THE STRUGGLE OF A TRIBAL WOMAN : ᱤᱱᱡ ᱜᱮ ᱛᱚᱨᱞᱟᱹ ᱥᱟᱱᱟᱢ ᱠᱟᱹᱢᱤ ᱜᱮᱡ ᱜᱟᱱᱼᱟ, ᱟᱨ ᱚᱱᱟ ᱜᱮ ᱯᱨᱚᱢᱟᱱ ᱠᱟᱛᱮᱡ ᱮ ᱩᱫᱩᱠ ᱠᱮᱫᱟ ᱟᱹᱫᱤᱵᱟᱹᱥᱤ ᱛᱚᱨᱞᱟᱹ ᱞᱚᱛᱤᱠᱟ ᱢᱩᱨᱢᱩ (LATIKA MURMU)᱾ ᱚᱲᱟᱜ ᱯᱩᱨᱩᱞᱤᱭᱟ ᱡᱮᱞᱞᱟ ᱥᱩᱥᱩᱱᱤᱭᱟ ᱯᱟᱦᱟᱲ ᱨᱮᱭᱟᱜ ᱡᱩᱜᱚᱱᱛᱷᱚᱞ ᱟᱹᱛᱩ ᱨᱮ᱾ ᱱᱟᱦᱟᱜ ᱚᱠᱛᱚ ᱨᱮ ᱴᱚᱴᱚ ᱪᱟᱞᱟᱣ ᱠᱟᱛᱮᱡ ᱱᱤᱡᱟᱹ ᱴᱮ ᱠᱟᱹᱶᱰᱤ ᱨᱚᱡᱜᱟᱨ ᱠᱟᱛᱮᱡ ᱦᱟᱨᱟ ᱵᱩᱨᱩ ᱠᱮᱫ ᱠᱤᱱᱟᱭ ᱥᱩᱥᱩᱱᱤᱭᱟ ᱦᱟᱭ ᱥᱠᱩᱞ ᱨᱮ ᱯᱟᱲᱦᱟᱣ ᱠᱟᱱ ᱵᱟᱨᱭᱟ ᱜᱤᱫᱨᱟ
ᱡᱩᱜᱚᱱᱛᱷᱚᱞ ᱨᱮᱱ ᱞᱚᱛᱤᱠᱟ ᱢᱩᱨᱢᱩ (LATIKA MURMU) ᱣᱟᱜ ᱡᱤᱭᱟᱹᱱ ᱠᱟᱛᱷᱟ ᱟᱡᱚᱢ ᱞᱮᱠᱟᱱ ᱢᱚᱱᱮ ᱡᱤᱭᱤ ᱠᱟᱦᱤᱥ ᱩᱛᱟᱹᱨ ᱨᱚᱠᱼᱟ᱾ ᱚᱞᱚᱜ ᱯᱟᱨᱦᱟᱣ ᱨᱮᱭᱟᱜ ᱟᱹᱰᱤ ᱤᱪᱪᱟᱹ ᱛᱟᱦᱮ ᱠᱟᱱ ᱨᱮᱦᱚᱸ ᱠᱟᱹᱣᱰᱤ ᱚᱵᱷᱟᱵ ᱠᱷᱟᱹᱛᱤᱨ ᱛᱮ ᱵᱟᱝ ᱦᱩᱭ ᱟᱠᱟᱱ ᱛᱟᱣᱟ ᱚᱞᱚᱜ ᱯᱟᱨᱦᱟᱣ᱾
ᱚᱞᱚᱜ ᱯᱟᱨᱦᱟᱣ ᱵᱟᱝ ᱦᱩᱭ ᱞᱮᱱ ᱛᱮ ᱠᱤᱷᱩ ᱫᱤᱱ ᱛᱟᱭᱚᱢ ᱜᱮ ᱵᱟᱯᱞᱟ ᱦᱩᱭ ᱞᱮᱱ ᱛᱟᱣᱟ ᱯᱟᱥᱮᱨ ᱟᱛᱩ ᱨᱮᱜᱤ᱾ ᱢᱮᱱᱠᱷᱟᱱ ᱚᱱᱟ ᱵᱟᱯᱞᱟ ᱡᱟᱥᱛᱤ ᱫᱤᱱ ᱵᱟᱝ ᱴᱤᱠᱟᱹᱣ ᱞᱮᱱ ᱛᱟᱣᱟ᱾ ᱵᱟᱨᱭᱟ ᱜᱤᱫᱨᱟ ᱟᱛᱮ ᱯᱮ ᱥᱮᱨᱢᱟ ᱞᱟᱦᱟ ᱠᱷᱚᱱ ᱡᱚᱫᱟᱹ ᱨᱮᱭ ᱛᱟᱦᱮᱱ ᱠᱟᱱᱟ ᱞᱚᱛᱤᱠᱟ ᱢᱩᱨᱢᱩ᱾ ᱡᱤᱭᱟᱹᱱ ᱨᱮᱭᱟᱜ ᱥᱚᱝᱜᱨᱟᱢ ᱨᱮ ᱵᱟᱱᱪᱟᱣ ᱛᱟᱦᱮᱱ ᱞᱟᱹᱜᱤᱛ ᱵᱮᱥ ᱠᱤᱪᱷᱩ ᱫᱤᱱ ᱨᱟᱡᱢᱤᱥᱴᱨᱤ ᱨᱮ ᱦᱮᱞᱯᱟᱨ ᱨᱮᱭᱟᱜ ᱦᱚᱭ ᱠᱟᱹᱢᱤ ᱞᱮᱫ ᱛᱟᱦᱮᱱᱟ᱾ ᱢᱮᱱᱠᱷᱟᱱ ᱛᱟᱭᱚᱢ ᱫᱟᱨᱟᱢ ᱯᱟᱨᱚᱢᱮᱱ ᱥᱮᱨᱢᱟ ᱠᱷᱚᱱ ᱢᱤᱫ ᱴᱚᱴᱚ ᱠᱤᱨᱤᱡ ᱠᱟᱛᱮᱡ ᱱᱤᱡᱟᱹ ᱜᱮ ᱪᱟᱞᱟᱣ ᱮᱫ ᱠᱟᱱ ᱛᱟᱦᱮᱱᱟ, ᱟᱨ ᱟᱡᱟᱜ ᱡᱤᱭᱟᱹᱱ ᱡᱤᱵᱤᱠᱟᱣ ᱠᱷᱟᱱᱰᱟᱣ ᱮᱫ ᱛᱟᱦᱮᱱᱟ᱾
ᱢᱤᱫ ᱞᱟᱠ ᱓᱖ ᱦᱟᱡᱟᱨ ᱴᱟᱠᱟ ᱨᱮᱭᱟᱜ ᱨᱤᱱ ᱦᱟᱛᱟᱣ ᱠᱟᱛᱮᱡ ᱵᱟᱨᱭᱟ ᱜᱤᱫᱨᱟᱹ ᱟᱛᱮ ᱟᱯᱟᱛ ᱚᱨᱟᱜ ᱨᱮᱭ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ᱞᱚᱛᱤᱠᱟ ᱢᱩᱨᱢᱩ᱾ ᱟᱯᱟᱫ ᱚᱨᱟᱜ ᱮ ᱛᱟᱦᱮ ᱠᱟᱛᱮᱡ ᱵᱟᱨᱭᱟ ᱜᱤᱫᱨᱟᱹᱼᱟᱜ ᱚᱞᱚᱜ ᱯᱟᱨᱦᱟᱣ ᱨᱮᱭᱟᱜ ᱠᱷᱚᱨᱚᱡ,ᱴᱚᱴᱚ ᱨᱮᱭᱟᱜ ᱨᱤᱱ ᱥᱚᱛ ᱟᱨ ᱚᱨᱟᱜ ᱵᱷᱟᱲᱟ ᱥᱟᱱᱟᱢ ᱠᱷᱚᱡ ᱮᱢ ᱨᱮᱭᱟᱜ ᱫᱷᱟᱭᱵᱷᱟᱨ ᱞᱚᱛᱤᱠᱟ ᱴᱷᱮᱱ ᱜᱮ ᱢᱮᱱᱟᱜ ᱟᱠᱟᱫᱟ᱾ ᱚᱨᱟᱜ ᱠᱤᱪᱷᱩ ᱨᱮᱭᱟᱜ ᱰᱷᱟᱭᱵᱷᱟᱨ ᱮᱠᱞᱟ ᱟᱡ ᱴᱷᱮᱱ ᱜᱮ ᱢᱮᱱᱟᱜ ᱨᱮᱦᱚᱸ ᱡᱤᱭᱟᱹᱱ ᱨᱮᱭᱟᱜ ᱞᱟᱹᱨᱦᱟᱭ ᱨᱮ ᱦᱟᱨ ᱵᱟᱝᱮ ᱢᱟᱱᱟᱶ ᱟᱠᱟᱫᱟ ᱞᱚᱛᱤᱠᱟ ᱢᱩᱨᱢᱩ(LATIKA MURMU)᱾
ᱛᱮᱦᱮᱱᱡ (INTERNATIONAL WOMEN’S DAY) ᱜᱚᱴᱟ ᱫᱷᱟᱨᱛᱤ ᱡᱟᱠᱟᱛ ᱨᱮᱜᱤ ᱡᱮᱜᱮᱛᱟᱨᱤ ᱛᱤᱨᱞᱟᱹ ᱢᱟᱦᱟ ᱠᱚ ᱢᱟᱱᱟᱣ ᱮᱫᱟ᱾ ᱟᱨ ᱛᱮᱦᱮᱱᱡ ᱞᱮᱠᱟᱱ ᱫᱤᱱ ᱨᱮ ᱥᱟᱱᱟᱢ ᱛᱤᱨᱞᱟᱹ ᱠᱚᱜᱮ ,ᱟᱢ ᱥᱟᱨᱦᱟᱣ ᱪᱟᱞ ᱦᱩᱭᱩᱜ ᱠᱟᱱᱟ᱾
