ᱟᱨᱹᱡᱤ ᱠᱚᱨ ᱜᱷᱚᱴᱚᱱ ᱨᱮᱱᱟᱜ ᱥᱮᱸᱜᱮᱞ ᱟᱹᱣᱨᱤ ᱤᱲᱤᱡᱚᱜ ᱛᱮᱜᱮ ᱟᱨᱦᱚᱸ ᱢᱤᱫ ᱫᱷᱟᱣ ᱯᱚᱱᱚᱛ ᱨᱮ ᱦᱩᱭᱮᱱᱟ ᱯᱩᱱ ᱪᱟᱱᱟᱪᱦ ᱨᱮᱱ ᱠᱩᱲᱤ ᱥᱟᱶ ᱱᱟᱦᱟᱪᱟᱨ ᱾ ᱱᱚᱣᱟ ᱜᱷᱚᱴᱚᱱ ᱫᱚ ᱦᱩᱭᱩᱜ ᱠᱟᱱᱟ ᱠᱩᱞᱛᱚᱞᱤ ᱛᱷᱟᱱᱟ ᱨᱮᱱᱟᱜ ᱦᱟᱞᱫᱟᱨ ᱯᱟᱲᱟ ᱢᱳᱲ ᱴᱚᱴᱷᱟ ᱨᱮ ᱾ ᱯᱩᱞᱤᱥᱟᱜ ᱚᱱᱦᱮᱲᱟ ᱨᱮᱱᱟᱜ ᱟᱯᱷᱚᱫᱽ ᱥᱟᱢᱟᱝ ᱠᱟᱛᱮ ᱨᱟᱸᱜᱟᱣᱱᱟ ᱠᱚ ᱩᱫᱩᱜ ᱥᱚᱫᱚᱨ ᱠᱮᱫᱟ ᱮᱫᱽᱨᱮᱭᱟᱠᱟᱱ ᱢᱟᱹᱱᱢᱤ ᱾ ᱨᱟᱹᱜᱤᱭᱟᱠᱟᱱ ᱢᱟᱹᱱᱤᱭᱟᱜ ᱡᱩᱢᱤᱫ ᱵᱷᱟᱸᱜᱚᱲ ᱞᱟᱹᱜᱤᱫ ᱯᱩᱞᱤᱥ ᱯᱟᱦᱴᱟ ᱠᱷᱚᱱ ᱠᱚ ᱟᱲᱟᱜ ᱟᱠᱟᱫᱟ ᱴᱤᱭᱟᱨ ᱜᱮᱥ ᱨᱮᱱᱟᱜ ᱥᱮᱹᱞ ᱾ ᱮᱴᱟᱜ ᱥᱮᱫ ᱦᱚᱸ ᱤᱴᱟᱹᱼᱫᱷᱤᱨᱤ ᱠᱚ ᱪᱟᱯᱟᱫ ᱟᱠᱟᱫᱟ ᱟᱹᱲᱤᱥᱟᱠᱟᱱ ᱟᱹᱛᱩ ᱦᱚᱲ ᱾
ᱵᱟᱰᱟᱭ ᱧᱟᱢ ᱟᱠᱟᱱᱟ, ᱡᱟᱹᱨᱩᱢ ᱢᱟᱦᱟ ᱦᱤᱞᱳᱜ ᱯᱩᱱ ᱪᱟᱱᱟᱪ ᱨᱮᱱ ᱢᱟᱹᱭ ᱜᱤᱫᱽᱨᱟᱹ ᱪᱟᱞᱟᱣ ᱞᱮᱱᱟᱭ ᱴᱤᱭᱩᱥᱮᱱ ᱾ ᱢᱮᱱᱠᱷᱟᱱ ᱚᱠᱛᱚ ᱯᱟᱨᱚᱢᱚᱜ ᱠᱟᱱ ᱨᱮᱦᱚᱸ ᱵᱟᱭ ᱨᱩᱣᱟᱹᱲ ᱠᱟᱱᱟ ᱧᱮᱞᱛᱮ ᱯᱟᱸᱡᱟ ᱠᱚ ᱮᱛᱚᱦᱚᱵ ᱚᱲᱟᱜ ᱦᱚᱲ ᱾ ᱜᱷᱟᱨᱚᱸᱡᱽ ᱦᱚᱲᱟᱜ ᱟᱯᱷᱚᱫᱽ ᱦᱤᱡᱩᱜ ᱚᱠᱛᱚ ᱰᱟᱦᱟᱨ ᱠᱷᱚᱱᱜᱮᱭ ᱟᱫ ᱟᱠᱟᱱᱟ ᱯᱩᱱ ᱪᱟᱱᱟᱪ ᱨᱮᱱ ᱦᱩᱰᱤᱧ ᱢᱟᱹᱭ ᱜᱤᱫᱽᱨᱟᱹ ᱾ ᱟᱭᱢᱟ ᱛᱚᱞᱟᱥ ᱛᱟᱭᱚᱢ ᱦᱚᱸ ᱵᱟᱝ ᱧᱟᱢ ᱠᱷᱟᱹᱛᱤᱨ ᱯᱩᱞᱤᱥ ᱴᱷᱮᱱ ᱥᱮᱴᱮᱨᱮᱱᱟ ᱠᱷᱚᱵᱚᱨ ᱾ ᱚᱱᱟ ᱛᱟᱭᱚᱢ ᱡᱟᱹᱨᱩᱢ ᱢᱟᱦᱟ ᱦᱤᱞᱳᱜ ᱡᱚᱭᱱᱚᱜᱚᱨ ᱨᱮᱱᱟᱜ ᱢᱚᱦᱤᱥᱢᱟᱨᱤ ᱴᱚᱴᱷᱟ ᱨᱮᱱᱟᱜ ᱢᱤᱫ ᱜᱟᱹᱰᱭᱟᱹ ᱠᱷᱚᱱ ᱩᱫᱽᱫᱷᱟᱹᱨᱮᱱᱟ ᱢᱟᱹᱲᱤ ᱾
ᱯᱩᱞᱤᱥᱟᱜ ᱜᱚᱵᱚᱞ ᱨᱮ ᱢᱤᱫ ᱦᱚᱲ
ᱯᱟᱹᱴᱷᱩᱣᱟᱹ ᱢᱟᱹᱭᱟᱜ ᱜᱷᱟᱨᱚᱸᱡᱽ ᱨᱮᱱ ᱦᱚᱲᱟᱜ ᱟᱯᱷᱚᱫᱽ ᱪᱮᱛᱟᱱ ᱴᱮᱦᱟᱰ ᱠᱟᱛᱮᱫ ᱛᱩᱱᱠᱷᱤ ᱠᱚ ᱮᱛᱚᱦᱚᱵ ᱾ ᱚᱱᱟ ᱛᱩᱱᱠᱷᱤ ᱨᱮ ᱢᱤᱫ ᱥᱟᱥᱯᱤᱥᱤᱭᱟᱥ ᱦᱚᱲ ᱠᱚ ᱦᱟᱹᱲᱤᱭᱟᱠᱟᱫᱮᱭᱟ ᱯᱩᱞᱤᱥ ᱾ ᱟᱭᱢᱟ ᱫᱚᱯᱷᱟ ᱛᱮ ᱠᱩᱠᱞᱤ ᱛᱟᱭᱚᱢ ᱥᱤᱠᱟᱹᱨ ᱦᱟᱛᱟᱣᱟᱠᱟᱫᱟᱭ ᱜᱚᱡᱮ ᱨᱮᱱᱟᱜ ᱠᱟᱛᱷᱟ ᱾ ᱩᱱᱤ ᱦᱩᱰᱤᱧ ᱢᱟᱹᱭ ᱜᱤᱫᱽᱨᱟᱹ ᱥᱟᱶ ᱱᱟᱦᱟᱪᱟᱨ ᱠᱟᱛᱮ ᱜᱚᱡ ᱨᱮᱱᱟᱜ ᱟᱯᱷᱚᱫᱽ ᱜᱷᱟᱨᱚᱸᱡᱽ ᱦᱚᱲᱟᱜ ᱾ ᱱᱚᱣᱟ ᱜᱷᱚᱴᱚᱱ ᱨᱮ ᱛᱷᱟᱱᱟ ᱨᱟᱹᱯᱩᱫ ᱥᱟᱶᱛᱮ ᱥᱮᱸᱜᱮᱞ ᱫᱷᱚᱨᱟᱣ ᱨᱮᱱᱟᱜ ᱦᱚᱸ ᱟᱯᱷᱚᱫ ᱥᱟᱢᱟᱝ ᱟᱠᱟᱱᱟ ᱾ ᱱᱤᱛ ᱜᱚᱴᱟ ᱴᱚᱴᱷᱟ ᱨᱮᱜᱮ ᱡᱩᱞᱩᱜ ᱠᱟᱱᱟ ᱢᱟᱹᱱᱢᱤ ᱢᱚᱱᱮᱨᱮ ᱨᱟᱹᱜᱤ ᱥᱮᱸᱜᱮᱞ ᱾ ᱱᱚᱣᱟ ᱦᱟᱞᱚᱛ ᱥᱟᱢᱲᱟᱣ ᱞᱟᱹᱜᱤᱫ ᱟᱲᱜᱳᱣᱟᱠᱟᱱᱟᱠᱚ ᱨᱮᱯᱷ, ᱚᱱᱟ ᱥᱟᱶᱛᱮ ᱪᱟᱞᱟᱜ ᱠᱟᱱᱟ ᱯᱩᱞᱤᱥᱟᱜ ᱞᱟᱴᱷᱤ ᱪᱟᱨᱡᱽ ᱾
