ᱴᱨᱟᱭᱤᱵᱽ ᱴᱤᱵᱷᱤ ᱥᱟᱱᱛᱟᱲᱤ ᱰᱤᱡᱤᱴᱟᱞᱺ ᱱᱚᱣᱟ ᱪᱮᱫ ᱦᱟᱞᱚᱛ ᱫᱚᱠᱠᱷᱤᱱᱤ ᱥᱩᱯᱟᱨᱥᱴᱟᱨ ᱡᱚᱥᱟᱜ (Yash in Toxic)? ᱟᱭᱟᱜ ᱡᱟᱱᱟᱢ ᱢᱟᱦᱟ ᱨᱮᱜᱮ ᱩᱱᱤ ᱱᱩᱱᱟᱹᱜ ᱴᱚᱠᱥᱤᱠ? ᱡᱟᱱᱟᱢ ᱢᱟᱦᱟ ᱨᱮᱱᱟᱜ ᱯᱟᱨᱴᱤ ᱵᱚᱞᱮ ᱠᱟᱛᱷᱟ ᱾ ᱚᱱᱟ ᱛᱮᱜᱮ ᱠᱤ ᱱᱚᱝᱠᱟᱱ ᱪᱤᱛᱟᱹᱨ ᱨᱮᱭ ᱧᱮᱞᱧᱟᱢᱮᱱᱟ ᱾ ᱧᱮᱞ ᱠᱟᱛᱮ ᱥᱟᱱᱟᱢ ᱦᱚᱲᱠᱚ ᱵᱷᱟᱹᱲᱩᱢᱵᱷᱟᱜ ᱟᱠᱟᱱᱟ ᱾ ᱯᱩᱞᱥᱩ ᱧᱤᱫᱟᱹ ᱩᱱᱤ ᱵᱮᱲᱦᱟᱭᱛᱮ ᱢᱮᱱᱟᱜ ᱠᱚᱣᱟ ᱢᱤᱫ ᱫᱚᱞ ᱢᱟᱭᱟᱵᱤ ᱠᱩᱲᱤ ᱾ ᱧᱤᱫᱟᱹ ᱯᱟᱨᱴᱤ ᱟᱨ ᱚᱱᱟ ᱥᱟᱶᱛᱮ ᱪᱟᱞᱟᱜ ᱠᱟᱱᱟ ᱯᱟᱹᱣᱨᱟᱹ ᱨᱮᱱᱟᱜ ᱱᱮᱥᱟ ᱾ ᱩᱨᱩᱢ ᱜᱮ ᱵᱟᱝ ᱜᱟᱱᱚᱜ ᱠᱟᱱᱟ ᱾ ᱜᱷᱟᱹᱲᱤᱜ ᱛᱮ ᱵᱷᱟᱭᱨᱟᱞᱮᱱᱟ ᱠᱚᱭᱮᱠ ᱥᱮᱠᱮᱱᱰ ᱨᱮᱱᱟᱜ ᱵᱷᱤᱰᱤᱭᱳ ᱾
ᱟᱞᱚᱢ ᱦᱟᱦᱟᱲᱟᱜᱚᱜᱼᱟ (Yash in Toxic)
ᱱᱟᱥᱮ ᱛᱤᱸᱜᱩ ᱞᱮᱱᱢᱮ ᱾ ᱟᱞᱚᱢ ᱦᱟᱦᱟᱲᱟᱜᱚᱜᱼᱟ ᱾ ᱟᱥᱚᱞᱮ ᱱᱚᱣᱟ ᱯᱟᱨᱴᱤ ᱫᱚ ᱡᱚᱥᱟᱜ (Yash in Toxic) ᱡᱟᱱᱟᱢ ᱢᱟᱦᱟ ᱥᱮᱹᱞᱤᱵᱨᱮᱥᱚᱱ ᱨᱮᱱᱟᱜ ᱯᱟᱨᱴᱤ ᱫᱚ ᱵᱟᱝ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟ ᱞᱮᱥᱟᱲᱦᱮᱫ ᱛᱮ, ᱱᱚᱣᱟ ᱵᱷᱤᱰᱤᱭᱳ ᱥᱟᱢᱟᱝ ᱨᱮ ᱦᱮᱡ ᱟᱠᱟᱱᱟ ᱴᱷᱤᱠ ᱜᱮ ᱾ ᱟᱥᱚᱞ ᱨᱮ ᱱᱚᱣᱟ ᱫᱚ ᱩᱱᱤᱨᱮᱱ ᱵᱷᱚᱠᱛᱚ ᱠᱚ ᱞᱟᱹᱜᱤᱫ ᱢᱟᱨᱟᱝ ᱥᱟᱸᱫᱮᱹᱥ ᱾ ᱟᱭᱟᱜ ᱱᱤᱡᱮᱨᱟᱜ ᱡᱟᱱᱟᱢ ᱢᱟᱦᱟ ᱨᱮᱜᱮ ᱥᱟᱢᱟᱝ ᱨᱮ ᱦᱮᱡ ᱮᱱᱟ ᱩᱱᱤᱭᱟᱜ ᱫᱟᱨᱟᱭᱠᱟᱱ ᱥᱤᱱᱮᱹᱢᱟ ᱴᱚᱠᱥᱤᱠ ᱨᱮᱱᱟᱜ ᱡᱷᱟᱞᱟᱠ ᱾
ᱨᱚᱠᱤ ᱵᱷᱟᱭᱟᱜ ᱞᱩᱠ ᱨᱮᱭ ᱨᱩᱣᱟᱹᱲ ᱠᱟᱱᱟ ᱡᱚᱥ (Yash in Toxic)
ᱴᱚᱠᱥᱤᱠ ᱨᱮ ᱱᱟᱣᱟ ᱞᱩᱠ ᱨᱮᱫᱚ ᱵᱟᱭ ᱧᱮᱞᱚᱜᱼᱟ ᱡᱚᱥ ᱾ ᱵᱚᱨᱚᱝ ᱦᱟᱱᱮ ᱥᱮᱫᱟᱭ ᱨᱚᱠᱤ ᱵᱷᱟᱭᱟᱜ ᱞᱩᱠ ᱨᱮᱜᱮᱭ ᱧᱮᱞᱧᱟᱢᱚᱜᱼᱟ ᱾ ᱢᱮᱱᱠᱷᱟᱱ ᱫᱟᱯᱚᱴ ᱑᱐᱐ ᱜᱩᱱ ᱵᱷᱮᱜᱟᱨ ᱾ ᱮᱠᱴᱚᱨ ᱧᱮᱞᱮᱱᱟᱭ ᱵᱳᱞᱰ ᱦᱚᱴ ᱞᱩᱠ ᱨᱮ ᱾ ᱩᱱᱤᱭᱟᱜ ᱫᱟᱨᱟᱭᱠᱟᱱ ᱥᱤᱱᱮᱹᱢᱟ ᱴᱚᱠᱥᱤᱠ ᱾ ᱟᱯᱟᱛᱚᱛᱚ ᱠᱚᱭᱮᱠ ᱢᱟᱥ ᱡᱟᱵᱚᱛ ᱱᱚᱣᱟ ᱠᱟᱹᱢᱤ ᱨᱮᱜᱮ ᱟᱹᱰᱤ ᱡᱚᱦᱚᱲᱮ ᱛᱟᱦᱮᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟ ᱨᱮ ᱚᱱᱟ ᱠᱟᱹᱢᱤ ᱨᱮᱱᱟᱜ ᱢᱤᱫ ᱡᱷᱟᱞᱟᱠ ᱥᱟᱱᱟᱢ ᱠᱚᱴᱷᱮᱱᱮ ᱥᱮᱭᱟᱨ ᱟᱠᱟᱫᱟ ᱾ ᱱᱚᱣᱟ ᱟᱹᱰᱤ ᱦᱚᱲᱜᱮ ᱵᱟᱝᱠᱚ ᱟᱥᱟᱣᱟᱠᱟᱫ ᱛᱟᱦᱮᱸᱫ, ᱛᱚᱵᱮ ᱡᱚᱥ (Yash in Toxic) ᱵᱷᱚᱠᱛᱚ ᱠᱚ ᱞᱟᱹᱜᱤᱫ ᱱᱚᱣᱟ ᱫᱚ ᱢᱟᱨᱟᱝ ᱠᱷᱚᱵᱚᱨ ᱾
ᱜᱚᱴᱟ ᱫᱤᱥᱚᱢ ᱨᱮ ᱵᱟᱹᱲᱛᱤᱜ ᱠᱟᱱᱟ ᱥᱟᱣᱩᱛᱷ ᱥᱴᱟᱨᱟᱜ ᱫᱟᱯᱚᱴ
ᱧᱮᱞᱧᱟᱢᱮᱫ ᱜᱮᱭᱟᱯᱮ ᱾ ᱯᱟᱨᱚᱢᱮᱱ ᱠᱚᱭᱮᱠ ᱥᱮᱨᱢᱟ ᱜᱚᱴᱟ ᱫᱤᱥᱚᱢ ᱨᱮ ᱪᱮᱫ ᱞᱮᱠᱟ ᱠᱟᱛᱮ ᱵᱟᱹᱲᱛᱤᱜ ᱠᱟᱱᱟ ᱥᱟᱣᱩᱛᱷ ᱥᱴᱟᱨᱟᱜ ᱫᱟᱯᱚᱴ ᱾ ᱜᱚᱴᱟ ᱫᱤᱥᱚᱢ ᱨᱮᱱ ᱥᱮᱱᱮᱹ ᱫᱩᱞᱟᱹᱲᱤᱭᱟᱹ ᱠᱚᱣᱟᱜ ᱢᱚᱱᱮᱭ ᱢᱩᱦᱱᱤ ᱟᱠᱟᱫᱟ ᱡᱚᱥ ᱾ ᱡᱟᱦᱟᱸᱨᱮ ᱢᱟᱨᱟᱝ ᱠᱟᱱᱰᱟᱨᱤ ᱞᱮᱠᱟᱛᱮᱭ ᱠᱟᱹᱢᱤᱭᱟᱠᱟᱫᱟ ᱠᱮᱹᱡᱤᱹᱮᱯᱷ ᱾ ᱥᱤᱱᱮᱹᱢᱟ ᱨᱮᱱᱟᱜ ᱵᱟᱨᱭᱟ ᱯᱟᱨᱴ ᱜᱮ ᱥᱩᱯᱟᱨ ᱰᱩᱯᱟᱨ ᱦᱤᱴ ᱾ ᱟᱹᱰᱤ ᱞᱚᱜᱚᱱ ᱢᱟᱹᱱᱢᱤᱭᱟᱜ ᱢᱚᱱᱮᱭ ᱢᱩᱦᱱᱤ ᱞᱮᱫᱟ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱠᱷᱟᱹᱞᱤ ᱥᱟᱣᱩᱛᱦ ᱤᱱᱰᱟᱥᱴᱨᱤ ᱫᱚ ᱵᱟᱝ, ᱵᱚᱨᱚᱝ ᱜᱚᱴᱟ ᱫᱤᱥᱚᱢ ᱦᱚᱲᱴᱷᱮᱱ ᱜᱮ ᱥᱩᱯᱟᱨᱥᱴᱟᱨ ᱡᱚᱥ ᱾ ᱚᱱᱟᱛᱮ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟ ᱨᱮ ᱵᱷᱚᱠᱛᱚ ᱠᱚ ᱞᱟᱹᱜᱤᱫ ᱥᱟᱹᱜᱩᱱ ᱵᱮᱣᱨᱟᱭ ᱪᱟᱞᱟᱫ ᱠᱚᱣᱟ ᱾ ᱩᱫᱩᱜ ᱠᱮᱫᱟᱭ ᱴᱚᱠᱥᱤᱠ ᱨᱮᱱᱟᱜ ᱡᱷᱟᱞᱟᱠ ᱾
ᱥᱳᱥᱟᱞ ᱢᱤᱰᱤᱭᱟ ᱴᱨᱮᱹᱱᱰ ᱨᱮ ᱴᱚᱠᱥᱤᱠ
ᱵᱷᱤᱰᱤᱭᱳ ᱨᱮ ᱧᱮᱞᱚᱜ ᱠᱟᱱᱟ ᱯᱟᱹᱣᱨᱟᱹ, ᱠᱩᱲᱤ ᱟᱨ ᱧᱤᱫᱟᱹ ᱯᱟᱨᱴᱤ ᱨᱮᱱᱟᱜ ᱫᱷᱩᱸᱫᱷ ᱨᱮ ᱧᱮᱞᱚᱜ ᱠᱟᱱᱟᱭ ᱡᱚᱥ(Yash in Toxic) ᱾ ᱵᱮᱠᱜᱨᱟᱣᱩᱱᱰ ᱨᱮ ᱥᱟᱰᱮ ᱠᱟᱱᱟ ᱟᱹᱰᱤ ᱪᱚᱨᱚᱠ ᱢᱤᱭᱩᱡᱤᱠ ᱾ ᱟᱹᱰᱤ ᱜᱷᱟᱹᱲᱤᱡ ᱨᱮᱱᱟᱜ ᱵᱷᱤᱰᱤᱭᱳ ᱫᱚ ᱵᱟᱝ ᱠᱟᱱᱟ ᱾ ᱢᱟᱛᱨᱚ ᱠᱚᱭᱮᱠ ᱥᱮᱠᱮᱱᱰ ᱨᱮᱱᱟᱜ ᱾ ᱧᱮᱞᱛᱮ ᱥᱟᱱᱟᱢ ᱠᱚ ᱦᱟᱦᱟᱲᱟᱜ ᱟᱠᱟᱱᱟ ᱾ ᱫᱩᱞᱟᱹᱲ ᱟᱨ ᱥᱟᱹᱜᱩᱱ ᱵᱮᱣᱨᱟ ᱛᱮᱠᱚ ᱯᱮᱨᱮᱡ ᱠᱮᱫᱮᱭᱟ ᱮᱠᱴᱚᱨ ᱾ ᱥᱳᱥᱟᱞ ᱢᱤᱰᱤᱭᱟ ᱴᱨᱮᱹᱱᱰ ᱨᱮ ᱢᱮᱱᱟᱜᱼᱟ ᱴᱚᱠᱥᱤᱠ ᱾ ᱘ ᱡᱟᱱᱩᱣᱟᱨᱤ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟ ᱨᱮ ᱥᱮᱹᱞᱤᱵᱨᱮᱥᱚᱱ ᱢᱩᱰ ᱨᱮ ᱢᱟᱨᱟᱝ ᱪᱚᱢᱚᱠᱮ ᱮᱢ ᱠᱮᱫᱟ ᱾ ᱱᱚᱣᱟ ᱥᱤᱱᱮᱹᱢᱟ ᱨᱮ ᱰᱤᱨᱮᱹᱠᱴᱚᱨ ᱞᱮᱠᱟᱛᱮ ᱢᱮᱱᱟᱭᱟ ᱜᱤᱛᱩ ᱢᱳᱦᱚᱱᱫᱟᱥ ᱾ ᱱᱚᱣᱟ ᱢᱟᱲᱟᱝ ᱠᱮᱹᱡᱤᱹᱮᱯᱷ ᱡᱟᱦᱟᱸᱞᱮᱠᱟ ᱵᱚᱠᱥ ᱚᱯᱷᱤᱥ ᱨᱮ ᱥᱟᱠᱥᱮᱹᱥ ᱟᱠᱟᱱᱟ, ᱥᱟᱵᱷᱟᱵᱤᱠ ᱵᱷᱵᱟᱮ ᱜᱮ ᱴᱚᱠᱥᱤᱠ ᱵᱟᱵᱚᱫᱽ ᱟᱸᱥ ᱨᱮ ᱯᱩᱨᱟᱹ ᱴᱤᱢ ᱾
