᱒᱐᱒᱕ ᱯᱩᱭᱞᱩ ᱡᱮᱞᱞᱟ ᱥᱚᱯᱷᱚᱨ ᱨᱮ ᱥᱤᱨᱟᱹᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱮᱨᱡᱤ(MAMATA BANERJEE), ᱛᱚᱵᱮ ᱯᱩᱭᱞᱩ ᱡᱮᱞᱞᱟ ᱥᱚᱯᱷᱚᱨ ᱮᱛᱚᱦᱚᱵ ᱠᱮᱫᱟᱭ ᱩᱛᱛᱚᱨ ᱵᱚᱝᱜᱚ ᱠᱷᱚᱱ᱾ ᱥᱚᱯᱛᱟᱦᱟ ᱨᱮᱭᱟᱜ ᱯᱩᱭᱞᱩ ᱚᱛᱮ ᱢᱟᱦᱟ (Monday)ᱨᱮ ᱢᱟᱞᱫᱟᱭ ᱥᱮᱴᱮᱨ ᱮᱱᱟ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱮᱨᱡᱤ᱾ ᱚᱱᱟ ᱛᱟᱭᱚᱢ ᱵᱟᱞᱮ ᱢᱟᱦᱟ(Tuesday) ᱤᱝᱞᱤᱥ ᱵᱟᱡᱟᱨ (English Bazaar) ᱨᱮᱭᱟᱜ ᱥᱚᱵᱷᱟ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱱᱟ᱾ ᱤᱝᱞᱤᱥ ᱵᱟᱡᱟᱨ ᱨᱮᱭᱟᱜ ᱚᱱᱟ ᱥᱚᱵᱷᱟ ᱠᱷᱚᱱ ᱟᱹᱰᱤ ᱜᱟᱱ ᱥᱚᱨᱠᱟᱨᱤ ᱯᱨᱚᱠᱚᱞᱯᱚ ᱩᱪᱟᱹᱱ ᱠᱮᱫᱟ᱾ ᱚᱱᱟ ᱠᱚ ᱢᱩᱫ ᱨᱮ ᱢᱟᱞᱫᱟ ᱡᱮᱞᱞᱟ ᱨᱮᱭᱟᱜ ᱠᱤᱪᱷᱩ ᱯᱨᱚᱠᱚᱞᱯᱚ ᱥᱟᱣᱛᱮ ᱜᱚᱴᱟ ᱵᱟᱝᱞᱟ ᱨᱮᱭᱟᱜ ᱯᱨᱚᱠᱚᱞᱯᱚ ᱨᱮᱭᱟᱜ ᱠᱟᱛᱷᱟ ᱦᱚᱭ ᱞᱟᱹᱭ ᱠᱮᱫᱟ᱾ ᱞᱚᱠᱠᱷᱤ ᱵᱷᱟᱱᱰᱟᱨ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱡ ᱵᱟᱝᱞᱟ ᱟᱵᱟᱥ ᱡᱚᱡᱚᱱᱟ ᱥᱟᱱᱟᱢ ᱨᱮᱭᱟᱜ ᱠᱟᱛᱷᱟ ᱠᱚᱭ ᱞᱟᱹᱭ ᱠᱮᱫᱟ ᱥᱤᱨᱟᱹ ᱢᱚᱱᱛᱨᱤ᱾
ᱤᱝᱞᱤᱥ ᱵᱟᱡᱟᱨ ᱨᱮᱭᱟᱜ ᱥᱚᱵᱷᱟ ᱠᱷᱚᱱ ᱥᱤᱨᱟᱹ ᱢᱚᱱᱛᱨᱤ ᱞᱟᱹᱭ ᱠᱮᱫᱟᱭ, ᱯᱚᱪᱤᱢ ᱵᱟᱝᱞᱟ ᱨᱮᱱ ᱥᱟᱱᱟᱢ ᱛᱤᱨᱞᱟᱹ ᱠᱚ ᱞᱚᱠᱠᱷᱤ ᱵᱷᱟᱱᱰᱟᱨ ᱨᱮᱭᱟᱜ ᱴᱟᱠᱟ ᱠᱚ ᱧᱟᱢᱼᱟ ᱡᱤᱭᱚᱱ ᱵᱷᱳᱨ ᱜᱮ| ᱛᱤᱨᱞᱟᱹ ᱠᱚ ᱡᱟᱛᱮ ᱟᱹᱰᱤ ᱞᱚᱜᱚᱱ ᱵᱟᱝ ᱵᱟᱯᱞᱟ ᱦᱩᱭᱩᱜ ᱢᱟ ᱟᱨ ᱥᱟᱱᱟᱢ ᱛᱤᱨᱞᱟᱹ ᱠᱚᱜᱮ ᱚᱞᱚᱜᱼᱯᱟᱨᱦᱟᱣ ᱨᱮ ᱵᱟᱹᱲᱛᱤ ᱥᱩᱡᱚᱜ ᱮᱢᱟᱣ ᱠᱚ ᱦᱩᱭᱩᱜ ᱢᱟ, ᱟᱨ ᱚᱱᱟ ᱠᱟ ᱡᱚᱫᱤ ᱦᱩᱭ ᱞᱮᱱ ᱠᱷᱟᱡ ᱢᱮᱱᱛᱮ ᱚᱱᱟ ᱥᱚᱵᱷᱟ ᱠᱷᱚᱱ ᱜᱮ ᱞᱟᱹᱭ ᱠᱮᱫᱟ ᱥᱤᱨᱟᱹ ᱢᱚᱱᱛᱨᱤ᱾ ᱥᱟᱣᱛᱮ ᱵᱟᱝᱞᱟ ᱟᱵᱟᱥ ᱡᱚᱡᱚᱱᱟ ᱤᱫᱤ ᱠᱟᱛᱮᱡ ᱠᱮᱱᱫᱤᱭᱚ ᱥᱚᱨᱠᱟᱨ ᱪᱮᱛᱟᱱ ᱠᱟᱛᱷᱟᱭ ᱛᱮᱨᱟᱝ ᱠᱮᱫᱟ ᱢᱟᱞᱫᱟ ᱨᱮᱭᱟᱜ ᱥᱚᱵᱷᱟ ᱠᱷᱚᱱ ᱨᱮ ᱜᱮ᱾ ᱠᱮᱱᱫᱨᱤᱭᱚ ᱟᱵᱟᱥ ᱡᱚᱡᱚᱱᱟ ᱨᱮᱭᱟᱜ ᱴᱟᱠᱟ ᱟᱴᱠᱟᱣ ᱫᱚᱦᱚ ᱟᱠᱟᱫ ᱨᱮᱦᱚᱸ ᱑᱒ ᱞᱚᱠᱠᱷᱚ ᱯᱚᱨᱤᱵᱟᱨ ᱵᱟᱝᱞᱟ ᱟᱵᱟᱥ ᱡᱚᱱᱚᱱᱟ ᱞᱟᱹᱜᱤᱫ ᱯᱩᱭᱞᱩ ᱫᱷᱟᱯ ᱨᱮᱭᱟᱜ ᱴᱟᱠᱟᱭ ᱮᱢ ᱠᱮᱫᱟ ᱨᱟᱡᱡᱚ ᱥᱚᱨᱠᱟᱨ ᱜᱮ ᱟᱨ ᱛᱟᱭᱚᱢ ᱫᱟᱨᱟᱢ ᱟᱨᱦᱚᱸ ᱑᱖ ᱞᱚᱠᱠᱷᱚ ᱯᱚᱨᱤᱵᱟᱨ ᱵᱟᱝᱞᱟᱨ ᱟᱵᱟᱥ ᱡᱚᱡᱚᱱᱟ ᱨᱮ ᱲᱟᱜ ᱮᱢ ᱦᱩᱭᱩᱜᱼᱟ ᱢᱮᱱᱛᱮ ᱞᱟᱹᱭ ᱠᱮᱫᱟ᱾
