ELON MUSK TO VISIT INDIA : ᱵᱷᱟᱨᱚᱛ ᱨᱮᱭ ᱦᱟᱡᱩᱜᱼᱟ ᱤᱞᱚᱱ ᱢᱟᱠᱥ (ELON MUSK) ᱧᱩᱦᱩᱢ ᱢᱟᱦᱟ ᱦᱤᱞᱟᱹᱜ ᱛᱤᱠᱤᱱ ᱵᱮᱲᱟ ᱤᱞᱚᱱ ᱢᱟᱠᱥ ᱟᱡᱟᱜ ᱴᱩᱭᱤᱴ ᱦᱮᱱᱰᱮᱞ ᱨᱮ ᱱᱚᱣᱟ ᱠᱟᱛᱷᱟ ᱥᱚᱫᱚᱨ ᱟᱠᱟᱫᱟ ᱾ ᱤᱞᱚᱱ ᱚᱞ ᱟᱠᱟᱫᱟᱭ ᱱᱚᱣᱟ ᱥᱮᱨᱢᱟ ᱨᱮᱜᱤ ᱵᱷᱟᱨᱚᱛ ᱨᱮᱭ ᱦᱟᱡᱩᱠ ᱠᱟᱱᱟ᱾
ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱯᱟᱨᱚᱢᱮᱱ ᱡᱟᱹᱨᱩᱢ ᱢᱟᱦᱟ ᱦᱤᱞᱟᱹᱜ ᱜᱮ ᱛᱮᱥᱞᱟ ᱠᱚᱨᱛᱟ ᱥᱟᱶᱛᱮ ᱯᱷᱳᱱ ᱨᱮ ᱜᱟᱯᱟᱞ ᱢᱟᱨᱟᱶ ᱟᱠᱟᱱᱟ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱚ ᱢᱳᱫᱤ (NARENDRA MODI)᱾ ᱴᱮᱠᱱᱚᱞᱚᱡᱤ ᱰᱮᱵᱞᱚᱯ ᱤᱫᱤ ᱠᱟᱛᱮᱡ ᱵᱟᱱᱟ ᱦᱚᱲ ᱢᱩᱫ ᱨᱮ ᱜᱟᱯᱟᱞ ᱢᱟᱨᱟᱶ ᱦᱩᱭ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾
ᱱᱚᱨᱮᱱᱫᱨᱚ ᱢᱳᱫᱤ ᱥᱟᱶᱛᱮ ᱯᱷᱚᱱ ᱨᱮ ᱜᱟᱯᱟᱞ ᱢᱟᱨᱟᱶ ᱛᱟᱭᱚᱢ ᱜᱮ ᱵᱷᱟᱨᱚᱛ ᱛᱮ ᱦᱟᱡᱩᱜ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱠᱮᱫᱟ ᱤᱞᱚᱱ ᱢᱟᱠᱥ (ELON MUSK) ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱵᱟᱝ ᱢᱟ ᱛᱮᱥᱞᱟ ᱠᱚᱨᱛᱟ ᱵᱷᱟᱨᱚᱛ ᱨᱮᱭᱟᱜ ᱵᱟᱡᱟᱨ ᱟᱠᱩᱭᱟᱜ ᱵᱮᱯᱟᱨ ᱵᱟᱲᱛᱤ ᱞᱟᱹᱜᱤᱛ ᱩᱫᱫᱮᱠ ᱮ ᱦᱟᱛᱟᱣ ᱟᱠᱟᱫᱟ ᱾ ᱵᱷᱟᱨᱚᱛᱤᱭᱚ ᱥᱚᱝᱥᱛᱷᱟ ᱴᱟᱴᱟ ᱥᱟᱶᱛᱮ ᱢᱮᱥᱟ ᱠᱟᱛᱮᱡ ᱠᱟᱹᱢᱤ ᱞᱟᱹᱜᱤᱛ ᱢᱤᱫ ᱞᱮᱠᱟ ᱠᱟᱛᱷᱟ ᱦᱚᱭ ᱞᱟᱦᱟ ᱟᱠᱟᱫᱟ ᱤᱞᱚᱱ ᱢᱟᱠᱥ ᱾ ᱟᱢᱮᱨᱤᱠᱟ ᱨᱮ ᱫᱚᱥᱟᱨ ᱰᱷᱟᱶ ᱞᱟᱹᱜᱤᱛ ᱴᱨᱟᱢᱯ ᱭᱟᱜ ᱥᱚᱨᱠᱟᱨ ᱵᱮᱱᱟᱶ ᱛᱟᱭᱚᱢ ᱟᱢᱮᱨᱤᱠᱟ ᱥᱟᱶ ᱵᱷᱟᱨᱚᱛ ᱨᱮᱭᱟᱜ ᱠᱩᱴᱱᱳᱭᱛᱤᱠ ᱥᱟᱹᱜᱟᱹᱭ ᱱᱟᱯᱟᱭ ᱞᱟᱹᱜᱤᱛ ᱠᱩᱨᱩᱢᱩᱴᱩ ᱨᱮ ᱢᱮᱱᱟᱭ ᱟᱷ ᱢᱳᱫᱤ ᱥᱚᱨᱠᱟ ᱾ ᱟᱨ ᱚᱱᱟ ᱞᱟᱹᱜᱤᱛ ᱛᱮᱜᱤ ᱯᱟᱨᱚᱢᱮᱱ ᱯᱷᱮᱵᱣᱟᱨᱤ ᱪᱟᱱᱫᱩ ᱨᱮ ᱟᱢᱮᱨᱤᱠᱟ ᱥᱚᱯᱷᱚᱨ ᱨᱮᱭ ᱪᱟᱞᱟᱶ ᱞᱮᱱ ᱛᱟᱦᱮᱱᱟ ᱢᱳᱫᱤ ᱾
ᱟᱨᱦᱚᱸ ᱮᱴᱟᱜ ᱠᱷᱚᱵᱚᱨ ᱵᱟᱰᱟᱭ ᱞᱟᱹᱜᱤᱛ ᱞᱤᱝ ᱨᱮ ᱠᱞᱤᱠ ᱯᱮᱹᱹᱹᱹᱹᱹᱹᱹᱹᱹᱹᱹᱹ
ᱛᱚᱵᱮ ᱫᱚᱥᱟᱨ ᱥᱮᱫ ᱧᱮᱞ ᱞᱮᱠᱷᱟᱱ ᱮᱭᱟᱨᱴᱮᱞ ᱟᱨ ᱡᱤᱭᱳ ᱥᱟᱶᱛᱮ ᱢᱮᱥᱟ ᱠᱟᱛᱮᱡ ᱤᱱᱴᱟᱨᱱᱮᱴ ᱤᱫᱤ ᱠᱟᱛᱮᱡ ᱵᱷᱟᱨᱚᱛ ᱨᱮ ᱵᱮᱵᱥᱟᱭ ᱞᱟᱦᱟ ᱮᱫᱟ ᱤᱞᱚᱱ ᱢᱟᱠᱥ ᱟᱜ ᱥᱴᱟᱨᱞᱤᱝ ᱾
