ᱡᱚᱢᱤ ᱵᱚᱫᱚᱞ ᱛᱮ ᱨᱮᱹᱞ ᱨᱮ ᱪᱟᱹᱠᱨᱤ ᱮᱢ ᱨᱮᱭᱟᱜ ᱢᱟᱢᱞᱟ ᱪᱟᱞᱟᱜ ᱠᱟᱱᱟ ᱞᱟᱞᱩ ᱯᱚᱨᱤᱵᱟᱨ ᱵᱤᱨᱩᱫᱷ ᱨᱮ
ᱚᱱᱟ ᱢᱟᱢᱞᱟ ᱠᱷᱟᱹᱛᱤᱨ ᱜᱮ ᱟᱫᱟᱞᱚᱛ ᱨᱮ ᱦᱟᱡᱤᱨᱟ ᱠᱚ ᱮᱢ ᱠᱮᱫᱟ
ᱞᱟᱞᱩ ᱨᱮᱱ ᱯᱚᱨᱤᱵᱟᱨ ᱢᱤᱫ ᱞᱟᱠ ᱴᱟᱠᱟ ᱨᱮᱭᱟᱜ ᱵᱚᱱᱰ ᱨᱮ ᱡᱟᱢᱤᱱ ᱞᱟᱞᱩ ᱛᱮᱡᱚᱥᱥᱤᱣᱟᱜ
(PAPUL MURMU) Lalu & Tejashwi Yadav in Bihar : ᱡᱚᱢᱤ ᱵᱚᱫᱚᱞ ᱛᱮ ᱨᱮᱹᱞ ᱨᱮ ᱪᱟᱹᱠᱨᱤ ᱮᱢ ᱨᱮᱭᱟᱜ ᱚᱵᱷᱤᱡᱳᱜᱽ ᱛᱟᱦᱮᱸ ᱠᱟᱱᱟ ᱞᱟᱞᱩ ᱭᱟᱫᱟᱵᱟᱜ ᱯᱚᱨᱤᱵᱟᱨ ᱵᱤᱨᱩᱫᱷ ᱨᱮ ᱾ ᱟᱨ ᱚᱱᱟ ᱢᱟᱢᱞᱟ ᱠᱷᱚᱱ ᱡᱟᱢᱤᱱᱮ ᱧᱟᱢ ᱠᱮᱫᱟ ᱵᱤᱦᱟᱨ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱟᱵᱽ ᱾ ᱟᱨ ᱚᱱᱟ ᱢᱤᱫ ᱢᱟᱢᱞᱟ ᱠᱷᱚᱱ ᱜᱮ ᱡᱟᱢᱤᱱ ᱠᱤᱱ ᱧᱟᱢ ᱠᱮᱫᱟ ᱞᱟᱞᱩ ᱭᱟᱫᱟᱵᱽ ᱨᱮᱱ ᱦᱚᱯᱚᱱ ᱛᱮᱡᱚᱥᱥᱤ ᱟᱨ ᱛᱮᱡᱽ ᱯᱨᱚᱛᱟᱯ ᱭᱟᱫᱟᱵᱽ ᱦᱚᱸ ᱾ ᱫᱤᱞᱞᱤ ᱨᱮᱭᱟᱜ ᱨᱟᱣᱩᱥ ᱮᱵᱷᱤᱱᱤᱭᱩ ᱟᱫᱟᱞᱚᱛ ᱨᱮᱱ ᱵᱤᱪᱟᱨᱚᱠ ᱵᱤᱥᱟᱞ ᱜᱚᱜᱽᱱᱮ ᱥᱟᱱᱟᱢ ᱚᱵᱷᱤᱡᱩᱠᱛᱚ ᱠᱚᱣᱟᱜ ᱜᱮ ᱢᱤᱫ ᱞᱟᱠᱷ ᱴᱟᱠᱟ ᱠᱟᱛᱮᱫ ᱵᱮᱠᱛᱤᱜᱚᱛᱚ ᱵᱚᱱᱰ ᱨᱮ ᱡᱟᱢᱤᱱᱮ ᱢᱩᱧᱡᱩᱨ ᱟᱠᱟᱫᱟ ᱾ ᱛᱚᱵᱮ ᱫᱟᱨᱟᱭ ᱠᱟᱱ ᱒᱕ ᱚᱠᱴᱳᱵᱚᱨ ᱨᱮ ᱚᱱᱟ ᱢᱟᱢᱞᱟ ᱨᱮᱭᱟᱜ ᱥᱩᱱᱟᱱᱤ ᱢᱮᱱᱟᱜ ᱟᱠᱟᱫᱟ ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱡᱚᱢᱤ ᱵᱚᱫᱚᱞ ᱛᱮ ᱪᱟᱹᱠᱨᱤ ᱢᱟᱢᱞᱟ ᱨᱮ ᱥᱤ ᱵᱤ ᱟᱭ ᱛᱚᱫᱚᱱᱛᱚ ᱛᱟᱭᱚᱢ ᱚᱠᱚᱭᱦᱚᱸ ᱵᱟᱝᱠᱚ ᱮᱨᱮᱥᱴ ᱟᱠᱟᱫ ᱠᱚᱣᱟ ᱾ ᱢᱮᱱᱠᱷᱟᱱ ᱩᱱᱠᱩ ᱵᱤᱨᱩᱫᱷ ᱨᱮ ᱟᱫᱟᱞᱚᱛ ᱨᱮ ᱡᱚᱢᱟ ᱟᱠᱟᱱ ᱪᱟᱨᱡᱽᱥᱤᱴ ᱧᱮᱞ ᱛᱟᱭᱚᱢ ᱜᱮ ᱵᱤᱪᱟᱨᱚᱠ ᱩᱱᱠᱩ ᱟᱫᱟᱞᱚᱛ ᱨᱮ ᱦᱟᱡᱤᱨᱟ ᱨᱮᱭᱟᱜ ᱟᱸᱫᱮ ᱮᱢᱟᱫ ᱠᱚ ᱛᱟᱦᱮᱱᱟ ᱾ ᱟᱨ ᱚᱱᱟ ᱱᱤᱨᱫᱮᱥ ᱧᱟᱢ ᱛᱟᱭᱚᱢ ᱜᱮ ᱫᱤᱞᱞᱤ ᱨᱮᱭᱟᱜ ᱨᱟᱣᱩᱥ ᱮᱵᱷᱤᱱᱤᱭᱩ ᱟᱫᱟᱞᱚᱛ ᱨᱮ ᱦᱟᱡᱤᱨᱟ ᱠᱚ ᱮᱢ ᱞᱮᱫᱟ ᱞᱟᱞᱩ, ᱛᱮᱡᱚᱥᱥᱤ ᱟᱨ ᱛᱮᱡᱽᱯᱨᱚᱛᱟᱯ ᱭᱟᱫᱟᱵᱽ ᱾
ᱡᱟᱢᱤᱱ ᱛᱟᱭᱚᱢ ᱛᱮᱡᱚᱥᱥᱤ ᱟᱫᱟᱞᱚᱛ ᱴᱚᱴᱷᱟ ᱠᱷᱚᱱ ᱜᱮ ᱵᱤ ᱡᱮ ᱯᱤ ᱟᱨ ᱡᱮ ᱰᱤ ᱤᱭᱩ ᱪᱮᱛᱟᱱ ᱨᱮ ᱠᱟᱛᱷᱟᱭ ᱛᱮᱨᱟᱝ ᱞᱮᱫ ᱛᱟᱦᱮᱱᱟ ᱾ ᱛᱮᱡᱚᱥᱥᱤᱣᱟᱜ ᱢᱮᱱ ᱠᱮᱱᱫᱨᱚ ᱨᱮᱱ ᱥᱟᱛᱛᱟᱫᱷᱟᱨᱤ ᱫᱚᱞ ᱵᱤ ᱡᱮ ᱯᱤ CBI ᱞᱮᱠᱟᱱ ᱥᱚᱝᱥᱛᱷᱟᱣᱟᱜ ᱚᱯᱚᱵᱮᱵᱚᱦᱟᱨᱮ ᱠᱚᱨᱟᱣᱮᱫᱟ ᱾ ᱩᱱᱤᱭᱟᱜ ᱢᱮᱱ ᱟᱨ ᱡᱮ ᱰᱤ ᱨᱮᱱ ᱢᱩᱠᱷᱤᱭᱟᱹ ᱞᱟᱦᱟ ᱚᱠᱛᱚ ᱨᱮ ᱨᱮᱹᱞ ᱢᱚᱱᱛᱨᱤ ᱛᱟᱦᱮᱸ ᱚᱠᱛᱚ ᱨᱮ ᱚᱱᱟ ᱫᱩᱨᱱᱤᱛᱤ ᱦᱩᱭ ᱟᱠᱟᱱᱟ ᱢᱮᱱᱛᱮ ᱚᱵᱷᱤᱡᱳᱜᱽ ᱵᱤᱹᱡᱮᱹᱯᱤᱣᱟᱜ ᱾ ᱒᱐᱐᱔ ᱥᱟᱹᱦᱤᱛ ᱠᱷᱚᱱ ᱒᱐᱐᱙ ᱥᱟᱹᱦᱤᱛ ᱦᱟᱹᱵᱤᱡ ᱛᱮ ᱞᱟᱞᱩ ᱭᱟᱫᱟᱵᱽ ᱨᱮᱞ ᱢᱚᱱᱛᱨᱤ ᱛᱟᱦᱮᱱ ᱚᱠᱛᱚ ᱨᱮ ᱚᱱᱟ ᱫᱩᱨᱱᱤᱛᱤ ᱫᱚ ᱦᱩᱭ ᱞᱮᱱ ᱛᱟᱦᱮᱱᱟ ᱾ ᱵᱤᱦᱟᱨ ᱨᱮᱱ ᱟᱹᱰᱤᱜᱟᱱ ᱡᱩᱣᱟᱹᱱ ᱠᱚ ᱡᱚᱢᱤ ᱟᱨ ᱴᱟᱠᱟ ᱵᱚᱫᱚᱞ ᱛᱮ ᱨᱮᱹᱞ ᱨᱮ ᱪᱟᱹᱠᱨᱤ ᱠᱚ ᱦᱟᱢᱮᱴ ᱞᱮᱫ ᱛᱟᱦᱮᱱᱟ ᱢᱮᱱᱛᱮ ᱚᱵᱷᱤᱡᱳᱜᱽ ᱨᱟᱠᱟᱵ ᱟᱠᱟᱱᱟ ᱾ ED ᱟᱨ CBI ᱵᱟᱱᱟᱨ ᱠᱮᱱᱫᱨᱤᱭᱚ ᱛᱚᱫᱚᱱᱛᱚᱠᱟᱨᱤ ᱥᱚᱝᱥᱛᱷᱟ ᱜᱮ ᱚᱱᱟ ᱢᱟᱢᱞᱟ ᱨᱮᱭᱟᱜ ᱛᱩᱱᱠᱷᱤ ᱠᱚ ᱪᱟᱞᱟᱣᱮᱫᱟ ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱚᱱᱟ ᱢᱟᱢᱞᱟ ᱨᱮ ᱱᱚᱣᱟ ᱞᱟᱦᱟ ᱦᱚᱸ ᱟᱹᱰᱤ ᱟᱭᱭᱟ ᱫᱷᱟᱣ ᱞᱟᱞᱩ ᱟᱨ ᱛᱮᱡᱚᱥᱥᱤ ᱠᱚ ᱡᱮᱨᱟ ᱟᱠᱟᱫ ᱠᱤᱱᱟ ᱾ ᱫᱤᱞᱞᱤ, ᱯᱟᱴᱱᱟ ᱥᱟᱶᱛᱮ ᱫᱤᱥᱚᱢ ᱥᱟᱶᱛᱮ ᱟᱹᱰᱤ ᱟᱭᱢᱟ ᱴᱚᱴᱷᱟ ᱨᱮ ᱛᱩᱱᱠᱤ ᱠᱚ ᱪᱟᱞᱟᱣ ᱟᱠᱟᱫᱟ ᱾ CBI ᱟᱨ ED ᱟᱭᱢᱟ RJD ᱱᱮᱛᱟᱣᱟᱜ ᱚᱲᱟᱜ ᱠᱚᱨᱮ ᱦᱚᱸ ᱛᱩᱱᱠᱷᱤ ᱠᱚ ᱪᱟᱞᱟᱣ ᱟᱠᱟᱫᱟ ᱾
