(PAPUL MURMU) JAMMU KASHMIR ARTICLE 370 : ᱦᱚᱞᱟ ᱜᱮ ᱠᱮᱱᱫᱨᱤᱭᱚ ᱥᱚᱨᱟᱥᱴᱨᱚ ᱢᱚᱱᱛᱨᱤ ᱚᱢᱤᱛ ᱥᱟ ᱞᱟᱹᱭ ᱟᱠᱟᱫᱟᱭ ᱡᱮ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱓᱗᱐ ᱫᱷᱟᱨᱟ ᱠᱷᱟᱹᱛᱤᱨ ᱛᱮ ᱡᱚᱢᱢᱩ ᱠᱟᱥᱢᱤᱨ ᱨᱮ ᱞᱚᱞᱚ ᱦᱟᱛᱟᱝᱤᱭᱟᱹ ᱠᱚᱣᱟᱜ ᱥᱚᱱᱛᱨᱟᱥᱵᱟᱫᱤ ᱠᱟᱹᱢᱤᱦᱚᱨᱟ ᱵᱟᱹᱲᱛᱤᱜ ᱠᱟᱱ ᱛᱟᱦᱮᱱᱟ ᱾ ᱟᱨ ᱚᱱᱟ ᱓᱗᱐ ᱫᱷᱟᱨᱟ ᱡᱚᱢᱢᱩ ᱠᱟᱥᱢᱤᱨ ᱚᱪᱚᱜ ᱛᱟᱭᱚᱢ ᱜᱮ ᱥᱟᱱᱛᱤ ᱨᱩᱣᱟᱹᱲ ᱦᱮᱡ ᱟᱠᱟᱱᱟ ᱯᱟᱦᱟᱲᱤ ᱨᱟᱡᱽᱡᱚ ᱨᱮ ᱾
ᱚᱢᱤᱛ ᱥᱟᱣᱟᱜ ᱚᱱᱟ ᱢᱚᱱᱛᱚᱵᱽᱵᱚ ᱨᱮᱭᱟᱜ ᱯᱨᱚᱛᱤᱠᱨᱤᱭᱟ ᱮᱢ ᱚᱠᱛᱚ ᱡᱚᱢᱢᱩ ᱠᱟᱥᱢᱤᱨ ᱨᱮᱱ ᱥᱤᱨᱟᱹᱢᱚᱱᱛᱨᱤ ᱳᱢᱚᱨ ᱟᱵᱽᱫᱩᱞᱞᱟᱼᱟᱜ ᱞᱟᱹᱭ ᱡᱚᱢᱢᱩ ᱠᱟᱥᱢᱤᱨ ᱨᱮ ᱱᱤᱛ ᱦᱟᱹᱵᱤᱡ ᱯᱩᱨᱟᱹᱯᱩᱨᱤ ᱥᱟᱱᱛᱤ ᱵᱟᱝ ᱨᱩᱣᱟᱹᱲ ᱟᱠᱟᱱᱟ ᱾ ᱩᱱᱤᱭᱟᱜ ᱞᱟᱹᱭ ᱵᱮᱥ ᱠᱤᱪᱷᱩ ᱮᱞᱟᱠᱟ ᱠᱚᱨᱮ ᱱᱤᱛ ᱦᱚᱸ ᱡᱚᱝᱜᱤ ᱦᱟᱢᱞᱟ ᱪᱟᱞᱟᱜ ᱠᱟᱱ ᱜᱮᱭᱟ ᱾ ᱢᱮᱱᱠᱷᱟᱱ ᱯᱚᱱᱚᱛ ᱨᱮ ᱥᱟᱹᱱᱛᱤ ᱨᱩᱣᱟᱹᱲ ᱟᱹᱜᱩᱭ ᱞᱟᱹᱜᱤᱫ ᱥᱟᱱᱟᱢ ᱞᱮᱠᱟᱱ ᱠᱩᱨᱩᱢᱩᱴᱩ ᱪᱟᱞᱟᱣ ᱦᱩᱭᱩᱜ ᱠᱟᱱᱟ ᱾ ᱢᱤᱛ ᱚᱠᱛᱚ ᱟᱸᱡᱚᱢᱚᱜ ᱠᱟᱱ ᱛᱟᱦᱮᱱᱟ ᱡᱮ ᱵᱟᱝᱢᱟ ᱡᱚᱢᱢᱩ ᱠᱟᱥᱢᱤᱨ ᱨᱮᱭᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮᱫ “ᱠᱟᱥᱥᱚᱵᱽ” ᱫᱚᱦᱚ ᱦᱩᱭᱩᱜᱼᱟ ᱾ ᱟᱨ ᱚᱱᱟ ᱤᱫᱤ ᱠᱟᱛᱮᱫ ᱳᱢᱚᱨ ᱟᱵᱽᱫᱩᱞᱞᱟᱣᱟᱜ ᱞᱟᱹᱭ ᱚᱱᱟ ᱫᱚ ᱡᱚᱛᱚ ᱜᱩᱡᱚᱵᱽ ᱠᱟᱱᱟ ᱾ ᱡᱚᱢᱢᱩ ᱠᱟᱥᱢᱤᱨ ᱨᱮᱭᱟᱜ ᱧᱩᱛᱩᱢ ᱵᱚᱫᱚᱞ ᱤᱫᱤ ᱠᱟᱛᱮᱫ ᱡᱚᱫᱤ ᱡᱟᱦᱟᱱ ᱯᱨᱚᱥᱛᱟᱵᱽ ᱟᱹᱜᱩ ᱦᱩᱭ ᱞᱮᱱᱠᱷᱟᱱ, ᱚᱱᱟ ᱫᱚ ᱡᱚᱛᱚ ᱠᱷᱚᱱ ᱞᱟᱦᱟ ᱨᱮ ᱯᱚᱱᱚᱛ ᱥᱚᱨᱠᱟᱨ ᱥᱟᱞᱟᱜ ᱜᱟᱯᱟᱞᱢᱟᱨᱟᱣ ᱞᱟᱹᱠᱛᱤ ᱠᱟᱱᱟ ᱾ ᱛᱚᱵᱮ ᱟᱹᱱᱤᱡ ᱜᱮ ᱯᱚᱱᱚᱛ ᱨᱮᱭᱟᱜ ᱧᱩᱛᱚᱢ ᱵᱚᱫᱚᱞ ᱫᱚ ᱜᱟᱱᱚᱜᱼᱟ᱾
