GLOBAL INVESTORS SUMMIT : ᱵᱤ ᱡᱮ ᱯᱤ ᱥᱟᱥᱤᱛᱚ ᱢᱚᱫᱷᱭᱚ ᱯᱨᱚᱫᱮᱥ ᱥᱟᱯᱨᱟᱣ ᱞᱮᱱ ᱛᱟᱦᱮᱱᱟ “ᱜᱞᱚᱵᱟᱞ ᱤᱱᱵᱷᱮᱥᱴᱟᱨᱥ ᱥᱟᱢᱤᱴ”, ᱚᱱᱟ ᱨᱮ ᱥᱮᱞᱮᱫ ᱞᱮᱱᱟ ᱠᱚ ᱫᱤᱥᱟᱹᱢ ᱵᱟᱨᱦᱮ ᱨᱮᱱ ᱦᱚᱸ ᱟᱹᱰᱤ ᱜᱟᱱ ᱛᱟᱵᱚᱲ ᱛᱟᱵᱚᱲ ᱤᱱᱵᱷᱮᱥᱴᱟᱨ ᱠᱚ᱾ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱭᱟᱜ ᱜᱞᱚᱵᱟᱞ ᱤᱱᱵᱷᱮᱥᱴᱟᱨᱥ ᱥᱟᱢᱤᱴ ᱨᱮ ᱢᱟᱨᱟᱝ ᱯᱮᱲᱟ ᱞᱮᱠᱟᱛᱮ ᱱᱮᱣᱛᱟ ᱨᱮᱭ ᱛᱟᱦᱮᱸ ᱠᱟᱱᱟ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ(NARENDRA MODI), ᱟᱨ ᱚᱱᱟ ᱥᱟᱢᱤᱴ ᱨᱮ ᱑᱕ ᱢᱤᱱᱤᱴ(ᱴᱤᱲᱤᱡ) ᱵᱤᱞᱟᱹᱢ ᱠᱟᱛᱮᱡ ᱥᱮᱴᱮᱨ ᱞᱮᱱᱟᱭ ᱯᱨᱚᱫᱷᱟᱱ ᱢᱚᱱᱛᱨᱤ᱾ ᱛᱚᱵᱮ ᱪᱮᱫᱟᱜ ᱮ ᱵᱤᱞᱟᱹᱢ ᱮᱱᱟ ᱚᱱᱟ ᱠᱟᱛᱷᱟ ᱦᱚᱭ ᱞᱟᱹᱭ ᱥᱚᱫᱚᱨ ᱠᱮᱫᱟ ᱯᱨᱚᱫᱷᱟᱱ ᱢᱚᱱᱛᱨᱤ᱾
ᱪᱮᱫᱟᱜᱼᱮ ᱵᱤᱞᱟᱹᱢ ᱮᱱᱟ ᱯᱨᱚᱫᱷᱟᱱ ᱢᱚᱱᱛᱨᱤ
ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱜᱞᱚᱵᱟᱞ ᱤᱱᱵᱷᱮᱥᱴᱟᱨᱥ ᱥᱟᱢᱤᱴ ᱩᱫᱵᱚᱫᱷᱚᱱ ᱨᱮᱭᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱥᱮᱛᱟᱜ ᱑᱐ ᱵᱟᱡᱟᱜ ᱚᱠᱛᱚ ᱨᱮ᱾ ᱟᱨ ᱑᱐ ᱵᱟᱡᱟᱜ ᱚᱠᱛᱚ ᱨᱮᱜᱤ ᱢᱚᱫᱷᱭᱚ ᱯᱨᱚᱫᱮᱥ ᱨᱟᱡᱵᱷᱚᱵᱚᱱ ᱠᱷᱚᱱ ᱜᱞᱚᱵᱟᱞ ᱥᱟᱢᱤᱴ ᱴᱷᱟᱣ ᱨᱮ ᱦᱟᱡᱩᱠ ᱨᱮᱭᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱣᱟᱜ, ᱢᱮᱱᱠᱷᱟᱱ ᱮᱱᱛᱮ ᱨᱮᱦᱚᱸ ᱦᱟᱡᱩᱜ ᱨᱮ ᱵᱤᱞᱟᱹᱢ ᱦᱩᱭ ᱮᱱᱟ ᱢᱳᱫᱤ ᱣᱟᱜ᱾ ᱛᱚᱵᱮ ᱥᱟᱢᱤᱴ ᱠᱟᱹᱢᱤ ᱦᱚᱨᱟ ᱨᱮ ᱫᱮᱨᱤ ᱛᱮ ᱥᱮᱴᱮᱨ ᱠᱷᱟᱹᱛᱤᱨ ᱥᱟᱱᱟᱢ ᱠᱚ ᱴᱷᱮᱱ ᱮᱠᱟᱹ ᱦᱚᱭ ᱠᱷᱚᱡ ᱮᱱᱟ ᱢᱳᱫᱤ᱾ ᱢᱮᱱᱠᱷᱟᱱ ᱟᱡᱟᱜ ᱪᱮᱫᱟᱜ ᱮ ᱵᱤᱞᱟᱹᱢ ᱮᱱᱟ ᱚᱱᱟ ᱠᱟᱛᱷᱟ ᱦᱚᱭ ᱞᱟᱹᱭ ᱠᱮᱫᱟ ᱯᱨᱚᱫᱷᱟᱱ ᱢᱚᱱᱛᱨᱤ᱾ ᱢᱳᱫᱤ ᱭᱟᱜ ᱞᱟᱹᱭ ᱨᱟᱡᱵᱷᱟᱵᱚᱱ ᱠᱷᱚᱡ ᱜᱮ ᱟᱡ ᱫᱮᱨᱤ ᱛᱮᱭ ᱩᱰᱩᱠ ᱞᱮᱱ ᱛᱟᱦᱮᱱᱟ, ᱚᱱᱤᱭᱟᱜ ᱞᱟᱹᱭ ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱛᱟᱦᱮᱸ ᱠᱟᱱᱟ ᱜᱮᱞ ᱟᱨ ᱜᱮᱞᱵᱟᱨ ᱪᱟᱱᱟᱪ ᱨᱮᱭᱟᱜ ᱵᱚᱨᱰ ᱨᱮᱭᱟᱜ ᱵᱤᱰᱟᱹᱣ᱾ ᱚᱱᱟ ᱛᱮ ᱑᱐ ᱵᱟᱡᱟᱜ ᱚᱠᱛᱚ ᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱣᱟᱜ ᱠᱚᱱᱵᱷᱚᱭ ᱪᱟᱞᱟᱣ ᱞᱮᱱ ᱠᱷᱟᱡ ᱥᱟᱫᱷᱟᱨᱚᱱ ᱦᱚᱲ ᱥᱟᱳᱛᱮ ᱯᱟᱹᱴᱷᱩᱭᱟᱹ ᱠᱚᱣᱟᱜ ᱮᱴᱠᱮᱴᱚᱲᱮ ᱦᱩᱭ ᱠᱚᱜᱼᱟ ᱚᱱᱟ ᱠᱷᱟᱹᱛᱤᱨ ᱜᱮ ᱜᱞᱚᱵᱟᱞ ᱥᱟᱢᱤᱴ ᱨᱮ ᱦᱤᱡᱩᱠ ᱛᱮᱭ ᱵᱤᱞᱟᱹᱢ ᱞᱮᱱᱟ ᱢᱳᱫᱤ᱾
ᱢᱳᱫᱤ ᱥᱟᱨᱦᱟᱣ ᱠᱤᱫᱤᱭᱟ ᱥᱤᱨᱟᱹ ᱢᱚᱱᱛᱨᱤ ᱢᱚᱦᱚᱱ ᱭᱟᱫᱚᱵᱽ (Mohan Yadav)
ᱫᱮᱨᱤ ᱛᱮᱭ ᱥᱮᱴᱮᱨ ᱮᱱ ᱨᱮᱦᱚᱸ ᱯᱨᱚᱫᱷᱟᱱ ᱢᱳᱫᱤ ᱣᱟᱜ ᱚᱱᱟ ᱠᱟᱹᱢᱤ ᱦᱚᱨᱟ ᱨᱮ ᱥᱟᱫᱷᱩᱵᱟᱫ ᱮ ᱡᱟᱱᱟᱣ ᱠᱮᱫᱟ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱢᱚᱦᱚᱱ ᱭᱟᱫᱟᱵᱽ(mohan yadav)᱾ ᱭᱟᱫᱟᱵᱽ ᱟᱜ, ᱢᱳᱫᱤ ᱫᱚ ᱪᱤᱨᱚᱠᱟᱞ ᱜᱮ ᱯᱟᱹᱴᱷᱩᱭᱟᱹ ᱠᱚ ᱪᱮᱛᱟᱱ ᱨᱮ ᱥᱚᱝᱵᱮᱫᱚᱱᱥᱤᱞ ᱢᱮᱱᱟᱜ ᱟᱠᱟᱫᱤᱭᱟ᱾
ᱯᱨᱚᱫᱷᱟᱱ ᱢᱚᱱᱛᱨᱤ ᱢᱚᱫᱷᱭᱚ ᱯᱨᱚᱫᱮᱥ ᱥᱚᱷᱚᱨ ᱨᱮ ᱪᱟᱞᱟᱣ ᱠᱟᱛᱮᱡ ᱥᱟᱱᱟᱢ ᱵᱤ ᱡᱮ ᱯᱤ ᱵᱤᱫᱷᱟᱭᱚ, ᱥᱟᱝᱥᱚᱫ ᱠᱚ ᱥᱟᱣᱛᱮ ᱦᱚᱭ ᱧᱟᱯᱟᱢ ᱟᱠᱟᱱᱟ᱾
