(PAPUL MURMU) Shanghai Cooperation Organization meeting in Pakistan : ᱵᱟᱨ ᱢᱟᱦᱟ ᱨᱮᱭᱟᱜ ᱯᱟᱠᱤᱥᱛᱷᱟᱱ ᱥᱚᱯᱷᱚᱨ ᱨᱮ ᱢᱮᱱᱟᱭᱟ ᱵᱷᱟᱨᱚᱛ ᱨᱮᱱ ᱵᱤᱫᱮᱹᱥ ᱢᱚᱱᱛᱨᱤ ᱮᱥ ᱡᱚᱭᱥᱚᱝᱠᱚᱨ ᱾ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ Shanghai Cooperation Organisation ᱟᱜ ᱫᱩᱯᱲᱩᱵ ᱨᱮ ᱥᱮᱞᱮᱫ ᱞᱟᱹᱜᱤᱫ ᱜᱮ ᱤᱥᱞᱟᱢᱟᱵᱟᱫᱮ ᱪᱟᱞᱟᱣ ᱟᱠᱟᱱᱟ ᱡᱚᱭᱥᱚᱝᱠᱚᱨ ᱾ ᱢᱚᱫᱽᱫᱷᱚ ᱮᱥᱤᱭᱟ ᱨᱮᱭᱟᱜ ᱟᱹᱰᱤ ᱜᱟᱱ ᱫᱤᱥᱚᱢ ᱥᱟᱶᱛᱮ ᱵᱮᱯᱟᱨ ᱵᱟᱹᱱᱤᱡᱽ ᱟᱨ ᱥᱟᱹᱜᱟᱹᱭ ᱱᱟᱯᱟᱭ ᱞᱟᱹᱜᱤᱫ ᱛᱮ ᱮᱥ ᱥᱤ ᱳᱼᱣᱟᱜ ᱢᱚᱧᱪᱚ ᱨᱮᱭ ᱥᱮᱞᱮᱫᱚᱜᱼᱟ ᱡᱚᱭᱥᱚᱝᱠᱚᱨ ᱾ Shanghai Cooperation Organisation ᱟᱜ ᱢᱚᱧᱪᱚ ᱠᱷᱚᱱ world ᱨᱮᱭᱟᱜ ᱫᱟᱹᱠᱷᱤᱱ ᱯᱟᱥᱴᱟ ᱨᱮ ᱢᱮᱱᱟᱜ ᱟᱠᱟᱫ ᱫᱤᱥᱚᱢ ᱠᱟᱛᱷᱟ ᱦᱚᱸᱭ ᱨᱟᱠᱟᱵᱟ ᱮᱥ ᱡᱚᱭᱥᱚᱝᱠᱚᱨ ᱾ ᱵᱨᱤᱠᱥ ᱞᱮᱠᱟ ᱜᱮ ᱥᱟᱝᱦᱟᱭ ᱠᱚᱨᱯᱳᱨᱮᱥᱚᱱ ᱚᱨᱜᱟᱱᱟᱭᱡᱮᱥᱚᱱ ᱧᱮᱞ ᱨᱮᱭᱟᱜ ᱫᱟᱭᱵᱷᱟᱨ ᱢᱮᱱᱟᱜ ᱟᱠᱟᱫᱟ ᱪᱤᱱ ᱪᱮᱛᱟᱱ ᱜᱮ ᱾ ᱥᱟᱝᱦᱟᱭ ᱠᱚᱨᱯᱳᱨᱮᱥᱚᱱ ᱚᱨᱜᱟᱱᱟᱭᱡᱮᱥᱚᱱ ᱨᱮ ᱢᱮᱱᱟᱜ ᱠᱚᱣᱟ ᱨᱟᱥᱤᱭᱟ, ᱯᱟᱠᱤᱥᱛᱷᱟᱱ, ᱠᱟᱡᱟᱠᱤᱥᱛᱷᱟᱱ, ᱩᱡᱽᱵᱮᱠᱤᱥᱛᱷᱟᱱ, ᱠᱟᱡᱟᱠᱤᱥᱛᱷᱟᱱ ᱞᱮᱠᱟᱱ ᱫᱤᱥᱟᱹᱢ ᱠᱚ ᱾ ᱮᱥ ᱥᱤ ᱳ ᱦᱚᱛᱮᱛᱛᱮ ᱵᱮᱥ ᱠᱤᱪᱷᱩ ᱜᱟᱱ ᱟᱨᱛᱷᱚ ᱥᱟᱢᱟᱡᱤᱠ ᱠᱟᱹᱢᱤ ᱨᱮᱭᱟᱜ ᱠᱩᱨᱩᱢᱩᱴᱩ ᱦᱚᱛᱮᱛᱮ ᱵᱮᱱᱡᱤᱝ ᱡᱟᱦᱟᱸ ᱞᱮᱠᱟ ᱟᱡᱟᱜ ᱟᱫᱷᱤᱯᱚᱛᱛᱚ ᱛᱮᱭᱟᱨ ᱨᱮᱭᱟᱜᱼᱮ ᱠᱩᱨᱩᱢᱩᱴᱩᱭᱮᱫᱟ ᱴᱷᱤᱠ ᱚᱱᱠᱟ ᱜᱮ ᱰᱤᱡᱤᱴᱟᱞ ᱜᱚᱱᱚ ᱯᱚᱨᱤᱠᱟᱴᱷᱟᱢᱚ ᱯᱷᱤᱱᱟᱱᱥ ᱟᱨ ᱦᱮᱞᱛᱷ ᱪᱮᱛᱟᱱ ᱨᱮ ᱵᱟᱹᱲᱛᱤ ᱱᱚᱡᱚᱨ ᱫᱚᱦᱚ ᱦᱩᱭᱩᱜ ᱢᱟ ᱠᱷᱚᱡᱽ ᱠᱟᱱᱟᱭ ᱱᱟᱣᱟ ᱫᱤᱞᱞᱤ ᱦᱚᱸ ᱾ ᱮᱥ ᱥᱤ ᱳᱼᱣᱟᱜ ᱫᱩᱯᱲᱩᱵ ᱨᱮ ᱨᱮᱸᱜᱮᱡ ᱱᱟᱪᱟᱨ ᱫᱤᱥᱟᱹᱢ ᱨᱮᱭᱟᱜ ᱚᱜᱽᱨᱟᱫᱷᱤᱠᱟᱨ ᱮᱢ ᱨᱮᱭᱟᱜ ᱠᱟᱛᱷᱟᱭ ᱥᱟᱵᱽ ᱨᱟᱠᱟᱵᱟ ᱡᱚᱭᱥᱚᱝᱠᱚᱨ ᱾ ᱚᱱᱟ ᱥᱟᱶᱛᱮ ᱥᱟᱵᱽ ᱨᱟᱠᱟᱵᱟ Food, fuel ᱟᱨ fertilizer security ᱨᱮᱭᱟᱜ ᱠᱟᱛᱷᱟ ᱦᱚᱸ ᱾
Shanghai Cooperation Organisation ᱨᱮᱭᱟᱜ ᱵᱚᱭᱴᱷᱚᱠ ᱱᱤᱭᱟᱹ ᱫᱷᱟᱣ ᱥᱟᱯᱲᱟᱣ ᱟᱠᱟᱫᱟ ᱯᱟᱠᱤᱥᱛᱷᱟᱱ, ᱚᱱᱟ ᱠᱷᱟᱹᱛᱤᱨ ᱵᱷᱟᱨᱚᱛ ᱯᱟᱠᱤᱥᱛᱷᱟᱱ ᱨᱮᱭᱟᱜ ᱥᱟᱱᱟᱢ ᱞᱮᱠᱟᱱ ᱜᱚᱛᱤᱵᱤᱫᱷᱤ ᱪᱮᱛᱟᱱ ᱱᱚᱡᱚᱨ ᱫᱚᱦᱚ ᱦᱩᱭᱩᱜ ᱠᱟᱱᱟ ᱾ ᱢᱮᱱᱠᱷᱟᱱ ᱠᱩᱴᱱᱤᱛᱤᱵᱤᱫᱽ ᱠᱚᱣᱟᱜ ᱱᱚᱡᱚᱨ ᱨᱮ ᱱᱚᱣᱟ ᱦᱚᱸ ᱛᱟᱦᱮᱱ ᱠᱟᱱᱟ ᱪᱤᱱ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱞᱤ ᱠᱷᱚᱪᱤᱭᱟᱝᱼᱭᱟᱜ ᱵᱚᱭᱴᱷᱚᱠ ᱨᱮ ᱥᱮᱞᱮᱫ ᱪᱮᱛᱟᱱ ᱨᱮ ᱾ ᱡᱚᱭᱥᱚᱝᱠᱚᱨᱟᱜ ᱞᱟᱹᱭ ᱱᱟᱦᱟᱜ ᱚᱠᱛᱚ ᱨᱮ ᱪᱤᱱ ᱥᱟᱶᱛᱮ ᱵᱷᱟᱨᱚᱛ ᱨᱮᱭᱟᱜ ᱥᱟᱹᱜᱟᱹᱭ ᱵᱩᱜᱤ ᱵᱟᱹᱱᱩᱜ ᱟᱠᱟᱫᱟ, ᱚᱱᱟ ᱠᱷᱟᱹᱛᱤᱨ ᱱᱚᱡᱚᱨ ᱛᱟᱦᱮᱱ ᱠᱟᱱᱟ ᱵᱷᱟᱨᱚᱛ ᱪᱤᱱ ᱢᱩᱫᱽ ᱨᱮ ᱫᱤᱯᱟᱠᱠᱷᱤᱠ ᱵᱚᱭᱴᱷᱚᱠ ᱪᱮᱛᱟᱱ ᱦᱚᱸ ᱾
