(PAPUL MURMU) Sania Mirza Indian tennis player : ᱫᱚᱲᱦᱟ ᱵᱟᱯᱞᱟᱜ ᱨᱮᱭᱟᱜ ᱰᱟᱦᱟᱨ ᱨᱮ ᱵᱷᱟᱨᱚᱛ ᱨᱮᱱ ᱴᱮᱹᱱᱤᱥ ᱛᱟᱨᱚᱠᱟ ᱥᱟᱱᱤᱭᱟ ᱢᱤᱨᱡᱟ ᱾ ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱥᱟᱱᱤᱭᱟ ᱫᱚ ᱯᱩᱭᱞᱩ ᱫᱷᱟᱣᱮ ᱵᱟᱯᱞᱟ ᱞᱮᱱᱟ ᱯᱟᱠᱤᱥᱛᱷᱟᱱ ᱨᱮᱱ ᱠᱨᱤᱠᱮᱹᱴ ᱛᱟᱨᱚᱠᱟ ᱥᱳᱭᱮᱵᱽ ᱢᱟᱞᱤᱠ ᱥᱟᱶᱛᱮ ᱾
ᱛᱚᱵᱮ ᱒᱐᱒᱔ ᱥᱟᱹᱦᱤᱛ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱜᱮ ᱥᱟᱱᱤᱭᱟ ᱟᱨ ᱥᱳᱭᱮᱵᱽ ᱢᱟᱞᱤᱠᱟᱜ ᱦᱟᱭ ᱯᱨᱳᱯᱷᱟᱭᱤᱞ ᱵᱟᱯᱞᱟ ᱵᱷᱟᱝᱜᱚᱲᱮᱱᱟ ᱾ ᱥᱟᱱᱤᱭᱟ ᱥᱟᱶᱛᱮ ᱥᱟᱹᱜᱟᱹᱭ ᱛᱚᱯᱟᱜ ᱠᱟᱛᱮᱫ ᱥᱳᱭᱮᱵᱽ ᱢᱟᱞᱤᱠ ᱫᱚᱭ ᱵᱟᱯᱞᱟᱭᱮᱱᱟ ᱯᱟᱠᱤᱥᱛᱷᱟᱱ ᱨᱮᱱ ᱧᱩᱛᱩᱢᱟᱱ ᱮᱠᱴᱮᱨᱮᱹᱥ ᱥᱟᱱᱟ ᱡᱟᱵᱷᱮᱹᱫᱽ ᱥᱟᱶᱛᱮ ᱾
ᱥᱮᱨᱢᱟ ᱮᱛᱚᱦᱚᱵ ᱥᱮᱫ ᱦᱚᱸ ᱰᱚᱜᱚᱨ ᱨᱮᱭᱟᱜ ᱥᱤᱨᱳᱱᱟᱢ ᱨᱮᱭ ᱛᱟᱦᱮᱸ ᱠᱟᱱᱟ ᱥᱟᱱᱤᱭᱟ ᱛᱚᱵᱮ ᱥᱟᱹᱜᱟᱹᱭ ᱛᱚᱯᱟᱜ ᱤᱫᱤ ᱠᱟᱛᱮᱫ ᱟᱨ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱦᱚᱸ ᱟᱨᱦᱚᱸ ᱢᱤᱫ ᱫᱷᱟᱣ ᱰᱚᱜᱚᱨ ᱨᱮᱭᱟᱜ ᱥᱤᱨᱳᱱᱟᱢ ᱨᱮᱭ ᱨᱟᱠᱟᱵ ᱮᱱᱟ ᱥᱟᱱᱤᱭᱟ ᱢᱤᱨᱡᱟᱣᱟᱜ ᱧᱩᱛᱩᱢ, ᱛᱚᱵᱮ ᱱᱤᱛ ᱫᱚ ᱫᱚᱲᱦᱟ ᱵᱟᱯᱞᱟ ᱤᱫᱤ ᱠᱟᱛᱮᱫ ᱾ ᱥᱟᱹᱨᱤ ᱜᱮ ᱫᱚᱥᱟᱨ ᱫᱷᱟᱣᱮ ᱵᱟᱯᱞᱟᱜ ᱠᱟᱱᱟ ᱥᱟᱱᱤᱭᱟ ᱢᱤᱨᱡᱟ? ᱪᱮᱫᱟᱜ ᱥᱮ ᱥᱳᱥᱟᱞ ᱢᱤᱰᱤᱭᱟ ᱨᱮ ᱪᱟᱞᱟᱜ ᱠᱟᱱᱟ ᱟᱹᱰᱤ ᱜᱮ ᱪᱚᱨᱪᱟ ᱾ ᱩᱢᱮᱹᱨ ᱡᱚᱭᱥᱚᱭᱟᱞ ᱥᱟᱶᱛᱮ ᱡᱚᱯᱲᱟᱣ ᱟᱠᱟᱱᱟ ᱥᱟᱱᱤᱭᱟᱣᱟᱜ ᱧᱩᱛᱩᱢ ᱾ ᱥᱟᱱᱤᱭᱟ ᱧᱩᱛᱩᱢ ᱡᱟᱦᱟᱸᱭ ᱥᱟᱶᱛᱮ ᱡᱚᱯᱲᱟᱣ ᱟᱠᱟᱱᱟ ᱩᱱᱤ ᱫᱚᱭ ᱦᱩᱭᱩᱜ ᱠᱟᱱᱟ ᱥᱟᱱᱤᱭᱟ ᱢᱤᱨᱡᱟ ᱨᱮᱱ ᱢᱟᱨᱮ ᱡᱟᱢᱟᱭ ᱥᱳᱭᱮᱵᱽ ᱢᱟᱞᱤᱠ ᱨᱮᱱ ᱱᱟᱣᱟ ᱡᱤᱵᱚᱱ ᱡᱩᱨᱤ ᱥᱟᱱᱟ ᱡᱟᱦᱮᱹᱫᱽ ᱨᱮᱱ ᱢᱟᱨᱮ ᱡᱟᱸᱢᱟᱭ ᱾ ᱡᱟᱦᱟᱸ ᱚᱠᱛᱮ ᱥᱟᱱᱤᱭᱟ ᱟᱨ ᱥᱳᱭᱮᱵᱽ ᱢᱤᱫ ᱥᱟᱶ ᱠᱤᱱ ᱛᱟᱦᱮᱸ ᱠᱟᱱᱟ ᱩᱱ ᱚᱠᱛᱚ ᱫᱚ ᱵᱟᱱᱟᱦᱚᱲ ᱫᱩᱵᱟᱭ ᱨᱮᱠᱤᱱ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ᱾ ᱢᱮᱱᱠᱷᱟᱱ ᱥᱟᱱᱟ ᱥᱟᱱᱤᱭᱟ ᱥᱟᱹᱜᱟᱹᱭ ᱛᱚᱯᱟᱜ ᱠᱟᱛᱮᱫ ᱥᱟᱱᱟ ᱡᱟᱵᱷᱮᱹᱫ ᱥᱟᱶ ᱵᱟᱯᱞᱟ ᱛᱟᱭᱚᱢ ᱥᱳᱭᱮᱵᱽ ᱢᱟᱞᱤᱠ ᱫᱚ ᱫᱩᱵᱟᱭᱮ ᱵᱟᱹᱜᱤᱭᱟᱫ ᱛᱟᱦᱮᱱᱟ ᱾ ᱢᱮᱱᱠᱷᱟᱱ ᱥᱟᱱᱤᱭᱟ ᱫᱚ ᱱᱤᱛ ᱦᱚᱸ ᱫᱩᱵᱟᱭ ᱨᱮᱜᱮ ᱢᱮᱱᱟᱭ ᱟᱠᱟᱫᱮᱭᱟ ᱾ ᱥᱟᱱᱤᱭᱟ ᱢᱤᱫ ᱯᱷᱳᱴᱚᱭ ᱯᱳᱥᱴ ᱟᱠᱟᱫᱟ ᱥᱳᱥᱟᱞ ᱢᱮᱰᱤᱭᱟ ᱨᱮ ᱾
ᱯᱟᱠᱤᱥᱛᱷᱟᱱ ᱨᱮᱱ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱩᱢᱮᱨ ᱡᱚᱭᱥᱚᱣᱟᱞ ᱥᱟᱶ ᱥᱟᱱᱤᱭᱟᱣᱟᱜ ᱡᱟᱦᱟᱸ ᱥᱟᱹᱜᱟᱹᱭ ᱨᱮᱭᱟᱜ ᱠᱟᱛᱷᱟ ᱞᱟᱹᱭ ᱦᱩᱭᱩᱜ ᱠᱟᱱᱟ ᱚᱱᱟ ᱨᱮᱭᱟᱜ ᱚᱠᱟ ᱯᱨᱚᱢᱟᱱ ᱦᱚᱸ ᱵᱟᱹᱱᱩᱜ ᱟᱠᱟᱫᱟ ᱾
ᱥᱳᱭᱮᱵᱽ ᱢᱟᱞᱤᱠ ᱥᱟᱶ ᱥᱟᱹᱜᱟᱹᱭ ᱛᱚᱯᱟᱜ ᱠᱟᱛᱮᱫ ᱥᱟᱱᱤᱭᱟᱣᱟᱜ ᱧᱩᱛᱩᱢ ᱡᱚᱯᱲᱟᱣ ᱞᱮᱱᱟ ᱵᱷᱟᱨᱚᱛ ᱨᱮᱱ ᱠᱨᱤᱠᱮᱹᱴᱟᱨ ᱢᱚᱦᱚᱢᱢᱚᱫᱽ ᱥᱟᱢᱤ ᱥᱟᱶᱛᱮ ᱦᱚᱸ ᱾ ᱟᱨ ᱱᱤᱛ ᱫᱚ ᱩᱢᱮᱨ ᱡᱚᱭᱥᱚᱣᱟᱞ ᱥᱟᱶᱛᱮ ᱧᱩᱛᱩᱢ ᱵᱷᱟᱥᱟᱜ ᱠᱟᱱᱟ ᱥᱳᱥᱟᱞ ᱢᱤᱰᱤᱭᱟ ᱨᱮ ᱾ ᱢᱮᱱᱠᱷᱟᱱ ᱫᱚᱥᱟᱨ ᱫᱟᱣ ᱵᱟᱯᱞᱟᱜ ᱞᱟᱹᱜᱤᱫ ᱨᱟᱹᱡᱤ ᱵᱟᱹᱱᱩᱜ ᱛᱟᱣᱟ ᱥᱟᱱᱤᱭᱟ ᱢᱤᱨᱡᱟᱣᱟᱜ ᱾
