PM MODI WILL NOT VISIT RUSSIA ON MAY 9 : ᱑᱙᱔᱕ ᱥᱟᱞ ᱨᱮᱭᱟᱜ ᱙ ᱢᱮᱭ ᱫᱤᱛᱤᱭᱚ ᱵᱤᱥᱥᱚ ᱡᱩᱫᱫᱚ ᱨᱮ ᱡᱤᱛᱠᱟᱹᱨ ᱧᱟᱢ ᱞᱮᱫᱟᱭ ᱨᱟᱥᱤᱭᱟ᱾ ᱫᱟᱨᱟᱭ ᱠᱟᱱ ᱙ ᱢᱮᱭ ᱚᱱᱟ ᱡᱩᱫᱫᱚ ᱨᱮ ᱡᱤᱛᱠᱟᱹᱨ ᱨᱮᱭᱟᱜ ᱨᱟᱥᱠᱟᱹ ᱥᱮᱞᱤᱵᱨᱮᱥᱚᱱ ᱨᱮᱭ ᱥᱮᱴᱮᱨ ᱨᱚᱠ ᱠᱟᱱᱟ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ᱾ᱨᱟᱥᱤᱭᱟ ᱵᱤᱡᱚᱭ ᱫᱤᱵᱚᱥ ᱨᱮᱭᱟᱜ ᱥᱮᱞᱤᱵᱨᱮᱥᱚᱱ ᱫᱚ ᱢᱟᱱᱟᱶ ᱦᱩᱭᱩᱜᱼᱟ ᱨᱟᱡᱫᱷᱟᱱᱤ ᱢᱚᱠᱠᱚ ᱨᱮ ᱾ ᱛᱚᱵᱮ ᱨᱟᱥᱤᱭᱟ ᱨᱮ ᱵᱟᱝᱼᱮ ᱥᱮᱴᱮᱨ ᱫᱟᱲᱮᱼᱟ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ (NARENDRA MODI) ᱾
ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱢᱳᱫᱤ ᱵᱚᱫᱚᱞ ᱛᱮ ᱨᱟᱥᱤᱭᱟ ᱥᱚᱯᱷᱚᱨ ᱛᱮᱭ ᱪᱟᱞᱟᱶ ᱫᱟᱲᱟᱼᱟ ᱮᱴᱟᱜ ᱠᱚᱱᱚ ᱠᱩᱴᱱᱚᱭᱛᱤᱠ ᱯᱨᱚᱛᱤᱱᱤᱫᱷᱤ᱾
ᱯᱟᱨᱚᱢᱮᱱ ᱒᱒ ᱮᱯᱨᱤᱞ ᱠᱟᱥᱢᱤᱨ ᱨᱮᱭᱟᱜ ᱯᱟᱦᱮᱞᱜᱟᱸᱳ ᱨᱮ ᱦᱩᱭ ᱮᱱ ᱥᱚᱱᱛᱨᱟᱥᱤ ᱦᱟᱢᱞᱟ ᱨᱮ ᱡᱚᱝᱜᱤ ᱠᱚᱣᱟᱜ ᱜᱩᱞᱤ ᱛᱮ ᱡᱤᱭᱤ ᱪᱟᱞᱟᱶ ᱞᱮᱱᱟ ᱒᱖ ᱜᱚᱴᱟᱝ ᱦᱚᱲ ᱟᱜ, ᱟᱨ ᱚᱱᱟ ᱛᱟᱭᱚᱢ ᱜᱮ ᱵᱷᱟᱨᱚᱛ ᱟᱨ ᱯᱟᱠᱤᱥᱛᱷᱟᱱ ᱢᱩᱫ ᱨᱮ ᱥᱟᱹᱜᱟᱹᱭ ᱟᱹᱰᱤ ᱵᱟᱹᱨᱤᱡ ᱪᱟᱵᱟ ᱟᱠᱟᱱᱟ᱾ ᱚᱱᱟ ᱜᱚᱴᱚᱱ ᱨᱮ ᱯᱟᱠᱤᱥᱛᱷᱟᱱ ᱨᱮᱱ ᱠᱤᱪᱷᱩ ᱡᱚᱝᱜᱤ ᱡᱚᱯᱨᱟᱶ ᱠᱚ ᱛᱟᱦᱮ ᱠᱟᱱ ᱨᱮᱦᱚᱸ ᱵᱟᱠᱤ ᱫᱚ ᱯᱟᱠᱤᱥᱛᱷᱟᱱ ᱠᱷᱚᱱ ᱠᱚ ᱦᱮᱡ ᱞᱮᱱ ᱛᱟᱦᱮᱱᱟ ᱾ ᱯᱟᱦᱮᱞᱜᱟᱸᱳ ᱨᱮ ᱡᱚᱝᱜᱤ ᱦᱟᱢᱞᱟ ᱛᱟᱭᱚᱢ ᱟᱹᱰᱤ ᱛᱚᱞᱞᱟᱥᱤ ᱦᱩᱭ ᱟᱠᱟᱱ ᱨᱮᱦᱚᱸ ᱱᱤᱛ ᱦᱟᱵᱤᱛ ᱚᱠᱚᱭ ᱡᱚᱝᱦᱤ ᱦᱚᱸ ᱵᱟᱝ ᱠᱚ ᱥᱟᱵ ᱧᱟᱢ ᱟᱠᱟᱱᱟ ᱾
ᱞᱟᱦᱟ ᱦᱟᱯᱛᱟ ᱵᱟᱞᱮ ᱢᱟᱦᱟ ᱦᱤᱞᱟᱹᱜ ᱡᱚᱝᱜᱤ ᱦᱟᱢᱞᱟ ᱚᱠᱛᱚ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱛᱟᱦᱮ ᱠᱟᱱᱟ ᱥᱳᱫᱤ ᱟᱨᱚᱵᱽ ᱥᱚᱯᱷᱚᱨ ᱨᱮ ᱾ ᱦᱟᱢᱞᱟ ᱨᱮᱭᱟᱜ ᱠᱟᱛᱷᱟ ᱟᱡᱚᱢ ᱥᱟᱶᱛᱮ ᱜᱮ ᱢᱳᱫᱤ ᱵᱤᱫᱮᱥ ᱥᱚᱯᱷᱚᱨ ᱠᱟᱴᱪᱷᱟᱴ ᱠᱟᱛᱮᱡ ᱫᱚᱥᱟᱨ ᱢᱟᱦᱟ ᱦᱤᱞᱟᱜ ᱜᱮ ᱫᱤᱥᱟᱹᱢ ᱛᱮᱭ ᱨᱩᱭᱟᱹᱨ ᱦᱮᱡ ᱞᱮᱱ ᱛᱟᱦᱮᱱᱟ ᱟᱨ ᱫᱤᱞᱞᱤ ᱨᱮ ᱱᱤᱨᱟᱯᱚᱛᱛᱟ ᱤᱫᱤ ᱠᱟᱛᱮᱡ ᱦᱟᱭ ᱞᱮᱵᱮᱞ ᱢᱮᱴᱤᱝ ᱦᱚᱭ ᱠᱚᱨᱟᱭ ᱞᱮᱫ ᱛᱟᱦᱮᱱᱟ᱾ ᱚᱱᱟ ᱢᱮᱴᱤᱝ ᱠᱷᱚᱱ ᱯᱟᱠᱤᱥᱛᱦᱟᱱ ᱵᱤᱨᱚᱫᱽ ᱢᱚᱬᱮ ᱜᱚᱴᱟᱝ ᱠᱟᱰᱮᱨ ᱦᱟᱛᱟᱶ ᱞᱮᱫ ᱛᱟᱦᱮᱱᱟ᱾ ᱚᱱᱟ ᱠᱟᱰᱮᱨ ᱦᱟᱛᱟᱶ ᱛᱟᱭᱚᱢ ᱜᱮ ᱥᱤᱫᱫᱷᱩ ᱡᱚᱞ ᱪᱩᱠᱛᱤ ᱵᱟᱛᱤᱞ ᱞᱮᱫ ᱛᱟᱦᱮᱱᱟ ᱵᱷᱟᱨᱚᱛ ᱟᱨ ᱥᱟᱱᱟᱢ ᱯᱟᱠᱤᱥᱛᱷᱟᱱᱤ ᱠᱚ ᱔᱘ ᱴᱟᱲᱟᱝ ᱢᱩᱫ ᱯᱟᱠᱤᱥᱛᱷᱟᱱ ᱨᱩᱭᱟᱹᱨ ᱨᱮᱭᱟᱜ ᱟᱱᱫᱮ ᱮᱢᱟᱜ ᱠᱚ ᱛᱟᱦᱮᱱᱟ᱾
