ᱵᱟᱝᱞᱟᱫᱮᱹᱥ ᱨᱮ ᱛᱮᱦᱮᱧ ᱠᱟᱱᱟ ᱯᱷᱩᱨᱜᱟᱹᱞ ᱢᱟᱦᱟ ᱾ ᱵᱟᱸᱜᱟᱞᱤ ᱠᱚᱣᱟᱜ ᱜᱚᱨᱚᱵᱽ ᱨᱮᱱᱟᱜ ᱫᱤᱱ ᱾ ᱯᱷᱩᱨᱜᱟᱹᱞ ᱢᱟᱦᱟ ᱨᱮ ᱥᱟᱵᱷᱟᱨ ᱡᱟᱛᱤᱭᱚ ᱥᱨᱤᱛᱤᱥᱚᱣᱫᱷᱚ ᱨᱮ ᱵᱤᱨᱵᱟᱱᱴᱟ ᱠᱚ ᱢᱟᱹᱱ ᱟᱸᱡᱽᱞᱮᱭ ᱪᱟᱞ ᱟᱠᱟᱫ ᱠᱚᱣᱟ ᱨᱟᱥᱴᱨᱚᱯᱚᱛᱤ ᱢᱚᱦᱚᱢᱢᱚᱫᱽ ᱥᱟᱦᱟᱵᱩᱫᱽᱫᱤᱱ ᱾ ᱚᱱᱟ ᱛᱟᱭᱚᱢ ᱨᱟᱥᱴᱨᱚᱯᱚᱛᱤ ᱑᱙᱗᱑ ᱥᱟᱹᱦᱤᱛ ᱨᱮᱱᱟᱜ ᱢᱩᱠᱛᱤ ᱡᱩᱫᱽᱫᱷᱚ ᱨᱮᱱ ᱵᱤᱨᱵᱟᱱᱴᱟ ᱠᱚ ᱢᱟᱹᱱ ᱪᱟᱞ ᱥᱟᱶᱛᱮ ᱩᱱᱠᱩᱣᱟᱜ ᱩᱭᱦᱟᱹᱨᱛᱮ ᱢᱤᱫ ᱜᱷᱟᱹᱲᱤᱡ ᱱᱤᱨᱚᱵᱚᱛᱟ ᱦᱚᱸᱭ ᱯᱟᱞᱚᱱ ᱠᱮᱫᱟ ᱾ ᱱᱚᱣᱟ ᱚᱠᱛᱚ ᱨᱮ ᱵᱟᱝᱞᱟᱫᱮᱹᱥ ᱥᱮᱱᱟ ᱵᱟᱦᱤᱱᱤ, ᱱᱳᱣ ᱵᱟᱦᱤᱱ ᱟᱨ ᱵᱤᱢᱟᱱ ᱵᱟᱦᱤᱱᱤᱭᱟᱜ ᱛᱮᱭᱟᱨ ᱟᱠᱟᱫ ᱢᱤᱫᱴᱟᱝ ᱫᱚᱞ ᱨᱟᱥᱴᱨᱤᱭᱚ ᱟᱵᱷᱤᱵᱟᱫᱚᱱ ᱠᱚ ᱪᱟᱞ ᱠᱮᱫᱟ ᱾ ᱨᱟᱥᱴᱨᱚᱯᱚᱛᱤ ᱥᱨᱤᱛᱤ ᱥᱳᱣᱫᱷᱚ ᱥᱟᱢᱟᱝ ᱨᱮ ᱫᱚᱦᱚ ᱟᱠᱟᱫ ᱫᱚᱨᱥᱚᱱᱟᱨᱛᱷᱤ ᱯᱩᱛᱷᱤ ᱨᱮ ᱥᱩᱦᱤ ᱞᱮᱫᱟᱭ ᱾ ᱙ ᱪᱟᱸᱫᱚ ᱞᱟᱹᱲᱦᱟᱹᱭ ᱛᱟᱭᱚᱢ ᱑᱙᱗᱑ ᱨᱮᱱᱟᱜ ᱑᱖ ᱰᱤᱥᱮᱢᱵᱚᱨ ᱯᱟᱠᱤᱥᱛᱷᱟᱱ ᱠᱷᱚᱱ ᱯᱷᱩᱨᱜᱟᱹᱞ ᱞᱮᱱᱟ ᱵᱟᱝᱞᱟᱫᱮᱹᱥ ᱾ ᱚᱱᱟᱛᱮ ᱛᱮᱦᱮᱧ ᱵᱟᱝᱞᱟᱫᱮᱹᱥᱤ ᱠᱚᱣᱟᱜ ᱨᱟᱹᱥᱠᱟᱹ ᱨᱮᱱᱟᱜ ᱫᱤᱱ, ᱜᱚᱨᱚᱵᱽ ᱨᱮᱱᱟᱜ ᱫᱤᱱ ᱾ ᱚᱱᱟ ᱥᱟᱶᱛᱮ ᱱᱚᱣᱟ ᱢᱟᱦᱟ ᱫᱩᱠᱷ ᱨᱮᱱᱟᱜ ᱦᱚᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱫᱤᱥᱚᱢ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱡᱤᱣᱤ ᱠᱚ ᱟᱞᱟᱭ ᱞᱮᱫᱟ ᱵᱤᱨᱵᱟᱱᱴᱟ ᱠᱚ ᱾ ᱟᱯᱱᱟᱨᱟᱜ ᱢᱟᱹᱱᱼᱢᱚᱦᱚᱛ ᱠᱚ ᱟᱫ ᱞᱮᱫᱟ ᱟᱭᱢᱟ ᱛᱤᱨᱞᱟᱹ ᱾ ᱚᱱᱟᱛᱮ ᱛᱮᱦᱮᱧ ᱵᱟᱝᱞᱟᱫᱮᱹᱥᱤ ᱠᱚ ᱡᱤᱛᱠᱟᱹᱨ ᱨᱮᱱᱟᱜ ᱨᱟᱹᱥᱠᱟᱹ ᱥᱟᱶᱼᱥᱟᱶᱛᱮ ᱫᱩᱠᱷ ᱥᱟᱞᱟᱜ ᱠᱚ ᱩᱭᱦᱟᱹᱨ ᱠᱚᱣᱟ ᱥᱟᱱᱟᱢ ᱵᱤᱨᱵᱟᱱᱴᱟ ᱠᱚ ᱾ ᱛᱮᱦᱮᱧ ᱨᱟᱡᱽᱫᱷᱟᱱᱤ ᱰᱷᱟᱠᱟ ᱥᱟᱶᱛᱮ ᱟᱹᱰᱤ ᱟᱭᱢᱟ ᱡᱟᱭᱜᱟ ᱨᱮᱜᱮ ᱢᱟᱱᱟᱣ ᱠᱮᱫᱟ ᱠᱚ ᱱᱚᱣᱟ ᱢᱟᱦᱟ ᱟᱹᱰᱤ ᱢᱟᱹᱱ ᱢᱟᱱᱚᱛ ᱥᱟᱞᱟᱜ ᱾ ᱥᱟᱵᱷᱟᱨ ᱨᱮᱦᱚᱸ ᱡᱟᱛᱤᱭᱚ ᱥᱨᱤᱛᱤᱥᱳᱣᱫᱷᱚ ᱨᱮ ᱡᱟᱹᱛᱤᱭᱟᱹᱨᱤ ᱪᱤᱨ ᱟᱨ ᱵᱟᱦᱟ ᱥᱟᱵ ᱠᱟᱛᱮ ᱵᱤᱨᱵᱟᱱᱴᱟ ᱠᱚ ᱢᱟᱹᱱᱼᱟᱸᱡᱽᱞᱮ ᱪᱟᱞ ᱞᱟᱹᱜᱤᱫ ᱥᱮᱴᱮᱨ ᱞᱮᱱᱟᱠᱚ ᱥᱟᱭᱼᱜᱮᱥᱟᱭ ᱦᱚᱲ ᱾
᱑᱙᱔᱗ ᱥᱟᱹᱦᱤᱛ ᱨᱮ ᱯᱟᱠᱤᱥᱛᱷᱟᱱ ᱥᱟᱥᱚᱱ ᱨᱮᱱᱟᱜ ᱚᱠᱛᱚ ᱮᱛᱚᱦᱚᱵ ᱞᱮᱱᱟ ᱾ ᱟᱨ ᱚᱱᱟ ᱠᱷᱚᱱ ᱵᱟᱝᱞᱟᱫᱮᱹᱥ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱦᱩᱞᱥᱟᱹᱭ ᱮᱛᱚᱦᱚᱵ ᱞᱮᱱᱟ ᱑᱙᱕᱒ ᱠᱷᱚᱱ, ᱡᱟᱦᱟᱸᱫᱚ ᱟᱹᱰᱤ ᱢᱟᱨᱟᱝ ᱨᱩᱯᱮ ᱦᱟᱛᱟᱣ ᱞᱮᱫᱟ ᱑᱙᱗᱑ ᱥᱟᱹᱦᱤᱛ ᱨᱮ ᱾ ᱓᱐ ᱞᱟᱠᱷ ᱵᱤᱨ ᱡᱤᱭᱟᱹᱛ ᱠᱚᱣᱟᱜ ᱢᱟᱭᱟᱢ ᱞᱤᱸᱜᱤ ᱞᱮᱱᱛᱮ ᱟᱨ ᱩᱱᱠᱩ ᱡᱤᱣᱤ ᱠᱚ ᱟᱞᱟᱭ ᱞᱮᱫ ᱛᱮ ᱟᱨ ᱒ ᱞᱟᱠᱷ ᱜᱚᱜᱚ ᱟᱨ ᱢᱤᱥᱨᱟ ᱠᱚᱣᱟᱜ ᱢᱟᱹᱱ ᱟᱫ ᱛᱟᱭᱚᱢ ᱵᱟᱝᱞᱟᱫᱮᱹᱥᱮ ᱧᱟᱢ ᱟᱠᱟᱫᱟ ᱯᱷᱩᱨᱜᱟᱹᱞ ᱾ ᱟᱨ ᱚᱱᱟ ᱯᱷᱩᱨᱜᱟᱹᱞ ᱢᱟᱦᱟ ᱨᱮᱱᱟᱜ ᱛᱮᱦᱮᱧ ᱕᱓ ᱥᱮᱨᱢᱟ ᱯᱩᱨᱟᱹᱣᱮᱱᱟ ᱾ ᱢᱩᱠᱛᱤᱡᱩᱫᱽᱫᱷᱚ ᱨᱮᱱᱟᱜ ᱕᱓ ᱟᱱᱟᱜ ᱯᱷᱩᱨᱜᱟᱹᱞ ᱢᱟᱦᱟ ᱛᱮᱦᱮᱧ ᱾ ᱵᱟᱝᱞᱟᱫᱮᱹᱥ ᱨᱮᱱ ᱢᱟᱹᱱᱢᱤ ᱠᱚ ᱱᱚᱣᱟ ᱯᱷᱩᱨᱜᱟᱹᱞ ᱢᱟᱦᱟ ᱟᱹᱰᱤ ᱢᱟᱹᱱ ᱢᱟᱱᱚᱛ ᱥᱟᱞᱟᱜ ᱠᱚ ᱢᱟᱱᱟᱣᱮᱫᱟ ᱾
