᱨᱟᱡᱽ’ ᱯᱟᱨᱴᱤ ᱵᱮᱱᱟᱣ ᱠᱮᱫᱟᱭ ᱵᱷᱳᱴ ᱜᱩᱨᱩ ᱯᱨᱚᱥᱟᱱᱛ ᱠᱤᱥᱳᱨ
- ᱒᱐᱒᱕ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱚᱛᱚ ᱥᱤᱴ ᱨᱮ ᱠᱚᱱᱴᱮᱹᱥᱴᱟᱭ ‘ᱡᱚᱱ ᱥᱚᱨᱟᱡᱽ’
PROSANT KISHOR BIHAR POLITICS : ‘ᱡᱚᱱ ᱥᱚᱨᱟᱡᱽ’ ᱡᱟᱛᱨᱟ ᱠᱷᱚᱱ ᱡᱚᱱ ᱥᱚᱨᱟᱡᱽ ᱯᱟᱨᱴᱤ ᱵᱮᱱᱟᱣ ᱠᱮᱫᱟᱭ ᱯᱨᱚᱥᱟᱱᱛ ᱠᱤᱥᱳᱨ ᱾ ᱵᱟᱨ ᱥᱮᱨᱢᱟ ᱢᱟᱲᱟᱝ ᱢᱮᱱᱫᱚ ᱒᱐᱒᱒ ᱥᱟᱞ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱡᱟᱱᱟᱢ ᱢᱟᱦᱟ ᱨᱮᱜᱮ ᱡᱚᱱ ᱥᱚᱨᱟᱡᱽ ᱨᱮᱭᱟᱜ ᱡᱟᱛᱨᱟ ᱫᱚ ᱮᱛᱚᱦᱚᱵ ᱞᱮᱱ ᱛᱟᱦᱮᱱᱟ᱾ ᱟᱨ ᱴᱷᱤᱠ ᱚᱱᱟ ᱨᱮᱭᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ ᱒᱐᱒᱔ ᱥᱮᱨᱢᱟ ᱨᱮ ᱜᱟᱱᱫᱤᱭᱟᱜ ᱡᱟᱱᱟᱢ ᱢᱟᱦᱟ ᱦᱤᱞᱳᱜ ᱜᱮ “ᱡᱚᱱ ᱥᱚᱨᱟᱡᱽ” ᱧᱩᱛᱩᱢ ᱛᱮ ᱯᱟᱨᱴᱤᱭ ᱩᱪᱷᱟᱹᱱ ᱠᱮᱫᱟ ᱯᱨᱚᱥᱟᱱᱛ ᱠᱤᱥᱳᱨ᱾
ᱛᱚᱵᱮ ᱵᱤᱦᱟᱨ ᱨᱮᱭᱟᱜ ᱨᱟᱡᱽᱱᱤᱛᱤ ᱨᱮ ‘ᱡᱚᱱ ᱥᱚᱨᱟᱡᱽ’ ᱧᱩᱛᱩᱢ ᱱᱟᱣᱟ ᱜᱮ ᱟᱸᱡᱚᱢᱚᱜ ᱠᱟᱱᱟ ᱱᱚᱣᱟ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ᱾ ᱪᱮᱫᱟᱜ ᱥᱮ ᱵᱟᱨ ᱥᱮᱨᱢᱟ ᱞᱟᱦᱟ ᱠᱷᱚᱱ ᱵᱤᱦᱟᱮ ᱥᱟᱶᱛᱮ ᱡᱚᱯᱲᱟᱣ ᱟᱠᱟᱱ ᱟᱹᱰᱤᱜᱟᱱ ᱠᱟᱹᱢᱤᱦᱚᱨᱟ ᱥᱟᱶᱛᱮ ᱡᱚᱱ ᱥᱚᱨᱟᱡᱟᱜ ᱥᱟᱹᱜᱟᱹᱭ ᱢᱮᱱᱟᱜ ᱟᱠᱟᱫᱟ᱾ ᱵᱤᱦᱟᱨ ᱨᱮᱱ ᱥᱟᱫᱷᱟᱨᱚᱱ ᱦᱚᱲ ᱠᱚ ᱞᱟᱹᱜᱤᱫ ᱥᱤᱠᱷᱱᱟᱹᱛ, ᱥᱟᱶᱟᱨ ᱟᱨ ᱨᱚᱡᱽᱜᱟᱨ ᱥᱟᱶᱛᱮ ᱡᱚᱯᱲᱟᱣᱟᱠᱟᱱ ᱵᱤᱥᱚᱭ ᱠᱚ ᱟᱛᱮ ᱥᱚᱨᱠᱟᱨ ᱪᱮᱛᱟᱱ ᱨᱮ ᱪᱟᱯ ᱵᱮᱱᱟᱣ ᱞᱟᱹᱜᱤᱫ ᱜᱮ ‘ᱡᱚᱱ ᱥᱚᱨᱟᱡᱽ’ ᱡᱟᱛᱨᱟ ᱫᱚ ᱮᱛᱚᱦᱚᱵ ᱞᱮᱱ ᱛᱟᱦᱮᱱᱟ᱾
ᱫᱟᱨᱟᱭ ᱠᱟᱱ ᱥᱮᱨᱢᱟ (2025) ᱨᱮᱜᱮ ᱵᱤᱮᱟᱨ ᱨᱮ ᱢᱮᱱᱟᱜ ᱟᱠᱟᱫᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱟᱨ ᱚᱱᱟ ᱵᱟᱪᱷᱱᱟᱣ ᱨᱮ ᱵᱤᱦᱟᱨ ᱨᱮᱭᱟᱜ ᱡᱚᱛᱚ ᱥᱤᱴ ᱨᱮ ᱠᱚᱱᱴᱮᱹᱥᱴ ᱨᱮᱭᱟᱜ ᱫᱟᱣᱼᱮ ᱦᱟᱛᱟᱣᱟ ᱯᱨᱚᱥᱟᱱᱛ ᱠᱤᱥᱳᱨᱟᱜ ‘ᱡᱚᱱ ᱥᱚᱨᱟᱡᱽ’ ᱯᱟᱨᱴᱤ ᱾ ᱯᱟᱨᱴᱤ ᱩᱪᱷᱟᱹᱱ ᱛᱟᱭᱚᱢ ᱵᱷᱳᱴ ᱜᱩᱨᱩ ᱯᱨᱚᱥᱟᱱᱛ ᱠᱤᱥᱳᱨ ‘ᱡᱚᱱ ᱥᱚᱨᱟᱡᱽ’ ᱯᱟᱨᱴᱤ ᱨᱮᱱ ᱠᱟᱨᱡᱚᱠᱟᱨᱤ ᱥᱚᱵᱷᱟᱯᱚᱛᱤ ᱞᱮᱠᱟᱛᱮ ᱢᱚᱱᱳᱡᱽ ᱵᱷᱟᱨᱛᱤᱭᱟᱜ ᱧᱩᱛᱩᱢᱮ ᱩᱪᱷᱟᱸᱱ ᱠᱮᱫᱟ ᱾ ᱩᱱᱤᱭᱟᱜ ᱢᱮᱱ ᱢᱚᱱᱳᱡᱽ ᱵᱷᱟᱨᱛᱤ ᱫᱚ ᱨᱟᱡᱽᱱᱤᱛᱤ ᱨᱮ ᱟᱹᱰᱤ ᱜᱮᱭ ᱫᱚᱠᱠᱚ ᱜᱮᱭᱟ, ᱪᱮᱫᱟᱜ ᱥᱮ ᱢᱚᱱᱳᱡᱽ ᱵᱷᱟᱨᱛᱤ ᱫᱚ IIT ᱨᱮ ᱰᱤᱜᱽᱨᱤ ᱦᱟᱛᱟᱣ ᱠᱟᱛᱮᱫ IFS OFFICER ᱦᱩᱭᱟᱠᱟᱱᱟᱭ ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱯᱨᱚᱥᱟᱱᱛ ᱠᱤᱥᱳᱨᱟᱜ ᱞᱟᱹᱭ ᱤᱧ ᱛᱤᱥ ᱦᱚᱸ ᱱᱮᱛᱟ ᱵᱟᱝᱼᱤᱧ ᱛᱟᱦᱮᱸ ᱠᱟᱱᱟ, ᱟᱨ ᱱᱮᱛᱟ ᱵᱮᱱᱟᱣ ᱦᱚᱸ ᱵᱟᱹᱧ ᱦᱮᱡ ᱟᱠᱟᱱᱟ ᱾ ᱛᱚᱵᱮ ᱱᱤᱛ ᱚᱠᱛᱚ ᱦᱮᱡ ᱟᱠᱟᱱᱟ ᱥᱟᱫᱷᱟᱨᱚᱱ ᱦᱚᱲ ᱠᱚᱣᱟᱜ ᱞᱤᱰᱟᱨᱥᱤᱯ ᱨᱮᱭᱟᱜ ᱾ ᱯᱨᱚᱥᱟᱱᱛ ᱠᱤᱥᱳᱨ ‘ᱡᱚᱱ ᱥᱚᱨᱟᱡᱽ’ ᱯᱟᱨᱴᱤ ᱩᱪᱷᱟᱹᱱ ᱛᱟᱭᱚᱢ ᱜᱮ ᱵᱤᱦᱟᱨ ᱨᱮᱱ ᱡᱚᱱᱚᱜᱚᱱ ᱴᱷᱮᱱ ᱯᱨᱚᱛᱤᱥᱨᱩᱛᱤ ᱮᱢ ᱠᱮᱫᱟᱭ ᱡᱮ ᱵᱤᱦᱟᱨ ᱨᱟᱡᱽ ᱫᱚ ᱫᱤᱥᱚᱢ ᱨᱮᱭᱟᱜ ᱥᱚᱨᱮᱥ ᱑᱐ ᱨᱟᱡᱽ ᱵᱷᱤᱛᱤᱨ ᱨᱮ ᱟᱹᱜᱩ ᱟᱨ ᱥᱟᱱᱟᱢ ᱵᱮᱠᱟᱨ ᱦᱚᱲ ᱠᱚ ᱨᱚᱡᱽᱜᱟᱨ ᱮᱢ ᱾ ᱒᱐᱒᱕ ᱥᱟᱞ ᱨᱮᱭᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱒᱐ ᱜᱚᱴᱟᱝ ᱥᱤᱴ ᱦᱚᱸ ᱵᱟᱝᱼᱮ ᱡᱤᱛᱠᱟᱹᱨ ᱫᱟᱲᱮᱭᱟᱜᱼᱟ ᱱᱤᱛᱤᱥ ᱠᱩᱢᱟᱨᱟᱜ ᱫᱚᱞ, ᱟᱭᱟᱜ ᱥᱚᱝᱜᱚᱴᱷᱚᱱ ‘ᱡᱚᱱ ᱥᱚᱨᱟᱡᱽ’ ᱤᱫᱤ ᱠᱟᱛᱮᱫ ᱩᱱᱟᱹᱜ ᱜᱮ ᱟᱛᱢᱚᱵᱤᱥᱥᱟᱥᱮ ᱥᱚᱫᱚᱨ ᱠᱮᱫᱟ ᱯᱨᱚᱥᱟᱱᱛ ᱠᱤᱥᱳᱨ ᱾
