PRESIDENT SIGNS WAQF BILL 2025 ᱺ ᱧᱩᱦᱩᱢ ᱢᱟᱦᱟ ᱱᱤᱫᱟᱹ ᱵᱮᱨᱟ ᱣᱟᱭᱟᱠᱚᱯᱷ ᱥᱚᱝᱥᱚᱫᱚᱱᱤ ᱵᱤᱞ ᱨᱮᱭ ᱥᱚᱭ ᱠᱮᱫᱟ ᱨᱟᱥᱴᱨᱚᱯᱚᱛᱤ ᱫᱨᱚᱯᱚᱫᱤ ᱢᱩᱨᱢᱩ (DROPODI MURMU)᱾ ᱟᱨ ᱨᱟᱥᱴᱨᱚᱯᱚᱛᱤ ᱥᱚᱭ ᱛᱟᱭᱚᱢ ᱜᱮ ᱣᱟᱭᱟᱠᱚᱯᱷ ᱥᱚᱝᱥᱚᱫᱷᱚᱱᱤ ᱵᱤᱞ ᱱᱤᱛ ᱟᱭᱱ ᱵᱮᱱᱟᱣ ᱮᱱᱟ᱾
ᱯᱟᱨᱚᱢᱮᱱ ᱥᱟᱹᱜᱩᱱ ᱢᱟᱦᱟ ᱛᱟᱞᱟ ᱱᱤᱱᱫᱟᱹ ᱚᱠᱛᱚ ᱥᱚᱨᱠᱟᱨ ᱟᱨ ᱵᱤᱨᱚᱫᱷᱤ ᱯᱟᱥᱴᱟ ᱨᱮᱱ ᱥᱟᱝᱥᱚᱫ ᱠᱚ ᱢᱩᱫ ᱨᱮ ᱟᱹᱰᱤ ᱟᱭᱢᱟ ᱠᱟᱛᱷᱟ ᱨᱟᱯᱷᱟᱪᱟᱠ ᱛᱟᱭᱚᱢ ᱞᱚᱠᱥᱚᱷᱟ ᱨᱮ ᱚᱯᱚᱡᱤᱥᱚᱱ ᱯᱟᱥᱴᱟ ᱠᱷᱚᱱ ᱕᱖ ᱵᱷᱳᱴ ᱵᱟᱲᱛᱤ ᱧᱟᱢ ᱠᱟᱛᱮᱡ ᱯᱟᱥ ᱦᱩᱭ ᱞᱮᱱ ᱛᱟᱦᱮᱱᱟ ᱣᱟᱭᱟᱠᱚᱯᱷ ᱥᱚᱝᱥᱚᱫᱷᱚᱱᱤ ᱵᱤᱞ᱾ ᱢᱤᱫ ᱠᱟᱛᱷᱟ ᱛᱮ ᱞᱟᱹᱭ ᱜᱟᱱᱚᱼᱟ ᱞᱚᱠᱥᱚᱷᱟ ᱨᱮ ᱵᱷᱳᱴ ᱥᱚᱨᱠᱟᱨ ᱯᱟᱥᱴᱟ ᱠᱚ ᱧᱟᱢ ᱞᱮᱫᱟ ᱒᱘᱘ ᱜᱚᱴᱟᱝ ᱵᱷᱳᱴ ᱟᱨ ᱵᱤᱨᱚᱫᱷᱤ ᱯᱟᱥᱴᱟ ᱨᱮ ᱵᱷᱳᱴ ᱠᱚ ᱮᱢ ᱞᱮᱫᱟ ᱒᱓᱒ ᱜᱚᱴᱟᱝ ᱵᱷᱳᱴ᱾ ᱞᱚᱠᱥᱚᱵᱷᱟ ᱨᱮ ᱯᱟᱥ ᱛᱟᱭᱚᱢ ᱣᱟᱭᱟᱠᱚᱯᱷ ᱵᱤᱞ ᱪᱟᱞᱟᱣ ᱮᱱᱟ ᱨᱟᱡᱡᱚ ᱥᱚᱵᱷᱟ ᱨᱮ ᱾ ᱴᱷᱤᱠ ᱚᱝᱠᱟ ᱜᱮ ᱨᱟᱡᱡᱚᱥᱚᱵᱷᱟ ᱨᱮᱦᱚᱸ ᱥᱚᱨᱠᱟᱨ ᱟᱨ ᱵᱤᱨᱚᱫᱷᱤ ᱯᱟᱥᱴᱟ ᱨᱮᱱ ᱥᱟᱝᱥᱚᱫ ᱠᱚᱣᱟᱜ ᱵᱷᱳᱴᱟᱼᱵᱷᱩᱴᱤ ᱨᱮ ᱣᱟᱭᱟᱠᱚᱯᱷ ᱵᱤᱞ ᱯᱟᱥ ᱞᱟᱹᱜᱤᱛ ᱛᱮ ᱯᱚᱠᱠᱷᱚ ᱨᱮ ᱵᱷᱳᱴ ᱯᱟᱨᱟᱳ ᱮᱱᱟ ᱑᱒᱘ ᱜᱚᱴᱟᱝ ᱟᱨ ᱵᱤᱨᱚᱫᱷᱤ ᱯᱚᱠᱠᱦᱚ ᱨᱮ ᱵᱷᱳᱴ ᱯᱟᱨᱟᱳ ᱮᱱᱟ ᱙᱕ ᱜᱚᱴᱟᱝ᱾
ᱞᱚᱠᱥᱚᱵᱷᱟ ᱟᱨ ᱨᱟᱡᱡᱚᱥᱚᱷᱟ ᱨᱮ ᱯᱟᱥ ᱛᱟᱭᱚᱢ ᱵᱷᱟᱨᱚᱛ ᱨᱮᱭᱟᱜ ᱥᱚᱝᱵᱤᱫᱷᱟᱱ ᱞᱮᱠᱟᱛᱮ ᱣᱟᱭᱟᱠᱚᱯᱷ ᱥᱚᱝᱥᱚᱫᱷᱚᱱᱤ ᱵᱤᱞ ᱟᱭᱱ ᱨᱮ ᱟᱜᱩ ᱞᱟᱹᱜᱤᱛ ᱨᱮ ᱨᱟᱥᱴᱨᱚᱯᱚᱴᱤ ᱴᱷᱮᱱ ᱵᱷᱮᱡᱟ ᱦᱩᱭ ᱞᱮᱱ ᱛᱟᱦᱮᱱᱟ᱾ ᱧᱩᱦᱩᱢ ᱢᱟᱦᱟ ᱱᱤᱱᱫᱟᱹ ᱵᱮᱲᱟ ᱚᱱᱟ ᱵᱤᱞ ᱨᱮᱭ ᱥᱚᱭ ᱠᱮᱫᱟ ᱨᱟᱥᱴᱨᱚᱯᱚᱛᱤ ᱫᱨᱚᱯᱚᱫᱤ ᱢᱩᱨᱢᱩ ((DROPODI MURMU) ᱦᱚᱸ᱾ ᱵᱤᱞ ᱨᱮ ᱨᱟᱥᱴᱨᱚᱯᱚᱛᱤ
ᱨᱟᱥᱴᱨᱚᱯᱚᱛᱤ ᱣᱟᱜ ᱥᱚᱭ ᱧᱟᱢ ᱥᱟᱣᱛᱮ ᱣᱟᱭᱟᱠᱚᱯᱷ ᱥᱚᱝᱥᱚᱫᱷᱤᱱᱤ ᱵᱤᱞ ᱱᱤᱛ ᱟᱭᱱ ᱨᱮ ᱵᱚᱫᱚᱞ ᱮᱱᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱣᱟᱭᱟᱠᱚᱯᱷ ᱥᱚᱝᱥᱚᱫᱷᱚᱱᱤ ᱵᱤᱞ ᱯᱟᱥ ᱞᱟᱹᱜᱤᱛ ᱞᱚᱠᱥᱚᱵᱷᱟ ᱨᱮ ᱑᱓ ᱟᱨ ᱨᱟᱡᱡᱚᱥᱚᱵᱷᱟ ᱨᱮ ᱑᱒ ᱴᱟᱲᱟᱝ ᱦᱟᱵᱤᱛ ᱜᱟᱯᱟᱞᱢᱟᱨᱟᱳ ᱛᱟᱭᱚᱢ ᱜᱮ ᱥᱚᱝᱥᱚᱫ ᱨᱮ ᱯᱟᱥ ᱞᱮᱱᱟ ᱥᱚᱝᱥᱚᱫᱷᱚᱱᱤ ᱵᱤᱞ᱾ ᱟᱨ ᱢᱩᱪᱟᱹᱛ ᱦᱟᱵᱤᱛ ᱱᱤᱛ ᱚᱱᱟ ᱟᱭᱱ ᱦᱚᱸ ᱵᱮᱱᱟᱣ ᱥᱟᱹᱫ ᱮᱱᱟ᱾ ᱢᱮᱱᱠᱷᱟᱱ ᱚᱱᱟ ᱵᱤᱞ ᱨᱮᱭᱟᱜ ᱵᱤᱨᱚᱫ ᱠᱟᱛᱮᱡ ᱞᱟᱦᱟ ᱨᱮᱜᱤ ᱟᱫᱟᱞᱚᱛ ᱨᱮ ᱢᱟᱢᱞᱟ ᱦᱚᱸ ᱰᱟᱭᱮᱨ ᱦᱩᱭ ᱟᱠᱟᱱᱟ᱾
