INDIA SUSPENDED INDUS WATER AGREEMENT WITH PAKISTAN AFTER PAHALGAM ATTACK : ᱡᱩᱢᱢᱩ ᱠᱟᱥᱢᱤᱨ ᱨᱮ ᱢᱤᱫ ᱦᱟᱫᱥᱟ, ᱯᱚᱨᱡᱚᱴᱚᱠ ᱠᱚ ᱪᱮᱛᱟᱱ ᱨᱮ ᱦᱟᱢᱞᱟ ᱠᱮᱫᱟ ᱠᱚ ᱯᱟᱠᱤᱥᱛᱷᱟᱱ ᱯᱚᱱᱛᱷᱤ ᱞᱚᱞᱚ ᱦᱟᱛᱟᱝ ᱜᱤᱭᱟᱹᱠᱚ᱾ ᱡᱟᱦᱟ ᱠᱷᱟᱹᱛᱤᱨ ᱒᱘ ᱜᱚᱴᱟᱝ ᱦᱚᱲ ᱡᱤᱭᱤ ᱪᱟᱞᱟᱶ ᱟᱠᱟᱱ ᱛᱟᱠᱚᱭᱟ᱾ ᱠᱟᱥᱢᱤᱨ ᱨᱮ ᱞᱚᱞᱚ ᱦᱟᱛᱟᱝᱜᱤᱭᱟᱹ ᱠᱚᱣᱟᱜ ᱦᱟᱢᱞᱟ ᱛᱮ ᱒᱘ ᱜᱚᱴᱟᱝ ᱦᱚᱲᱭᱟᱜ ᱡᱤᱭᱤ ᱪᱟᱞᱟᱶ ᱛᱟᱭᱚᱢ ᱜᱮ ᱵᱟᱨᱚᱛ ᱥᱚᱨᱠᱟᱨ ᱵᱷᱤᱥᱟ ᱵᱟᱛᱤᱞ ᱥᱟᱶᱛᱮ ᱯᱟᱠᱤᱥᱛᱷᱟᱱ ᱵᱤᱨᱚᱫᱽ ᱠᱚᱰᱨᱟ ᱥᱤᱫᱫᱷᱟᱱᱛᱚᱶ ᱦᱟᱛᱟᱶ ᱠᱮᱫᱟ ᱵᱷᱟᱨᱚᱛ ᱨᱮᱱ ᱯᱨᱚᱫᱦᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ (NARENDRA MODI)
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱡᱩᱢᱢᱩ ᱠᱟᱥᱢᱤᱨ ᱨᱮ ᱴᱮᱨᱮᱨ ᱮᱴᱟᱠ ᱦᱩᱭ ᱛᱟᱭᱚᱢ ᱜᱮ ᱯᱩᱱ ᱢᱟᱦᱟ ᱨᱮᱭᱟᱜ ᱵᱤᱫᱮᱥ ᱥᱚᱯᱷᱚᱨ ᱨᱮ ᱛᱟᱦᱮᱸ ᱠᱟᱱ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱟᱡᱟᱜ ᱵᱤᱫᱮᱥ ᱥᱚᱯᱷᱚᱨ ᱠᱟᱴᱪᱷᱟᱴ ᱠᱟᱛᱮᱡ ᱫᱤᱥᱟᱹᱢ ᱴᱮᱭ ᱨᱩᱭᱟᱹᱨ ᱦᱮᱡ ᱞᱮᱱ ᱛᱟᱦᱮᱱᱟ᱾ ᱟᱨ ᱡᱚᱝᱜᱤ ᱦᱟᱢᱞᱟ ᱨᱮ ᱡᱤᱭᱤ ᱪᱟᱞᱟᱶ ᱟᱠᱟᱱ ᱦᱚᱲ ᱠᱚ ᱞᱟᱹᱜᱤᱛ ᱥᱚᱝᱵᱮᱫᱚᱱᱟ ᱦᱚᱭ ᱡᱟᱱᱟᱶ ᱟᱠᱟᱫᱟ᱾
ᱱᱤᱨᱟᱚᱛᱛᱟ ᱤᱫᱤ ᱠᱟᱛᱮᱡ ᱡᱩᱨᱩᱨᱤ ᱵᱚᱤᱴᱷᱚᱠ ᱠᱮᱱᱫᱨᱤᱭᱚ ᱢᱚᱱᱛᱨᱤ ᱥᱚᱵᱷᱟ ᱟᱜ
ᱯᱟᱥᱠᱤᱥᱛᱷᱟᱱ ᱨᱮ ᱡᱚᱝᱜᱤ ᱦᱟᱢᱞᱟ ᱤᱫᱤ ᱠᱟᱛᱮᱡ ᱵᱷᱟᱨᱚᱛ ᱨᱮᱭᱟᱜ ᱥᱤᱠᱩᱭᱨᱤᱴᱤ ᱵᱟᱨᱮ ᱛᱮ ᱢᱤᱫ ᱮᱢᱟᱨᱡᱮᱱᱡᱤ ᱵᱚᱤᱴᱷᱚᱠ ᱨᱮᱠᱚ ᱫᱩᱨᱩᱵᱽ ᱞᱮᱱᱟ ᱠᱮᱱᱫᱨᱤᱭᱚ ᱢᱚᱱᱛᱨᱤ ᱥᱚᱵᱷᱟ ᱨᱮᱱ ᱥᱚᱫᱚᱥᱚ ᱠᱚ (Union Cabinet Holds Emergency Meeting On National Security) | ᱟᱭᱩᱵᱽ ᱵᱮᱲᱟ ᱖ ᱵᱟᱡᱟᱜ ᱚᱠᱛᱚ ᱵᱚᱭᱴᱷᱚᱠ ᱨᱮᱠᱚ ᱫᱩᱨᱩᱵᱽ ᱞᱮᱱ ᱠᱷᱟᱡ ᱵᱚᱭᱴᱷᱚᱠ ᱫᱚ ᱢᱩᱪᱟᱫ ᱞᱮᱱ ᱛᱟᱦᱮᱱᱟ ᱧᱤᱱᱫᱟᱹ ᱙ ᱴᱟᱲᱟᱝ ᱨᱮ᱾ ᱟᱨ ᱚᱱᱟ ᱵᱚᱭᱴᱷᱚᱠ ᱛᱟᱞᱟ ᱛᱮᱜᱤ ᱯᱟᱠᱤᱥᱛᱷᱟᱱ ᱵᱤᱨᱚᱫᱽ ᱨᱮ ᱢᱚᱬᱮ ᱜᱚᱴᱟᱝ ᱥᱤᱱᱫᱷᱟᱱᱛᱚᱭ ᱦᱟᱛᱟᱭ ᱠᱮᱫᱟ ᱵᱷᱟᱚᱛ ᱥᱚᱨᱠᱟᱨ᱾ ᱵᱤᱫᱮᱥ ᱥᱚᱪᱤᱵᱪᱽ ᱵᱤᱠᱨᱚᱢ ᱢᱤᱥᱨᱤ (Vikram Misri) ᱵᱷᱟᱨᱚᱴ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱦᱟᱛᱟᱶ ᱟᱠᱟᱱ ᱥᱤᱫᱫᱷᱟᱱᱛᱚ ᱨᱮᱭᱟᱜ ᱠᱟᱛᱷᱟᱤ ᱞᱟᱭ ᱥᱚᱫᱚᱨ ᱞᱮᱫ ᱛᱟᱦᱮᱱᱟ᱾
1, 1960 ᱥᱟᱞ ᱨᱮ ᱦᱩᱭ ᱞᱮᱱ ᱛᱟᱦᱮᱱ ᱥᱤᱱᱰᱷᱩ ᱡᱚᱞᱵᱚᱱᱴᱷᱚᱱ ᱪᱩᱠᱛᱤ ᱛᱩᱠᱟᱹᱢ ᱨᱮᱭᱟᱜ ᱮ ᱜᱚᱴᱟ ᱠᱮᱫᱟ ᱫᱤᱞᱞᱤ᱾ ᱡᱟᱦᱟ ᱛᱤᱱ ᱦᱟᱵᱤᱛ ᱛᱮ ᱵᱷᱟᱨᱚᱛ ᱠᱟᱯᱤᱥᱛᱷᱟᱱ ᱢᱩᱫ ᱨᱮ ᱥᱤᱢᱟ ᱵᱤᱵᱟᱫ ᱵᱟᱝ ᱪᱟᱵᱟᱜ ᱠᱟᱱ ᱩᱱ ᱦᱟᱵᱤᱛ ᱛᱮ ᱥᱤᱱᱫᱷᱩ ᱡᱚᱞ ᱪᱩᱠᱛᱤ ᱛᱩᱠᱟᱹᱢ ᱜᱮ ᱛᱟᱦᱮᱱᱟ ᱢᱮᱱᱛᱮᱭ ᱞᱟᱭ ᱟᱠᱟᱫᱟ ᱵᱷᱟᱨᱚᱛ ᱥᱚᱨᱠᱟᱨ᱾
2, ᱟᱴᱟᱨᱤ ᱳᱣᱟᱜᱟ ᱥᱤᱢᱟ ᱟᱹᱰᱤ ᱞᱚᱜᱚᱱ ᱵᱚᱸᱫ ᱨᱮᱭᱟᱜ ᱟᱱᱫᱮ ᱡᱟᱹᱨᱤ ᱠᱮᱫᱟ ᱵᱷᱟᱨᱚᱛ᱾ᱡᱟᱦᱟᱭ ᱠᱚ ᱵᱷᱟᱨᱚᱛ ᱥᱤᱢᱟ ᱨᱮᱠᱚ ᱵᱚᱞᱚ ᱟᱠᱟᱱᱟ ᱩᱱᱠᱚ ᱥᱟᱱᱟᱢ ᱠᱚ ᱑ ᱢᱮ ᱨᱮᱜᱤ ᱨᱩᱭᱟᱹᱨ ᱨᱮᱭᱟᱜ ᱟᱱᱫᱮ ᱦᱚᱭ ᱡᱟᱨᱤ ᱟᱠᱟᱫᱟ᱾
3, ᱥᱟᱨᱠ ᱶᱤᱥᱟ ᱞᱮᱠᱟ ᱛᱮ ᱱᱤᱛ ᱟᱨ ᱯᱟᱠᱤᱥᱛᱷᱟᱱ ᱨᱮ ᱱᱟᱜᱚᱨᱤᱠ ᱠᱚ ᱵᱷᱟᱨᱚᱛ ᱨᱮ ᱵᱟᱝ ᱠᱚ ᱵᱚᱞᱚ ᱫᱟᱲᱮᱼᱟ᱾
4, ᱤᱥᱞᱟᱢᱟᱵᱟᱫ ᱨᱮ ᱵᱷᱟᱨᱚᱛᱤᱭᱚ ᱫᱩᱛᱟ ᱵᱟᱥ ᱠᱷᱚᱱ ᱯᱨᱚᱛᱤᱨᱚᱠᱠᱷᱟ ᱩᱯᱚᱫᱮᱥᱴᱟ, ᱱᱩᱳ ᱩᱯᱚᱫᱮᱥᱴᱟ ᱟᱨ ᱵᱟᱭᱩ ᱩᱯᱚᱫᱮᱥᱴᱟᱭ ᱨᱩᱭᱟᱹᱨ ᱮᱫ ᱠᱚᱣᱟ ᱵᱷᱟᱨᱚᱛ᱾
5, ᱵᱷᱟᱨᱚᱛᱤᱭᱚ ᱫᱩᱴᱟᱵᱟᱥ ᱨᱮ ᱢᱮᱢᱵᱟᱨ ᱥᱚᱝᱠᱷᱟ ᱕᱕ ᱠᱷᱚᱢ ᱠᱚᱢ ᱟᱛᱮᱡ ᱓᱐ ᱠᱚᱨᱟᱶ ᱦᱩᱭ ᱮᱱᱟ᱾
