ATTACK ON JAISHANKAR IN LONDON : ᱵᱤᱫᱮᱥ ᱥᱚᱯᱷᱚᱨ ᱨᱮ ᱢᱮᱱᱟᱭᱼᱟ ᱵᱷᱟᱨᱚᱛ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱮᱥ ᱡᱚᱭᱥᱚᱝᱠᱚᱨ᱾ ᱟᱨ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱟᱠᱟᱱᱟ ᱵᱟᱝᱢᱟ ᱫᱟᱨᱟᱭ ᱠᱟᱱ ᱙ ᱛᱟᱨᱤᱠ ᱦᱟᱵᱤᱛ ᱛᱮ ᱞᱚᱱᱰᱚᱱ ᱨᱮᱜᱤ ᱛᱟᱦᱮᱱᱟ ᱵᱤᱫᱮᱥ ᱢᱚᱱᱛᱨᱤ᱾ ᱥᱟᱹᱨᱫᱤ ᱢᱟᱦᱟ ᱦᱤᱞᱟᱜ ᱞᱚᱱᱰᱚᱱ ᱨᱮᱭᱟᱜ ᱪᱟᱛᱷᱟᱢ ᱦᱟᱭᱚᱥ ᱨᱮ ᱢᱤᱫ ᱜᱟᱯᱟᱞ ᱢᱟᱨᱟᱣ ᱨᱮ ᱥᱮᱞᱮᱫ ᱨᱮᱭᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱡᱚᱭᱥᱚᱝᱠᱚᱨᱼᱟ᱾ ᱟᱨ ᱚᱱᱟ ᱨᱮ ᱥᱮᱞᱮᱫ ᱞᱟᱹᱜᱤᱛ ᱡᱚᱠᱷᱚᱱ ᱞᱚᱱᱰᱚᱱ ᱨᱮᱭᱟᱜ ᱪᱟᱛᱷᱟᱢ ᱦᱟᱭᱚᱥ ᱨᱮ ᱥᱮᱴᱮᱨ ᱮᱱᱟ ᱩᱱᱚᱠᱛᱚ ᱩᱱᱤ ᱡᱚᱠᱷᱚᱱ ᱜᱟᱹᱰᱤ ᱠᱷᱚᱱ ᱮ ᱯᱷᱮᱴ ᱮᱱᱟ ᱚᱱᱟ ᱚᱠᱛᱚ ᱜᱮ ᱩᱱᱤᱭᱟᱜ ᱜᱟᱹᱰᱤ ᱥᱟᱢᱟᱝ ᱨᱮ ᱠᱷᱟᱞᱤᱥᱛᱷᱟᱱᱤ ᱠᱚ ᱵᱤᱠᱠᱷᱚᱵ ᱠᱚ ᱩᱫᱩᱠ ᱠᱮᱫᱟ᱾
ᱥᱳᱥᱟᱞ ᱢᱮᱰᱤᱭᱟ ᱨᱮᱭᱟᱜ ᱢᱤᱫ ᱪᱤᱛᱟᱹᱨ ᱨᱮ ᱧᱮᱞᱚᱜ ᱠᱟᱱᱟ ᱡᱮ ᱡᱚᱭᱥᱚᱝᱠᱚᱨ ᱟᱡᱟᱜ ᱜᱟᱹᱰᱤ ᱠᱷᱚᱱ ᱯᱷᱮᱴ ᱴᱚᱨᱟ ᱜᱮ ᱢᱤᱫ ᱵᱤᱠᱠᱷᱚᱠᱟᱹᱨᱤ ᱩᱱᱤᱭᱟᱜ ᱜᱟᱹᱰᱤ ᱥᱮᱫᱼᱮ ᱫᱟᱹᱨ ᱪᱟᱞᱟᱜ ᱠᱟᱱ ᱛᱟᱦᱮᱱᱟ, ᱟᱨ ᱞᱚᱱᱰᱚᱱ ᱨᱮᱱ ᱯᱩᱞᱤᱥ ᱚᱯᱷᱤᱥᱟᱨ ᱠᱚ ᱥᱟᱢᱟᱝ ᱨᱮ ᱵᱷᱟᱨᱚᱛ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱪᱤᱨᱼᱮ ᱥᱟᱵ ᱟᱠᱟᱫ ᱛᱟᱦᱮᱱᱟ᱾
ᱰᱚᱠᱴᱚᱨ ᱡᱚᱭᱥᱚᱝᱠᱚᱨ ᱡᱟᱦᱟ ᱚᱠᱛᱚ ᱪᱟᱛᱷᱟᱱ ᱦᱟᱭᱚᱥ ᱨᱮᱭᱟᱜ ᱠᱟᱹᱢᱤ ᱦᱚᱨᱟ ᱨᱮᱭ ᱥᱮᱞᱮᱫ ᱫᱚᱜ ᱠᱟᱱ ᱛᱟᱦᱮᱱᱟ ᱚᱱᱟ ᱡᱚᱠᱷᱚᱡ ᱠᱷᱟᱞᱤᱥᱛᱷᱟᱱ ᱯᱚᱱᱛᱷᱤ ᱥᱚᱢᱚᱨᱛᱷᱚᱠ ᱪᱚᱛᱷᱟᱱ ᱦᱟᱭᱚᱥ ᱨᱮᱭᱟᱜ ᱵᱟᱭᱨᱮ ᱨᱮ ᱡᱟᱨᱣᱟ ᱠᱟᱛᱮᱡ ᱪᱤᱨ ᱩᱴᱟᱝ ᱥᱟᱣᱛᱮ ᱥᱞᱚᱜᱟᱱ ᱦᱚᱸᱠᱚ ᱮᱢ ᱮᱫ ᱠᱟᱱ ᱛᱮᱦᱟᱱᱟ᱾
ᱵᱤᱫᱮᱥ ᱨᱮᱭᱟᱜ ᱞᱚᱱᱫᱚᱱ ᱨᱮ ᱵᱷᱟᱨᱚᱛ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱡᱚᱭᱥᱚᱝᱠᱚᱨ ᱪᱮᱛᱟᱱ ᱦᱟᱢᱞᱟ ᱵᱷᱟᱨᱚᱛ ᱨᱮᱭᱟᱜ ᱠᱩᱴᱱᱚᱭᱛᱤᱠ ᱟᱨ ᱱᱤᱨᱟᱯᱚᱛᱛᱟ ᱤᱫᱤ ᱠᱟᱛᱮᱡ ᱢᱤᱫ ᱱᱟᱣᱟ ᱠᱩᱠᱞᱤ ᱨᱟᱠᱟᱵ ᱦᱤᱡᱩᱜ ᱠᱟᱱᱟ᱾
᱔ ᱠᱷᱚᱱ ᱙ ᱢᱟᱨᱪ ᱦᱟᱵᱤᱛ ᱛᱮ ᱵᱷᱟᱨᱚᱴ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱡᱩᱠᱛᱚᱨᱟᱥᱴᱨᱚ ᱟᱨ ᱟᱭᱟᱨᱞᱟᱱᱰ ᱨᱮᱭᱟᱜ ᱥᱚᱨᱠᱟᱨᱤ ᱥᱚᱯᱷᱚᱨ ᱨᱮ ᱢᱮᱱᱟᱭ ᱟᱠᱟᱫᱤᱭᱟ ᱩᱱᱟᱠᱚ ᱫᱤᱥᱟᱹᱢ ᱥᱟᱣᱛᱮ ᱵᱷᱟᱨᱚᱛ ᱨᱮᱭᱟᱜ ᱠᱩᱴᱱᱚᱤᱛᱤᱠ ᱥᱟᱹᱜᱟᱹᱭ ᱠᱮᱴᱮᱡ ᱞᱟᱹᱜᱤᱛ ᱛᱮ᱾
ᱛᱚᱵᱮ ᱮᱥ ᱡᱚᱭᱥᱚᱝᱠᱚᱨ (S JAISHANKAR) ᱟᱡᱟᱜ ᱥᱚᱯᱷᱚᱨ ᱠᱟᱞ ᱨᱮ ᱵᱨᱤᱴᱤᱥ ᱯᱨᱚᱫᱷᱟᱱ ᱢᱚᱱᱛᱨᱤ ᱠᱮᱭᱟᱨ ᱥᱴᱟᱟᱢᱟᱨ(KEIR STARMER), ᱯᱚᱨᱚᱨᱟᱥᱴᱨᱚ ᱥᱚᱪᱤᱵᱽ ᱰᱮᱵᱷᱮᱰ ᱞᱮᱢᱤ(DAVID LAMMY) ᱟᱨ ᱵᱮᱥ ᱠᱤᱪᱷᱩ ᱥᱤᱱᱤᱭᱟᱨ ᱱᱮᱛᱟ ᱠᱚ ᱥᱟᱣᱛᱮᱭ ᱧᱟᱯᱟᱢ ᱟᱠᱟᱱᱟ᱾
ᱵᱟᱞᱮ ᱢᱟᱦᱟ ᱦᱤᱞᱟᱹᱜ US ᱨᱮᱱ ᱥᱚᱨᱟᱥᱴᱨᱚ ᱥᱚᱪᱤᱵᱽ ᱮᱵᱷᱮᱴ ᱠᱚᱯᱟᱨ (YVETTE COOPER) ᱥᱟᱣᱛᱮ ᱧᱟᱯᱟᱢ ᱠᱟᱛᱮᱡ ᱪᱚᱨᱚᱢ ᱯᱚᱱᱛᱷᱟ ᱢᱚᱠᱟᱵᱤᱞᱟ ᱞᱟᱹᱜᱤᱛ ᱵᱟᱱᱟᱨ ᱫᱤᱥᱟᱹᱢ ᱨᱮᱭᱟᱜ ᱯᱨᱚᱪᱮᱥᱴᱟ ᱪᱮᱛᱟᱱ ᱦᱚᱸ ᱜᱟᱯᱟᱞᱢᱟᱨᱟᱣ ᱦᱩᱭ ᱟᱠᱟᱱᱟ᱾
ᱵᱷᱟᱨᱚᱛ ᱟᱭᱢᱟ ᱰᱤᱱ ᱠᱷᱚᱱ ᱜᱮ Us, Canada ᱟᱨ AUSTRALIA ᱞᱮᱠᱷᱟᱱ ᱫᱤᱥᱟᱹᱢ ᱨᱮ ᱠᱷᱟᱞᱤᱥᱛᱷᱟᱱᱤ ᱠᱚᱣᱟᱜ ᱫᱟᱵᱫᱟᱵᱟᱦᱟ ᱵᱟᱲᱛᱤ ᱟᱠᱟᱱᱟ᱾ ᱡᱟᱦᱟ ᱫᱚ ᱵᱷᱟᱨᱚᱛ ᱥᱚᱨᱠᱟᱨ ᱠᱷᱟᱞᱤᱥᱛᱷᱟᱱᱤ ᱪᱚᱨᱚᱢᱯᱚᱱᱛᱷᱤ ᱠᱚ ᱵᱤᱨᱚᱫᱽ ᱨᱮ ᱠᱚᱰᱨᱟ ᱥᱟᱹᱦᱤᱛ ᱟᱭᱱᱤ ᱵᱮᱵᱚᱥᱛᱷᱟ ᱦᱟᱛᱟᱣ ᱞᱟᱹᱜᱤᱛ ᱵᱟᱨ ᱵᱟᱨ ᱪᱟᱯᱼᱮ ᱥᱨᱤᱥᱴᱤ ᱟᱠᱟᱫᱟ᱾
