NEGLIGENCE IN EDUCATION SYSTEM IN SAHIBGANJ : ᱥᱟᱦᱤᱵᱷᱜᱟᱸᱡᱽ ᱨᱮᱭᱟᱜ ᱥᱮᱪᱮᱫ ᱦᱚᱨᱟ ᱫᱚ ᱵᱚᱸᱜᱟᱣᱟᱜ ᱫᱟᱭᱟ ᱛᱮ ᱪᱟᱞᱟᱜ ᱠᱟᱱᱟ ᱾ ᱱᱚᱸᱰᱮ ᱥᱚᱨᱠᱟᱨᱤ ᱵᱤᱨᱫᱟ.ᱜᱟᱲ ᱟᱭᱢᱟ ᱫᱤᱱ ᱠᱷᱚᱱ ᱵᱟᱝ ᱠᱚ ᱡᱷᱤᱡᱽ ᱮᱫ ᱠᱟᱱ ᱛᱟᱦᱮᱱᱟ, ᱟᱨ ᱵᱤᱨᱫᱟ.ᱜᱟᱲ ᱠᱚ ᱡᱷᱤᱡᱽ ᱵᱟᱝ ᱠᱚ ᱧᱮᱞ ᱧᱟᱢ ᱞᱮᱱᱟ ᱢᱟᱪᱮᱫ ᱠᱚ᱾ ᱜᱽᱨᱟᱣᱩᱱᱰ ᱨᱮ ᱥᱮᱴᱮᱨ ᱛᱟᱭᱚᱢ, ᱠᱷᱚᱵᱚᱨ ᱫᱚᱞ ᱫᱚ ᱥᱮᱪᱮᱫ ᱥᱤᱥᱴᱚᱢ ᱨᱮᱭᱟᱜ ᱯᱩᱨᱟᱹ ᱯᱷᱳᱞ ᱠᱚ ᱠᱷᱩᱞᱟᱹᱶ ᱠᱮᱫᱟ᱾ ᱡᱷᱟᱨᱲᱠᱷᱟᱱᱰ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ ᱴᱷᱮᱱ ᱵᱷᱟᱹᱜᱤ ᱥᱮᱪᱮᱫ ᱵᱟᱵᱚᱛ ᱟᱭᱢᱟ ᱫᱟᱹᱵᱤ ᱦᱚᱸ ᱮᱢ ᱦᱩᱭ ᱟᱠᱟᱱᱟ, ᱢᱮᱱᱠᱷᱟᱱ ᱜᱽᱨᱟᱭᱩᱱ ᱞᱮᱵᱮᱞ ᱨᱮ ᱱᱚᱶᱟ ᱫᱟᱹᱵᱤ ᱫᱚ ᱛᱟᱦᱮᱱ ᱠᱟᱱᱟ ᱟᱨ ᱥᱮᱪᱮᱫ ᱧᱩᱛᱩᱢ ᱛᱮ ᱜᱤᱫᱽᱨᱟᱹ ᱠᱚ ᱡᱟᱦᱟᱸ ᱠᱚ ᱧᱟᱢ ᱮᱫᱟ ᱚᱱᱟ ᱫᱚ ᱴᱷᱤᱠ ᱛᱮ ᱤᱥᱠᱩᱞ ᱜᱤᱫᱨᱟᱹ ᱴᱦᱮᱱ ᱵᱟᱝ ᱜᱮ ᱥᱮᱴᱮᱨ ᱨᱚᱜ ᱠᱟᱱᱟ ᱾ ᱥᱟᱦᱤᱵᱷᱜᱟᱸᱡᱽ ᱨᱮᱭᱟᱜ ᱥᱚᱨᱠᱟᱨᱤ ᱟᱥᱲᱟ ᱠᱚ ᱫᱚ ᱵᱚᱸᱜᱟᱣᱟᱜ ᱫᱟᱭᱟ ᱛᱮ ᱪᱟᱹᱞᱩ ᱠᱟᱱᱟ ᱾ ᱥᱟᱦᱤᱵᱷᱜᱟᱸᱡᱽ ᱨᱮᱭᱟᱜ ᱥᱚᱨᱠᱟᱨᱤ ᱟᱥᱲᱟ ᱠᱚ ᱪᱟᱸᱫᱚ ᱟᱜ ᱵᱚᱨᱥᱟ ᱛᱮᱜᱤ ᱪᱟᱞᱟᱜ ᱠᱟᱱᱟ, ᱟᱨ ᱤᱥᱠᱩᱞ ᱠᱚ ᱟᱭᱢᱟ ᱫᱤᱱ ᱦᱟᱵᱤᱛ ᱵᱚᱸᱫ ᱜᱮ ᱛᱟᱦᱮᱱ ᱠᱟᱱᱟ᱾ ᱟᱨ ᱡᱟᱦᱟ ᱛᱤᱥ ᱨᱮ ᱤᱠᱩᱞ ᱡᱤᱡᱽ ᱞᱮᱱ ᱠᱷᱟᱱ ᱵᱟᱝ ᱠᱚ ᱧᱮᱞ ᱧᱟᱢᱚᱜ ᱠᱟᱱᱟ ᱢᱟᱪᱮᱫ ᱠᱚ᱾
ᱥᱟᱦᱤᱵᱷᱜᱟᱸᱡᱽ ᱡᱤᱞᱟ ᱯᱨᱚᱥᱟᱥᱚᱱ ᱟᱨ ᱥᱟᱶᱛᱮ ᱥᱤᱠᱠᱷᱟ ᱵᱤᱵᱷᱟᱜ ᱨᱮᱱ ᱟᱢᱞᱟᱹ ᱠᱚᱣᱟᱜ ᱞᱟᱯᱟᱨᱵᱟᱦᱤ ᱠᱷᱟᱹᱛᱤᱨ ᱥᱤᱠᱱᱟᱛ ᱦᱟᱛᱟᱶ ᱠᱷᱚᱱ ᱪᱩᱰᱟᱹᱨ ᱨᱚᱜ ᱠᱟᱱᱟ ᱠᱚ ᱚᱱᱰᱮᱱ ᱠᱚ ᱯᱟᱹᱴᱩᱭᱟᱹ ᱠᱚ᱾ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱟᱹᱫᱤᱵᱟᱹᱥᱤ ᱮᱞᱟᱠᱟ ᱠᱚᱨᱮ ᱱᱟᱜ ᱥᱚᱨᱠᱟᱨᱤ ᱤᱥᱠᱩᱞ ᱠᱚᱨᱮ ᱯᱟᱲᱦᱟᱶ ᱢᱟ ᱥᱟᱸᱜᱤᱡᱽ ᱨᱮᱭᱟᱜ ᱠᱟᱛᱷᱟ, ᱢᱟᱪᱮᱫ ᱠᱚᱣᱟᱜ ᱢᱮᱫᱦᱟ ᱦᱚᱸ ᱵᱟᱝ ᱜᱮ ᱧᱮᱞ ᱧᱟᱢᱚᱜᱼᱟ᱾ ᱥᱟᱦᱤᱵᱷᱜᱟᱸᱡᱽ ᱨᱮᱭᱟᱜ ᱴᱚᱴᱷᱟ ᱠᱚᱨᱮ ᱢᱟ ᱵᱟᱨᱼ ᱯᱮ ᱪᱟᱸᱫᱩ ᱨᱮ ᱢᱤᱫ ᱰᱷᱟᱭ ᱤᱥᱠᱩᱞ ᱡᱤᱡᱽ ᱞᱮᱱ ᱠᱷᱟᱡ ᱢᱟᱪᱮᱫ ᱠᱚ ᱤᱥᱠᱩᱞ ᱵᱟᱝ ᱠᱚ ᱦᱟᱡᱩᱜ ᱠᱟᱱᱟ᱾ ᱚᱱᱟ ᱴᱚᱴᱷᱟ ᱨᱮᱭᱟᱜ ᱥᱤᱠᱠᱷᱟ ᱵᱮᱵᱚᱥᱛᱟ ᱤᱫᱤ ᱠᱟᱛᱮᱡ ᱟᱛᱩ ᱦᱚᱲ ᱢᱩᱠᱷᱤᱭᱟ ᱥᱟᱶᱛᱮ ᱡᱤᱞᱟ ᱨᱮ ᱥᱤᱠᱠᱷᱟ ᱵᱮᱵᱚᱥᱛᱟ ᱨᱮᱱ ᱢᱟᱨᱟᱝ ᱯᱚᱫᱟᱫᱷᱤᱠᱟᱹᱨᱤ ᱴᱷᱮᱱ ᱵᱟᱨ ᱵᱟᱨ ᱱᱟᱞᱤᱥ ᱛᱟᱭᱚᱢ ᱦᱚᱸ ᱤᱥᱠᱩᱞ ᱠᱚᱨᱮ ᱥᱤᱠᱠᱷᱟ ᱨᱮᱭᱟᱜ ᱦᱟᱞᱚᱛ ᱵᱟᱝ ᱜᱮ ᱱᱟᱯᱟᱭ ᱟᱠᱟᱱᱟ᱾
ᱱᱟᱯᱟᱭ ᱥᱮᱪᱮᱫ ᱧᱟᱢ ᱞᱟᱹᱜᱤᱛ ᱛᱮ ᱟᱢᱞᱟᱹ ᱠᱚᱴᱷᱮᱱ ᱵᱟᱨ ᱵᱟᱨ ᱱᱟᱞᱤᱥ ᱮᱢ ᱛᱟᱭᱚᱢ ᱦᱚᱸ ᱥᱤᱠᱠᱷᱟ ᱵᱮᱵᱚᱥᱛᱟ ᱨᱮ ᱵᱮᱫᱞᱟᱵᱽ ᱵᱟᱝ ᱛᱮ ᱥᱤᱠᱱᱟᱛ ᱦᱟᱢᱮᱴ ᱠᱷᱚᱱ ᱠᱚ ᱪᱩᱰᱟᱹᱨ ᱠᱟᱱᱟ ᱜᱩᱜᱷᱤ ᱟᱛᱩ ᱨᱮᱱ ᱯᱟᱹᱴᱩᱭᱟᱹ ᱠᱚ᱾ ᱱᱚᱱᱠᱟ ᱜᱮ ᱪᱟᱞᱟᱶ ᱞᱮᱱ ᱠᱷᱟᱡ ᱚᱱᱰᱮᱱ ᱠᱚ ᱜᱤᱫᱨᱟᱹ ᱟᱜ ᱩᱡᱡᱚᱞ ᱵᱷᱚᱵᱤᱥᱚᱛ ᱧᱩᱛᱟᱹᱛ ᱨᱮ ᱪᱟᱞᱟᱜᱼᱟ ᱾ ᱚᱱᱟᱛᱮ ᱡᱟᱦᱟᱭ ᱯᱚᱫᱟᱫᱷᱤ ᱠᱟᱹᱨᱤ ᱠᱚ ᱟᱨ ᱢᱟᱪᱮᱫ ᱠᱚ ᱥᱤᱠᱠᱷᱟ ᱵᱮᱵᱚᱥᱛᱟ ᱯᱚᱨᱤᱵᱚᱨᱛᱚᱱ ᱨᱮ ᱜᱚᱲᱚ ᱵᱟᱝ ᱠᱚ ᱮᱢᱚᱠ ᱠᱟᱱᱟ ᱩᱱᱠᱚ ᱵᱤᱨᱚᱫᱽ ᱨᱮ ᱠᱟᱨᱵᱟᱭ ᱦᱩᱭᱩᱜ ᱢᱟᱹ ᱢᱮᱱᱛᱮ ᱠᱚ ᱫᱟᱵᱤ ᱟᱠᱟᱫᱟ ᱛᱟᱹᱱᱤᱛ ᱦᱚᱲᱠᱚ᱾
