26,000 Teachers’ Jobs Cancelled : ᱥᱩᱯᱨᱤᱢ ᱠᱳᱨᱴ ᱨᱮᱭᱟᱜ ᱥᱩᱯᱨᱤᱢ ᱱᱤᱨᱫᱮᱥ ᱠᱷᱟᱹᱛᱤᱨ ᱯᱚᱱᱪᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱪᱟᱹᱠᱨᱤ ᱠᱚ ᱟᱫ ᱠᱮᱫᱟ ᱒᱖ ᱦᱟᱡᱟᱨ ᱞᱮᱠᱟ ᱢᱟᱪᱮᱫ ᱠᱚ᱾ ᱟᱨ ᱚᱱᱟ ᱨᱮᱭᱟᱜ ᱮᱥᱮᱨ ᱜᱮ ᱯᱟᱨᱟᱣ ᱮᱱᱟ ᱯᱚᱱᱚᱛ ᱨᱮᱭᱟᱜ ᱠᱚᱭᱮᱠ ᱦᱟᱡᱟᱨ ᱥᱠᱤᱞ ᱨᱮ᱾ ᱪᱮᱫᱟᱜ ᱥᱮ ᱤᱥᱠᱩᱞ ᱠᱷᱚᱱ ᱢᱟᱪᱮᱫ ᱠᱚ ᱟᱠᱩᱣᱟᱜ ᱠᱟᱢᱤ ᱠᱚ ᱟᱫ ᱠᱮᱫ ᱛᱮ ᱯᱟ.ᱴᱷᱩᱣᱟᱹ ᱠᱚ ᱯᱟᱲᱨᱟᱣ ᱞᱟᱹᱜᱤᱛ ᱱᱤᱛᱚᱜ ᱤᱥᱠᱩᱞ ᱠᱚᱨᱮ ᱢᱟᱪᱮᱫ ᱵᱹᱟᱱᱩᱜ ᱟᱠᱟᱫ ᱠᱚᱣᱟ᱾ ᱥᱩᱯᱨᱤᱢ ᱠᱳᱨᱴ ᱟᱜ ᱨᱟᱭ ᱠᱷᱟᱹᱛᱤᱨ ᱪᱟᱠᱨᱤ ᱢᱟᱠᱚ ᱟᱫ ᱟᱠᱟᱫ ᱜᱮ ᱢᱮᱱᱠᱷᱟᱱ ᱠᱤᱪᱷᱩ ᱜᱟᱱ ᱤᱥᱠᱩᱞ ᱱᱚᱱᱠᱟ ᱢᱮᱱᱟᱜ ᱟᱷ ᱡᱟᱦᱟ ᱨᱮᱫᱚ ᱟᱹᱰᱤ ᱜᱟᱱ ᱢᱟᱪᱮᱫ ᱠᱚᱣᱟᱜ ᱪᱟᱠᱨᱤ ᱪᱟᱞᱟᱣ ᱟᱠᱟᱱᱟ ᱟᱨ ᱚᱱᱟᱛᱮ ᱱᱤᱛ ᱤᱥᱠᱩᱞ ᱠᱚᱨᱮ ᱯᱟᱹᱴᱷᱩᱭᱟᱹ ᱯᱟᱨᱦᱟᱣ ᱞᱟᱹᱜᱤᱛ ᱛᱮ ᱢᱟᱪᱮᱫ ᱵᱟᱱᱩᱜ ᱟᱠᱟᱫ ᱠᱚᱣᱟ᱾
ᱤᱥᱠᱩᱞ ᱥᱤᱠᱷᱟ ᱫᱚᱯᱛᱚᱨ ᱟᱜ ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱡᱮ, ᱜᱮᱞ ᱪᱟᱱᱟᱡ ᱟᱨ ᱜᱮᱞ ᱵᱟᱨ ᱪᱟᱱᱟᱡ ᱤᱥᱠᱩᱞ ᱠᱚᱨᱮ ᱡᱟᱦᱟᱭ ᱠᱚ ᱪᱟᱠᱨᱤ ᱮᱫ ᱠᱟᱱ ᱛᱟᱦᱮᱸ ᱠᱟᱱᱟ ᱩᱱᱠᱚ ᱮᱯᱨᱤᱞ ᱨᱮᱭᱟᱜ ᱵᱮᱛᱚᱱ ᱠᱚ ᱧᱟᱢᱼᱟ ᱥᱮ ᱵᱟᱝ ᱚᱱᱟ ᱱᱤᱭᱟᱹ ᱛᱮ ᱠᱩᱠᱞᱤ ᱨᱟᱠᱟᱵ ᱟᱠᱟᱱᱟ᱾
ᱥᱩᱛᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱥᱩᱯᱨᱤᱢ ᱠᱳᱨᱴ ᱨᱮᱭᱟᱜ ᱨᱟᱭ ᱨᱮ ᱵᱟᱝᱢᱟ ᱪᱟᱹᱠᱨᱤ ᱠᱚ ᱟᱫ ᱟᱠᱟᱫᱟ
ᱟᱨᱮ (᱙) ᱠᱷᱚᱱ ᱜᱮᱞ (᱑᱐) ᱪᱟᱱᱟᱡ ᱨᱮ ᱑᱒,᱙᱔᱖ ᱜᱚᱴᱟᱝ ᱢᱟᱪᱮᱫ
ᱜᱮᱞ ᱢᱤᱫ (᱑᱑) ᱠᱷᱚᱱ ᱜᱮᱞ ᱵᱟᱨ (᱑᱒) ᱪᱟᱱᱟᱡ ᱨᱮ ᱪᱟᱠᱨᱤ ᱠᱚ ᱟᱫ ᱟᱠᱟᱫᱟ ᱕᱗᱕᱖ ᱦᱚᱡᱟ
ᱜᱨᱩᱯ ᱥᱤ ᱨᱮ ᱪᱟᱠᱨᱤ ᱠᱚ ᱟᱫ ᱟᱠᱟᱫᱟ ᱒᱔᱘᱓ ᱡᱚᱱᱟ
ᱟᱨ ᱜᱨᱩᱯ ᱰᱤ ᱨᱮ ᱪᱟᱠᱨᱤ ᱠᱚ ᱟᱫ ᱟᱠᱟᱫᱟ ᱔᱕᱕᱐ ᱡᱚᱱᱟ ᱥᱚᱨᱠᱟᱨᱤ ᱠᱟᱢᱤᱭᱟᱹ ᱾ ᱚᱱᱟ ᱥᱚᱝᱠᱷᱟ ᱵᱟᱫ ᱠᱟᱛᱮᱡ ᱦᱚᱸ ᱵᱮᱥ ᱠᱤᱪᱷᱩ ᱥᱚᱨᱠᱟᱨᱤ ᱤᱥᱠᱩᱞ ᱠᱷᱚᱱ ᱟᱨᱦᱚᱸ ᱠᱤᱪᱷᱩ ᱡᱚᱱᱟᱼᱟᱜ ᱪᱟᱠᱨᱤ ᱪᱟᱞᱟᱣ ᱟᱠᱟᱱᱟ᱾
ᱛᱚᱵᱮ ᱱᱤᱛ ᱡᱚᱛᱚ ᱠᱷᱚᱱ ᱡᱟᱥᱛᱤ ᱪᱤᱱᱛᱟ ᱨᱮᱭᱟᱜ ᱠᱟᱨᱚᱱ ᱫᱚ ᱒᱖ ᱦᱟᱡᱟᱨ ᱢᱟᱪᱮᱫ ᱠᱚᱣᱟᱜ ᱪᱟᱠᱨᱤ ᱵᱟᱛᱤᱞ ᱠᱷᱟᱹᱛᱤᱨ ᱟᱹᱰᱤ ᱜᱟᱱ ᱤᱥᱠᱩᱞ ᱠᱚᱨᱮ ᱜᱮ ᱚᱱᱟ ᱨᱮᱭᱟᱜ ᱮᱥᱮᱨ ᱫᱚ ᱯᱟᱨᱟᱣ ᱟᱠᱟᱱᱟ᱾
ᱤᱥᱠᱩᱞ ᱥᱤᱠᱷᱟ ᱫᱚᱯᱛᱚᱨᱼᱟᱜ ᱥᱩᱛᱨᱚ ᱞᱮᱠᱟᱛᱮ ᱵᱟᱝᱢᱟ
ᱜᱮᱞ ᱵᱟᱨ ᱪᱟᱱᱟᱡ ᱨᱮᱠᱚ ᱯᱟᱲᱦᱟᱣ ᱮᱫ ᱠᱚ ᱠᱟᱱ ᱛᱟᱦᱮᱱ ᱩᱱᱠᱚ ᱠᱚᱣᱟᱜ ᱪᱟᱠᱨᱤ ᱵᱟᱛᱤᱞ ᱠᱷᱟᱹᱛᱤᱨ ᱮᱥᱮᱨ ᱯᱟᱨᱟᱣ ᱟᱠᱟᱱᱟ ᱓᱑᱒᱕ ᱤᱥᱠᱩᱞ ᱨᱮ᱾
ᱟᱨᱮ ᱟᱨ ᱜᱮᱞ ᱪᱟᱱᱟᱡ ᱨᱮᱠᱚ ᱯᱟᱲᱦᱟᱣ ᱮᱫ ᱠᱚ ᱠᱟᱱ ᱛᱟᱦᱮᱱ ᱱᱚᱱᱠᱟᱱ ᱠᱚ ᱪᱟᱠᱨᱤ ᱠᱚ ᱟᱫ ᱟᱠᱟᱫ ᱛᱮ ᱮᱥᱮᱨ ᱯᱟᱨᱟᱣ ᱟᱠᱟᱱᱟ ᱕᱔᱒᱖ ᱜᱚᱴᱟᱝ ᱤᱥᱠᱩᱞ ᱨᱮ᱾
ᱜᱨᱩᱯ ᱥᱤ ᱠᱟᱢᱤᱭᱟᱹ ᱠᱚᱣᱟᱜ ᱪᱟᱠᱨᱤ ᱟᱫ ᱠᱷᱟᱹᱛᱤᱨ ᱛᱮ ᱮᱥᱮᱨ ᱯᱟᱨᱟᱣ ᱟᱠᱟᱱᱟ ᱒᱒᱑᱕ ᱜᱚᱴᱟᱝ ᱤᱥᱠᱩᱞ ᱨᱮ᱾
ᱟᱨ ᱜᱨᱩᱯ ᱰᱤ ᱠᱟᱹᱢᱤᱭᱟᱹ ᱠᱚᱣᱟᱜ ᱪᱟᱠᱨᱤ ᱵᱟᱹᱛᱤᱞ ᱠᱷᱟᱹᱛᱤᱨ ᱮᱥᱮᱨ ᱯᱟᱨᱟᱣ ᱟᱠᱟᱱᱟ ᱓᱘᱘᱕ ᱜᱚᱴᱟᱝ ᱤᱥᱠᱩᱞ ᱨᱮ᱾
ᱯᱨᱟᱭ ᱒᱖ ᱦᱟᱡᱟᱨ ᱢᱟᱪᱮᱫ ᱠᱚᱣᱟᱜ ᱪᱟᱠᱨᱤ ᱟᱫ ᱠᱷᱟᱹᱛᱤᱨ ᱟᱭᱢᱟ ᱤᱥᱠᱩᱞ ᱨᱮᱱ ᱜᱮ ᱦᱮᱰᱢᱟᱥᱴᱟᱨ ᱠᱚᱦᱚᱸ ᱯᱨᱚᱵᱞᱮᱢ ᱠᱚ ᱯᱷᱮᱥ ᱮᱫᱟ ᱪᱮᱫᱟᱠ ᱥᱮ ᱪᱟᱠᱨᱤ ᱟᱫ ᱨᱮᱭᱟᱜ ᱱᱤᱨᱫᱮᱥ ᱨᱟᱡᱡᱚ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱵᱟᱝ ᱦᱮᱡ ᱟᱠᱟᱱ ᱛᱮ ᱥᱩᱯᱨᱤᱢ ᱠᱳᱨᱴ ᱨᱮᱭᱟᱜ ᱱᱤᱨᱫᱤᱮᱥ ᱛᱮ ᱡᱟᱦᱟᱭ ᱠᱚ ᱪᱟᱠᱤ ᱠᱚ ᱟᱫ ᱟᱠᱟᱫ ᱩᱱᱠᱚ ᱵᱮᱛᱚᱱ ᱠᱚ ᱧᱟᱢᱼᱟ ᱥᱮ ᱵᱟᱝ ᱚᱱᱟ ᱨᱮᱭᱟᱜ ᱨᱮᱯᱚᱨᱴ ᱵᱟᱝ ᱠᱚ ᱠᱩᱞ ᱫᱟᱨᱮᱭᱟᱜ ᱠᱟᱱᱟ᱾
