Elizabeth Gogoi : ᱟᱥᱟᱢ ᱨᱮᱱ ᱠᱚᱝᱜᱨᱮᱥ ᱥᱟᱝᱥᱚᱫ ᱜᱳᱨᱟᱵᱷ ᱜᱳᱜᱳᱭ(Gaurav Gogoi) ᱨᱮᱱ ᱚᱨᱟᱜ ᱮᱨᱟ ᱮᱞᱤᱡᱟᱵᱛ ᱫᱚ ᱵᱨᱤᱴᱤᱥ ᱨᱮᱱ ᱱᱟᱜᱚᱨᱤᱠ ᱠᱟᱱᱟᱭ᱾ ᱟᱨ ᱚᱱᱤᱭᱟᱜ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱵᱟᱝᱢᱟ ᱯᱟᱠᱤᱥᱴᱷᱟᱱ ᱨᱮᱱ ᱢᱤᱫ ᱦᱚᱲ ᱥᱟᱞᱟᱜ ᱛᱮ ᱚᱱᱟ ᱫᱟᱵᱤ ᱨᱟᱠᱟᱵ ᱟᱠᱟᱫᱟ ᱟᱥᱟᱢ ᱨᱮᱱ ᱥᱤᱨᱟᱹᱢᱚᱱᱛᱨᱤ ᱦᱮᱢᱟᱱᱛ ᱵᱤᱥᱣᱟ ᱥᱚᱨᱢᱟ()HEMANTA BISWA SHARMA)᱾ ᱚᱱᱟᱛᱮ ᱟᱥᱟᱢ ᱥᱚᱨᱠᱟᱨ ᱫᱤᱥᱟᱹᱢ ᱨᱮᱭᱟᱜ ᱱᱤᱨᱟᱯᱚᱛᱛᱟ ᱠᱷᱟᱹᱛᱤᱨ ᱛᱮ ᱜᱳᱨᱟᱵᱷ ᱜᱳᱜᱳᱭ (Gaurav Gogoi) ᱨᱮᱱ ᱮᱨᱟ ᱮᱞᱤᱡᱟᱵᱮᱛ ᱜᱳᱜᱳᱭ (Elizabeth Gogoi) ᱪᱮᱛᱟᱱ ᱛᱩᱱᱠᱷᱤ ᱨᱮᱭᱟᱜ ᱟᱱᱫᱮ ᱮᱢ ᱠᱮᱫᱟ ᱟᱥᱟᱢ ᱥᱚᱨᱠᱟᱨ᱾ ᱢᱮᱱᱠᱷᱟᱱ ᱞᱚᱠᱥᱚᱷᱟ ᱨᱮᱱ ᱠᱚᱝᱜᱨᱮᱥ ᱨᱮᱱ ᱩᱯᱚ ᱫᱚᱞᱚᱱᱮᱛᱟ ᱟᱥᱟᱢ ᱨᱮᱱ ᱠᱚᱝᱜᱨᱮᱥ ᱥᱟᱝᱥᱚᱫ ᱜᱳᱨᱟᱵᱷ ᱜᱳᱜᱳᱭ ᱟᱡ ᱨᱮᱱ ᱚᱨᱟᱜ ᱮᱨᱟ ᱤᱫᱤ ᱠᱟᱛᱮᱡ ᱡᱟᱦᱟ ᱚᱵᱷᱤᱡᱚᱜ ᱮ ᱨᱟᱠᱟᱵ ᱟᱠᱟᱫᱟ ᱚᱱᱟ ᱥᱟᱱᱟᱢ ᱚᱵᱷᱤᱡᱚᱜ ᱵᱷᱤᱛᱛᱤᱦᱤᱱ ᱠᱟᱱᱟ ᱢᱮᱱᱛᱮ ᱫᱟᱵᱤ ᱟᱠᱟᱫᱟ᱾
ᱜᱳᱨᱟᱵᱷ ᱜᱳᱜᱳᱭᱼᱟᱜ ᱞᱟᱹᱭ ᱵᱤ ᱡᱮ ᱯᱤ ᱟᱠᱩᱣᱟᱜ ᱵᱮᱨᱛᱷᱚᱛᱟ ᱨᱮᱭᱟᱜ ᱠᱟᱛᱷᱟ ᱫᱟᱱᱟᱝ ᱟᱨ ᱟᱠᱩᱭᱟᱜ ᱵᱮᱨᱛᱷᱚ ᱛᱟ ᱠᱷᱚᱱ ᱫᱨᱤᱴᱤᱵᱷᱚᱝᱜᱤ ᱟᱪᱷᱩᱨ ᱞᱟᱹᱜᱤᱫ ᱜᱤ ᱚᱱᱟ ᱟᱯᱚᱫ ᱮ ᱨᱟᱠᱟᱵ ᱮᱫᱟ ᱟᱥᱟᱢ ᱨᱮᱱ ᱥᱤᱨᱟᱹᱢᱚᱱᱛᱨᱤ ᱦᱮᱢᱟᱱᱛ ᱵᱤᱥᱣᱟ ᱥᱚᱨᱢᱟ (Himanta Biswa Sarma)᱾
ᱛᱚᱵᱮ ᱯᱩᱛᱟᱹᱭ ᱟᱛᱮ ᱨᱟᱥᱴᱨᱚᱫᱨᱚ ᱨᱮᱭᱟᱜ ᱠᱟᱛᱷᱟ ᱵᱟᱝ ᱠᱚ ᱞᱟᱹᱭ ᱟᱠᱟᱫ ᱨᱮᱦᱚᱸ ᱠᱮᱱᱫᱨᱚ ᱟᱨ ᱟᱥᱟᱢ ᱨᱮᱱ ᱥᱟᱥᱚᱠ ᱫᱚᱞ ᱛᱚᱵᱮ ᱚᱱᱟ ᱰᱟᱦᱟᱨ ᱛᱮᱜᱤ ᱠᱚ ᱴᱟᱲᱟᱢ ᱮᱫᱟ ᱵᱤ ᱡᱮ ᱯᱤ᱾ ᱜᱳᱨᱟᱵᱷ ᱜᱳᱜᱳᱭ ᱪᱮᱛᱟᱱ ᱡᱟᱦᱟ ᱟᱯᱷᱚᱫ ᱟᱥᱟᱢ ᱥᱚᱨᱠᱟᱨᱮ ᱨᱟᱠᱟᱵ ᱟᱠᱟᱫᱟ ᱚᱱᱟ ᱵᱤᱨᱚᱫ ᱠᱟᱛᱮᱡ ᱜᱳᱨᱟᱵᱷ ᱜᱳᱜᱳᱭ ᱯᱟᱥᱮ ᱨᱮ ᱛᱤᱱᱜᱩ ᱮᱱᱟ AICC| AICC ᱨᱮᱱ ᱥᱟᱫᱷᱟᱨᱚᱱ ᱥᱚᱢᱯᱟᱫᱚᱠ ᱟᱨ ᱵᱟᱝ ᱠᱚᱝᱜᱨᱮᱥ ᱨᱮᱱ ᱢᱩᱠᱷᱯᱟᱴᱨᱚ ᱡᱚᱭᱨᱟᱢ ᱨᱚᱢᱮᱥ(Jairam Ramesh) ᱞᱟᱹᱭ ᱟᱠᱟᱫᱟ ᱡᱮ ᱟᱥᱟᱢ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱮᱞᱮᱠᱥᱚᱱ ᱥᱩᱨ ᱦᱟᱡᱩᱜ ᱠᱟᱱ ᱠᱷᱟᱹᱛᱤᱨ ᱠᱚᱝᱜᱨᱮᱥ ᱵᱚᱛᱚᱨ ᱛᱮ ᱠᱚᱝᱜᱨᱮᱥ ᱯᱟᱨᱴᱤ ᱨᱮᱱ ᱠᱟᱢᱤᱭᱟᱹ ᱠᱚ ᱪᱮᱛᱟᱱ ᱨᱮ ᱟᱹᱰᱤ ᱜᱟᱱ ᱮᱞᱤᱜᱮᱥᱚᱱ ᱠᱚ ᱞᱟᱜᱟᱭ ᱮᱫᱟ ᱾ ᱵᱤ ᱡᱮ ᱯᱤ ᱫᱚ ᱠᱚᱝᱜᱨᱮᱥ ᱨᱮᱱ ᱥᱟᱝᱥᱚᱫ ᱠᱚᱣᱟᱜ ᱢᱟᱱ ᱢᱚᱨᱭᱟᱫᱟ ᱪᱟᱵᱟ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱮᱫᱟ ᱚᱱᱟ ᱛᱮ ᱠᱚᱝᱜᱨᱮᱥ ᱵᱤ ᱡᱮ ᱯᱤ ᱵᱤᱨᱩᱫ ᱨᱮ ᱢᱟᱱᱦᱟᱱᱤ ᱢᱟᱢᱞᱟ ᱠᱚ ᱠᱚᱨᱟᱭᱼᱟ ᱢᱮᱱᱛᱮ ᱞᱟᱹᱭ ᱟᱠᱟᱫᱟᱭ ᱠᱚᱝᱜᱨᱮᱥ ᱱᱮᱛᱟ ᱡᱚᱭᱨᱟᱢ ᱨᱟᱢᱮᱥ(JAIRAM RAMESH)᱾
ᱦᱮᱢᱚᱱᱛᱚ ᱵᱤᱥᱣᱟ ᱥᱚᱨᱢᱟᱭᱟᱜ ᱚᱵᱷᱤᱡᱚᱜ ᱤᱫᱤ ᱠᱟᱛᱮᱡ ᱜᱳᱨᱟᱵᱷ ᱜᱳᱜᱳᱭᱼᱟᱜ ᱞᱟᱹᱭ ᱡᱷᱟᱲᱠᱷᱟᱸᱰ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱭ ᱚᱠᱛᱚ ᱚᱱᱰᱮ ᱪᱟᱞᱟᱭ ᱠᱟᱛᱮᱡ ᱟᱵᱚᱞᱼᱛᱟᱵᱚᱞᱮ ᱵᱟᱠᱛᱟᱱ ᱞᱮᱱ ᱛᱟᱷᱮᱱᱟ ᱴᱷᱤᱠ ᱚᱱᱠᱟ ᱜᱮ ᱱᱤᱛ ᱟᱥᱟᱢ ᱨᱮᱱᱟᱜ ᱮᱞᱮᱠᱥᱚᱱ ᱛᱤᱭᱟᱹᱜ ᱦᱟᱡᱩᱠ ᱠᱟᱱᱟ ᱚᱱᱟᱛᱮ ᱟᱨᱦᱚᱸ ᱚᱱᱠᱟ ᱜᱮ ᱟᱵᱚᱞᱼᱛᱟᱵᱚᱞ ᱵᱟᱠᱛᱟᱱᱮ ᱮᱛᱚᱦᱚᱵ ᱮᱱᱟ᱾ ᱮᱞᱤᱡᱟᱵᱮᱛᱷ ᱤᱫᱤ ᱠᱟᱛᱮᱡ ᱢᱤᱫ ᱪᱤᱴᱷᱤ ᱥᱳᱥᱟᱞ ᱢᱮᱰᱤᱭᱟ ᱨᱮ ᱯᱚᱥᱴ ᱟᱠᱟᱫᱟ ᱜᱳᱨᱟᱵᱷ ᱜᱳᱜᱳᱭ(Gaurav Gogoi)᱾ ᱟᱨ ᱚᱱᱟ ᱪᱤᱴᱷᱤ ᱨᱮᱜᱤ ᱥᱚᱫᱚᱨ ᱟᱠᱟᱫᱟ ᱧᱩᱛᱩᱢ, ᱵᱤᱦᱩ, ᱟᱥᱟᱢ ᱨᱮ ᱯᱩᱡᱟᱹ ᱯᱟᱴ ᱠᱚᱨᱮ ᱮᱞᱤᱡᱟᱵᱮᱛᱷᱼ ᱟᱜ ᱥᱮᱞᱮᱫ ᱨᱮᱭᱟᱜ ᱠᱟᱛᱷᱟ ᱪᱤᱴᱷᱤ ᱨᱮᱜᱤ ᱥᱚᱫᱚᱨ ᱟᱠᱟᱫᱟ ᱜᱳᱨᱟᱵᱷ ᱜᱳᱜᱳᱭ᱾ ᱜᱳᱨᱟᱵᱷᱼᱟᱜ ᱞᱟᱹᱭ ᱟᱡ ᱚᱨᱟᱜ ᱮᱨᱟ ᱴᱷᱮᱱ ᱵᱨᱤᱴᱤᱥ ᱯᱟᱥᱯᱚᱨᱴ ᱫᱚᱦᱚᱸ ᱫᱚ ᱚᱠᱟ ᱚᱯᱚᱨᱟᱛ ᱵᱟᱝ ᱠᱟᱱᱟ᱾ ᱮᱞᱤᱡᱟᱵᱮᱛᱷ ᱤᱫᱤ ᱠᱟᱛᱮᱡ ᱟᱥᱟᱢ ᱨᱮᱱ ᱦᱚᱲ ᱥᱟᱱᱟᱢ ᱟᱜ ᱠᱚ ᱵᱟᱰᱟᱭᱼᱟ ᱚᱱᱟ ᱠᱟᱛᱷᱟ ᱦᱚᱸ ᱪᱤᱛᱷᱤ ᱨᱮᱭ ᱥᱚᱫᱚᱨ ᱟᱠᱟᱫᱟ ᱜᱳᱨᱟᱵᱷ ᱜᱳᱜᱚᱭ (Gaurav Gogoi)᱾
