CABINET EXPANSION IN BIHAR : ᱵᱤᱦᱟᱨᱮ ᱵᱤᱷᱟᱱ ᱥᱚᱵᱷᱟ ᱵᱟᱪᱷᱵᱟᱣ ᱞᱟᱦᱟ ᱨᱮ ᱱᱤᱛᱤᱥ ᱢᱚᱱᱛᱨᱤ ᱥᱚᱵᱷᱟ ᱨᱮ ᱢᱟᱨᱟᱝ ᱨᱚᱫᱵᱚᱫᱚᱞ

CABINET EXPANSION IN BIHAR : ᱒᱐᱒᱕ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱜᱮ ᱢᱮᱱᱟᱜᱼᱟ ᱵᱤᱦᱟᱨ ᱨᱮ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱮᱞᱮᱠᱥᱚᱱ᱾ ᱟᱨ ᱚᱱᱟ ᱞᱟᱦᱟ ᱨᱮ ᱨᱮᱜᱤ ᱢᱚᱱᱛᱨᱤ ᱥᱚᱵᱷᱟ ᱨᱮ ᱢᱟᱨᱟᱝ ᱨᱚᱫᱵᱚᱫᱚᱞᱼᱮ ᱠᱚᱨᱟᱭ ᱠᱮᱫᱟ ᱥᱤᱨᱟᱹ ᱢᱚᱱᱛᱨᱤ ᱱᱤᱛᱤᱥ ᱠᱩᱢᱟᱨ(NITISH KUMAR)᱾ ᱥᱟᱹᱜᱩᱱ ᱢᱟᱦᱟ ᱨᱮ ᱱᱟᱣᱟ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱭᱟᱹ ᱠᱚ ᱦᱟᱛᱟᱣ ᱠᱮᱫᱟ ᱵᱤ ᱡᱮ ᱯᱤ ᱨᱮᱱ ᱗ ᱜᱚᱴᱟᱝ ᱵᱤᱫᱷᱟᱭᱚᱠ ᱟᱨ ᱥᱟᱱᱟᱢ ᱵᱤᱰᱷᱟᱭᱚᱠ ᱜᱮ ᱵᱤ ᱡᱮ ᱯᱤ ᱨᱮᱱ ᱠᱟᱱᱟ ᱠᱚ᱾ ᱥᱚᱦᱚᱡᱚᱜᱤ ᱫᱚᱞ ᱡᱮ ᱰᱤ ᱭᱩ ᱠᱷᱚᱱ ᱫᱚ ᱢᱤᱫ ᱴᱟᱝ ᱦᱚ ᱢᱚᱱᱛᱨᱤ ᱞᱮᱠᱟᱛᱮ ᱫᱷᱟᱣ ᱵᱟᱝ ᱠᱚ ᱧᱟᱢ ᱟᱠᱟᱫᱟ᱾
ᱵᱤᱫᱷᱟᱭᱚᱠ ᱠᱚᱣᱟᱜ ᱥᱚᱸᱠᱷᱟ ᱞᱮᱠᱟᱛᱮ ᱵᱤᱦᱟᱨ ᱨᱮ ᱓᱖ ᱜᱚᱴᱟᱝ ᱢᱚᱱᱛᱨᱤ ᱠᱚ ᱛᱟᱦᱮ ᱫᱟᱲᱮᱼᱟ ᱟᱨ ᱵᱤᱦᱟᱨ ᱨᱮ ᱢᱚᱱᱛᱨᱤ ᱥᱚᱵᱷᱟ ᱨᱮ ᱢᱚᱱᱛᱨᱤ ᱠᱚᱣᱟᱜ ᱥᱚᱸᱠᱷᱟ ᱛᱟᱦᱮ ᱠᱟᱱᱟ ᱓᱐ ᱴᱤ᱾ ᱓᱐ ᱡᱚᱱᱟ ᱢᱚᱱᱛᱨᱤ ᱢᱩᱫ ᱨᱮ ᱵᱤ ᱡᱮ ᱯᱤ ᱠᱷᱚᱱ ᱑᱕ ᱜᱚᱴᱟᱝ, ᱡᱮ ᱰᱤ ᱭᱩ ᱠᱷᱚᱱ ᱑᱓ ᱦᱟᱢ ᱯᱟᱨᱴᱤ ᱟᱨ ᱱᱤᱨᱫᱚᱞ ᱠᱷᱚᱱ ᱢᱤᱫ ᱴᱟᱝ ᱠᱟᱛᱮᱡ ᱢᱚᱱᱛᱨᱤ ᱢᱮᱱᱟᱜ ᱟᱠᱟᱫ ᱠᱚᱣᱟ᱾
ᱵᱤᱦᱟᱨ ᱢᱚᱱᱛᱨᱤ ᱥᱚᱵᱷᱟ ᱨᱮ ᱖ ᱜᱚᱴᱟᱝ ᱢᱚᱱᱛᱨᱤ ᱦᱩᱫᱟᱹ ᱠᱷᱟᱹᱞᱤ ᱢᱮᱱᱟᱜ ᱟᱠᱟᱫᱟ᱾ ᱢᱮᱱᱠᱷᱟᱱ ᱥᱟᱹᱜᱩᱱ ᱢᱟᱦᱟ ᱦᱤᱞᱟᱹᱜ ᱜᱮ ᱢᱚᱱᱛᱨᱤ ᱥᱚᱵᱷᱟ ᱠᱷᱚᱱ ᱨᱮᱡᱟᱭᱮᱱ ᱮᱢ ᱠᱮᱫᱟᱭ ᱫᱤᱞᱤᱯ ᱡᱚᱭᱥᱚᱣᱟᱞ(DILIP KUMAR JAISWAL)| ᱟᱡᱟᱜ ᱨᱤᱡᱟᱭᱮᱱ ᱤᱫᱤ ᱠᱟᱛᱮᱡ ᱡᱟᱤᱥᱟᱣᱟᱞ ᱣᱟᱦ ᱞᱟᱹᱭ, ᱥᱚᱝᱜᱚᱴᱷᱚᱱ ᱠᱟᱹᱢᱤ ᱨᱮ ᱵᱮᱥᱛᱚ ᱛᱟᱷᱮᱱ ᱠᱷᱟᱹᱛᱤᱨ ᱚᱱᱟ ᱥᱤᱫᱷᱟᱛᱚᱭ ᱦᱟᱛᱟᱣ ᱟᱠᱟᱫᱟ᱾ (DILIP KUMAR JAISWAL) ᱨᱮᱡᱟᱭᱮᱱ ᱮᱢ ᱛᱟᱭᱚᱢ ᱜᱮ ᱥᱟᱹᱜᱩᱱ ᱢᱟᱦᱟ ᱟᱭᱩᱵ ᱵᱮᱲᱟ ᱯᱟᱴᱱᱟ ᱨᱟᱡᱵᱷᱟᱵᱚᱱ ᱨᱮ ᱵᱤ ᱡᱮ ᱯᱤ ᱨᱮᱱ ᱮᱭᱟᱭ ᱜᱚᱴᱟᱝ ᱵᱤᱫᱷᱟᱭᱚᱠ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱣᱟᱹ ᱦᱟᱛᱟᱣ ᱠᱟᱛᱮᱡ ᱚᱱᱟ ᱥᱩᱱᱱᱚᱥᱛᱷᱟᱱ ᱠᱚ ᱯᱩᱨᱟᱣ ᱠᱮᱫᱟ |
ᱠᱤᱨᱣᱟᱹ ᱠᱚ ᱦᱟᱛᱟᱣ ᱠᱮᱫᱟ ᱥᱚᱱᱡᱚᱭ ᱥᱟᱨᱮᱜᱤ,ᱥᱩᱱᱤᱞ ᱠᱩᱢᱟᱨ,ᱡᱤᱵᱮᱥ ᱠᱩᱢᱟᱨ,ᱨᱟᱡᱠᱩᱢᱟᱨ ᱥᱤᱝ,ᱢᱚᱛᱤᱞᱟᱞ ᱯᱨᱚᱥᱟᱫ,ᱵᱤᱡᱚᱭ ᱠᱩᱢᱟᱨ ᱢᱚᱱᱰᱚᱞ, ᱟᱨ ᱠᱨᱤᱥᱱᱚ ᱠᱩᱢᱟᱨ ᱢᱟᱦᱟᱛᱚ᱾ ᱛᱚᱵᱮ ᱱᱤᱴᱤᱥᱣᱟᱜ ᱢᱚᱱᱛᱨᱤ ᱥᱚᱵᱷᱟ ᱨᱮ ᱗ ᱜᱚᱴᱟᱝ ᱵᱤᱫᱷᱟᱭᱚᱠ ᱜᱮ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱣᱟᱹ ᱠᱚ ᱦᱟᱛᱟᱣ ᱠᱮᱫ ᱛᱮ ᱱᱤᱴᱤᱥᱣᱟᱜ ᱫᱚᱞ ᱡᱮ ᱰᱤ ᱭᱩ ᱢᱩᱫ ᱨᱮ ᱮᱯᱮᱨᱦᱮᱱᱰᱮᱡ ᱮᱛᱚᱦᱚᱵ ᱟᱠᱟᱱᱟ᱾ ᱯᱟᱨᱚᱢᱮᱱ ᱒᱐ ᱥᱮᱨᱢᱟ ᱢᱩᱫ ᱨᱮ ᱯᱮᱱ ᱫᱷᱟᱣ ᱡᱚᱴ ᱵᱚᱫᱚᱞ ᱠᱟᱛᱮᱡ ᱵᱤᱦᱟᱨ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱦᱩᱭ ᱟᱠᱟᱱᱟ ᱱᱤᱛᱤᱥ ᱠᱩᱢᱟᱨ᱾ ᱚᱱᱟᱛᱮ ᱱᱚᱣᱟ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱡᱟᱦᱟ ᱵᱟᱪᱷᱱᱟᱣ ᱢᱮᱱᱟᱜᱼᱟ ᱚᱱᱟ ᱞᱟᱦᱟ ᱨᱮ ᱟᱨᱦᱚ ᱡᱚᱴ ᱵᱚᱫᱚᱞ ᱨᱮᱭᱟᱜ ᱥᱚᱢᱵᱷᱟᱵᱚᱱᱟ ᱦᱚᱸ ᱨᱟᱠᱟᱵ ᱟᱠᱟᱱᱟ᱾