MAMATA VS PRALHAD : ᱡᱟᱦᱟ ᱟᱭᱱ ᱠᱮᱱᱫᱨᱤᱭᱚ ᱥᱚᱨᱠᱟᱨᱼᱮ ᱵᱮᱱᱟᱶᱼᱟ ᱚᱱᱟ ᱫᱚ ᱜᱚᱴᱟ ᱫᱤᱥᱟᱹᱢ ᱨᱮ ᱞᱟᱜᱩᱼᱟ, ᱚᱠᱚᱭ ᱟᱜ ᱦᱚ ᱪᱮᱫ ᱠᱚᱨᱟᱶ ᱨᱮᱭᱟᱜ ᱵᱟᱱᱩᱜᱼᱟ᱾ ᱢᱮᱱᱠᱷᱟᱱ ᱣᱟᱠᱚᱯ ᱟᱭᱱ ᱵᱟᱝ ᱢᱟᱱᱟᱶ ᱠᱟᱛᱮᱡ ᱚᱱᱟ ᱵᱤᱨᱚᱫᱽ ᱨᱮ ᱵᱤᱠᱠᱷᱚᱵ ᱠᱷᱟᱹᱛᱤᱨ ᱡᱟᱦᱟ ᱦᱤᱝᱥᱟᱹ ᱵᱟᱲᱛᱤ ᱠᱟᱱᱟ ᱚᱱᱟ ᱞᱟᱦᱟ ᱨᱮ ᱨᱩᱠᱷᱟᱹᱳ ᱢᱟ᱾ ᱵᱟᱝᱞᱟᱞ ᱨᱮ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱛᱟ ᱵᱮᱨᱟᱨᱡᱤ ᱟᱜ ᱑᱒ ᱮᱯᱨᱤᱞ ᱨᱮᱭᱟᱜ ᱢᱚᱱᱛᱚᱵᱵᱚ ᱤᱫᱤ ᱠᱟᱛᱮᱡ ᱣᱟᱠᱚᱯ ᱟᱭᱱ ᱵᱤᱨᱚᱫᱽ ᱨᱮ ᱢᱩᱨᱥᱤᱫᱟᱵᱟᱫ ᱨᱮᱭᱟᱜ ᱴᱚᱴᱷᱟ ᱨᱮ ᱵᱟᱲᱛᱤ ᱠᱟᱱ ᱦᱤᱝᱥᱟᱹ ᱧᱮᱞ ᱛᱮ ᱢᱚᱢᱚᱛᱟ ᱵᱟᱱᱮᱨᱡᱤ ᱪᱮᱛᱟᱱ ᱠᱟᱛᱷᱟᱭ ᱛᱮᱨᱟᱜ ᱠᱮᱫᱟ ᱢᱳᱫᱤ ᱢᱚᱱᱛᱨᱤ ᱥᱚᱵᱷᱟ ᱨᱮᱱ ᱥᱚᱫᱚᱥᱷᱚ ᱯᱨᱚᱞᱟᱫ ᱡᱚᱥᱤ (PRALHAD JOSHI)|
ᱜᱷᱚᱴᱚᱱ ᱫᱚ< ᱯᱩᱭᱞᱩ ᱨᱮ ᱡᱚᱱᱜᱤᱯᱩᱨ ᱟᱨ ᱚᱱᱟ ᱛᱟᱭᱚᱢ ᱢᱤᱫ ᱢᱤᱫᱛᱮ ᱥᱟᱢᱥᱮᱨᱜᱚᱱᱡ,ᱫᱷᱩᱞᱤᱭᱟᱱ ᱟᱨ ᱢᱩᱨᱥᱤᱫᱟᱵᱟᱫ ᱨᱮᱭᱟᱜ ᱟᱹᱰᱤ ᱜᱟᱱ ᱴᱚᱴᱷᱟ ᱨᱮ ᱥᱚᱝᱥᱚᱫᱷᱤᱛᱚ ᱣᱟᱠᱚᱯ ᱟᱭᱱ ᱯᱨᱚᱛᱤᱵᱟᱫ ᱞᱟᱹᱜᱤᱛ ᱡᱟᱨᱣᱟ ᱞᱮᱱ ᱛᱟᱦᱮᱱᱟ ᱠᱚ ᱥᱚᱝᱠᱷᱟᱞᱩᱜᱩ ᱥᱚᱢᱯᱨᱚᱫᱟᱭ ᱨᱮᱱ ᱟᱹᱰᱤ ᱜᱟᱱ ᱦᱚᱲ ᱜᱮ᱾ ᱢᱮᱱᱠᱷᱟᱱ ᱚᱱᱟ ᱯᱨᱚᱛᱤᱵᱟᱫ ᱟᱱᱫᱚᱞᱚᱱ ᱧᱛᱩᱢ ᱛᱮ ᱦᱩᱭ ᱮᱱᱟ ᱯᱨᱟᱱᱦᱟᱱᱤ, ᱟᱨ ᱦᱤᱝᱥᱟᱹᱼᱦᱩᱞᱟᱹᱱ᱾
ᱢᱩᱨᱥᱤᱫᱟᱵᱟᱫ ᱨᱮᱭᱟᱜ ᱚᱱᱟ ᱚᱥᱟᱱᱛᱤ ᱧᱮᱞ ᱠᱟᱛᱮᱡ ᱯᱟᱨᱚᱢᱮᱱ ᱑᱒ ᱮᱯᱨᱤᱞ ᱨᱮ ᱥᱟᱱᱛᱤ ᱨᱮᱭᱟᱜ ᱠᱟᱛᱷᱟ ᱚᱞ ᱠᱟᱛᱮᱡ ᱥᱳᱥᱟᱞ ᱢᱮᱰᱤᱭᱟ ᱨᱮᱭ ᱯᱚᱥᱴ ᱞᱮᱫᱟ ᱯᱚᱥᱪᱷᱤᱢ ᱵᱟᱝᱞᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱮᱱᱟᱨᱡᱤ (MAMATA BANERJEE)᱾ ᱢᱚᱢᱚᱛᱟ ᱣᱟᱜ ᱚᱱᱟ ᱯᱚᱥᱴ ᱨᱮᱭᱟᱜ ᱠᱤᱪᱷᱩ ᱠᱟᱛᱷᱟ ᱟᱛᱮ ᱠᱟᱛᱷᱟ ᱨᱟᱯᱷᱟᱪᱟᱠ ᱫᱚ ᱮᱛᱚᱦᱚᱵ ᱞᱮᱱ ᱛᱟᱦᱮᱱᱟ᱾
ᱢᱚᱢᱚᱛᱟ ᱵᱟᱱᱮᱨᱡᱤ ᱣᱟᱜ ᱥᱳᱥᱟᱞ ᱢᱮᱰᱤᱭᱟ ᱨᱮᱭᱟᱜ ᱯᱟᱞᱴᱟ ᱡᱚᱵᱟᱵᱼᱮ ᱮᱢ ᱠᱮᱫᱟ ᱠᱮᱱᱫᱨᱤᱭᱚ ᱢᱚᱱᱛᱨᱤ ᱯᱨᱚᱞᱟᱫ ᱡᱚᱥᱤ (PRALHAD JOSHI)| ᱩᱱᱤᱭᱟᱜ ᱞᱟᱹᱭ ᱡᱟᱦᱟ ᱱᱟᱣᱟ ᱟᱭᱱ ᱠᱚ ᱵᱤᱨᱚᱫᱽ ᱮᱱᱟ ᱚᱱᱟ ᱫᱚ ᱢᱩᱞ ᱟᱭᱱ ᱨᱮᱭᱟᱜ ᱥᱚᱝᱥᱚᱫᱷᱚᱱᱤ ᱠᱟᱱᱟ᱾ ᱱᱟᱣᱟ ᱥᱚᱝᱥᱚᱫᱷᱚᱱᱤ ᱵᱤᱞ ᱱᱤᱛ ᱟᱭᱱ ᱨᱮ ᱵᱮᱱᱟᱶ ᱠᱟᱛᱮᱡ ᱜᱚᱴᱟ ᱫᱤᱥᱟᱹᱢ ᱨᱮ ᱠᱟᱨᱡᱚᱠᱚᱨ ᱦᱚᱸ ᱦᱩᱭ ᱥᱟᱹᱫ ᱟᱠᱟᱱᱟ᱾ ᱚᱱᱟ ᱡᱟᱦᱟ ᱟᱭᱱ ᱜᱚᱴᱟ ᱫᱤᱥᱟᱹᱢ ᱨᱮ ᱞᱟᱜᱩ ᱮᱱᱟ ᱚᱱᱟ ᱟᱭᱱ ᱱᱤᱛ ᱩᱥᱟᱹᱨᱟ ᱚᱢᱟᱱᱱᱚ ᱫᱚ ᱵᱟᱝ ᱜᱟᱱᱚᱼᱟ᱾
ᱚᱱᱟ ᱞᱟᱹᱭ ᱥᱟᱶ ᱥᱟᱶᱛᱮ ᱜᱤ ᱢᱩᱨᱥᱤᱫᱟᱵᱟᱫ ᱨᱮᱭᱟᱜ ᱯᱚᱨᱤᱥᱛᱤᱛᱤ ᱤᱫᱤ ᱠᱟᱛᱮᱡ ᱢᱚᱢᱚᱛᱟ ᱵᱮᱱᱟᱨᱡᱤ (MAMATA BANERJEE) ᱣᱟᱜ ᱥᱚᱨᱠᱟᱨ ᱪᱮᱛᱟᱱ ᱠᱟᱛᱷᱟᱭ ᱴᱮᱨᱟᱝ ᱞᱮᱫᱟ ᱠᱮᱱᱫᱨᱤᱭᱚ ᱢᱚᱱᱛᱨᱤ᱾ ᱩᱱᱤᱭᱟᱜ ᱞᱟᱹᱭ ᱵᱟᱝᱢᱟ ᱢᱩᱨᱥᱤᱫᱟᱵᱟᱫ ᱨᱮ ᱵᱟᱪᱟᱳ ᱠᱟᱛᱮᱡ ᱦᱤᱱᱫᱩ ᱥᱚᱢᱯᱨᱚᱫᱟᱭ ᱪᱮᱛᱟᱱ ᱜᱮ ᱦᱟᱢᱞᱟ ᱦᱩᱭᱩᱜ ᱠᱟᱱᱟ᱾ ᱢᱤᱫ ᱱᱤᱨᱫᱤᱥᱴᱷᱚ ᱥᱚᱢᱯᱨᱚᱫᱟᱭ ᱨᱮᱱ ᱦᱚᱲ ᱠᱚᱜᱮ ᱵᱟᱪᱟᱶ ᱵᱟᱪᱟᱶ ᱛᱮ ᱴᱟᱨᱜᱮᱴ ᱦᱩᱭᱩᱜ ᱠᱟᱱᱟ᱾
