ᱵᱤᱦᱟᱨ ᱨᱮᱱᱟᱜ ᱜᱟᱱᱫᱷᱤ ᱢᱚᱭᱫᱟᱱ ᱨᱮ ᱟᱢᱚᱨᱚᱱ ᱚᱱᱚᱥᱚᱱ ᱨᱮᱭ ᱫᱩᱲᱩᱵ ᱞᱮᱱᱟ ᱥᱮᱫᱟᱭ ᱵᱷᱳᱴ ᱠᱩᱥᱚᱞᱤ ᱟᱨᱵᱟᱝ ᱡᱚᱱ ᱥᱩᱨᱟᱡᱽ ᱫᱚᱞ ᱨᱮᱱ ᱢᱩᱬᱦᱩᱫ ᱯᱨᱚᱥᱟᱱᱛ ᱠᱤᱥᱳᱨ ᱾ ᱚᱛᱮ ᱢᱟᱦᱟ ᱵᱮᱲᱟ ᱨᱟᱠᱟᱵ ᱢᱟᱲᱟᱝ ᱨᱮᱜᱮ ᱯᱩᱞᱤᱥ ᱠᱚ ᱥᱟᱵ ᱤᱫᱤᱭᱟᱠᱟᱫᱮᱭᱟ ᱾ ᱡᱟᱹᱯᱤᱫ ᱠᱷᱚᱱ ᱠᱚ ᱚᱨ ᱵᱮᱨᱮᱫ ᱟᱠᱟᱫ ᱠᱚᱣᱟᱟ ᱯᱤᱠᱮᱹ ᱥᱟᱶᱛᱮ ᱵᱤᱠᱠᱷᱳᱵᱷᱠᱟᱨᱤ ᱠᱚ ᱾ ᱥᱤᱸᱜᱮ ᱢᱟᱦᱟ ᱦᱤᱞᱳᱜ ᱜᱮ ᱰᱟᱠᱛᱟᱨ ᱠᱚ ᱩᱱᱤ ᱠᱚ ᱛᱤᱠᱪᱷᱟᱹ ᱟᱠᱟᱫᱮᱭᱟ ᱾ ᱚᱱᱚᱥᱚᱱ ᱨᱟᱠᱟᱵ ᱠᱚ ᱢᱮᱛᱟᱣᱟᱫᱮ ᱛᱟᱦᱮᱸᱫ ᱯᱤᱠᱮᱹ ᱾ ᱢᱮᱱᱠᱷᱟᱱ ᱵᱟᱭ ᱨᱮᱵᱮᱱ ᱯᱤᱠᱮᱹ ᱾ ᱚᱛᱮ ᱢᱟᱦᱟ ᱦᱤᱞᱳᱜ ᱛᱟᱜᱟᱲᱼᱱᱟᱪᱟᱲ ᱠᱚ ᱚᱨ ᱞᱟᱫᱮ ᱮᱢᱵᱩᱞᱮᱱᱥ ᱨᱮ ᱾ ᱩᱱᱤ ᱥᱟᱶ ᱩᱱᱤᱨᱮᱱ ᱠᱤᱪᱷᱩ ᱚᱱᱩᱜᱟᱢᱤ ᱠᱚᱦᱚᱸᱠᱚ ᱜᱨᱮᱹᱯᱷᱛᱟᱨ ᱟᱠᱟᱫ ᱠᱚᱣᱟ ᱾
ᱯᱤᱠᱮᱹᱭᱟᱜ ᱥᱟᱸᱦᱮᱫ ᱦᱟᱛᱟᱣ ᱨᱮ ᱟᱱᱟᱴ ᱦᱩᱭᱩᱜ ᱠᱟᱱ ᱛᱟᱭ ᱛᱟᱦᱮᱸᱫ ᱠᱷᱟᱹᱛᱤᱨ ᱛᱤᱠᱪᱷᱟᱹ ᱞᱟᱹᱜᱤᱫ ᱠᱚ ᱤᱫᱤᱭᱟᱠᱟᱫᱮᱭᱟ ᱮᱹᱢᱥ ᱨᱮ ᱾ ᱯᱤᱠᱮᱹ ᱨᱮᱱ ᱚᱱᱩᱜᱟᱢᱤ ᱠᱚᱣᱟᱜ ᱫᱟᱹᱵᱤ ᱮᱹᱢᱵᱩᱞᱮᱱᱥ ᱨᱮ ᱫᱮᱡᱚᱜ ᱵᱟᱭ ᱠᱷᱚᱡᱽ ᱞᱮᱱᱠᱷᱟᱱ ᱢᱤᱫ ᱯᱩᱞᱤᱥ ᱠᱟᱢᱤᱭᱟᱹ ᱯᱤᱠᱮᱹᱭ ᱛᱷᱟᱯᱟᱣᱟᱠᱟᱫᱮᱭᱟ ᱾ ᱟᱯᱷᱚᱫᱽ ᱯᱤᱠᱮᱹ ᱨᱮᱱ ᱚᱱᱩᱜᱟᱢᱤ ᱠᱚᱦᱚᱸ ᱫᱟᱞ ᱦᱩᱭ ᱟᱠᱟᱱᱟ ᱾ ᱛᱤᱠᱪᱷᱟᱹ ᱞᱟᱹᱜᱤᱫ ᱛᱮᱠᱚ ᱤᱫᱤ ᱮᱹᱢᱥ ᱦᱟᱥᱯᱟᱛᱟᱞ ᱨᱮ ᱾ ᱯᱟᱴᱱᱟ ᱥᱤᱵᱷᱤᱞ ᱠᱳᱨᱴ ᱠᱷᱚᱱ ᱡᱟᱢᱤᱱ ᱦᱚᱸᱭ ᱧᱟᱢ ᱯᱤᱠᱮᱹ ᱾
ᱵᱤᱦᱟᱨ ᱯᱟᱵᱽᱞᱤᱠ ᱥᱟᱨᱵᱷᱤᱥ ᱠᱚᱢᱤᱥᱚᱱᱟᱜ ᱵᱤᱰᱟᱹᱣ ᱨᱮ ᱚᱱᱤᱭᱚᱢ ᱨᱮ ᱟᱯᱷᱚᱫᱽ ᱾ ᱚᱱᱟ ᱵᱟᱵᱚᱫᱽ ᱟᱭᱢᱟ ᱫᱤᱱ ᱠᱷᱚᱱ ᱜᱮ ᱮᱴᱠᱮᱴᱚᱬᱮ ᱪᱟᱞᱟᱜ ᱠᱟᱱᱟ ᱵᱤᱦᱟᱨ ᱨᱮ ᱾ ᱪᱟᱹᱠᱨᱤᱯᱨᱟᱨᱛᱷᱤ ᱠᱚ ᱢᱩᱫᱽ ᱨᱮ ᱟᱭᱢᱟ ᱦᱚᱲ ᱜᱮ ᱵᱤᱰᱟᱹᱣ ᱵᱟᱹᱛᱤᱞ ᱨᱮᱱᱟᱜ ᱫᱟᱹᱵᱤ ᱠᱟᱛᱮ ᱰᱟᱦᱟᱨ ᱨᱮᱠᱚ ᱟᱲᱜᱳ ᱟᱠᱟᱱᱟ ᱾ ᱩᱱᱠᱩᱣᱟᱜ ᱚᱱᱟ ᱟᱸᱫᱳᱲ ᱨᱮ ᱯᱳᱭᱞᱳ ᱠᱷᱚᱱᱜᱮ ᱟᱹᱭᱩᱨ ᱟᱠᱟᱫ ᱠᱚᱣᱟᱭ ᱯᱤᱠᱮᱹ ᱾ ᱡᱩᱫᱤᱭᱳ ᱪᱟᱹᱠᱨᱤᱯᱨᱟᱨᱛᱷᱤ ᱠᱚ ᱢᱩᱫᱽ ᱨᱮ ᱟᱭᱢᱟ ᱦᱚᱲᱟᱜ ᱢᱮᱱ ᱱᱚᱣᱟ ᱟᱸᱫᱳᱲ ᱨᱮ ᱨᱟᱡᱽᱼᱟᱹᱨᱤ ᱟᱹᱜᱩ ᱵᱟᱝᱠᱚ ᱠᱩᱥᱤᱭᱟᱜ ᱠᱟᱱᱟ ᱾ ᱱᱚᱣᱟ ᱞᱟᱦᱟ ᱗᱐ ᱟᱱᱟᱜ ᱵᱤᱹᱯᱤᱹᱮᱥᱹᱥᱤ ᱵᱤᱰᱟᱹᱣ ᱵᱟᱹᱛᱤᱞ ᱨᱮᱱᱟᱜ ᱫᱟᱹᱵᱤᱛᱮ ᱜᱟᱱᱫᱷᱤ ᱢᱚᱭᱫᱟᱱ ᱨᱮ ᱦᱟᱡᱟᱨᱼᱦᱟᱡᱟᱨ ᱪᱟᱹᱠᱨᱤᱯᱨᱟᱨᱛᱷᱤ ᱠᱚ ᱡᱟᱣᱨᱟ ᱞᱮᱱᱟ ᱾ ᱯᱤᱠᱮᱹ ᱦᱚᱸ ᱚᱸᱰᱮᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱜᱟᱫᱮᱹᱞ ᱵᱟᱹᱭᱼᱵᱟᱹᱭᱛᱮ ᱱᱤᱛᱤᱥ ᱠᱩᱢᱟᱨᱟᱜ ᱚᱲᱟᱜ ᱥᱮᱫ ᱞᱟᱦᱟᱜ ᱠᱟᱱ ᱧᱮᱞᱛᱮ ᱯᱩᱞᱤᱥ ᱞᱟᱴᱷᱤᱪᱟᱨᱡᱽ ᱛᱮᱠᱚ ᱵᱚᱲᱦᱮ ᱞᱮᱱᱟ ᱾ ᱯᱤᱠᱮᱹ ᱵᱤᱨᱩᱫᱷ ᱮᱯᱷᱹᱟᱭᱹᱟᱨ ᱦᱚᱸ ᱦᱩᱭ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱚᱱᱚᱥᱚᱱ ᱨᱮᱭ ᱫᱩᱲᱩᱵ ᱾ ᱯᱚᱱᱚᱛ ᱨᱮᱱ ᱟᱭᱢᱟ ᱜᱟᱹᱠᱷᱩᱲᱟᱱ ᱠᱚ ᱟᱨ ᱵᱤᱨᱳᱫᱷᱤ ᱨᱟᱡᱽᱼᱟᱹᱨᱤ ᱨᱮᱱ ᱟᱹᱜᱩᱣᱟᱹᱱ ᱠᱚ ᱪᱟᱹᱠᱨᱤᱯᱨᱟᱨᱛᱷᱤ ᱠᱚᱣᱟᱜ ᱱᱚᱣᱟ ᱟᱸᱫᱳᱲ ᱠᱚ ᱥᱟᱯᱳᱨᱴ ᱟᱠᱟᱫᱟ ᱾ ᱯᱤᱠᱮᱹ ᱵᱤᱨᱩᱫᱷ ᱨᱮ ᱚᱵᱷᱤᱡᱳᱜᱽ, ᱥᱚᱨᱠᱟᱨ ᱵᱤᱨᱩᱫᱷ ᱨᱮ ᱪᱟᱹᱠᱨᱤᱯᱨᱟᱨᱛᱷᱤ ᱠᱚᱭ ᱩᱥᱠᱟᱹᱣᱮᱫ ᱠᱚᱣᱟ ᱾
