ᱫᱤᱣᱟᱞᱤ ᱨᱮ ᱛᱷᱩᱠᱩᱢ ᱛᱟᱦᱮᱱᱟ “ ᱵᱷᱩᱞᱵᱷᱩᱞᱟᱭᱭᱟ ᱓” ᱟᱨ ᱥᱤᱝᱜᱷᱚᱢ ᱮᱹᱜᱮᱹᱱ ᱞᱮᱠᱟᱱ ᱥᱤᱱᱮᱹᱢᱟ, ᱜᱚᱴᱟ ᱠᱮᱫᱟᱭ ᱥᱳᱣᱫᱤ ᱯᱨᱚᱥᱟᱥᱚᱱ

(PAPUL MURMU) Singham Again, Bhool Bhulaiyaa 3 banned in Saudi Arabia :  ᱫᱤᱣᱟᱞᱤ ᱨᱮ ᱡᱳᱨ ᱴᱚᱠᱠᱚᱨ ᱾ ᱢᱤᱫ ᱫᱤᱱ ᱨᱮᱜᱮ ᱨᱤᱞᱤᱡᱚᱜ ᱠᱟᱱᱟ ᱵᱷᱩᱞᱵᱷᱩᱞᱟᱭᱭᱟ ᱓ ᱟᱨ ᱥᱤᱝᱜᱷᱚᱢ ᱮᱹᱜᱮᱹᱱ ᱞᱮᱠᱟᱱ ᱵᱚᱞᱤᱣᱩᱰ ᱥᱤᱱᱮᱹᱢᱟ ᱾ ᱥᱤᱱᱮᱹᱢᱟ ᱨᱤᱞᱤᱡᱽ ᱞᱟᱦᱟ ᱨᱮᱜᱮ ᱚᱜᱽᱨᱤᱢ ᱵᱩᱠᱤᱝ ᱞᱮᱠᱟᱛᱮ ᱚᱠᱟ ᱠᱷᱚᱱ ᱚᱠᱚᱭ ᱛᱤᱱᱟᱹᱜᱼᱮ ᱞᱟᱦᱟ ᱮᱱᱟ ᱚᱱᱟ ᱤᱫᱤ ᱠᱟᱛᱮᱫ ᱪᱟᱞᱟᱜ ᱠᱟᱱᱟ ᱵᱤᱥᱞᱮᱹᱥᱚᱱ ᱾ ᱛᱚᱵᱮ ᱵᱟᱱᱟᱨ ᱥᱤᱱᱮᱹᱢᱟ ᱨᱮᱜᱮ ᱵᱚᱞᱤᱣᱩᱰ ᱨᱮᱱ ᱢᱟᱨᱟᱝ ᱮᱠᱴᱟᱨ ᱟᱛᱮ ᱜᱮ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾ ᱪᱷᱚᱵᱤ ᱨᱮᱭᱟᱜ ᱚᱜᱽᱨᱤᱢ ᱵᱩᱠᱤᱝ ᱞᱮᱠᱟᱛᱮ ᱵᱟᱱᱟᱨ ᱥᱤᱱᱮᱹᱢᱟ ᱜᱮ ᱵᱚᱠᱥ ᱚᱯᱷᱤᱥ ᱨᱮ ᱦᱤᱴ ᱟᱠᱟᱱᱟ ᱾ ᱢᱮᱱᱠᱷᱟᱱ ᱮᱱᱛᱮ ᱨᱮᱦᱚᱸ ᱵᱟᱱᱟᱨ ᱥᱤᱱᱮᱹᱢᱟ ᱜᱮ ᱩᱫᱩᱜ ᱜᱮ ᱵᱚᱱᱫᱷ ᱠᱮᱫᱟᱭ ᱥᱳᱣᱫᱤ ᱟᱨᱚᱵᱽ ᱯᱨᱚᱥᱟᱥᱚ ᱱ᱾ ᱥᱳᱣᱫᱤ ᱯᱨᱚᱥᱟᱥᱚᱱᱟᱜ ᱫᱟᱹᱵᱤ, ᱵᱟᱝᱢᱟ ᱵᱟᱱᱟᱨ ᱥᱤᱱᱮᱹᱢᱟ ᱜᱮ ᱢᱩᱥᱞᱟᱹ ᱠᱚᱣᱟᱜ ᱫᱷᱚᱨᱚᱢᱮ ᱟᱜᱷᱟᱛ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱥᱳᱣᱫᱤ ᱟᱨᱚᱵᱽ ᱨᱮ ᱵᱟᱝᱜᱮ ᱨᱤᱞᱤᱡᱚᱜ ᱠᱟᱱᱟ ᱠᱟᱨᱛᱤᱠ ᱟᱨᱤᱭᱟᱱᱟᱜ ᱵᱷᱩᱞᱵᱷᱩᱞᱟᱭᱭᱟ ᱓ ᱟᱨ ᱚᱡᱚᱭ ᱫᱮᱵᱽᱜᱚᱱᱟᱜ ᱥᱤᱝᱜᱷᱚᱢ ᱮᱹᱜᱮᱹᱱ ᱾ ᱵᱚᱞᱤᱣᱩᱰ ᱨᱮᱭᱟᱜ ᱥᱤᱱᱮᱹᱢᱟ ᱥᱩᱢᱩᱝ ᱫᱚ ᱵᱟᱝ ᱫᱚᱠᱠᱷᱤᱱ ᱵᱷᱟᱨᱚᱛ ᱨᱮᱭᱟᱜ ᱟᱢᱚᱨᱚᱱ ᱥᱤᱱᱮᱹᱢᱟ ᱦᱚᱸ ᱱᱤᱥᱤᱫᱽᱫᱷᱚᱭ ᱜᱷᱳᱥᱚᱱᱟ ᱠᱮᱫᱟ ᱥᱳᱣᱫᱤ ᱟᱨᱚᱵᱽ ᱯᱨᱚᱥᱟᱥᱚᱱ ᱾