MANIPUR UPDATE : ᱟᱨᱦᱚ ᱫᱚᱨᱦᱟᱛᱮ ᱦᱤᱝᱥᱟᱹ ᱮᱴᱚᱦᱚᱵ ᱟᱠᱟᱱᱟ ᱢᱚᱱᱤᱯᱩᱨ ᱯᱚᱱᱚᱛ ᱨᱮ᱾ ᱟᱨ ᱚᱱᱟ ᱦᱤᱝᱛᱮ ᱡᱚᱛᱚ ᱠᱷᱚᱱ ᱵᱟᱲᱛᱤ ᱠᱷᱳᱴᱤ ᱦᱩᱭ ᱟᱠᱟᱱᱟ ᱠᱟᱝᱯᱚᱠᱚᱯᱤ ᱡᱮᱞᱟ ᱨᱮ᱾ ᱚᱱᱟ ᱴᱚᱴᱷᱟ ᱨᱮᱭᱟᱜ ᱥᱟᱱᱟᱢ ᱡᱟᱭᱜᱟ ᱨᱮᱜᱤ ᱜᱩᱞᱤ ᱧᱩᱨ ᱠᱟᱛᱮᱡ ᱟᱴᱮᱛ ᱵᱟᱲᱟ ᱟᱠᱟᱱᱟ᱾ ᱞᱚ ᱟᱠᱟᱱᱟ ᱟᱹᱰᱤ ᱜᱟᱱ ᱚᱨᱟᱜ ᱟᱨ ᱟᱹᱰᱤ ᱜᱟᱱ ᱜᱟᱹᱰᱤ ᱦᱚᱸ᱾ ᱟᱨ ᱠᱷᱩ ᱠᱤᱪᱷᱩ ᱴᱚᱴᱷᱟ ᱰᱟᱦᱟᱨ ᱪᱮᱛᱟᱱ ᱨᱮᱜᱤ ᱧᱮᱞᱚᱜ ᱠᱟᱱᱟ ᱢᱟᱭᱟᱢ ᱨᱮᱭᱟᱜ ᱫᱟᱜ᱾
ᱠᱩᱠᱤ ᱡᱚᱱᱚᱜᱚᱥᱴᱤ ᱥᱤᱝᱜᱟᱹ ᱢᱟᱦᱟ ᱦᱤᱞᱟᱜ ᱵᱚᱱᱰ ᱠᱚ ᱦᱚᱦᱚ ᱞᱮᱠᱟᱱ ᱩᱱ ᱦᱤᱞᱟᱹᱜ ᱥᱮᱛᱟᱜ ᱠᱷᱚᱱ ᱜᱮ ᱰᱟᱦᱟᱨ ᱠᱚ ᱥᱩᱱᱥᱟᱱ ᱛᱟᱦᱮ ᱠᱟᱱᱟ᱾
ᱛᱚᱵᱮ ᱵᱚᱱᱰ ᱠᱷᱟᱹᱛᱤᱨ ᱥᱮᱴᱟᱜ ᱵᱮᱞᱟ ᱠᱤᱪᱷᱩ ᱠᱤᱪᱷᱩ ᱴᱚᱴᱷᱟ ᱨᱮ ᱚᱥᱟᱱᱛᱤ ᱥᱨᱤᱥᱴᱤ ᱞᱮᱱ ᱨᱮᱦᱚ> ᱴᱟᱭᱚᱢ ᱛᱮ ᱚᱱᱟ ᱫᱚ ᱥᱟᱱᱛᱚ ᱞᱮᱱ ᱛᱟᱦᱮᱱᱟ᱾ ᱚᱥᱟᱱᱛᱤ ᱡᱟᱛᱮ ᱵᱟᱝ ᱵᱟᱲᱛᱤ ᱚᱱᱟ ᱞᱟᱹᱜᱤᱛ ᱛᱮ ᱥᱮᱱᱴᱨᱟᱞ ᱯᱷᱚᱨᱥ ᱠᱚᱣᱟᱜ ᱢᱚᱛᱟᱭᱚᱱ ᱛᱟᱦᱮ ᱠᱟᱱᱟ ᱜᱚᱴᱟ ᱴᱚᱴᱷᱟ ᱠᱚᱨᱮ ᱜᱮ᱾ ᱚᱥᱟᱱᱛᱤ ᱟᱴᱠᱟᱣ ᱞᱟᱹᱜᱤᱛ ᱥᱮᱱᱴᱨᱟᱞ ᱯᱷᱚᱨᱥ ᱨᱳᱴ ᱢᱟᱨᱪ ᱦᱚᱠᱚ ᱮᱢ ᱮᱫ ᱠᱟᱱ ᱛᱟᱦᱮᱱᱟ᱾
ᱯᱟᱨᱚᱢᱮᱱ ᱧᱩᱦᱩᱢ ᱢᱟᱦᱟ ᱦᱤᱞᱟᱹᱜ ᱠᱟᱝᱯᱚᱠᱟᱯᱷᱤ ᱡᱮᱞᱟ ᱨᱮ ᱱᱤᱨᱟᱯᱚᱛᱛᱟ ᱵᱟᱦᱤᱱᱤ ᱠᱚ ᱥᱟᱦ ᱛᱮ ᱞᱟᱹᱲᱦᱟᱭ ᱛᱟᱯᱟᱢ ᱞᱮᱠᱟᱱ ᱯᱚᱨᱤᱥᱛᱤᱛᱤ ᱵᱮᱱᱟᱣ ᱞᱮᱱ ᱛᱟᱦᱮᱱᱟ ᱠᱩᱠᱤ ᱡᱚᱱᱚ ᱜᱚᱥᱴᱤ ᱠᱚᱣᱟᱜ᱾ ᱵᱟᱰᱟᱭ ᱧᱟᱢ ᱟᱠᱟᱱᱟ ᱵᱟᱝᱢᱟ ᱚᱱᱟ ᱱᱮᱳ ᱛᱟᱯᱟᱢ ᱨᱮ ᱢᱤᱫ ᱦᱚᱨᱟᱜ ᱡᱤᱭᱤ ᱦᱚᱸ ᱪᱟᱞᱟᱣ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ, ᱟᱨ ᱜᱷᱟᱹᱞ ᱟᱠᱟᱱᱟ ᱠᱚ ᱔᱐ ᱜᱚᱴᱟᱝ ᱦᱚᱲ᱾ ᱜᱷᱟᱹᱞ ᱟᱠᱟᱱ ᱦᱚᱲᱠᱚ ᱢᱩᱫ ᱨᱮ ᱢᱮᱱᱟᱜ ᱠᱚᱣᱟ ᱛᱤᱨᱞᱟᱹ, ᱟᱨ ᱦᱚᱰᱤᱝ ᱦᱚᱰᱤᱝ ᱜᱤᱫᱨᱟᱹ ᱦᱚᱸ᱾ ᱢᱤᱫ ᱵᱤᱠᱠᱷᱚᱵ ᱠᱟᱹᱨᱤ ᱣᱟᱜ ᱡᱤᱭᱤ ᱪᱟᱞᱟᱣ ᱞᱮᱱ ᱛᱮ ᱯᱨᱚᱛᱤᱵᱟᱫ ᱞᱮᱠᱟᱛᱮ ᱥᱤᱝᱜᱟᱹ ᱢᱟᱦᱟ ᱦᱤᱞᱟᱹᱜ ᱢᱤᱫ ᱢᱟᱦᱟ ᱨᱮᱭᱟᱜ ᱵᱚᱱᱰ ᱠᱚ ᱦᱚᱦᱚ ᱞᱮᱫᱟ ᱠᱩᱠᱤ ᱡᱚᱱᱚᱡᱟᱹᱛᱤ ᱠᱚ᱾
ᱩᱛᱛᱚᱨ ᱯᱩᱨᱵᱚ ᱨᱮᱭᱟᱜ ᱢᱚᱱᱤᱯᱩᱨ ᱨᱟᱡᱡᱚ ᱨᱮ ᱡᱟᱹᱨᱤ ᱢᱮᱱᱟᱜᱼᱟ ᱨᱟᱥᱴᱨᱟᱯᱚᱛᱤ ᱥᱟᱥᱚᱱ᱾ ᱨᱟᱥᱴᱨᱚᱯᱚᱛᱤ ᱡᱟᱹᱨᱤ ᱢᱮᱱᱟᱜ ᱛᱮ ᱢᱚᱱᱤᱯᱩᱨ ᱨᱮᱭᱟᱜ ᱥᱟᱥᱚᱱ ᱠᱷᱚᱢᱚᱛᱟ ᱢᱮᱱᱟᱜᱼᱟ ᱨᱟᱡᱡᱚᱯᱟᱞ ᱚᱡᱚᱭ ᱠᱩᱢᱟᱨ ᱵᱷᱟᱞᱞᱟ ᱴᱷᱮᱱ᱾ ᱯᱟᱨᱚᱢᱮᱱ ᱒ ᱢᱟᱨᱪ ᱵᱷᱟᱞᱞᱟ ᱟᱨ ᱮᱴᱟᱜ ᱟᱫᱷᱤᱠᱟᱨᱤᱠ ᱠᱚ ᱟᱛᱮ ᱢᱤᱫ ᱜᱟᱯᱟᱞ ᱢᱟᱨᱟᱣ ᱨᱮᱭ ᱫᱩᱨᱩᱵ ᱞᱮᱱ ᱛᱟᱦᱮᱱᱟ ᱠᱮᱱᱫᱨᱤ ᱥᱚᱨᱟᱥᱴᱨᱚ ᱢᱚᱱᱛᱨᱤ ᱚᱢᱤᱛ ᱥᱟ (AMIT SHAH) ᱢᱚᱱᱩᱯᱩᱨ ᱨᱟᱡᱡᱚ ᱤᱫᱤ ᱠᱟᱛᱮᱡ ᱠᱷᱳᱡ ᱛᱚᱞᱟᱥ ᱦᱚᱭ ᱦᱟᱛᱟᱣ ᱠᱮᱫᱟ, ᱟᱨ ᱚᱱᱟ ᱛᱟᱭᱚᱢ ᱚᱢᱤᱛ ᱥᱟ ᱞᱟᱭ ᱟᱠᱟᱫᱟ ᱡᱮ ᱘ ᱢᱟᱨᱪ ᱠᱷᱚᱱ ᱡᱟᱛᱮ ᱢᱚᱱᱤᱯᱩᱨ ᱨᱮᱭᱟᱜ ᱡᱚᱛᱚ ᱰᱟᱦᱟᱨ ᱥᱚᱪᱷᱚᱞ ᱛᱟᱦᱮᱱ ᱨᱮᱭᱟᱜ ᱟᱱᱫᱮ ᱮᱢ ᱞᱮᱫ ᱛᱟᱦᱮᱱᱟ᱾
