JHARKHAND SANTHAL SOCIAL BOYCOTT : ᱡᱷᱟᱲᱠᱷᱟᱱᱰ ᱯᱚᱱᱚᱛ ᱰᱩᱢᱩᱨᱤᱭᱟ ᱯᱨᱚᱠᱷᱟᱱᱰ ᱨᱮᱭᱟᱜ ᱙᱐ ᱜᱚᱴᱟᱝ ᱟᱛᱩ ᱢᱩᱫ ᱨᱮ ᱑᱒ ᱜᱚᱴᱟᱝ ᱟᱛᱩ ᱠᱷᱚᱱ ᱑᱑᱘ ᱜᱚᱴᱟᱝ ᱥᱟᱱᱛᱟᱞ ᱯᱚᱨᱤᱵᱟᱨ ᱨᱮᱱ ᱦᱚᱲ ᱟᱛᱩ ᱠᱷᱚᱱ ᱠᱚ ᱮᱠᱞᱟ ᱟᱠᱟᱫ ᱠᱚᱣᱟ, ᱢᱮᱱᱫᱚ ᱥᱟᱢᱟᱡᱤᱠ ᱵᱚᱦᱤᱥᱠᱟᱨ ᱩᱪᱚ ᱟᱠᱟᱱᱟ ᱠᱚ᱾ᱮᱠᱞᱟ ᱩᱪᱚ ᱟᱠᱟᱱ ᱯᱚᱨᱤᱵᱟᱨ ᱨᱮᱱ ᱠᱤᱪᱷᱩ ᱦᱚᱲ ᱡᱟᱹᱨᱩᱢ ᱢᱟᱦᱟ ᱦᱤᱞᱟᱹᱜ ᱡᱟᱢᱥᱮᱫᱯᱩᱨ ᱥᱮᱴᱮᱨ ᱠᱟᱛᱮᱡ DC ᱚᱯᱷᱤᱥ ᱨᱮ ᱟᱠᱚᱭᱟᱜ ᱫᱩᱠ ᱨᱮᱭᱟᱜ ᱠᱟᱛᱷᱟ ᱠᱚ ᱱᱟᱞᱤᱥ ᱠᱮᱫᱟ᱾ ᱟᱠᱩ ᱱᱟᱭᱟ ᱛᱮ ᱜᱨᱟᱢ ᱯᱨᱚᱫᱦᱟᱱ ᱩᱪᱟᱹᱱ ᱨᱮᱭᱟᱜ ᱥᱠᱨᱤᱛᱤ ᱠᱚ ᱧᱟᱢ ᱢᱟ᱾
ᱰᱤ ᱥᱤ ᱚᱯᱷᱤᱥ ᱨᱮ ᱥᱮᱴᱮᱨ ᱞᱮᱱ ᱴᱩᱠᱟᱨᱟᱢ ᱢᱟᱱᱰᱤ ᱭᱟᱜ ᱞᱟᱹᱭ, ᱟᱛᱩ ᱨᱮᱱ ᱜᱨᱟᱢ ᱯᱨᱚᱫᱷᱟᱱ ᱵᱟᱝ ᱢᱟ ᱱᱟᱥᱮ ᱠᱟᱛᱷᱟ ᱴᱮᱜᱮᱭ ᱨᱟᱜᱤ ᱠᱟᱱᱟ ᱟᱨ ᱟᱛᱩ ᱠᱷᱚᱱ ᱮ ᱵᱷᱮᱜᱟᱨ ᱮᱫ ᱠᱚᱣᱟ᱾ ᱩᱱᱤᱭᱟᱜ ᱞᱟᱹᱭ ᱟᱠᱩ ᱴᱚᱴᱷᱟ ᱨᱮ ᱚᱱᱠᱟᱱ ᱢᱟᱢᱞᱟ ᱠᱚᱭᱮᱠ ᱪᱟᱱᱫᱩ ᱞᱟᱦᱟ ᱠᱷᱚᱱ ᱪᱟᱞᱟᱠ ᱠᱟᱱᱟ, ᱟᱨ ᱱᱤᱛ ᱦᱟᱵᱤᱛ ᱛᱮ ᱑᱑᱘ ᱜᱚᱴᱟᱝ ᱯᱚᱨᱤᱵᱟᱨ ᱨᱮᱱ ᱦᱚᱲ ᱟᱛᱩ ᱠᱷᱚᱱ ᱵᱚᱦᱤᱥᱠᱟᱨ ᱦᱩᱭ ᱟᱠᱟᱱᱟ᱾
ᱡᱟᱦᱟᱭ ᱯᱚᱨᱤᱵᱟᱨ ᱠᱚ ᱟᱛᱩ ᱠᱦᱳᱱ ᱩᱰᱩᱠ ᱦᱩᱭ ᱟᱠᱟᱱᱟ ᱩᱱᱠᱚ ᱦᱚᱲ ᱠᱚ ᱟᱛᱩ ᱨᱮᱭᱟᱜ ᱠᱩᱱᱡ ᱟᱨ ᱵᱟᱝ ᱮᱴᱟᱜ ᱴᱚᱴᱷᱟ ᱠᱦᱚᱱ ᱦᱚᱸ ᱧᱩ ᱫᱟᱜ ᱵᱟᱝ ᱧᱩ ᱩᱪᱚ ᱟᱠᱩ ᱠᱟᱱᱟ᱾ ᱵᱚᱦᱤᱥᱠᱟᱨ ᱟᱠᱟᱱ ᱯᱚᱨᱤᱵᱟᱨ ᱠᱷᱚᱱ ᱡᱟᱦᱟᱭ ᱮ ᱵᱚᱝᱜᱟ ᱛᱟᱞᱟ ᱞᱮᱱ ᱠᱷᱟᱡ ᱩᱱ ᱠᱚᱭᱟᱜ ᱢᱩᱪᱟᱹᱫ ᱠᱟᱹᱢᱤ ᱞᱟᱹᱜᱤᱛ ᱦᱚᱸ ᱟᱹᱰᱤ ᱮᱴᱠᱮᱴᱚᱲᱮ ᱨᱮᱠᱚ ᱯᱟᱨᱟᱶ ᱠᱟᱱᱟ᱾ ᱟᱛᱩ ᱨᱮᱱ ᱮᱴᱟᱜ ᱦᱚᱲ ᱠᱚᱦᱚᱸ ᱞᱟᱹᱭ ᱦᱩᱭ ᱟᱠᱟᱱᱟ ᱡᱮ ᱵᱚᱦᱤᱥᱠᱟᱨ ᱟᱠᱟᱱ ᱜᱟᱨᱚᱡ ᱦᱚᱲ ᱥᱟᱞᱟᱜ ᱡᱟᱛᱮ ᱚᱠᱚᱭ ᱦᱚᱸ ᱵᱟᱝ ᱠᱚ ᱠᱟᱛᱷᱟ ᱵᱟᱝ ᱠᱚ ᱨᱚᱨ ᱾
ᱮᱴᱟᱜ ᱠᱷᱚᱵᱚᱨ ᱵᱟᱰᱟᱭ ᱞᱟᱹᱜᱤᱛ ᱞᱤᱝ ᱨᱮ ᱠᱞᱤᱠ ᱯᱮᱹᱹᱹᱹᱹᱹᱹᱹᱹ
ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱵᱚᱦᱤᱥᱠᱟᱨ ᱟᱠᱟᱱ ᱯᱚᱨᱤᱵᱟᱨ ᱠᱚᱦᱚᱸ ᱯᱟᱨᱚᱢᱮᱱ ᱑᱓ ᱮᱯᱨᱤᱞ ᱨᱮ ᱰᱩᱢᱩᱨᱤᱭᱟ ᱴᱚᱴᱷᱟ ᱨᱮᱭᱟᱜ ᱪᱷᱚᱴᱟ ᱚᱥᱛᱤ ᱧᱩᱛᱩᱢᱟᱱ ᱟᱛᱩ ᱨᱮ ᱥᱚᱱᱟᱨᱟᱢ ᱦᱮᱢᱵᱨᱚᱢ (SONARAM HEMRAM) ᱟᱜ ᱥᱚᱵᱷᱟᱯᱚᱛᱛᱤᱛᱚ ᱦᱚᱛᱮᱛ ᱛᱮ ᱢᱰ ᱵᱚᱭᱴᱷᱚᱠ ᱠᱚ ᱥᱟᱯᱨᱟᱣ ᱞᱮᱫ ᱛᱟᱦᱮᱱᱟ ᱾ ᱟᱨ ᱚᱱᱟ ᱵᱚᱭᱴᱷᱚᱠ ᱛᱟᱞᱟ ᱛᱮᱜᱤ ᱜᱳᱨᱟ ᱦᱮᱢᱵᱨᱚᱢ (GOURA HEMRAM) ᱱᱟᱣᱟ ᱜᱨᱟᱢ ᱯᱨᱚᱫᱷᱟᱱ ᱞᱮᱠᱟ ᱛᱮᱠᱚ ᱩᱪᱟᱹᱱ ᱠᱤᱫᱤᱭᱟ᱾ ᱚᱱᱟ ᱱᱤᱛ ᱩᱱᱠᱚ ᱦᱚᱲ ᱠᱚᱣᱟᱜ ᱞᱟᱹᱭ ᱱᱟᱣᱟ ᱜᱨᱟᱢ ᱯᱨᱚᱫᱷᱟᱱ ᱜᱳᱨᱟ ᱦᱮᱢᱨᱚᱢ ᱯᱨᱚᱥᱟᱥᱚᱱ ᱯᱟᱥᱴᱟ ᱠᱷᱚᱱ ᱡᱟᱛᱮ ᱯᱨᱚᱥᱟᱥᱚᱱᱤᱠ ᱞᱮᱠᱟ ᱡᱟᱛᱮ ᱥᱤᱠᱨᱤᱛᱤ ᱧᱟᱢ ᱢᱟ᱾
ᱤᱥᱠᱩᱞ ᱨᱮᱦᱚᱸ ᱮᱴᱠᱮᱴᱚᱲᱮ, ᱟᱛᱩ ᱨᱮᱱ ᱢᱚᱱᱤᱨᱟᱢ ᱢᱩᱨᱢᱩ ᱨᱮᱱ ᱜᱤᱫᱨᱟᱹ ᱠᱩᱢᱵᱚᱨ ᱢᱩᱨᱢᱩ ᱞᱟᱹᱭ ᱠᱮᱫᱟ ᱡᱮ ᱤᱥᱠᱩᱞ ᱨᱮᱦᱚ ᱮᱴᱟᱜ ᱜᱤᱫᱨᱟᱹ ᱠᱚ ᱵᱟᱝᱢᱟ ᱟᱡ ᱥᱟᱶᱛᱮ ᱵᱟᱝ ᱠᱚ ᱨᱚᱨ ᱮᱫ ᱠᱟᱱᱟ᱾
