TRIBALS PROTEST DEMANDING SEPARATE RELIGIOUS CODE : ᱥᱤᱧᱚᱛ ᱫᱤᱥᱚᱢ (INDIA) ᱨᱮᱱ ᱟᱹᱫᱤᱵᱟᱹᱥᱤ ᱦᱚᱲ ᱫᱚ ᱫᱷᱚᱨᱚᱢ ᱪᱳᱰ (Religion Code) ᱧᱟᱢ ᱞᱟᱹᱜᱤᱫ ᱟᱹᱰᱤ ᱫᱤᱱ ᱠᱷᱚᱱ ᱠᱚ ᱠᱩᱨᱩ ᱢᱩᱴᱩ ᱮᱫ ᱠᱟᱱᱟ, ᱢᱮᱱᱠᱷᱟᱱ ᱱᱤᱛ ᱦᱟᱹᱵᱤᱫ ᱫᱷᱚᱨᱚᱢ ᱪᱳᱰ (Religion Code) ᱵᱟᱝ ᱠᱚ ᱧᱟᱢ ᱟᱠᱟᱫᱟ ᱾ ᱫᱷᱚᱨᱚᱢ ᱠᱳᱰ ᱨᱮᱭᱟᱜ ᱫᱟᱹᱵᱤ ᱥᱟᱢᱟᱝ ᱨᱮ ᱫᱚᱦᱚ ᱠᱟᱛᱮ, ᱯᱟᱨᱚᱢᱮᱱ ᱒᱘/᱐᱒/᱒᱐᱒᱕ ᱛᱟᱹᱨᱤᱠ ᱨᱮ ᱢᱤᱫ ᱢᱟᱨᱟᱝ ᱫᱷᱚᱨᱚᱱᱟ ᱠᱟᱹᱢᱤ ᱦᱚᱨᱟ ᱠᱚ ᱠᱚᱨᱟᱣ ᱠᱮᱫᱟ, ᱡᱟᱦᱟ ᱨᱮᱫᱚ ᱥᱟᱭᱼᱜᱮ ᱥᱟᱭ ᱦᱚᱲ ᱥᱮᱴᱮᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱦᱚᱲᱟᱜ ᱫᱟᱹᱵᱤ ᱟᱹᱫᱤᱵᱟᱹᱥᱤ ᱦᱚᱲ ᱫᱷᱚᱨᱚᱢ ᱠᱚᱞᱚᱢ ᱠᱳᱰ ᱮᱢᱟ ᱠᱚ ᱦᱩᱭᱩᱜᱼᱟ ᱾ ᱟᱨ ᱚᱱᱟ ᱵᱮᱜᱷᱟᱨ ᱛᱮ ᱫᱷᱚᱨᱚᱢ ᱠᱳᱰ ᱧᱟᱢ ᱞᱟᱹᱜᱤᱛ ᱛᱮ ᱫᱮᱞᱞᱤ ᱨᱮᱭᱟᱜ ᱡᱚᱱᱛᱚᱨᱼᱢᱚᱱᱛᱚᱨ ᱨᱮ ᱢᱤᱰ ᱢᱟᱦᱟ ᱨᱮᱭᱟᱜ ᱨᱮᱦᱮᱲᱟ ᱨᱮᱠᱚ ᱫᱷᱩᱨᱩᱵᱽ ᱞᱮᱱᱟ ᱵᱷᱟᱨᱚᱛ ᱫᱤᱥᱟᱹᱢ ᱨᱮᱭᱟᱜ ᱟᱭᱢᱟ ᱴᱚᱛᱷᱟ ᱠᱷᱚᱱ ᱥᱮᱴᱮᱨ ᱟᱠᱟᱱ ᱟᱭᱢᱟ ᱟᱹᱫᱤᱵᱟᱹᱥᱤ ᱠᱚ᱾
ᱵᱷᱮᱜᱟᱨᱼᱵᱷᱮᱜᱟᱨ ᱯᱚᱱᱚᱛ ᱠᱷᱚᱱ ᱟᱹᱫᱤᱵᱟᱹᱥᱤ ᱦᱚᱲ ᱟᱠᱚᱣᱟᱜ ᱡᱩᱫᱟᱹᱼᱡᱩᱫᱟᱹ ᱫᱷᱚᱨᱚᱢ ᱨᱮᱭᱟᱜ ᱠᱟᱛᱷᱟ ᱠᱚ ᱨᱟᱠᱟᱵ ᱞᱮᱫ ᱨᱮᱦᱚᱸ ᱛᱟᱭᱚᱢ ᱛᱮ ᱜᱟᱞᱚᱪ ᱛᱟᱞᱟ ᱛᱮ , ᱟᱹᱫᱤᱵᱟᱹ,ᱥᱤ ᱫᱷᱚᱨᱚᱢ ᱠᱳᱰ ᱦᱚᱲ ᱪᱮᱠᱟᱛᱮᱠᱚ ᱧᱟᱢᱟ ᱚᱱᱟ ᱥᱮᱫ ᱠᱚ ᱜᱟᱞᱢᱟᱨᱟᱣ ᱞᱮᱫᱟ ᱾ ᱚᱱᱟ ᱴᱷᱟᱣ ᱨᱮᱫᱚ ᱵᱟᱝᱜᱟᱞ, ᱵᱤᱦᱟᱨ , ᱡᱷᱟᱨᱠᱷᱚᱸᱰ, ᱟᱥᱟᱢ , ᱥᱟᱣ ᱛᱮ ᱟᱨ ᱦᱚᱸ ᱵᱷᱮᱜᱟᱨ ᱯᱚᱱᱚᱛ ᱠᱷᱚᱱ ᱦᱚᱲ ᱠᱚ ᱥᱮᱴᱮᱨ ᱞᱮᱱᱟ ᱿
ᱡᱚᱱᱛᱚᱨ ᱢᱚᱱᱛᱚᱨ (JANTAR MANTAR) ᱨᱮᱫᱚ ᱠᱷᱟᱹᱞᱤ ᱠᱚᱲᱟ ᱦᱚᱯᱚᱱ ᱫᱚ ᱵᱟᱝ ᱫᱷᱚᱨᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱥᱮ ᱫᱷᱚᱨᱚᱢ ᱠᱳᱰ ᱧᱟᱢ ᱞᱟᱹᱜᱤᱫ ᱛᱤᱨᱞᱟᱹ ᱦᱚᱠᱚ ᱥᱮᱴᱮᱨ ᱞᱮᱱᱟ ᱾ ᱡᱟᱦᱟ ᱛᱤᱱᱟᱜ ᱦᱚᱲ ᱚᱱᱟ ᱴᱷᱟᱣ ᱨᱮᱠᱚ ᱥᱮᱴᱮᱨ ᱞᱮᱱᱟ ᱥᱟᱱᱟᱢ ᱦᱚᱲᱟᱜ ᱢᱤᱫ ᱫᱟᱹᱵᱤ, ᱠᱮᱱᱫᱨᱚ ᱥᱟᱨᱠᱟᱨ ᱫᱷᱚᱨᱚᱢ ᱠᱳᱰ ᱮᱢᱚᱜ ᱦᱩᱭᱩᱜ ᱛᱟᱭᱟ ᱾
ᱫᱤᱞᱞᱤ ᱨᱮᱭᱟᱜ ᱡᱚᱱᱛᱚᱱ ᱢᱚᱱᱛᱚᱨ (JANTAR MANTAR) ᱫᱷᱚᱨᱱᱟ ᱨᱮ ᱵᱟᱵᱟ ᱠᱚ ᱥᱟᱣ ᱜᱚᱜᱚ ᱛᱟᱠᱚ ᱦᱚᱸ ᱯᱟᱹᱣᱨᱤ ᱠᱚ ᱞᱟᱦᱟ ᱟᱠᱟᱫ ᱛᱮ, ᱱᱚᱣᱟ ᱞᱟᱨᱦᱟᱹᱭ ᱨᱮ ᱫᱷᱚᱨᱚᱢ ᱠᱳᱰ ᱠᱚ ᱞᱟᱹᱨᱦᱟᱹᱭ ᱟᱹᱜᱩᱭ ᱜᱮᱭᱟ᱾ ᱱᱚᱣᱟ ᱠᱟᱛᱷᱟ ᱠᱚ ᱥᱚᱫᱚᱨ ᱠᱮᱫᱟ ᱱᱤᱭᱟᱹ ᱫᱷᱟᱣ ᱛᱟᱞᱢᱟ ᱥᱟᱨᱠᱟᱨ ᱵᱟᱭ ᱟᱸᱜᱚᱪ ᱠᱷᱟᱱ ᱫᱚᱥᱟᱨ ᱫᱷᱟᱣ ᱟᱨ ᱦᱚᱸ ᱡᱟᱹᱥᱛᱤ ᱠᱷᱚᱱ ᱡᱟᱹᱥᱛᱤ ᱦᱚᱲ ᱡᱚᱱᱛᱚᱨ ᱢᱚᱱᱛᱚᱨ ᱨᱮ ᱥᱮᱴᱮᱨ ᱠᱟᱛᱮ ᱦᱩᱞ ᱥᱟᱹᱭ ᱠᱚ ᱠᱚᱨᱟᱣᱟ ᱾
ᱚᱱᱟ ᱫᱷᱚᱨᱱᱟ ᱴᱷᱟᱣ ᱨᱮᱫᱚ ᱟᱹᱫᱤᱵᱟᱹᱤ ᱜᱟᱛᱟᱠ ᱨᱮᱱ ᱡᱟᱦᱟ ᱛᱤᱱᱟᱹᱜ ᱢᱟᱨᱟᱝ ᱱᱮᱛᱟ ᱢᱮᱱᱟᱜ ᱟᱠᱟᱫ ᱠᱚᱣᱟ ᱥᱟᱱᱟᱢ ᱦᱚᱲ ᱠᱚ ᱥᱮᱴᱮᱨ ᱞᱮᱱᱟ ᱾ ᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱠᱟᱛᱷᱟ ᱠᱚ ᱪᱟᱨᱪᱟ ᱞᱮᱫᱟ ᱾
