SHATRUGHAN SINHA MET HEMANT SOREN : ᱡᱷᱟᱲᱠᱷᱚᱸᱰ ᱨᱮ ᱵᱮᱱᱟᱼᱟ ᱥᱤᱱᱮᱢᱟ, ᱥᱤᱨᱟᱹ ᱢᱚᱱᱛᱨᱤ ᱦᱮᱢᱱᱚᱛ ᱥᱚᱨᱮᱱ ᱥᱟᱶᱛᱮ ᱧᱟᱯᱟᱢ ᱮᱱᱟ ᱵᱩᱞᱤᱭᱩᱰ ᱥᱤᱱᱮᱢᱟ ᱡᱚᱜᱚᱛ ᱨᱮᱱ ᱥᱩᱯᱟᱨ ᱥᱴᱟᱨ ᱟᱨ ᱵᱟ ᱛᱨᱤᱱᱚᱢᱩᱞ ᱠᱚᱝᱜᱨᱮᱥ ᱨᱮᱱ ᱥᱟᱝᱥᱚᱫ ᱥᱩᱛᱨᱩᱜᱚᱱ ᱥᱤᱱᱦᱟ (SHATRUGHAN SINHA)᱾ ᱥᱩᱛᱨᱩᱜᱚᱱ ᱥᱤᱱᱦᱟ ᱫᱚ ᱵᱤᱦᱟᱨᱤ ᱵᱟᱵᱩ ᱢᱮᱱᱛᱮ ᱦᱚᱸ ᱩᱯᱨᱩᱢ ᱢᱮᱱᱟᱜ ᱟᱠᱟᱫ ᱛᱟᱣᱟ᱾ ᱟᱡᱟᱜ ᱵᱮᱦᱮᱛᱮᱨᱤᱱ ᱮᱠᱴᱤᱝ ᱠᱷᱟᱹᱛᱤᱨ ᱛᱮ ᱵᱩᱞᱤᱭᱩᱰ ᱤᱱᱰᱟᱥᱴᱨᱤ ᱨᱮ ᱢᱤᱫ ᱡᱟᱱᱮ ᱢᱟᱱᱮ ᱪᱮᱦᱮᱨᱟ ᱠᱟᱱᱟᱭ᱾ ᱡᱟᱹᱨᱩᱢ ᱢᱟᱦᱟ ᱦᱤᱞᱟᱹᱜ ᱵᱤᱦᱟᱨᱤ ᱵᱟᱵᱩ ᱡᱷᱟᱲᱠᱷᱚᱸᱰ ᱪᱟᱞᱟᱳ ᱠᱟᱛᱮᱡ ᱥᱤᱨᱟᱹ ᱢᱚᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ (HEMANT SOREN) ᱥᱟᱶᱛᱮᱭ ᱧᱟᱯᱟᱢ ᱟᱠᱟᱱᱟ, ᱟᱨ ᱩᱱᱠᱤᱱ ᱣᱟᱜ ᱚᱱᱟ ᱧᱟᱯᱟᱢ ᱫᱚ ᱦᱮᱢᱚᱱᱛ ᱥᱚᱨᱮᱱ ᱱᱟᱜ ᱨᱟᱪᱤ ᱨᱮ ᱢᱮᱱᱟᱜ ᱥᱤ ᱮᱢ ᱟᱵᱟᱥ ᱨᱮᱜᱤ ᱦᱩᱭ ᱞᱮᱱ ᱛᱟᱦᱮᱱᱟ᱾ ᱩᱱᱠᱤᱱᱟᱜ ᱚᱱᱟ ᱧᱟᱯᱟᱢ ᱨᱮ ᱡᱷᱟᱲᱠᱷᱚᱸᱰ ᱨᱮ ᱯᱷᱤᱞᱤᱢ ᱥᱩᱴᱤᱝ ᱤᱫᱤ ᱢᱤᱫ ᱞᱟᱢᱵᱤ ᱵᱟᱛᱪᱤᱪ ᱦᱩᱭ ᱟᱠᱟᱱ ᱛᱟᱠᱤᱱᱟ᱾
ᱡᱷᱟᱲᱠᱷᱚᱸᱰ ᱨᱮ ᱵᱮᱱᱟ ᱞᱟᱹᱜᱤᱛ ᱯᱷᱤᱞᱤᱢ
ᱥᱩᱛᱨᱩᱜᱚᱱ ᱥᱤᱱᱦᱟ (SHATRUGHAN SINHA) ᱡᱷᱟᱲᱠᱷᱚᱸᱰ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ ᱥᱟᱣᱛᱮ ᱧᱟᱯᱟᱢ ᱨᱮᱭᱟᱜ ᱠᱷᱚᱵᱚᱨ ᱯᱟᱥᱱᱟᱣ ᱥᱟᱶᱛᱮ ᱪᱟᱨᱪᱟ ᱮᱛᱚᱦᱚᱵ ᱟᱠᱟᱱᱟ ᱡᱮ ᱡᱦᱟᱲᱠᱷᱚᱱ ᱨᱮᱱ ᱠᱟᱞᱟᱠᱟᱨ ᱠᱚ ᱞᱟᱹᱜᱤᱛ ᱢᱤᱫ ᱱᱟᱣᱟ ᱰᱟᱦᱟᱨ ᱩᱰᱩᱠ ᱰᱟᱨᱮᱭᱟᱼᱟ᱾ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱵᱟᱝᱢᱟ ᱥᱤ ᱮᱢ ᱦᱮᱢᱚᱱᱛ ᱥᱚᱨᱮᱱ(HEMANT SOREN) ᱥᱟᱶᱛᱮ ᱥᱩᱛᱨᱩᱜᱚᱱ ᱥᱤᱱᱦᱟ (SHATRUGHAN SINHA) ᱧᱟᱯᱟᱢ ᱛᱟᱭᱚᱢ ᱯᱚᱱᱚᱛ ᱨᱮ ᱵᱮᱱᱟᱼᱟ ᱯᱷᱤᱞᱤᱢ ᱟᱨ ᱟᱹᱰᱤ ᱞᱚᱜᱚᱱ ᱥᱩᱴᱤᱝ ᱠᱟᱹᱢᱤ ᱦᱚᱨᱟ ᱦᱚᱸ ᱮᱛᱚᱦᱚᱵ ᱦᱩᱭᱩᱜᱼᱟ ᱢᱮᱱᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ᱾
ᱯᱷᱤᱞᱤᱢ ᱫᱩᱱᱤᱭᱟᱹ ᱨᱮ ᱢᱤᱫ ᱥᱚᱯᱷᱚᱞ ᱚᱵᱷᱤᱱᱮᱴᱟ ᱠᱟᱱᱟᱭ ᱥᱩᱛᱨᱩᱜᱚᱱ ᱥᱤᱱᱦᱟ
ᱵᱩᱞᱤᱭᱩᱰ ᱨᱮᱭᱟᱜ ᱯᱷᱤᱞᱤᱢ ᱤᱱᱰᱟᱥᱴᱨᱤ ᱨᱮ ᱢᱤᱫ ᱥᱚᱯᱷᱚᱞ ᱚᱵᱷᱤᱱᱮᱴᱟ ᱠᱟᱱᱟᱭ ᱵᱤᱦᱟᱨᱤ ᱵᱟᱵᱩ᱾ ᱥᱩᱛᱨᱩᱜᱚᱱ ᱥᱤᱱᱦᱟ ᱣᱟᱜ ᱯᱷᱤᱞᱤᱢ ᱨᱮᱭᱟᱜ ᱰᱟᱭᱞᱚᱠ ᱱᱤᱛ ᱦᱚᱸ ᱦᱚᱲ ᱠᱚ ᱛᱟᱞᱟ ᱨᱮ ᱜᱷᱳᱨᱞᱟᱶ ᱵᱟᱲᱟᱭᱟ᱾ ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱵᱩᱞᱤᱭᱩᱰ ᱨᱮ ᱦᱤᱱᱫᱤ ᱥᱤᱱᱮᱢᱟ ᱨᱮᱭᱟᱜ ᱥᱩᱴᱤᱝ ᱡᱮᱞᱮᱠᱟ ᱦᱩᱭᱩᱜ ᱠᱟᱱᱟ ᱴᱷᱤᱠ ᱚᱱᱠᱟ ᱜᱮ ᱡᱷᱟᱲᱠᱷᱚᱸᱰ ᱨᱮᱦᱚᱸ ᱥᱟᱱᱛᱟᱞᱤ ᱯᱷᱤᱞᱤᱢ ᱟᱨ ᱮᱞᱵᱟᱢ ᱠᱚᱨᱮ ᱱᱟᱜ ᱥᱩᱴᱤᱜ ᱦᱩᱭᱩᱜ ᱠᱟᱱ ᱛᱮ ᱡᱷᱟᱲᱠᱷᱚᱸᱰ ᱫᱚ ᱡᱷᱩᱞᱤᱭᱩᱰ ᱧᱩᱛᱩᱢ ᱛᱮᱦᱚᱸ ᱠᱚ ᱩᱯᱨᱩᱢᱼᱟ᱾
