SOLDIERS GAVE THEIR LIVES TO SAVE THE COUNTRY : ᱯᱟᱦᱮᱱᱜᱟᱸᱳ ᱨᱮ ᱡᱚᱝᱜᱤ ᱦᱟᱢᱞᱟ ᱛᱟᱭᱚᱢ ᱡᱩᱢᱢᱩ ᱠᱟᱥᱢᱤ ᱨᱮᱭᱟᱜ ᱟᱹᱰᱤ ᱜᱟᱱ ᱴᱚᱛᱷᱟ ᱠᱚᱨᱮ ᱡᱚᱝᱜᱤ ᱠᱚ ᱫᱚᱢᱚᱱ ᱠᱚ ᱞᱟᱹᱜᱤᱛ ᱛᱮ ᱚᱵᱷᱤᱡᱟᱱ ᱠᱚ ᱪᱟᱞᱟᱶ ᱮᱫ ᱠᱟᱱ ᱛᱟᱦᱮᱱᱟ, ᱵᱷᱟᱨᱚᱛ ᱨᱮᱱ ᱥᱮᱱᱟ ᱵᱟᱦᱤᱱᱤ ᱠᱚ᱾ ᱡᱩᱢᱢᱩ ᱨᱮᱭᱟᱜ ᱩᱫᱷᱚᱢᱯᱩᱨ ᱨᱮ ᱡᱚᱝᱜᱤ ᱠᱚ ᱵᱟᱝᱢᱟ ᱟᱥᱨᱚᱭ ᱠᱚ ᱦᱟᱛᱟᱶ ᱟᱠᱟᱫᱟ, ᱚᱱᱟ ᱠᱷᱳᱵᱚᱨ ᱵᱟᱰᱟᱭ ᱥᱟᱶᱛᱮ ᱜᱮ ᱥᱟᱹᱨᱫᱤ ᱢᱟᱦᱟ ᱦᱤᱞᱟᱹᱜ ᱥᱮᱛᱟᱜ ᱵᱮᱲᱟ ᱥᱮᱱᱟ ᱵᱟᱦᱤᱱᱤ ᱟᱨ ᱯᱩᱞᱤᱥ ᱢᱤᱫ ᱥᱟᱶᱛᱮ ᱢᱮᱥᱟ ᱠᱟᱛᱮᱡ ᱚᱵᱷᱤᱡᱟᱱ ᱨᱮᱠᱚ ᱯᱷᱮᱰ ᱞᱮᱱ ᱛᱟᱦᱮᱱᱟ᱾ ᱡᱚᱝᱜᱤ ᱛᱚᱞᱟᱥ ᱞᱟᱹᱜᱤᱛ ᱚᱵᱦᱤᱡᱟᱱ ᱚᱠᱛᱚ ᱜᱮ ᱵᱷᱟᱨᱚᱛ ᱨᱮᱱ ᱥᱮᱱᱟ ᱧᱮᱞ ᱠᱟᱛᱮᱡ ᱜᱩᱞᱤ ᱠᱚ ᱪᱟᱞᱟᱶ ᱞᱮᱫᱟ ᱡᱚᱝᱜᱤ ᱠᱚ᱾
ᱟᱨᱦᱚᱸ ᱮᱴᱟᱜ ᱠᱷᱚᱵᱚᱨ ᱵᱟᱰᱟᱭ ᱞᱟᱹᱜᱤᱛ ᱹᱹᱹᱹᱹᱹᱹᱹᱹᱹᱞᱤᱝ ᱨᱮ ᱠᱞᱤᱠ ᱯᱮ
INDIA SUSPENDED INDUS WATER AGREEMENT WITH PAKISTAN AFTER PAHALGAM ATTACK : ᱠᱟᱥᱢᱤᱨ ᱨᱮ ᱡᱚᱝᱜᱤ ᱦᱟᱢᱞᱟ, ᱯᱟᱠᱤᱥᱛᱷᱟᱱ ᱥᱟᱶ ᱫᱟᱜ ᱪᱩᱠᱛᱤ ᱵᱟᱛᱤᱞ ᱠᱮᱫᱟ ᱵᱷᱟᱨᱚᱛ
ᱛᱚᱵᱮ ᱡᱚᱝᱜᱤ ᱠᱚᱣᱟᱜ ᱜᱩᱞᱤ ᱨᱮ ᱯᱟᱞᱴᱟ ᱡᱚᱵᱟᱵ ᱦᱚᱠᱚ ᱮᱢ ᱠᱮᱫᱟ ᱵᱷᱟᱨᱚᱛ ᱨᱮᱱ ᱥᱮᱱᱟ ᱠᱚ᱾ ᱵᱟᱱᱟᱨ ᱯᱟᱥᱴᱟ ᱢᱩᱫ ᱨᱮ ᱜᱩᱞᱤ ᱨᱮᱭᱟᱜ ᱞᱟᱹᱲᱦᱟᱭ ᱚᱠᱛᱚ ᱡᱚᱝᱜᱤ ᱠᱚᱣᱟᱜ ᱜᱩᱞᱤ ᱛᱮ ᱡᱤᱭᱤ ᱪᱟᱞᱟᱶ ᱮᱱᱟ ᱵᱷᱟᱨᱚᱛ ᱨᱮᱱ ᱢᱤᱫ ᱥᱮᱱᱟ ᱡᱟᱣᱟᱱ ᱟᱜ᱾ ᱧᱩᱛᱩᱢ ᱛᱟᱭ ᱫᱚ ᱡᱷᱩᱱᱴᱩ ᱟᱞᱤ ᱥᱮᱠᱷ, ᱚᱲᱟᱜ ᱫᱚ ᱵᱟᱝᱞᱟ ᱨᱮᱭᱟᱜ ᱱᱚᱫᱤᱭᱟ ᱨᱮ᱾
ᱵᱟᱝᱢᱟ ᱜᱚᱯᱚᱱ ᱥᱩᱛᱨᱚ ᱞᱮᱠᱟᱛᱮ ᱠᱷᱳᱵᱚᱨ ᱵᱟᱰᱟᱭ ᱠᱟᱛᱮᱡ ᱵᱷᱟᱨᱚᱛ ᱨᱮᱱ ᱯᱩᱞᱤᱥ ᱟᱨ ᱥᱮᱱᱟ ᱵᱟᱦᱤᱱᱤ ᱢᱤᱫ ᱠᱟᱛᱮᱡ ᱩᱫᱫᱷᱚᱢᱯᱩᱨ ᱨᱮᱭᱟᱜ ᱵᱚᱥᱚᱱᱛᱜᱚᱲ ᱨᱮ ᱚᱵᱦᱤᱡᱟᱱ ᱨᱮᱠᱚ ᱪᱟᱞᱟᱶ ᱞᱮᱸ ᱛᱟᱦᱮᱱᱟ᱾ ᱵᱷᱟᱨᱚᱛ ᱨᱮᱱ ᱯᱷᱟᱹᱫ ᱠᱚᱣᱟᱜ ᱚᱵᱷᱤᱡᱟᱱ ᱨᱮᱭᱟᱜ ᱠᱟᱛᱷᱟ ᱵᱟᱰᱟᱭ ᱠᱟᱛᱮᱡ ᱫᱟᱹᱲ ᱨᱮᱭᱟᱜ ᱠᱚ ᱪᱮᱥᱴᱟ ᱞᱮᱫᱟ ᱡᱚᱝᱜᱤ ᱠᱚ᱾ ᱟᱨ ᱩᱱᱠᱚ ᱰᱟᱹᱲ ᱚᱠᱛᱚ ᱜᱮ ᱵᱟᱦᱤᱱᱤ ᱥᱟᱶᱛᱮ ᱜᱩᱞᱤ ᱨᱮᱭᱟᱜ ᱛᱟᱯᱟᱢ ᱫᱚ ᱦᱩᱭ ᱞᱮᱱ ᱛᱟᱠᱚᱣᱟ᱾ ᱵᱟᱱᱟᱨ ᱯᱟᱥᱴᱟ ᱢᱩᱫ ᱨᱮ ᱜᱩᱞᱤ ᱨᱮᱭᱟᱜ ᱞᱟᱹᱲᱦᱟᱭ ᱵᱮᱥ ᱠᱤᱪᱩ ᱜᱟᱹᱲᱤᱡ ᱪᱟᱞᱟᱶ ᱞᱮᱱ ᱛᱟᱦᱮᱱᱟ᱾ ᱛᱚᱵᱮ ᱛᱤᱱᱟᱜ ᱡᱚᱝᱜᱤ ᱠᱚ ᱛᱟᱦᱮᱸ ᱠᱟᱱᱟ ᱚᱱᱟ ᱫᱚ ᱱᱤᱛ ᱦᱟᱵᱤᱛ ᱴᱷᱤᱠ ᱛᱮ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾
ᱛᱚᱵᱮ ᱩᱫᱫᱷᱚᱢᱯᱩᱨ ᱥᱟᱢᱩᱝ ᱫᱚ ᱵᱟᱝ, ᱯᱩᱸᱡ ᱨᱮᱦᱚᱸ ᱥᱟᱹᱨᱫᱤ ᱢᱟᱦᱟ ᱥᱮᱛᱟᱜ ᱵᱮᱲᱟ ᱜᱮ ᱡᱚᱝᱜᱤ ᱠᱚᱣᱟᱜ ᱛᱚᱞᱟᱥ ᱨᱮ ᱚᱵᱷᱤᱡᱟᱱ ᱨᱮᱠᱚ ᱯᱷᱮᱰ ᱞᱮᱱᱟ ᱵᱷᱟᱨᱚᱛ ᱨᱮᱱ ᱥᱮᱱᱟ ᱠᱚ᱾ ᱩᱱᱟ ᱥᱟᱢᱩᱝ ᱫᱚ ᱵᱟᱝ ᱡᱩᱢᱢᱩ ᱠᱟᱥᱢᱤᱨ, ᱯᱩᱸᱡ ᱨᱮᱭᱟᱜ ᱰᱟᱦᱟᱨ ᱠᱚᱨᱮ ᱦᱚᱸ ᱡᱚᱝᱜᱤ ᱠᱚ ᱞᱟᱹᱜᱤᱛ ᱛᱚᱞᱟᱥ ᱠᱚ ᱪᱟᱞᱟᱶ ᱞᱮᱫᱟ ᱵᱷᱟᱨᱚᱛᱤᱭᱚ ᱥᱮᱱᱟ᱾
ᱯᱟᱦᱮᱞᱜᱟᱸᱳ ᱨᱮ ᱡᱚᱝᱜᱤ ᱠᱚ ᱦᱟᱢᱞᱟ ᱛᱟᱭᱚᱢ ᱜᱮ ᱜᱚᱴᱟ ᱡᱩᱢᱢᱩ ᱠᱟᱥᱢᱤᱨ ᱮᱞᱟᱠᱟ ᱨᱮᱜᱤ ᱥᱮᱱᱟ ᱠᱚᱣᱟᱜ ᱡᱚᱝᱜᱤ ᱫᱚᱢᱚᱱ ᱚᱵᱷᱤᱡᱟᱱ ᱵᱟᱲᱛᱤ ᱞᱮᱱ ᱛᱟᱦᱮᱸᱱᱟ᱾
