BABULAL MARANDI LOP JHARKHAND : ᱡᱷᱟᱲᱠᱷᱚᱸᱰ ᱨᱮᱱ ᱢᱟᱨᱮ ᱥᱤᱨᱟ ᱢᱚᱱᱛᱨᱤ ᱟᱨ ᱵᱟᱝ ᱵᱤ ᱡᱮ ᱯᱤ ᱨᱮᱱ ᱯᱚᱱᱚᱛ ᱯᱟᱨᱮᱫ ᱵᱟᱵᱩᱞᱟᱞ ᱢᱟᱨᱟᱱᱰᱤ (BABULAL MARANDI) ᱜᱮ ᱦᱩᱭᱩᱜᱼᱟ ᱡᱷᱟᱲᱠᱷᱚᱸᱰ ᱵᱤᱫᱷᱟᱱ ᱥᱚᱵᱷᱟ ᱨᱮᱱ ᱵᱤᱨᱚᱫᱷᱤ ᱫᱚᱞᱚᱱᱮᱛᱟ᱾ ᱥᱟᱹᱜᱩᱢ ᱢᱟᱦᱟ ᱦᱤᱞᱟᱹᱜ ᱠᱮᱱᱫᱨᱤᱭᱚ ᱯᱚᱨᱡᱚᱵᱮᱠᱠᱷᱚᱠ ᱠᱚ ᱦᱚᱛᱮᱛᱮ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱡᱷᱟᱲᱠᱷᱚᱸᱰ ᱨᱮ ᱵᱤ ᱡᱮ ᱯᱤ ᱵᱤᱫᱷᱟᱭᱚᱠ ᱫᱚᱞ ᱨᱮᱱ ᱱᱮᱛᱟᱭ ᱵᱟᱪᱷᱱᱟᱣ ᱮᱱᱟ᱾ ᱡᱷᱟᱲᱠᱷᱚᱸᱰ ᱵᱤ ᱡᱮ ᱯᱤ ᱨᱮᱱ ᱚᱵᱡᱟᱨᱵᱷᱟᱨ ᱵᱷᱩᱯᱮᱱᱫᱨᱚ ᱭᱟᱫᱟᱵᱽ(BHUPENDER YADAV) ᱵᱟᱵᱩᱞᱟᱞ ᱢᱟᱨᱟᱱᱰᱤ (BABULAL MARANDI) ᱜᱮ ᱫᱚᱞᱚ ᱱᱮᱛᱟ ᱞᱮᱠᱟᱛᱮ ᱜᱷᱚᱥᱚᱱᱟ ᱠᱤᱫᱤᱭᱟ᱾ ᱵᱷᱩᱯᱮᱱᱫᱨᱚ ᱭᱟᱫᱟᱵᱽ(BHUPENDER YADAV) ᱫᱚ ᱥᱟᱱᱟᱢ ᱵᱤ ᱡᱮ ᱯᱤ ᱵᱤᱫᱷᱟᱭᱚᱠ ᱠᱚᱣᱟᱜ ᱜᱚᱲᱚ ᱥᱚᱯᱚᱦᱚᱛ ᱛᱮᱜᱮ ᱵᱟᱵᱩᱞᱟᱞ ᱢᱟᱨᱟᱱᱰᱤ (BABULAL MARANDI) ᱵᱤᱫᱷᱟᱭᱚᱠ ᱫᱚᱞ ᱨᱮᱱ ᱱᱮᱛᱟ ᱞᱮᱠᱟᱛᱮ ᱧᱩᱛᱩᱢᱼᱮ ᱩᱪᱟᱹᱱ ᱠᱮᱫ ᱴᱟᱭᱟ᱾ ᱵᱷᱩᱯᱮᱱᱫᱨᱚ ᱭᱟᱰᱟᱵᱽᱼᱟᱜ ᱞᱟᱭ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱡᱷᱟᱲᱠᱷᱚᱸᱰ ᱨᱮᱱ ᱨᱮᱸᱜᱮᱡ ᱱᱟᱪᱟᱨ ᱦᱚᱲ ᱠᱚᱣᱟᱜ ᱚᱛᱼᱦᱟᱥᱟ ᱵᱟᱱᱪᱟᱣ ᱞᱟᱹᱜᱤᱛ ᱢᱟᱨᱟᱝ ᱟᱱᱫᱚᱞᱮ ᱪᱟᱞᱟᱣ ᱟᱠᱟᱫᱟ᱾
ᱵᱷᱩᱯᱮᱱᱫᱨᱚ ᱭᱟᱰᱟᱵᱽ ᱜᱮ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱦᱚᱨᱚᱜ ᱟᱫᱤᱭᱟ ᱢᱟᱞᱟ
ᱡᱚᱛᱚ ᱠᱷᱚᱱ ᱞᱟᱦᱟ ᱨᱮ ᱵᱷᱩᱯᱮᱱᱫᱨᱚ ᱭᱟᱫᱟᱵᱽ ᱜᱮ ᱢᱟᱞᱟ ᱦᱚᱨᱚᱜ ᱠᱟᱛᱮᱡ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱥᱟᱨᱦᱟᱣᱼᱮ ᱪᱟᱞ ᱟᱫᱤᱭᱟ᱾ ᱟᱨ ᱚᱱᱟ ᱛᱚᱭᱚᱢ ᱞᱚᱠᱠᱷᱤᱠᱟᱱᱛ ᱵᱟᱡᱯᱮᱭ ᱵᱟᱦᱟ ᱛᱚᱲᱟ ᱮᱢ ᱠᱟᱛᱮᱡ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱟᱛᱟᱝ ᱫᱟᱨᱟᱢ ᱠᱤᱰᱤᱭᱟ᱾ ᱚᱱᱟ ᱛᱟᱭᱚᱢ ᱢᱤᱫ ᱢᱤᱫ ᱛᱮ ᱯᱟᱨᱴᱤ ᱨᱮᱱ ᱵᱤᱫᱷᱟᱭᱚᱠ ᱠᱚ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱱᱟᱣᱟ ᱦᱩᱫᱟᱹ ᱧᱟᱢ ᱞᱟᱹᱜᱤᱛ ᱛᱷᱩᱢ ᱫᱟᱲᱮ ᱠᱚ ᱪᱟᱞ ᱟᱠᱟᱣ ᱫᱤᱭᱟ᱾
ᱵᱤᱫᱷᱟᱭᱚᱠ ᱫᱚᱞ ᱨᱮᱱ ᱱᱮᱛᱟ ᱵᱟᱪᱷᱱᱟᱣ ᱛᱟᱭᱚᱢ ᱥᱟᱱᱟᱢ ᱠᱚ ᱥᱟᱨᱦᱟᱣᱼ ᱮ ᱪᱟᱞ ᱟᱫ ᱠᱚᱣᱟ ᱵᱟᱵᱩᱞᱟᱞ ᱢᱟᱨᱟᱱᱰᱤ(BABULAL MARANDI)᱾ ᱟᱹᱫᱤᱵᱟᱹᱥᱤ ᱥᱚᱢᱟᱡ ᱨᱮᱭᱟᱜ ᱚᱫᱤᱠᱟᱨ ᱟᱨ ᱩᱱᱠᱚᱣᱟᱜ ᱟᱱᱟᱴ ᱨᱮᱭᱟᱜ ᱠᱟᱛᱷᱟ ᱛᱩᱞᱟᱹᱣ ᱨᱟᱠᱟᱵᱼᱟ ᱵᱤᱫᱷᱟᱱ ᱥᱚᱵᱷᱟ ᱨᱮ᱾ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱵᱤ ᱡᱮ ᱯᱤ ᱵᱤᱫᱷᱟᱭᱚᱠ ᱫᱚᱞ ᱨᱮᱱ ᱱᱮᱛᱟ ᱵᱟᱪᱦᱱᱟᱣ ᱮᱱ ᱛᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ(Narendra Modi) ᱥᱚᱨᱟᱥᱴᱚ ᱢᱚᱱᱛᱨᱤ ᱚᱢᱤᱛ ᱥᱷᱟ(AMIT SHAH) ᱵᱤ ᱡᱮ ᱯᱤ ᱥᱚᱵᱷᱟᱯᱚᱛᱤ ᱡᱮ ᱯᱤ ᱱᱟᱰᱰᱟ(JP NADDA) ᱟᱨ ᱠᱮᱱᱫᱨᱤᱭᱚ ᱯᱚᱨᱡᱚᱵᱮᱵᱠᱠᱷᱚᱠ ᱵᱷᱩᱯᱮᱱᱫᱨᱚ ᱭᱟᱫᱟᱵᱽ (BHUPENDER YADAV) ᱥᱟᱱᱟᱢ ᱠᱚᱜᱮ ᱥᱟᱨᱦᱟᱣ ᱪᱟᱞ ᱟᱠᱟᱫ ᱠᱚᱣᱟᱭ᱾
