NATIONAL HERALD CASE : ᱱᱮᱥᱱᱟᱞ ᱦᱮᱨᱟᱞᱰ ᱢᱟᱢᱞᱟ ᱨᱮ ᱢᱤᱫ ᱢᱟᱨᱟᱝ ᱠᱟᱰᱮᱨ ᱠᱚ ᱦᱟᱛᱟᱶ ᱠᱮᱫᱟ ᱠᱮᱱᱫᱨᱤᱭᱚ ᱛᱚᱫᱳᱱᱛᱚ ᱠᱟᱹᱨᱤ ᱥᱚᱝᱥᱛᱷᱟ ED᱾ ᱱᱚᱣᱟ ᱫᱟᱶ ᱤᱰᱤ ᱭᱟᱜ ᱪᱟᱨᱡᱥᱤᱴ ᱨᱮ ᱨᱟᱦᱩᱞ ᱜᱟᱱᱫᱷᱤ (RAHUL GANDHI) ᱟᱨ ᱥᱚᱱᱤᱭᱟ ᱜᱟᱱᱫᱷᱤ (SONIA GANDHI) ᱭᱟᱜ ᱧᱩᱛᱩᱢ ᱠᱚ ᱡᱚᱢᱟ ᱠᱮᱫᱟ ᱤᱱᱯᱷᱚᱨᱥᱢᱮᱱᱰ ᱰᱤᱨᱮᱠᱴᱚᱨᱮᱴ ᱾ ᱯᱩᱭᱞᱩ ᱫᱷᱟᱳ ᱨᱟᱦᱩᱞ ᱟᱨ ᱥᱚᱱᱤᱭᱟ ᱜᱟᱱᱫᱷᱤ ᱵᱤᱨᱚᱫᱽ ᱨᱮ ED ᱭᱟᱜ ᱪᱟᱨᱡᱥᱤᱴ ᱨᱮ ᱧᱩᱛᱩᱢ ᱨᱟᱠᱟᱵ ᱟᱠᱟᱱᱟ᱾ ᱫᱤᱞᱞᱤ ᱨᱮᱭᱟᱜ ᱨᱟᱳᱥ ᱮᱵᱷᱮᱱᱤᱳ ᱟᱫᱟᱞᱚᱛ ᱨᱮ ᱚᱱᱟ ᱢᱟᱢᱞᱟ ᱨᱮᱭᱟᱜ ᱪᱟᱨᱡᱥᱤᱴ ᱨᱮ ᱧᱩᱛᱩᱢ ᱢᱮᱱᱟᱜ ᱟᱠᱟᱫᱟ ᱥᱮᱢ ᱯᱤᱛᱨᱚᱫᱟᱨ ᱨᱟᱜ ᱦᱚᱸ ᱾ ᱫᱟᱨᱟᱭ ᱠᱟᱱ ᱒᱕ ᱮᱯᱨᱤᱞ ᱨᱮ ᱚᱱᱟ ᱢᱟᱢᱞᱟ ᱨᱮᱭᱟᱜ ᱛᱟᱭᱚᱢ ᱫᱟᱨᱟᱢ ᱥᱩᱱᱟᱱᱤ ᱢᱮᱱᱟᱜ ᱟᱠᱟᱫᱟ᱾
ᱱᱮᱥᱱᱟᱞ ᱦᱮᱨᱟᱞᱰ ᱢᱟᱢᱞᱟ ᱤᱫᱤ ᱠᱟᱛᱮᱡ ᱠᱚᱱᱜᱨᱮᱥ ᱨᱟᱡᱱᱳᱭᱛᱤᱠ ᱯᱨᱚᱛᱤᱦᱤᱝᱥᱟ ᱨᱮᱭᱟᱜ ᱟᱵᱷᱤᱡᱚᱜ ᱠᱚ ᱨᱟᱠᱟᱵ ᱟᱠᱟᱫᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱱᱮᱥᱱᱟᱞ ᱦᱮᱨᱟᱞᱰ ᱢᱟᱢᱞᱟ ᱨᱮ ᱯᱟᱨᱚᱢᱮᱱ ᱧᱩᱦᱩᱢ ᱢᱟᱦᱟ ᱦᱤᱞᱟᱹᱜ ᱖᱖᱑ ᱠᱳᱴᱤ ᱴᱟᱠᱟ ᱨᱮᱭᱟᱜ ᱥᱚᱢᱯᱚᱛᱛᱤ ᱦᱮᱯᱟᱡᱚᱛ ᱨᱮ ᱦᱟᱛᱟᱣ ᱨᱮᱭᱟᱜ ᱱᱚᱴᱤᱥ ᱠᱚ ᱡᱟᱨᱤ ᱞᱮᱫ ᱛᱟᱦᱮᱱᱟ ED ᱾ ᱫᱤᱞᱞᱤ, ᱢᱩᱢᱵᱟᱭ ᱨᱮᱭᱟᱜ ᱥᱟᱶᱛᱮ ᱞᱟᱠᱱᱳ ᱨᱮᱭᱟᱜ ᱵᱤᱥᱥᱮᱥᱥᱚᱨᱱᱟᱛ ᱨᱳᱴ ᱮ ᱡᱮ ᱮᱞ ᱵᱤᱱᱰᱤᱱᱝ ᱦᱚᱸ ᱟᱠᱩᱭᱟᱜ ᱦᱮᱯᱟᱡᱚᱛ ᱨᱮ ᱦᱟᱛᱟᱳ ᱨᱮᱭᱟᱜ ᱠᱟᱹᱢᱤ ᱦᱚᱨᱟ ᱠᱚ ᱮᱛᱚᱦᱚᱵ ᱟᱠᱟᱫᱟ ᱛᱚᱫᱚᱱᱛᱚᱠᱟᱹᱨᱤ ᱥᱚᱝᱥᱛᱷᱟ᱾
᱒᱐᱑᱓ ᱥᱟᱞ ᱨᱮ ᱯᱩᱭᱞᱩ ᱱᱮᱥᱱᱟᱞ ᱦᱮᱨᱟᱞᱰ ᱥᱚᱢᱟᱪᱟᱨ ᱱᱤᱭᱮ ᱫᱩᱨᱱᱤᱛᱤ ᱨᱮᱭᱟᱜ ᱟᱵᱷᱤᱡᱚᱜ ᱠᱚ ᱨᱟᱠᱟᱵᱽ ᱞᱮᱫ ᱛᱟᱦᱮᱱᱟ ᱵᱤ ᱡᱮ ᱯᱤ᱾ ᱚᱱᱟ ᱛᱟᱭᱚᱢ ᱒᱐᱒᱔ ᱥᱟᱞ ᱨᱮ ᱵᱤ ᱡᱮ ᱯᱤ ᱠᱷᱚᱢᱚᱛᱟ ᱨᱮ ᱦᱮᱡ ᱛᱟᱭᱚᱢ ᱜᱮ ᱱᱮᱥᱱᱟᱞ ᱦᱮᱨᱟᱞᱰ ᱤᱫᱤ ᱠᱟᱛᱮᱡ ᱯᱟᱳᱲᱤ ᱠ ᱞᱟᱦᱟ ᱞᱮᱫ ᱛᱟᱦᱮᱱᱟ᱾ ᱒᱐᱐᱘ ᱨᱮ ᱱᱮᱥᱱᱟᱞ ᱦᱮᱨᱟᱨᱞᱰ ᱥᱚᱢᱟᱪᱟᱨ ᱨᱮ ᱥᱚᱢᱟᱪᱟᱨ ᱩᱪᱟᱹᱱ ᱫᱚ ᱛᱩᱠᱟᱹᱢ ᱞᱮᱱ ᱛᱟᱦᱮᱱᱟ᱾ ᱡᱚᱦᱚᱨᱞᱟᱞ ᱞᱟᱞ ᱱᱮᱦᱮᱨᱩ ᱦᱚᱛᱮᱛᱛᱮ ᱛᱮ ᱛᱮᱭᱟᱨ ᱞᱮᱱ ᱱᱮᱥᱱᱟᱞ ᱦᱮᱨᱟᱞᱰ ᱨᱮᱭᱟᱜ ᱢᱟᱞᱤᱠᱟᱱᱟ ᱛᱟᱦᱮᱸ ᱠᱟᱱᱟ ᱮ ᱡᱮ ᱮᱞ ᱧᱩᱛᱩᱢᱟᱱ ᱥᱚᱝᱥᱛᱷᱟ ᱴᱷᱮᱱ, ᱡᱟᱦᱟ ᱫᱚ ᱛᱟᱭᱚᱢ ᱫᱟᱨᱟᱢ ᱤᱭᱚᱝ ᱤᱱᱰᱤᱭᱟᱱ ᱯᱨᱟᱭᱵᱷᱮᱴ ᱞᱤᱢᱤᱴᱮᱴ ᱧᱩᱛᱩᱢᱟᱱ ᱥᱚᱝᱥᱛᱷᱟᱭ ᱠᱤᱨᱤᱱᱡ ᱞᱮᱫ ᱛᱟᱦᱮᱱᱟ᱾
