UKRAINE AGREES TO PEACE DEAL? : ᱤᱭᱩᱠᱨᱮᱱ ᱫᱚ ᱱᱤᱨᱟᱹᱭ ᱥᱚᱦᱢᱚᱛ ᱨᱮᱭ ᱥᱮᱞᱮᱛ ᱮᱱᱟ? ᱯᱷᱨᱟᱱᱥ ᱟᱨ ᱵᱨᱤᱴᱮᱱ ᱨᱮᱱ ᱨᱟᱥᱴᱨᱚᱯᱨᱚᱫᱷᱟᱱ ᱡᱮᱞᱮᱱᱥᱠᱤ ᱥᱟᱶᱛᱮ ᱟᱢᱮᱨᱤᱠᱟ ᱦᱚᱸᱠᱚ ᱥᱮᱱ ᱫᱟᱲᱮᱭᱟᱜᱼᱟ

UKRAINE AGREES TO PEACE DEAL? : ᱥᱟᱡᱚᱨᱤᱠ ᱜᱚᱲᱚ ᱦᱟᱹᱞᱤᱫᱽ ᱥᱟᱶ ᱥᱟᱶᱛᱮ ᱟᱢᱮᱨᱤᱠᱟ ᱨᱮᱱ ᱯᱨᱮᱥᱤᱰᱮᱱᱴ ᱰᱳᱱᱟᱞᱰ ᱴᱨᱟᱢ (DONALD TRUMP) ᱫᱚ ᱤᱭᱩᱠᱨᱮᱱ ᱞᱟᱹᱜᱤᱫ ᱜᱳᱭᱮᱱᱫᱟ ᱠᱚᱣᱟᱜ ᱥᱛᱷᱚᱜᱤᱛ ᱫᱚᱦᱚ ᱟᱠᱟᱫᱟ᱾ ᱱᱚᱶᱟ ᱫᱚ ᱢᱚᱱᱮ ᱦᱩᱭᱩᱜ ᱠᱟᱱᱟ ᱡᱮ, ᱟᱢᱮᱨᱤᱠᱟ ᱫᱚ ᱤᱭᱩᱠᱨᱮᱱ ᱪᱮᱛᱟᱱ ᱨᱮ ᱥᱟᱹᱸᱛᱤᱪᱩᱠᱛᱤ ᱨᱮ ᱪᱟᱯ ᱮᱢ ᱨᱮᱭᱟᱜ ᱠᱚ ᱠᱩᱨᱩᱢᱩᱴᱩ ᱮᱫᱟ᱾ᱤᱭᱩᱠᱨᱮᱱ ᱨᱮᱱ ᱯᱨᱮᱥᱤᱰᱮᱱᱴ ᱵᱷᱳᱞᱫᱤᱢᱤ ᱡᱮᱞᱮᱱᱥᱠᱤ (VOLODYMYR ZELENSKYY) ᱢᱮᱱ ᱠᱮᱫᱟᱭ ᱡᱮ,ᱩᱱᱤ ᱟᱢᱮᱨᱤᱠᱟ ᱥᱟᱶ ᱜᱟᱞᱚᱪ ᱞᱟᱹᱜᱤᱫ ᱥᱟᱯᱲᱟᱣ ᱢᱮᱱᱟᱭᱟ᱾ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱤᱭᱩᱠᱨᱮᱱ ᱥᱟᱹᱢᱩᱝ ᱫᱚ ᱵᱟᱝ, ᱯᱷᱨᱟᱱᱥ ᱟᱨ ᱵᱨᱤᱴᱮᱱ ᱞᱮᱠᱟᱱ ᱨᱟᱥᱴᱨᱚᱯᱨᱚᱫᱷᱟᱱ ᱫᱤᱥᱚᱢ ᱨᱮᱱ ᱥᱚᱦᱚᱫᱽ ᱠᱚ ᱱᱚᱶᱟ ᱠᱟᱹᱢᱤ ᱨᱮ ᱡᱮᱞᱮᱱᱥᱠᱤ ᱥᱟᱶ ᱟᱢᱮᱨᱤᱠᱟ ᱦᱚᱠᱚᱸ ᱥᱮᱱ ᱫᱟᱲᱮᱭᱟᱜ-ᱟ᱾
ᱯᱷᱨᱟᱥᱤ ᱥᱚᱨᱠᱟᱨ ᱠᱷᱚᱱ ᱩᱫᱩᱜ ᱠᱟᱛᱮ AFP ᱨᱮ ᱞᱟᱹᱭ ᱟᱠᱟᱱᱟ ᱡᱮ, ᱯᱷᱨᱟᱱᱥ ᱨᱮᱱ ᱨᱟᱥᱴᱨᱚᱯᱚᱛᱤ ᱮᱢᱟᱱᱩᱭᱮᱞ ᱢᱟᱠᱨᱚᱸ (Emmanuel Macron) ᱟᱨ ᱵᱨᱤᱴᱤᱥ ᱨᱮᱱ ᱯᱨᱮᱥᱤᱰᱮᱱᱴ ᱠᱤᱭᱚᱨ ᱥᱴᱟᱨᱢᱟᱨ (KEIR STARMER)ᱫᱚ ᱴᱨᱟᱢᱯ (TRUMP)ᱥᱟᱶ ᱢᱩᱲᱩᱫ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱣᱟᱥᱤᱝᱴᱚᱱ ᱠᱚ ᱥᱮᱱ ᱫᱟᱲᱮᱭᱟᱜ-ᱟ᱾ ᱩᱱᱠᱩ ᱚᱸᱰᱮ ᱤᱭᱩᱱᱟᱭᱴᱮᱰ ᱤᱭᱳᱨᱳᱯᱤᱭᱟᱱ ᱯᱷᱨᱚᱱᱴ (UNITED POPULAR FRONT) ᱨᱮ ᱥᱮᱞᱮᱫᱚ ᱥᱚᱫᱚᱥᱷᱚ ᱞᱮᱠᱟᱛᱮᱠᱚ ᱛᱟᱦᱮ ᱫᱟᱲᱮᱣᱟᱼᱟ ᱾ ᱢᱮᱱᱠᱷᱟᱱ, ᱢᱤᱴᱤᱝ ᱚᱠᱟᱨᱮ ᱦᱩᱭᱩᱜᱼᱟ ᱚᱱᱟ ᱵᱟᱵᱚᱛ ᱪᱮᱫ ᱦᱚᱸ ᱵᱟᱝ ᱩᱪᱷᱟᱹᱱ ᱟᱠᱟᱱᱟ ᱾ ᱯᱷᱨᱟᱱᱥ ᱫᱚ ᱢᱮᱱ ᱠᱮᱫᱟ ᱡᱩᱫᱤ ᱥᱟᱸᱹᱛᱤᱭᱟᱹᱣ ᱥᱚᱞᱦᱮ ᱥᱩᱦᱤ ᱞᱮᱱᱠᱷᱟᱱ ᱤᱭᱩᱠᱨᱮᱱ ᱨᱮ ᱤᱭᱳᱨᱳᱯ ᱨᱮᱱ ᱥᱤᱯᱟᱹᱦᱤ ᱠᱚ ᱠᱩᱞ ᱨᱮᱱᱟᱜ ᱵᱤᱪᱟᱹᱨ ᱫᱟᱲᱮᱭᱟᱜ-ᱟ᱾
ᱥᱟᱹᱜᱩᱱ ᱧᱤᱫᱟᱹ ᱚᱠᱛᱚ ᱜᱟᱞᱚᱪᱼᱮ ᱡᱚᱠᱷᱮᱱ ᱡᱮᱞᱮᱱᱥᱠᱤ ᱫᱚᱭ ᱢᱮᱱ ᱠᱮᱫᱟ, “ᱤᱭᱩᱠᱨᱮᱱ ᱟᱨ ᱟᱢᱮᱨᱤᱠᱟ – ᱵᱟᱱᱟᱨ ᱯᱟᱦᱴᱟ ᱨᱮᱦᱚᱸ ᱦᱤᱡᱩᱜ ᱠᱟᱱ ᱢᱤᱴᱤᱝ ᱨᱮᱭᱟᱜ ᱥᱟᱯᱲᱟᱣ ᱠᱚ ᱮᱛᱚᱦᱚᱵ ᱟᱠᱟᱱᱟ᱾ ᱱᱚᱶᱟ ᱜᱟᱞᱢᱟᱨᱟᱣ ᱫᱚ ᱟᱹᱰᱤ ᱩᱥᱟᱹᱨᱟ ᱜᱮ ᱪᱟᱞᱟᱜ ᱠᱟᱱᱟ ᱾” ᱱᱚᱶᱟ ᱪᱷᱟᱰᱟ ᱠᱟᱛᱮ ᱤᱭᱩᱠᱨᱮᱱ ᱨᱮᱱ ᱨᱟᱥᱴᱨᱚᱯᱨᱚᱫᱷᱟᱱ ᱫᱚ ᱵᱟᱲᱟᱭ ᱦᱚᱪᱚ ᱠᱮᱫᱟ, ᱥᱟᱹᱨᱫᱤ ᱢᱟᱦᱟ ᱦᱤᱞᱳᱜ ᱤᱭᱩᱨᱚᱯᱤᱭᱟᱱ ᱤᱭᱩᱱᱤᱭᱚᱱ ᱨᱮᱱ ᱵᱨᱟᱥᱮᱞ ᱥᱟᱢᱟᱝ ᱨᱮ ᱦᱚᱸ ᱥᱮᱞᱮᱫᱚᱜ ᱠᱟᱱᱟᱭ ᱾
ᱥᱟᱶᱛᱮ ᱴᱨᱟᱢᱯ ᱫᱚ ᱵᱟᱞᱮ ᱢᱟᱦᱟ ᱦᱤᱞᱳᱜ ᱟᱢᱮᱨᱤᱠᱟ ᱠᱚᱝᱜᱽᱨᱮᱥ ᱚᱫᱷᱤᱵᱷᱤᱥᱚᱱ ᱨᱮ ᱢᱮᱱ ᱠᱮᱫᱟ ᱡᱮ, ᱤᱭᱩᱠᱨᱮᱱ ᱨᱮᱱ ᱯᱨᱮᱥᱤᱰᱮᱱᱴ ᱯᱟᱦᱴᱟ ᱠᱷᱚᱱ ᱢᱤᱫ ᱪᱤᱴᱷᱤ ᱧᱟᱢ ᱠᱮᱫᱟᱭ᱾ ᱚᱱᱟ ᱪᱤᱴᱷᱤ ᱨᱮ ᱡᱮᱞᱮᱱᱥᱠᱤ ᱫᱚ ᱨᱟᱥᱤᱭᱟ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱜᱟᱯᱟᱞᱢᱟᱨᱟᱣ ᱴᱮᱵᱩᱞ ᱨᱮ ᱫᱩᱲᱩᱵ ᱨᱮᱭᱟᱜ ᱢᱚᱱᱮ ᱥᱚᱫᱚᱨ ᱠᱮᱫᱟ᱾ ᱥᱟᱶᱛᱮ ᱚᱛᱮ ᱢᱟᱦᱟ ᱦᱤᱞᱳᱜ ᱟᱢᱮᱨᱤᱠᱟ ᱨᱟᱥᱴᱨᱚᱯᱚᱛᱤ ᱫᱚ ᱤᱭᱩᱠᱨᱮᱱ ᱞᱟᱹᱜᱤᱫ ᱥᱟᱢᱟᱨᱤᱠ ᱜᱚᱲᱚ ᱨᱮᱭᱟᱜ ᱠᱟᱛᱷᱟᱼᱮ ᱜᱚᱴᱟ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱩᱥᱟᱹᱨᱟ ᱜᱮ ᱡᱮᱞᱮᱱᱥᱠᱤ ᱵᱚᱫᱚᱞ ᱮᱱᱟᱭ ᱾ ᱡᱮᱞᱮᱱᱥᱠᱤ ᱫᱚ ᱪᱟᱞᱟᱣᱮᱱ ᱡᱟᱹᱨᱩᱢ ᱢᱟᱦᱟ ᱦᱤᱞᱳᱜ ᱣᱟᱭᱤᱴ ᱦᱟᱣᱩᱥ ᱨᱮᱭᱟᱜ ᱚᱵᱷᱟᱞ ᱚᱯᱷᱤᱥ ᱨᱮ ᱴᱨᱟᱢᱯ ᱥᱟᱶ ᱢᱩᱲᱩᱫ ᱵᱟᱝ ᱛᱟᱦᱮᱸᱱ ᱠᱷᱟᱹᱛᱤᱨ ᱥᱳᱥᱤᱭᱟᱞ ᱢᱮᱰᱤᱭᱟ ᱨᱮ ᱤᱠᱟᱹᱭ ᱠᱷᱚᱡᱚᱜ ᱠᱟᱱᱟ ᱾
ᱴᱨᱟᱢᱯ ᱫᱚ ᱤᱭᱩᱠᱨᱮᱱ-ᱨᱟᱥᱤᱭᱟ ᱞᱟᱹᱲᱦᱟᱹᱭ ᱨᱮ ᱵᱷᱮᱜᱟᱨ ᱫᱷᱟᱯᱼᱮ ᱫᱚᱦᱚ ᱠᱮᱫᱟ᱾ ᱩᱱᱤ ᱫᱚ ᱤᱭᱩᱠᱨᱮᱱ ᱥᱟᱶ ᱨᱟᱥᱤᱭᱟ ᱥᱟᱶ ᱥᱩᱯᱩᱨ ᱨᱮᱭᱟᱜ ᱥᱟᱱᱫᱮᱥ ᱦᱚᱸᱼᱮ ᱮᱢ ᱠᱮᱫᱟ᱾ ᱱᱚᱛᱮ ᱤᱭᱩᱠᱨᱮᱱ ᱨᱮᱱ ᱯᱨᱮᱥᱤᱰᱮᱱᱴ ᱵᱷᱚᱞᱚᱫᱤᱢᱤᱨ ᱡᱮᱞᱮᱱᱥᱠᱤ (VOLODYMYR ZELENSKYY)ᱫᱚ ᱒᱘ ᱯᱷᱮᱵᱽᱨᱟᱨᱤ ᱦᱤᱞᱳᱜ ᱟᱢᱮᱨᱤᱠᱟ ᱥᱟᱶ ᱢᱤᱫ ᱠᱷᱟᱫᱟᱱ ᱥᱚᱦᱚᱫ ᱞᱟᱹᱜᱤᱫ ᱣᱟᱭᱤᱴ ᱦᱟᱣᱩᱥ ᱨᱮ ᱥᱮᱱ ᱠᱟᱛᱮ ᱰᱚᱞᱟᱱᱰ ᱴᱨᱚᱢᱯ (DONALD TRUMP)ᱟᱨ ᱡᱮ ᱰᱤ ᱵᱷᱮᱱᱥ (JD Vance) ᱥᱟᱶ ᱜᱟᱹᱦᱤᱨ ᱨᱚᱯᱚᱲ ᱵᱮᱱᱟᱣ ᱞᱮᱱᱟ᱾ᱤᱭᱩᱠᱨᱮᱱ ᱟᱢᱮᱨᱤᱠᱟ ᱢᱤᱱᱟᱨᱮᱞ ᱰᱤᱞ ᱨᱟᱹᱯᱩᱫ ᱮᱱᱟ ᱾ ᱚᱱᱟ ᱠᱷᱚᱱ ᱵᱟᱨ ᱫᱤᱥᱚᱢ ᱛᱟᱞᱟ ᱨᱮ ᱰᱤᱯᱞᱚᱴᱤᱠ ᱥᱟᱹᱜᱟᱹᱭ ᱫᱚ ᱥᱮᱝᱜᱮᱞ ᱨᱮ ᱢᱮᱱᱟᱜᱼᱟ ᱾ ᱴᱨᱟᱢᱯ ᱫᱚ ᱨᱤᱥᱤᱭᱟ ᱥᱟᱶ ᱞᱟᱹᱲᱦᱟᱹᱭ ᱪᱟᱵᱟ ᱞᱟᱹᱜᱤᱫ ᱤᱭᱩᱠᱨᱮᱱ ᱨᱮ “ᱪᱟᱯ” ᱫᱚᱦᱚ ᱜᱚᱲᱚ ᱠᱟᱛᱮ ᱢᱤ ᱢᱤᱫᱽ ᱥᱚᱦᱚᱫᱽ ᱮᱢ ᱛᱟᱞᱟᱛᱮ ᱦᱟᱹᱯᱤ ᱨᱮᱱᱟᱜᱼᱮ ᱨᱤᱠᱟᱹ ᱟᱠᱟᱫᱟ᱾ ᱢᱮᱱᱠᱷᱟᱱ, ᱱᱚᱶᱟ ᱚᱵᱚᱥᱛᱟ ᱨᱮ ᱤᱭᱩᱠᱨᱮᱱ ᱜᱚᱲᱚ ᱞᱟᱹᱜᱤᱫ ᱤᱭᱳᱨᱳᱯᱤᱭᱟᱱ ᱤᱭᱩᱱᱤᱭᱚᱱ ᱞᱟᱦᱟ ᱥᱮᱱ ᱟᱠᱟᱱᱟ ᱾ ᱵᱨᱤᱴᱮᱱ ᱨᱮᱱ ᱯᱨᱚᱫᱷᱟᱱᱢᱚᱱᱛᱨᱤ ᱥᱴᱟᱨᱢᱟᱨ ᱫᱚ ᱱᱤᱛ ᱦᱟᱹᱵᱤᱡ ᱜᱮ ᱨᱟᱥᱤᱭᱟᱹ ᱵᱤᱨᱩᱫᱷ ᱨᱮ ᱞᱟᱹᱲᱦᱟᱹᱭ ᱞᱟᱹᱜᱤᱫᱛᱮ ᱠᱤᱵᱷ ᱫᱚ ᱒.᱘ ᱵᱤᱞᱤᱭᱚᱱ ᱰᱚᱞᱟᱨ ᱨᱤᱱ ᱮᱢ ᱞᱟᱹᱜᱤᱫᱼᱮ ᱜᱚᱴᱟ ᱟᱠᱟᱫᱟ᱾ᱰᱳᱱᱟᱞᱰ ᱴᱨᱟᱢᱯ (DONALD TRUMP) ᱢᱤᱴᱤᱝ ᱵᱟᱹᱜᱤ ᱠᱟᱛᱮ ᱥᱴᱟᱨᱢᱟᱨ (STARMER) ᱡᱮᱞᱮᱱᱥᱠᱤ (ZELENSKYY) ᱜᱩᱝᱜᱩᱫ ᱠᱮᱫᱮᱭᱟᱭ ᱾ ᱩᱱᱤ ᱤᱭᱩᱠᱨᱮᱱ ᱥᱟᱶ ᱛᱤᱸᱜᱩᱱ ᱨᱮᱭᱟᱜ ᱥᱟᱱᱫᱮᱥ ᱦᱚᱸ ᱮᱢ ᱠᱮᱫᱟᱭ ᱾ ᱚᱱᱟ ᱚᱠᱛᱚ ᱨᱮ, ᱤᱭᱳᱨᱳᱯᱤᱭᱟᱱ ᱤᱭᱩᱱᱤᱭᱚᱱ ᱟᱨ ᱟᱢᱮᱨᱤᱠᱟ ᱨᱮᱭᱟᱜ ᱵᱤᱫᱮᱥ ᱯᱚᱞᱤᱥᱤ ᱚᱠᱟ ᱥᱮᱪ ᱢᱚᱦᱰᱟ ᱟᱠᱟᱱᱟ,ᱚᱱᱛᱮ ᱜᱮ ᱡᱮᱜᱮᱛ ᱨᱮᱱ ᱠᱚ ᱵᱮᱸᱜᱮᱛ ᱟᱠᱟᱫᱟ ᱾