(PAPUL MURMU) BIHAR PAPPU YADAB : ᱥᱟᱞᱢᱟᱱ ᱠᱷᱟᱱ ᱛᱟᱭᱚᱢ ᱵᱤᱦᱟᱨ ᱨᱮᱱ ᱥᱟᱝᱥᱚᱫᱽ ᱯᱟᱯᱯᱩ ᱡᱟᱫᱟᱵᱽ ᱦᱚᱸ ᱜᱚᱡ ᱨᱮᱭᱟᱜ ᱦᱩᱠᱢᱤ ᱧᱟᱢ ᱠᱮᱫᱟᱭ ᱞᱚᱨᱮᱱᱥ ᱵᱤᱥᱱᱳᱭ ᱜᱮᱝ ᱯᱟᱥᱴᱟ ᱠᱷᱚᱱ ᱾ ᱯᱩᱨᱱᱤᱭᱟ ᱨᱮᱱ ᱱᱤᱨᱫᱚᱞ ᱥᱟᱝᱥᱚᱫᱽ ᱯᱟᱯᱯᱩ ᱡᱟᱫᱟᱵᱟᱜ ᱫᱟᱹᱵᱤ ᱦᱩᱢᱠᱤ ᱤᱫᱤ ᱠᱟᱛᱮᱫ ᱵᱟᱝᱢᱟ ᱢᱤᱫ ᱚᱰᱤᱭᱳ ᱠᱞᱤᱯ ᱦᱚᱸᱭ ᱧᱟᱢ ᱟᱠᱟᱫᱟ ᱾ ᱟᱨ ᱚᱱᱟ ᱚᱰᱤᱭᱳ ᱠᱞᱤᱯ ᱨᱮ ᱡᱟᱦᱟᱸᱭ ᱦᱩᱢᱠᱤᱭ ᱮᱢ ᱟᱠᱟᱫᱟ ᱩᱱᱤ ᱟᱡᱟᱜ ᱱᱤᱡᱮᱨ ᱩᱯᱨᱩᱢ ᱵᱤᱥᱱᱳᱭ ᱜᱮᱝ ᱨᱮᱱ ᱥᱚᱫᱚᱥᱥᱚ ᱠᱟᱱᱟᱭ ᱢᱮᱱᱛᱮᱭ ᱫᱟᱹᱵᱤ ᱟᱠᱟᱫᱟ ᱾ ᱚᱰᱤᱭᱳ ᱛᱟᱞᱟ ᱛᱮ ᱞᱟᱹᱭ ᱦᱩᱭ ᱟᱠᱟᱱᱟ ᱥᱟᱞᱢᱟᱱ ᱠᱷᱟᱱᱟᱜ ᱢᱮᱴᱟᱨ ᱠᱷᱚᱱ ᱵᱟᱝᱼᱮ ᱚᱪᱚᱜ ᱞᱮᱱᱠᱷᱟᱱ ᱦᱟᱯᱮᱱ ᱫᱤᱱ ᱨᱮ ᱯᱨᱟᱱᱼᱱᱟᱥ ᱦᱩᱭ ᱰᱟᱲᱮᱭᱟᱜ ᱛᱟᱭᱟ ᱢᱮᱱᱛᱮᱭ ᱞᱟᱹᱭ ᱟᱠᱟᱫᱟ ᱾ ᱵᱤᱦᱟᱨ ᱨᱮᱱ ᱱᱤᱨᱫᱚᱞ ᱥᱟᱝᱥᱚᱫᱽ ᱯᱟᱯᱯᱩ ᱡᱟᱫᱟᱵᱽ ᱚᱠᱟ ᱚᱠᱛᱚ ᱚᱠᱟᱨᱮᱭ ᱛᱟᱦᱮᱱ ᱠᱟᱱᱟ, ᱪᱮᱫᱼᱮ ᱪᱤᱠᱟᱹᱭᱮᱫᱟ ᱥᱟᱱᱟᱢ ᱞᱮᱞᱟᱱ ᱠᱷᱚᱵᱚᱨ ᱵᱤᱥᱱᱳᱭ ᱜᱮᱝ ᱴᱷᱮᱱ ᱢᱮᱱᱟᱜᱼᱟ ᱢᱮᱱᱛᱮ ᱚᱰᱤᱭᱳ ᱵᱟᱨᱛᱟ ᱨᱮ ᱞᱟᱹᱭ ᱦᱩᱭ ᱟᱠᱟᱱᱟ ᱾ ᱯᱟᱯᱯᱩ ᱡᱟᱰᱟᱵᱟᱜ ᱦᱚᱣᱟᱴᱥᱮᱯ ᱨᱮ ᱢᱤᱫ ᱚᱯᱚᱨᱤᱪᱤᱛᱚ ᱱᱚᱢᱵᱚᱨ ᱠᱷᱚᱱ ᱦᱩᱢᱠᱤ ᱨᱮᱭᱟᱜ ᱚᱱᱟ ᱚᱰᱤᱭᱳ ᱠᱤᱞᱤᱯ ᱫᱚ ᱦᱮᱡ ᱟᱠᱟᱱᱟ ᱾ ᱥᱩᱛᱨᱚ ᱞᱮᱠᱟᱛᱟ ᱵᱟᱰᱟᱭ ᱧᱟᱢ ᱟᱠᱟᱱᱟ ᱡᱮ, ᱡᱟᱦᱟᱸ ᱦᱚᱣᱟᱴᱥᱮᱯ ᱠᱷᱚᱱ ᱚᱰᱤᱭᱳ ᱵᱟᱨᱛᱟ ᱦᱮᱡ ᱟᱠᱟᱱ ᱚᱱᱟ ᱫᱚ ᱞᱚᱨᱮᱱᱥ ᱧᱩᱛᱩᱢ ᱛᱮ ᱮᱠᱟᱣᱩᱱᱴ ᱫᱚ ᱢᱮᱱᱟᱜᱼᱟ ᱾ ᱡᱟᱦᱟᱸ ᱱᱚᱢᱵᱚᱨ ᱠᱷᱚᱱ ᱦᱩᱢᱠᱤ ᱦᱮᱡ ᱟᱠᱟᱱᱟ ᱚᱱᱟ ᱫᱚ ᱵᱟᱝᱢᱟ ᱥᱚᱝᱡᱩᱠᱛᱚ ᱟᱨᱚᱵᱽ ᱟᱢᱤᱨᱥᱟᱦᱤ ᱨᱮᱭᱟᱜ ᱢᱳᱵᱟᱭᱤᱞ ᱱᱚᱢᱵᱚᱨ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱢᱚᱦᱟᱨᱟᱥᱴᱨᱚ ᱨᱮᱱ ᱢᱟᱨᱮ ᱢᱚᱱᱛᱨᱤ ᱵᱟᱵᱟ ᱥᱤᱫᱽᱫᱤᱠᱤ ᱢᱟᱨᱰᱟᱨ ᱛᱟᱭᱚᱢ ᱥᱳᱥᱟᱞ ᱢᱮᱰᱤᱭᱟ ᱨᱮ ᱯᱩᱨᱱᱤᱭᱟ ᱨᱮᱱ ᱥᱟᱝᱥᱚᱫᱽ ᱯᱟᱯᱯᱩ ᱡᱟᱰᱟᱵᱽ ᱞᱟᱹᱭ ᱞᱮᱫᱟᱭ ᱡᱮ ᱟᱭᱤᱱ ᱚᱱᱩᱢᱚᱛᱤᱭ ᱮᱢ ᱞᱮᱱ ᱠᱷᱟᱱ ᱒᱔ ᱜᱷᱚᱱᱴᱟ ᱢᱩᱫᱽ ᱨᱮ ᱵᱤᱥᱱᱳᱭ ᱜᱮᱝ ᱨᱟᱹᱯᱩᱫ (ᱚᱴᱟᱝ) ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱞᱮᱫᱟ ᱾ ᱯᱟᱨᱚᱢᱮᱱ ᱒᱔ ᱚᱠᱴᱳᱵᱚᱨ ᱢᱩᱢᱵᱟᱭ ᱨᱮ ᱵᱟᱵᱟ ᱥᱤᱫᱽᱫᱤᱠᱤ ᱨᱮᱱ ᱦᱚᱯᱚᱱ ᱡᱤᱥᱟᱱ ᱥᱟᱶᱛᱮ ᱦᱚᱸᱭ ᱧᱟᱯᱟᱢ ᱦᱮᱡ ᱟᱠᱟᱱ ᱯᱟᱯᱯᱩ ᱡᱟᱫᱟᱵᱽ, ᱥᱟᱞᱢᱟᱱ ᱠᱷᱟᱱ ᱥᱟᱶᱛᱮ ᱧᱟᱯᱟᱢ ᱨᱮᱭᱟᱜᱼᱮ ᱜᱚᱴᱟ ᱞᱮᱫ ᱨᱮᱦᱚᱸ ᱥᱟᱞᱢᱟᱱᱟᱜ ᱵᱮᱥᱛᱚ ᱥᱤᱰᱩᱞ ᱛᱟᱦᱮᱱ ᱠᱷᱟᱹᱛᱤᱨ ᱧᱟᱯᱟᱢ ᱵᱟᱝ ᱦᱩᱭ ᱞᱮᱱ ᱛᱟᱣᱟ ᱾
