SUPREME COURT ON SSC SCAM : ᱪᱟᱵᱵᱤᱥ ᱦᱟᱡᱟᱨ ᱪᱟᱠᱨᱤ ᱵᱟᱛᱤᱞ ᱢᱟᱢᱞᱟ ᱨᱮ ᱥᱩᱯᱨᱤᱢ ᱠᱳᱨᱴ ᱨᱮ ᱱᱟᱣᱟ ᱛᱮ ᱟᱵᱮᱫᱚᱱ ᱞᱮᱫᱟ ᱯᱚᱥᱪᱤᱢ ᱵᱟᱝᱞᱟ ᱢᱚᱫᱷᱚ ᱥᱤᱠᱠᱷᱟ ᱯᱚᱨᱥᱚᱫ᱾ ᱥᱩᱯᱨᱤᱢ ᱠᱳᱨᱴ ᱭᱟᱜ ᱨᱟᱭ ᱛᱮ ᱡᱟᱦᱟᱭ ᱢᱟᱪᱮᱫ ᱠᱚ ᱪᱟᱠᱨᱤ ᱠᱚ ᱟᱫ ᱞᱮᱫ ᱛᱟᱦᱮᱱᱟ ᱩᱱᱠᱚ ᱡᱟᱛᱮ ᱟᱯᱟᱛᱚᱛᱚ ᱠᱟᱹᱢᱤ ᱨᱮᱠᱚ ᱪᱟᱞᱟᱣ ᱫᱟᱲᱮᱼᱟᱜ ᱚᱱᱟ ᱠᱷᱟᱹᱛᱤᱨ ᱛᱮ ᱠᱳᱨᱴ ᱨᱮ ᱟᱵᱮᱫᱚᱱ ᱞᱮᱫᱟ ᱯᱚᱨᱥᱚᱫ᱾ ᱯᱚᱨᱥᱚᱫ ᱭᱟᱜ ᱚᱱᱟ ᱟᱵᱮᱫᱚᱱ ᱨᱮ ᱥᱟᱨᱟᱭ ᱮᱢ ᱠᱮᱫᱟ ᱥᱩᱯᱨᱤᱢ ᱠᱳᱨᱴ, ᱡᱟᱦᱟᱭ ᱚᱡᱚᱜᱜᱚ ᱵᱟᱝ ᱠᱟᱱᱟ ᱠᱚ ᱩᱱ ᱠᱚ ᱟᱯᱟᱛᱚᱛᱚ ᱠᱟᱹᱢᱤ ᱨᱮ ᱪᱟᱞᱟᱠ ᱨᱮᱭᱟᱜ ᱱᱤᱨᱫᱮᱥ ᱮ ᱮᱢᱟᱜ ᱠᱚᱣᱟ ᱥᱩᱯᱨᱤᱢ ᱠᱳᱨᱴ᱾
ᱛᱚᱵᱮ (Group D) (Group C) ᱨᱮᱱ ᱠᱟᱹᱢᱤᱭᱟ ᱠᱚ ᱞᱟᱹᱜᱤᱛ ᱛᱮ ᱞᱟᱦᱟ ᱨᱮᱭᱟᱜ ᱱᱤᱨᱫᱮᱥ ᱜᱮ ᱵᱚᱦᱟᱞ ᱮ ᱫᱚᱦᱚ ᱠᱮᱫᱟ ᱫᱤᱥᱚᱢ ᱨᱮᱭᱟᱜ ᱢᱟᱨᱟᱝ ᱟᱫᱟᱞᱚᱛ᱾ ᱥᱩᱯᱨᱤᱢ ᱠᱳᱨᱴ ᱟᱜ ᱞᱟᱹᱭ (Group D) (Group C) ᱱᱤᱭᱚᱜ ᱨᱮ ᱟᱹᱰᱤ ᱜᱟᱱ ᱟᱹᱰᱤ ᱜᱟᱱ ᱚᱵᱚᱭᱫᱚ ᱜᱮᱭᱟ ᱢᱮᱱᱛᱮᱭ ᱞᱟᱹᱭ ᱟᱠᱟᱫᱟ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱠᱟᱹᱢᱤ ᱨᱮ ᱨᱩᱣᱟᱹᱨ ᱨᱮᱭᱟᱜ ᱱᱤᱨᱫᱮᱥ ᱵᱟᱝᱼᱮᱢ ᱟᱠᱟᱫ ᱠᱚᱣᱟ ᱥᱩᱯᱨᱤᱢ ᱠᱳᱨᱴ᱾
ᱟᱨᱦᱚᱸ ᱧᱮᱞ ᱛᱟᱵᱩᱱ ᱯᱮ
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱯᱟᱨᱚᱢᱮᱱ ᱓ ᱮᱯᱨᱤᱞ ᱪᱟᱵᱵᱤᱥ ᱦᱟᱡᱟᱨ ᱪᱟᱠᱨᱤ ᱵᱟᱛᱤᱞ ᱨᱮᱭᱟᱜ ᱱᱤᱨᱫᱮᱥ ᱮ ᱮᱢ ᱞᱮᱫ ᱛᱟᱦᱮᱱᱟ ᱥᱩᱯᱨᱤᱢ ᱠᱳᱨᱴ᱾ ᱫᱩᱨᱱᱤᱛᱤ ᱨᱮᱭᱟᱜ ᱚᱵᱷᱤᱡᱚᱜ ᱠᱷᱟᱹᱛᱤᱨ ᱒᱐᱑᱖ ᱥᱟᱦᱤᱛ ᱨᱮᱭᱟᱜ ᱯᱩᱨᱟᱹ ᱮᱥ ᱮᱥ ᱥᱤ ᱯᱮᱱᱮᱞ ᱜᱮ ᱵᱟᱛᱤᱞ ᱞᱮᱫ ᱛᱟᱷᱮᱱᱟ ᱫᱤᱥᱟᱹᱢ ᱨᱮᱭᱟᱜ ᱢᱟᱨᱟᱝ ᱟᱫᱟᱞᱚᱫ᱾ ᱛᱚᱵᱮ ᱠᱩᱠᱞᱤ ᱨᱟᱠᱟᱵ ᱦᱟᱡᱩᱠ ᱠᱟᱱᱟ ᱡᱮ ᱢᱤᱫ ᱥᱟᱶᱛᱮ ᱚᱱᱟᱹᱜ ᱦᱚᱨᱼᱟᱜ ᱪᱟᱠᱨᱤ ᱪᱟᱞᱟᱶ ᱞᱮᱱ ᱠᱷᱟᱡ ᱨᱟᱡᱡᱚ ᱨᱮᱭᱟᱜ ᱥᱤᱠᱠᱷᱟ ᱵᱮᱵᱚᱥᱛᱷᱟ ᱨᱮ ᱮᱥᱮᱨ ᱯᱟᱨᱟᱶᱼᱟ᱾ ᱤᱥᱠᱩᱞ ᱨᱮᱱ ᱢᱟᱪᱮᱫ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱡ ᱚᱥᱤᱠᱠᱷᱚᱠ ᱠᱟᱹᱢᱤᱭᱟᱹ ᱠᱚ ᱵᱟᱝ ᱠᱚ ᱛᱟᱦᱮ ᱞᱮᱱ ᱠᱷᱟᱡ ᱤᱥᱠᱩᱞ ᱪᱟᱞᱟᱶ ᱜᱮ ᱢᱚᱥᱠᱤᱞ ᱦᱩᱭ ᱩᱛᱟᱹᱨ ᱨᱚᱠ ᱟᱷ ᱢᱮᱱᱛᱮ ᱰᱟᱵᱤ ᱫᱚᱦᱚ ᱞᱮᱫᱟ ᱯᱚᱨᱥᱚᱫ᱾ ᱚᱱᱟ ᱛᱟᱭᱚᱢ ᱜᱮ ᱚᱱᱟ ᱮᱴᱠᱮᱴᱚᱲᱮ ᱨᱮᱭᱟᱜ ᱠᱷᱟᱛᱟ ᱠᱚ ᱩᱞᱞᱮᱠ ᱠᱟᱛᱮᱡ ᱥᱩᱯᱨᱤᱢ ᱠᱳᱨᱴ ᱨᱮ ᱫᱚᱲᱦᱟ ᱛᱮ ᱟᱵᱮᱫᱚᱱ ᱞᱮᱫᱟ ᱢᱚᱫᱫᱷᱚ ᱥᱤᱠᱠᱷᱟ ᱯᱚᱨᱥᱚᱫ᱾ ᱟᱨ ᱚᱱᱟ ᱢᱟᱢᱞᱟ ᱨᱮᱭᱟᱜ ᱥᱩᱱᱟᱱᱤ ᱨᱮᱜᱤ ᱡᱟᱦᱟᱭ ᱡᱚᱜᱜᱚ ᱢᱮᱱᱟᱜ ᱟᱠᱟᱫ ᱠᱚᱣᱟ ᱩᱱᱠᱚ ᱟᱨᱦᱚᱸ ᱓᱑ ᱰᱤᱥᱮᱢᱵᱚᱨ ᱦᱟᱵᱤᱛ ᱤᱥᱠᱩᱞ ᱨᱮ ᱪᱟᱞᱟᱜ ᱨᱮᱭᱟᱜ ᱱᱤᱨᱫᱮᱥ ᱮ ᱮᱢ ᱟᱠᱟᱫ ᱠᱚᱣᱟ᱾
